سودارس : ناكلها ب (شرف)

وزير الداخلية يترأس لجنة ضبط الأمن وفرض هيبة الدولة حملة في السودان على تجار العملة اتحاد جدة يحسم قضية التعاقد مع فينيسيوس إيه الدنيا غير لمّة ناس في خير .. أو ساعة حُزُن ..! (خطاب العدوان والتكامل الوظيفي للنفي والإثبات)! خطة مفاجئة.. إسبانيا تستعد لترحيل المقاول الهارب محمد علي إلى مصر مشاهد من لقاء رئيس مجلس السيادة القائد العام ورئيس هيئة الأركان من اختار صقور الجديان في الشان... رؤية فنية أم موازنات إدارية؟ المنتخب المدرسي السوداني يخسر من نظيره العاجي وينافس علي المركز الثالث الاتحاد السوداني يصدر خريطة الموسم الرياضي 2025م – 2026م وزير الصحة المكلف ووالي الخرطوم يدشنان الدفعة الرابعة لعربات الإسعاف لتغطية إعلان خارطة الموسم الرياضي في السودان غنوا للصحافة… وانصتوا لندائها ترتيبات في السودان بشأن خطوة تّجاه جوبا توضيح من نادي المريخ حرام شرعًا.. حملة ضد جبّادات الكهرباء في كسلا تحديث جديد من أبل لهواتف iPhone يتضمن 29 إصلاحاً أمنياً شاهد بالفيديو.. لاعب المريخ السابق بلة جابر: (أكلت اللاعب العالمي ريبيري مع الكورة وقلت ليهو اتخارج وشك المشرط دا) شاهد بالفيديو.. بأزياء مثيرة وعلى أنغام "ولا يا ولا".. الفنانة عشة الجبل تظهر حافية القدمين في "كليب" جديد من شاطئ البحر وساخرون: (جواهر برو ماكس) امرأة على رأس قيادة بنك الخرطوم..!! ميسي يستعد لحسم مستقبله مع إنتر ميامي تقرير يكشف كواليس انهيار الرباعية وفشل اجتماع "إنقاذ" السودان؟ محمد عبدالقادر يكتب: بالتفصيل.. أسرار طريقة اختيار وزراء "حكومة الأمل".. وحدة الانقاذ البري بالدفاع المدني تنجح في إنتشال طفل حديث الولادة من داخل مرحاض في بالإسكان الثورة 75 بولاية الخرطوم "تشات جي بي تي" يتلاعب بالبشر .. اجتاز اختبار "أنا لست روبوتا" بنجاح ! "الحبيبة الافتراضية".. دراسة تكشف مخاطر اعتماد المراهقين على الذكاء الاصطناعي الخرطوم تحت رحمة السلاح.. فوضى أمنية تهدد حياة المدنيين المصرف المركزي في الإمارات يلغي ترخيص "النهدي للصرافة" أول أزمة بين ريال مدريد ورابطة الدوري الإسباني أنقذ المئات.. تفاصيل "الوفاة البطولية" لضحية حفل محمد رمضان بزشكيان يحذِّر من أزمة مياه وشيكة في إيران لجنة أمن ولاية الخرطوم تقرر حصر وتصنيف المضبوطات تمهيداً لإعادتها لأصحابها انتظام النوم أهم من عدد ساعاته.. دراسة تكشف المخاطر مصانع أدوية تبدأ العمل في الخرطوم خبر صادم في أمدرمان اقتسام السلطة واحتساب الشعب شاهد بالصورة والفيديو.. ماذا قالت السلطانة هدى عربي عن "الدولة"؟ شاهد بالصورة والفيديو.. الفنان والممثل أحمد الجقر "يعوس" القراصة ويجهز "الملوحة" ببورتسودان وساخرون: (موهبة جديدة تضاف لقائمة مواهبك الغير موجودة) شاهد بالفيديو.. منها صور زواجه وأخرى مع رئيس أركان الجيش.. العثور على إلبوم صور تذكارية لقائد الدعم السريع "حميدتي" داخل منزله بالخرطوم إلى بُرمة المهدية ودقلو التيجانية وابراهيم الختمية رحيل "رجل الظلّ" في الدراما المصرية... لطفي لبيب يودّع مسرح الحياة زيادة راس المال الاسمي لبنك امدرمان الوطني الي 50 مليار جنيه سوداني وفاة 18 مهاجرًا وفقدان 50 بعد غرق قارب شرق ليبيا احتجاجات لمرضى الكٌلى ببورتسودان السيسي لترامب: ضع كل جهدك لإنهاء حرب غزة تقرير يسلّط الضوء على تفاصيل جديدة بشأن حظر واتساب في السودان استعانت بصورة حسناء مغربية وأدعت أنها قبطية أمدرمانية.. "منيرة مجدي" قصة فتاة سودانية خدعت نشطاء بارزين وعدد كبير من الشباب ووجدت دعم غير مسبوق ونالت شهرة واسعة مقتل شاب ب 4 رصاصات على يد فرد من الجيش بالدويم دقة ضوابط استخراج أو تجديد رخصة القيادة مفخرة لكل سوداني أفريقيا ومحلها في خارطة الأمن السيبراني العالمي الشمالية ونهر النيل أوضاع إنسانية مقلقة.. جرائم وقطوعات كهرباء وطرد نازحين شرطة البحر الأحمر توضح ملابسات حادثة إطلاق نار أمام مستشفى عثمان دقنة ببورتسودان السودان.. مجمّع الفقه الإسلامي ينعي"العلامة" ترامب: "كوكاكولا" وافقت .. منذ اليوم سيصنعون مشروبهم حسب "وصفتي" ! بتوجيه من وزير الدفاع.. فريق طبي سعودي يجري عملية دقيقة لطفلة سودانية نمط حياة يقلل من خطر الوفاة المبكرة بنسبة 40% عَودة شريف لماذا نستغفر 3 مرات بعد التسليم من الصلاة .. احرص عليه باستمرار

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ناكلها ب (شرف)

كورة سودانية نشر في كورة سودانية يوم 05 - 01 - 2016

دق الدلجة
محمد عبد الماجد
ناكلها ب (شرف)
اول حاجة.
وقبل ما اقول اي شيء.
الموضوع دا عاوز ليه (كباية قهوة) عديل كدا – عشان ما نتكلم ساي.
اتقهوجوا.
(شرف) الفوق دا …الفي العنوان هو (شرف) شيبوب.
كدا الموضوع بيبقى ليكم واضح من البداية.
ما (تنفقعوا) في حتة تانية.
ندخل على الموضوع.
سنة 1957م.
في المسرح القومي بام درمان.
يوم خميس.
عندما قدم الفنان محمد وردي اغنية (بعد ايه) لاول مرة على ما اذكر في حفلة (صيفية) ..في زول كان قاعد في الصف الوراء.
لابس ليه قميص (اخضر)…ونضارة طبية.
الزول وقف في الصف الاخير ..وكورك في نص الناس باعلي صوت (الله عليك يا وردي).
وردي وقتها كان (جديد).
يا دوب بيعلن عن (صوته) بصورة رسمية.
وبعد ايه كانت ذاتها جديدة – لاول مرة تقدم على المسرح.
الآن انا (بعد 59) سنة ما (بعد ايه).
بقيف في الصف الوراء داك.
بي قميص (اخضر) برضو.
وقومة النفس ذاتها.
والزرارة المقطوعة.
لكن في (برد) ..ما في (صيف) بقيف واكورك في الناس (الله عليك يا شيبوب).
خلاص يا رمضان احمد السيد شيبوب (عبر).
عبر بسلام تام.
عبر وشبع (عبور).
ح تستغربوا.
ح تقعدوا تعاينوا.
ح تتلفتوا كلكلم.
وح تقولوا لي الحاصل شنو؟.
مالك يا زول؟.
في شنو؟.
ح اقول ليكم (شيبوب) وقع في (شبيبة القيروان) التونسي.
توقيع شيبوب في شيبية القيروان – اطربني ليك زي ما اطرب وردي الزول الكان قاعد في الصف الوراء في حفلتو سنة 1957 عندما قدم اغنية (بعد ايه).
الزول داك عيونو كانت (عسلية).
واحساسو عالي.
وشايل ليه (جريدة) في الجيب الخلفي للبنطلون.
يعيدوا ليكم الكلام الف مرة.
ويضبحوا ليكم (الكديسة) السوداء.
وبرضو بتقعدوا تغالطوا.
مريخابي (مفتح) – قال لي نحن لو عارفين الموضوع بسخن كدا.
كنا ودينا بكري المدينة (جوبا).
وخليناه يتسلق (المواسير).
وينط من الطابق الرابع.
نرجعو من هناك للخرطوم.
نسلموا ليكم.
وتاني نخطفو منكم.
يختفي.
ويظهر بعد اسبوع في (تونس).
المريخابي قال لي لو ناس جمال الوالي بعرفو الشغل كان يعملوا نفس الشيء مع بكري المدينة.
هسع الكاردينال حرق قلبنا حريقة.
كل مرة يظهر لينا ب (شيبوب) في حتة.
جاب لينا وجع (مواقع تواصل).
بالله صورة (شيبوب) بقت تلف في الموبايلات زي (جرس الحصة الرابعة) – الطلبة كلهم يرفعوا رؤوسهم.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
في مريخابي زعلان من الموضوع دا.
مريخابي تاني.
اخر – يعني.
زي الزول الضرب ليه (عدس) بنية (السمك).
نزل ليك في (العدس) متل (الغريق).
ربع ساعة بس اتنفخ ليك بالعدس اطرافو كلها بقت (لفت).
المريخابي يتشهق ويفتح في خشمو (زي شرك الفأر) – قال لي اسمع انت شيبوب في شهر مايو ح يرجع يلعب في الهلال؟.
قلت ليه لا.
شيبوب في مايو ح يرجع (وزير خارجية) !!.
كيف ما بيرجع للهلال …يعني وديناهو (تونس) لدعم العلاقات السودانية التونسية.
الغريبة ان الكاردينال المرة دي اختصر الحكاية.
اشتغل الموضوع بتكتيك عالي.
زي (الجوهرة الزرقاء).
الكاردينال عشان يختصر (الطيران) قال احسن (شيبوب) يوقع في نادي تونسي.
عشان نجسد حكاية عصفورين بحجر واحد بشكل عملي.
يوقع في تونس ..ويعسكر مع الهلال في تونس.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
يا مريخاب.
يا اسامة عطا المنان…يا عبدالتام (عاملها لينا كلها صور).
انا ما عارف عبدالتام دا لو عندهم (الجوهرة الزرقاء) كان عمل شنو؟.
الزول دا بدون (الجوهرة) كرهنا في الصور.
اللاعب يسجلوه بس عشان يتصوروا معاهو.
لكن زي ما قلت ليكم اول يا اسامة ويا عبدالتام.
ألحقوا (كشف المريخ).
عشان ما يفقدوا ليهم خانة ساكت.
والله الكلام دا بقولوا ليكم من منطلق المصلحة العامة.
نحن برضو (اخوان).
ألحقوا شيلوا (شيبوب) من كشف المريخ الافريقي زي ما شلتوا (الوك).
ادفعوا ليكم (500) دولار لو اسم شييوب مشى مع الكشف واسحبوا اسم اللاعب من الكشف.
شيلوه – اللاعب وقع عقد احتراف مع نادي شبيبة القيروان التونسي..والمريخ لن يستفيد اي حاجة لو ارسل اسمه في الكشف الافريقي.
ح يشغل ليكم خانة ساكت.
الكلام دا بنقولوا ليكم نحن – ناس مزمل ابوالقاسم ما بقولوه ليكم.
والله تباروا لي الكاردينال دا كشفكم دا يخلص على (ضفر والريح علي وعلي جعفر).
لا فيه (الوك).
ولا (مازن شمس الفلاح).
لا تراوري.
لا شيبوب.
كشفكم بقى زي كشف البص السفري ..وقت (الكمسنجي) يكتب اسماء الركاب.
كشفهم ما فيه اي (نجم).
كلهم نكرات.
عليكم الله هسع ناس الريح علي وعلي جعفر وضفر وعطرون ديل عاوزين تلعبوا بيهم وين؟.
غايتو إلّا تشاركوا بيهم في (نفير) الحصاد في القضارف.
او في الشمالية.
ما فارقة كتير.
ديل لا ناس كورة ولا حاجة.
ناس الكورة في (تونس).
قالوا ليك (ولاءالدين) اخصائي فك وتركيب (ركب).
بعمل اي حاجة في المدافع غير (التزحلق) على النجيلة الوراثي.
وليد الشعلة الكورة البثبتها بختها في القون.
والكورة الما بثبتها برضو بختها في القون.
دا يتفاهموا معاه كيف ناس عطرون.
ابو عاقلة ..كفاية ان هيثم مصطفى الما بتهجم بالساهلة ..اتهجم من امكانياته.
اقول ليكم شنو وإلّا شنو؟.
يا ناس المريخ ..لو بريتو الكاردينال دا كشفكم الافريقي ح تموه بي (سيد الدكان).
عشان كدا ما تصدعوا بينا ساكت.
اواصل ليكم في الموضوع دا.
وإلّا امشى ليكم على (شيبوب).
احسن خلونا في (شيبوب).
الليلة اليوم العالمي لشيبوب.
اصلا نحن صعبين.
نحن شفوت.
ولا قاعدين نتفاهم في الحاجات الزي دي.
عرفنا شيبوب دا اختصر المسافة ..من (الخرطوم) ظهر فجأة كدا في (تونس).
وصل هناك كيف ما تسألوني.
قولوا اختصر (المسافة).
عاوز اعرف الزول دا اختصر (الزمن) كيف؟.
شيبوب دا ظهر ليك في تونس مع شيبية القيروان بي (نفس اللبسة) التى ظهر ببها مع اسامة ونسى صباحا وظهر بها مع الكاردينال مساء.
شفتوا عشان جنكم (غلاط).
شيبوب ظهر ليهم في تونس بي نفس (اللبسة) وهو شايل شعار شبيبة القيروان.
يا شيبوب ما كان تدسها ..كان تريحنا في عضامنا دي وتظهر لينا بشعار الهلال.
والله نحن شهر مايو ذاتو ما بنقدر ننتظره.
شهر مايو بعيد.
الزول دا ضموه معاكم للمعسكر.
خلوه يكون تحت عين هيثم مصطفى.
ولدكم ما تفكوه.
ح تفقدوه.
خاصة ان شيبوب وقع لشبيبة القيروان لمدة (6) شهور فقط.
وناس المريخ ديل في (جوبا) مشوا اتسلقوا (المواسير).
نططوه من الطابق الرابع.
جابوه من غير (جواز).
يا الكاردينال امسكوا ولدكم عليكم.
ما تفكوه تاني.
نحن اصلا بناكلها ب (شرف).
بالقانون.
بنشيل (ولدكم) عديل كدا.
حمرة عين.
بنقلعو من (الكشف).
بنيجبو من بيت الوالي.
نقلعو منكم – تجرسو شديد.
نرجعو ليكم.
عشان تاني نقلعو منكم.
بس عشان قاعدين تتجرسوا ..نحن رجعناه ليكم وقلعناه منكم.
عجبتنا جرستكم.
شلناه من قدام عيونكم.
من بيته.
وبعد ما اتفاوضتم معاهو.
بعد ما كملتوا فهمكم.
وقدمتوا عرضكم.
جينا تاني شلناه.
طيب انتوا المرة الاولى قلتوا الهلال (خدعنا).
وقلتوا التسجيلات انتهت ..ونحن ما عارفين الهلال عندو رغبة في اللاعب.
ولا عارفين اللاعب (هاوي) في المريخ.
المرة التانية مالكم؟.
بعد ما رجعتوا اللاعب من (جوبا) وعرفتوا غلطتكم – تاني تتلدغوا من نفس الجحر.
والله دي ادارة نادي درجة تانية ما بتعملها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
………..
و
عاوزين نسمع رأي محمد سيد أحمد في الحتة دي.
عشان نطلع نسمع وردي ونرجع نواصل تاني.
شغل بي فهم.
بي تكتيك عالي.
خلاص بعد كدا المريخاب ما عندهم حق يتكلموا عن (شيبوب).
اللاعب بقى (محترف) في تونس.
في شيبية القيروان.
وحقيقة نحن بنشجع شبيبة القيروان في تونس.
ح نعمل ليهم صفحة كاملة.
نتابع اخبارهم.
ونشوف الحاصل عندهم شنو؟.
عندنا لاعب سوداني معاهم في تونس.
الحالة بقت واحدة.
………..
السيدة (ل) – ما تجيبي سيرة (المطر) الليلة ..عشان ما في اي مطرة.
الجو اصلو كدا.
وقرّط على كدا.

انقر هنا لقراءة الخبر من مصدره.