سودارس : (النفرة) ح يدفعوها (غرامات)

بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(النفرة) ح يدفعوها (غرامات)

قوون نشر في قوون يوم 23 - 05 - 2016

* الفيلم الاجنبي الذي تشاهده اربع مرات تكتشف في المرة الخامسة انك يجب ان تتابعه لمرة سادسة
* قالوا ليك (داعش) طلبت (كرت) علاءالدين يوسف من الاتحاد السوداني لضمه للقائمة الداعشية
* بونية حاتم محمد احمد لو الحكم ما شايل حيلو شوية ..كان الحكم هسع لو ما جاتو حاجة عندو ارتجاج في المخ
*
قروش البلد ..ح ندفعها (غرامات) على تجاوزات حاتم محمد احمد وعلاءالدين يوسف وبكري المدينة
* في التاريخ (المقارن) – ودا تاريخ قاطعو من رأسي دا (مع قطوعات الكهربة دي اجيب ليكم تاريخ مقارن من وين؟) – المريخ في مباراة المريخ ومريخ الفاشر الموسم الماضي طالب باخراج (الشرطة) من الملعب ، في المباراة التى احتضنها ملعب المريخ في ام درمان.
* الشرطة طلعت من الملعب؟
* في هذا الموسم (الشرطة) تبرعت ب (500) مليون جنيه في نفرة المريخ.
* الشرطة تطلع من الملعب.
* والشرطة تتبرع للمريخ في النفرة.
* دي لاقتكم في حتة.
* الحاجات دي ما بتحصل إلّا في السودان.
* نحن في السودان عندنا حاجات غريبة.
* في الافلام الهندية (رجل الشرطة) زول كعب وما بتفاهم ..بضرب ضرب صاح.
* الفيلم الاجنبي الذي تشاهده اربع مرات تكتشف في المرة الخامسة انك يجب ان تتابعه لمرة سادسة.
* معلومة.
* او قول نظرية.
* دي فلسفة الحياة في حلتنا.
* تقوم من الصباح ..تشيل (الجك) تمشي تجيب (الفول).
* عشان لو اتأخرت شوية ما بتلقى (الفول).
* دا كل البرنامج.
* الزول لمن يكون في (الطفولة) بتمنى يكون (ضابط).
* في (الصبا) بتمنى يصبح (دكتور).
* لمن يكون في (الشباب) بتمنى يطلع من البلد ويغترب.
* لمن يصل الاربعين ...بكون كل الذي يتمناه (شقة) يسكن فيها.
* لمن يصل مرحلة (الكهولة) – بكون بس عاوز ليه (بطيخة) يرجع بيها البيت في آخر اليوم.
* نظرية.
* قالوا ليك الترزي والحلاق بتعرف قيمتهم يوم (الوقفة).
* بينما بتعرف قيمة (الصراف) في اول كل شهر.
* في مدرستنا زمان كان في واحد عامل لينا فيها (فنان).
* عذبنا عذاب.
* لو لاقاك في (الفسحة) بتاعة الحصة الرابعة لو ما سمعك فاصل غنائي كامل ما بفكك.
* كان عامل لينا فيها (وردي).
* وقت يغني ليك لي وردى ..تقول بقرأ في (ورقة المهرجلين).
* هردبيس.
* بعمل في شيء ما عندو اي علاقة بالفن.
* كنا مرات لمن ننصحوا بنقول ليه لو سويت ليك (لوري تراب) احسن من البتعمل فيه دا.
* شوف مستقبلك.
* شق طريقك.
* الزول دا هسع بقى فنان كبير.
* بقى فنان كبير ما عارف.
* الله شاف (لوري التراب).
* في (التاريخ المقارن) – ودا تاريخ قاطعو من رأسي.
* زي الموبايل الفيه كاميرا.
* في التاريخ المقارن – الليلة لجنة الانضباط بتاعت الاتحاد الافريقي يمكن ان تصدر عقوباتها على المريخ بعد احداث مباراة المريخ الاخيرة في دور الترضية في الكونفدرالية.
* يا ربي في (لقيمات) اتسربت للجنة.
* ما اظن.
* ناس اللقيمات فاتوا من المريخ.
* بتاعين (اللقيمات) بقوا برة اللعب.
* بكري المدينة (لجنة الانضابط) حقتنا ما قدرت تعمل ليه اي حاجة وهو يضرب في الموسم الماضي حكم مباراة فريقه امام الاهلي في شندي.
* اعتداء بكري المدينة على الحكم كتبه الحكم في التقرير.
* القواعد بتقول بكري المدنية موقوف اسبوع (وجوبا).
* قبل اي شيء.
* قبل ما تجتمع اللجنة.
* وقبل التحقيق مع اللاعب.
* وقبل اصدار العقوبات ..اللاعب تلقائيا موقوف اسبوع.
* اسامة عطا المنان اجتمع براهو – منو وليهو ..ورفع الايقاف (الوجوبي) من بكري المدينة.
* ليلعب بكري بعد 72 ساعة امام الامل في الخرطوم.
* الليلة يا بكري المدينة الكلام ح يجيك من فوق.
* من الاتحاد الافريقي.
* نحن حقنا اصلو ما بروح.
* تلف وتجيكم.
* المتحدث الرسمي للاتحاد الافريقي جونيور بينيام قال لهيئة الاذاعة البريطانية (بي بي سي) ان كاف فتحت تحقيقا في الاحداث التى شهدتها المباراة والاعتداء الذي وقع على حكم اللقاء.
* يعني موضوعكم يا حاتم محمد أحمد كبر اوي.
* موضوعكم مجلي.
* الموضوع مرق من ايدنا.
* ووصل الاتحاد الافريقي.
* وفتحوا فيه تحقيق كمان.
* قالوا ليك (داعش) طلبت (كرت) علاءالدين يوسف من الاتحاد السوداني لضمه للقائمة الداعشية.
* الجري الجراه علاءالدين يوسف بعد المباراة لو جراهو اثناء المباراة كان شال نجومية المباراة.
* المسافات التى قطعها علاءالدين يوسف ..(نمر) ما قطعها.
* جري شديد.
* علاءالدين يوسف قاعدين يجيبوه ليك في (الصور) ساكي ليه (مصور) – زي العاوز منو قروش.
* والله يا علاءالدين يوسف جريتك دي لو قلت فيها (حلايب سودانية) كنت ريحتنا راحة.
* كان ريحتنا في عضمنا.
* الشعب السوداني دا كلو كان دعمك.
* ووقف معاك.
* بونية حاتم محمد احمد لو الحكم ما شايل حيلو شوية ..كان الحكم هسع لو ما جاتو حاجة بكون عندو ارتجاج في المخ.
* حاتم محمد احمد يا ريت لو ضرب الحكم ووقف ..حاتم ضرب (البونية) واختفى ليك من الحكم.
* والضربة ذاتها ما كانت في مواجهة.
* البونية كانت (غدرا).
* يعني يا حاتم بونيتك دي ما فيها اي (شجاعة) – عشان ما تفرح بيها ساكت وتعمل فيها عندك روح قتالية.
* الروح القتالية بعملوها في الكورة.
* مابعملوها بالصورة دي؟.
* ما تعمل لينا فيها (بطل).
* الامر الغريب والمدهش ...ان الهلالاب اتكلموا كتير عن (النفرة).
* 10 مليار و600 مليون.
* وطيران من دوري ابطال افريقيا.
* وطيران من الكونفدرالية.
* النفرة (طارت) ساكت.
* هذه النفرة والتى تبرعت فيها بنوك ...عندها علاقة بالزراعة والعقار والمصاريف ..سوف تذهب عائداتها لتسديد غرامات المريخ من قبل لجنة الانضابط.
* نفرتنا ح تروح (غرامات).
* قروش البنوك.
* قروش المؤسسات الحكومية.
* قروش الشرطة.
* قروش البلد ..ح ندفعها (غرامات) على تجاوزات حاتم محمد احمد وعلاءالدين يوسف وبكري المدينة.
* والله القروش دي لو ما فيها تبرع من الشرطة – كنا قلنا ما مشكلة.
* لكن حارة علينا قروش الشرطة ذاتها ندفعه غرامة على (بونية حاتم محمد أحمد).
* نحن ذنبنا شنو؟.
* لو النفرة دي مشت للكهربة ..كان مشكلة القطوعات اتحلت.
* دي 10 مليار 600 مليون جنيه.
* معقولة (نفرتنا) ندفعها للاتحاد الافريقي وعلي جعفر.
* علي جعفر طبعا براهو شال من النفرة (مليار) جنيه.
* والباقى راح في (بونية) حاتم محمد احمد و (سكة) علاءالدين يوسف و (تلفظ) بكري المدينة.
* قروش الدولة ليه تروح في الحاجات دي.
* تاني الجماعة ديل (قرش) ما تدفعوه ليهم في (نفرة).
* الليلة ح نشوف العقوبات.
* وح نشوف الغرامات.
* حاتم محمد احمد (دار الرياضة) ام درمان ما بدخل.
* وعلاءالدين يوسف دي اخر (جرية) ليه في ميادين الكورة.
* وبكري المدينة يمكن يلقى ليه (زلابية) تمرقو ليك من العقوبات.
* على العموم نحن ح ننتظر العقوبات ..ونشوف القرارات – عشان نرجع ليكم في نفس المساحة.
* ونشوف الحاصل شنو؟.
* ..........
* ملحوظة : خلونا نتلاقى بكرة ان شاءالله في نفس المساحة.
هوامش
* شيبوب الظاهر عليه استفاد من فترة الاحتراف في تونس.
* شيبوب كورتو اطورت.
* الوك محتاج لنفس الشيء.
* الهلالاب كلهم في انتظار يوم الخميس.
* اول ظهور لشيبوب.
* واول ظهور للريدة.
* ومعتز ابوروف.
* وحسين ابوحشيش.
* وبلاتشي ذاتو.
* القناة التى سوف تحصل على حقوق النقل ...ح تحقق خبطة كبرى.
* المهم هو ان يكون الجمهور حضورا في استاد الهلال.
* قفل تمارين الهلال سوف يجعل الجمهور في شوق اكبر لمشاهدة فريقه يوم الخميس.
* السودان كله منتظر (الهلال).
* الاهلي شندي احد اضافات قوية لفريقه في التسجيلات الاخيرة.
* عودة بعض لاعبي الاهلي بعد فترة اعارة سوف تقدم الاهلي شندي فى قوة رهيبة.
* والاهلي سوف يلعب بعد ايام امام المريخ.
* والمريخ يمكن يمشي شندي بي ناس حماد بكري ومحمد الرشيد.
* ناس علاءالدين يوسف وبكري المدينة ..اقنعوا منهم تاني.
* الفيهم اتعرفت.
* ظهروا على حقيقتهم.
* انتوا عارفين لو احداث مباراة المريخ حدثت له في مباراة محلية ...الاتحاد السوداني كان وقف عاطف النور.
* وكان اوقف كل من فداسي ونزار حامد وبشه.
* حتى والهلال لم يكن طرف في المباراة.
* نشوف الليلة (لقيمات) الاتحاد الافريقي كيف؟.
* ناس المريخ بدل ما كانوا يترقبوا قرعة المجموعات.
* ح يترقبوا الليلة (العقوبات).
* لو طلعتوا من دور ال 32 كان احسن ليكم.
* بدل (الجرجرة) دي.
* الاهلي شندي والخرطوم الوطني فرصتهم سوف تكون كبيرة للمشاركة في بطولة الاندية الافريقية للابطال.
* لأن المريخ العقوبات قد تحرمه من المشاركة الافريقية.
* وان لم يحدث ذلك فان مستوى المريخ هذا الموسم لا يؤهله لأن يكون (وصيف) للهلال.
* المريخ السنة دي المركز التاني ما يحلم بيه.
* والعقوبات يمكن من الكونفدرالية تحرمو.
* مجلس الهلال يجب ان يولي محمد عبدالرحمن اهتمام اكبر.
* لو لم يكتمل شفاء محمد عبدالرحمن ما تجازفوا بيهو.
* خاصة ان هجوم الهلال مزدحم.
* عاوزين محمد عبدالرحمن يعود بصورة اقوى.
* لو الامر محتاج للسفر الى لندن سفروه.
* الهلال فعلها من قبل مع والي الدين محمد عبدالله.
* ومحمد عبدالرحمن يستحق ان نعطيه مثل ذلك الاهتمام.
* ............
* عاجل : يوم 20 يونيو ..شيبوب كورتو بتعبر ان شاءالله.
*

انقر هنا لقراءة الخبر من مصدره.