سودارس : لو سادومبا (بينط) كدا شيبوب كيف؟

عثمان ميرغني يكتب: حرب السودان ومخطط شد الأطراف الخليج الضحية الكبرى: إيران وجهت 83% من هجماتها إليه… و17% فقط إلى إسرائيل بعثة المنتخب تصل بورتسودان وسط إهتمام كبير منتخبنا يتدرب صباح الخميس بإستاد بورتسودان قائمة صقور الجديان لوديتي السعودية كواليس صادمة... كيف تعطلت صفقة تسليح الجيش السوداني في اللحظات الأخيرة؟ 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ تعطيل الدراسة في الخرطوم ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

لو سادومبا (بينط) كدا شيبوب كيف؟

قوون نشر في قوون يوم 25 - 05 - 2016

سادومبا ...بعد (السحل) الكان بعملوا لي اكرم الهادي سليم ..يبدو انه هذا الموسم قادم بي افكار جديدة
ناس المريخ قالوا شيبوب قفز فوق سطح البحر ب (32) الف قدم في الجزائر عشان يجيب قونو في الاتحاد
* قال ليه السودان دا بقى ضيّق شديد – (الفول) تزوغ منو في (الفطور) – يجيبوه ليك في (الغداء).
* محل ما تقبل يلاقيك.
* متل سيد البيت.
* فول الزمن دا زي (الاستوبر) – قدر ما تتحاشهو تلقاهو قدامك.
* اصلو ما فايتك.
* صاحبو لو جبت ليه سيرة (رمضان) كابو بيقعد يرجف – قال ليه يا زول انت ما تقول الحمدلله – والله في (رمضان) الفول دا ذاتو ما بتلقاهو.
* احمد الله بس.
* الفول مالو؟..الفول ما كعب.
* عندنا زول في الحلة – لمن رمضان يقرب – اليوم كلو بكون قاعد تحت (الصهريج) ، واللحظة والتانية يصنقع لي فوق ويقول ليك : (بالله شوف موية الصهريج دي باردة كيف؟).
* موية سمحة والله.
* في رمضان (السليفي) مع (الصبارة) بتاعة الموية.
* وناس البلد – (السيلفي) حقهم مع (الزير).
* زير بارد كدا.
* ما في احلى من الموية الباردة في السخانة دي.
* وعندنا زول تاني ...رمضان من يبدأ بشيل (شنطتو) ويمشي الموقف.
* يفطر في الموقف ..ويجي راجع البيت ..ويقول ما لقى ليه عربية.
* كل يوم بعمل كدا ..يطلع من الصباح ..ويرجع بعد ما يفطر في (الموقف) ويقول العربية فاتتو.
* لمن رمضان ينتهي.
* زول (جرسة) وما بيستحمل الصوم.
* الغريبة قاعد يتسحر مع الناس.
* ما بخلي ليه كباية ليمون.
* يشرب ليك في (اللبن) كباية وراء التانية.
* يوم السحور يفوتو بقوم زعلان – تقول (صايم) ..بقول للمرا السحور فيه البركة ما تفوتونا ليه.
* وقت بقى ما عندنا نصيب في (الصيام) – السحور ما تحرمونا من فضله.
* وبعد دا بطلع بالفطور مع الناس.
* وما صايم.
* وبحلي بي بلحة.
* زي الناس.
* وبقول الليلة اليوم دا طويل خلاص.
* تقول صايم.
* هسع عشان ما تطيروا مني الكلام وتنسونا الموضوع.
* مع هذا العمود منشورة (صورة) من موقع نادي الهلال للاعب الهلال سادومبا في احد تمارين الفريق في الفترة الاخيرة.
* الصورة اخذت قبل ان يوقع سادومبا في كشوفات الهلال.
* الزول البقرأ في العمود من (الصحيفة) – الصورة بتكون واضحة ليه (يا بشاشة عليك الله نزلها مع العمود).
* ريح الصورة.
* لكن لو في زول اطلع على العمود من الموقع الالكتروني للصحيفة او اي موقع آخر ما بتوفر ليه مشاهدة الصورة.
* ودي فائدة الصحافة (الورقية) يا جماعة.
* لكن عشان الموضوع يبقى واضح لمن يطلع للعمود عبر (الاسافير) – ناس السعودية وقطر والامارات...بنقول ليهم سادومبا في (الصورة) طاير في الجو (عاوز ليه ساعة عشان ينزل الواطة) – وجامع اقدامه عليه ...يعني ظاهر كدا زي (شرك الفأر).
* لو ما بخاف الكضب ...سادومبا في قفزتو دي قرب يفوت الطابق الثالث.
* اسلاك عمود الكهربة تحتو.
* وناس كاريكا ووليد علاءالدين (واتشيا قبل ما يفوت) لمن يصنقعو لي فوق عشان يشوفو (قدم) سادومبا.
* تشوفهم تحتو رهاب – رهاب.
* ما شاءالله – عيني باردة.
* بعد (الوصف) دا – يا بشاشة لو مافي مساحة ما تنزل الصورة.
* الصورة يعملوا بيها شنو؟.
* خلاص الصورة وضحت.
* طيب يا مريخاب ..عليكم الله عاينوا للصورة وقولوا ما شاءالله.
* عاينوا للصورة سمح.
* وفكروا بينكم وبين نفسكم.
* لو سادومبا ..بعمل كدا ..بنط النطة دي ...شيبوب يعمل شنو؟.
* سادومبا بتاع الجري ...بنط كدا...شيبوب كيف؟.
* شيبوب اصلا زول بتاع (نط).
* القفز دا حقو.
* ناس المريخ قالوا شيبوب قفز من الطابق الرابع.
* وناس المريخ قالوا شيبوب قفز فوق سطح البحر ب (32) الف قدم في الجزائر عشان يجيب قونو في الاتحاد.
* شيبوب بالقفزات دي ح يعمل شنو؟.
* سادومبا بعمل كدا.
* شيبوب كيف؟.
* وشيبوب قفز من الخرطوم لي جوبا.
* ومن جوبا لي كينيا.
* ومن كيينا الى اديس.
* ومن اديس الى الخرطوم.
* عشان اثبت ليكم هذه (القفزات) – كلها تمت من غير اوراق ثبوتية.
* من غير جواز.
* ثم قفز شيبوب من الخرطوم الى تونس.
* ومن تونس الى الخرطوم.
* وناس المريخ قاعدين يتفرجوا.
* الزول دا بتخلوه (ينط) النط دا كلو كيف؟.
* وانتوا قاعدين.
* وبتشوفوا في الحاصل بي عينكم.
* سادومبا ...بعد (السحل) الكان بعملوا لي اكرم الهادي سليم ..يبدو انه هذا الموسم قادم بي افكار جديدة.
* سادومبا الموسم دا ح يشكل ثنائي نط مع شيبوب.
* انتوا تلقوها من منو وإلّا منو؟.
* سادومبا يبدأ في هذه الصورة في منتهى الشباب.
* يبدأ زول بتاع تزحلق.
* بتاع طيران.
* واصلا ما في خلاف على سرعة سادومبا.
* سادومبا جايكم زول (طيران) ساكت.
* غير (النطة) دي ..سادومبا عندو رغبة ودوافع كبيرة لتقديم مواسم جيدة مع الهلال.
* سادومبا قضى فترة جميلة مع الهلال – عشان كدا عاد بشوق ولهفة للهلال.
* سادومبا حب الهلال.
* وعشق البلد.
* وبقى جزء من بشه وكاريكا.
* صنع علاقات جيدة مع الجمهور.
* عشان كدا سادومبا ان شاءالله ح يقدم مواسم ممتازة مع الهلال.
* ويمكن ان يظهر ذلك من بكرة.
* ح تشوفوا سادومبا مع سان جورج.
* وبتشوفوه مع الخرطوم الوطني.
* وسادومبا ح يظهر ليكم بشكله الحقيقي امام المريخ.
* اصلا هو متخصص في المريخ.
* كدا عاينوا للصورة.
* شوفوا (نطة) الزول دا من فراغ.
* الزول دا عندو الكتير الذي يريد ان يقدمه للهلال.
* الصورة الحقيقية سوف تظهر ليكم بكرة امام سان جورج.
* يمكن الرهان على (تسجيل) سادومبا غدا في شباك سان جورج من الآن.
* وملثما رهاننا كبير على سادومبا ..شيبوب سوف يقدم (الروائع) كلها مع الهلال.
* الجميل ان استعدادات الهلال وتمارينه هذه الايام تجرى على (قدم) وساق.
* قدم وساق ورأس كمان.
* بلاتشي اظهر (جدية) كبيرة.
* وهو اتبع اسلوب جيد ..اي لاعب سوف يتراجع مستواه وما يكون جاد في التمارين سوف ينزل للرديف.
* الرديف ما حاجة كعبة.
* اللاعب الذي يحتاج الى ان يرفع لياقته ويحتاج الى ان يعود بصورة جيدة – عليه ان يستعد مع الرديف.
* يمكن اي لاعب ينزل للرديف.
* ويمكن اي لاعب مجتهد في الرديف يلعب مع الفريق الاول.
* الفيصل في ذلك العطاء الذي يقدم في الملعب.
* اي لاعب يجب ان يكون حريص بتنفيذ توجيهات مدربه.
* هذه هي الاشياء التى يمكن ان تجعله مع الفريق الاول.
* وتجعله اساسيا في الفريق الاول.
* العدد الكبير من اللاعبين في الفريق الاول والرديف والشباب ..يجعلنا نطالب ان يلعب الهلال مباريات اعدادية بصورة دائمة.
* بعد اي مباراة رسمية ..يجب ان يلعب الهلال مباراتين اعداديتين.
* المباريات وحدها هى التى سوف تكشف مقدرات اللاعبين.
* على العموم ...بقول ليكم تاني ..ارجعوا شاهدوا صورة سادومبا.
* وختوا في رأسكم – سادومبا لو بعمل كدا (شيبوب) الذي جاء من (رديف) المريخ ح يكون كيف؟.
* سادومبا بي (صلعتو) بعمل كدا.
* شيبوب بي (تفتو) ح يعمل شنو؟.
* كدا فكروا.
* ولو ما لقيتوا ليكم اجابة ...خلوا الاجابة الى ما بعد مباراة القمة.
* في مباراة القمة ..ح تعرفوا الاجابة الصحيحة.
* ..........
* ملحوظة : انتوا بس اصبروا.
هوامش
* بلاتشي بكرة ..يجب ان يستقبل جيد من جماهير الهلال.
* وصلوا رسالة ..ان الهلال يملك اعظم جماهير في الدنيا.
* بكرة بلاتشي ح يشوف عظمة جمهور الهلال.
* وبكرة سادومبا ح يستقبل اعظم استقبال.
* وشيبوب.
* والريدة.
* وحسين ابوحشيش.
* ومعتز ابوروف.
* وعزيز.
* وبشه وكاريكا ونزار.
* وثلعوبنا.
* كل الاسماء في الهلال بكرة ان شاءالله تجد استقبالا كبيرا.
* يكفى ان المباراة بكرة ح تكون في الجوهرة الزرقاء.
* الناس عاوزة تشوف الجوهرة.
* وعاوزة تشوف شيبوب.
* وعاوزين نشوف سادومبا كيف؟.
* كدا عاينوا للصورة..عليكم الله دي صورة زول ساهل.
* النطة دي ما بنطها زول كبير.
* يا علي جعفر ..المليار التى شلتها من مجلس المريخ ..سادومبا ح يخلصها منك قرش ..قرش.
* مليم ما بنخليها ليك.
* الهلال هو الفريق الوحيد الشغال تمارين.
* وشغال استعدادات حقيقية.
* المريخ نص فريقه برة البلد.
* اكرا ..وكوفي وترواري.
* وبكري مصاب.
* وراجي..
* عشان كدا ما اظن الاتحاد يبرمج مباريات المريخ المؤجلة قريب.
* الناس ديل زاغوا عديل كدا.
* كدا عاينوا للصورة.
* الصورة دي لو شافها علي جعفر بقول عندي رباط صليبي.
* جمال سالم ذاتو ح يغادر الى يوغندا.
* شيلوا شيلتكم.
* وتعالوا بكرة اتفرجوا.
* ...............
* عاجل : يا سادومبا (النطة) دي قطعت قلب ضفر.

انقر هنا لقراءة الخبر من مصدره.