مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة    النفط يستقر وسط خسائر أسبوعية والذهب والفضة ينتعشان    "ميتا "تسجّل براءة اختراع لمحاكاة المستخدمين بعد وفاتهم    تطوير بطارية تُشحن خلال ثوانٍ وتصمد 12 ألف دورة    شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل)    شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟    الأمل عطبرة يودع الممتاز رسميا رغم التعادل أمام المريخ    شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها)    شاهد.. حسناء الفن السوداني "مونيكا" تشعل مواقع التواصل بجلسة تصوير جديدة    شاهد.. الفنان مأمون سوار الدهب بعد زواجه: (زارتني الملائكة)    اكتشاف مركبات "زائفة" تشعل نوبات الربو    دراسة: القراءة والكتابة تخفِّضان خطر الزهايمر 40%    ترتيبات لإعادة تشغيل مصنع ألبان بركات وإنشاء مزرعة لتربية الماشية    من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء)    طلاب شرق دارفور يسيرون قافلة وطنية إلى جنوب كردفان برعاية والي شرق دارفور    صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية    تشغيل مصنع الاوكسجين بمستشفى الدبة المركزي    الشرطة المجتمعية بولاية سنار تدشّن قافلة دعم تكايا رمضان بولاية الخرطوم    سهير عبد الرحيم تكتب: مشاهداتي في جلسة مجلس السلم والأمن الأفريقي    النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى    مساعد قائد الجيش يكشف عن فساد وزير كبير    إبراهيم شقلاوي يكتب: مسرح ما بعد الحرب لدى يوسف عيدابي    شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه    وزارة المالية توقع إتفاق مع بنك التضامن الإسلامي لتقديم خدمة إيصالي    شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها    وزير الخارجية والتعاون الدولي يلتقي رئيس مفوضية الاتحاد الأفريقي    ارتفاع في اسعار محصول الذرة واستقرار سعر السمسم بالقضارف أمس    إلغاء رحلة قطار إلى الخرطوم..إليكم تفاصيل    انطلاق دورة متخصصة لتطوير الأداء الرقمي برعاية وزير الشباب والرياضة    تطور حاسم بقضية "الاعتداء الجنسي" في منزل لامين يامال    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر    هيئة مياه الخرطوم: تحصيل فاتورة المياه لا يشمل القطاع السكني حتى الآن    ارتفاع طفيف لأرباح زين السعودية إلى 604 ملايين في 2025    مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى    الدولار يواصل التراجع أمام الجنيه فى منتصف تعاملات اليوم    مسؤول سوداني يغادر إلى تركيا    السودان.. وزير الشباب والرياضة يصدر قرارًا    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



شا شا شا شيبوب
كورة سودانية نشر في كورة سودانية يوم 15 - 05 - 2016


دق الدلجة
محمد عبد الماجد
شا شا شا شيبوب
الكهربة قاطعة.
فتحت (المروحة) اشتغلت.
قلت الليلة (المروحة) دي مالها جنت؟.
معقولة (شيبوب) وصل (المروحة) دي.
المروحة دي مرات بي كهربتها ما بتشتغل …الليلة شغالة بدون كهربة.
الله يسألني نحن وقت الكهربة تكون قاطعة ..(الشباك) ما بيشتغل.
عندنا (مراوح) عندها حركات غريبة.
قلت وقت (المروحة) اشتغلت …نجرب (التلفزيون).
فتحت التلفزيون (اشتغل).
معقولة شيبوب وصل (التلفزيون).
قلت احسن افكر بعيد..احسن اكون (شفت) في السخانة دي واستقل الموضوع.
جبت لي (فول).
قطعت البصلة وجبت الليمون والشطة …لقيت ليك (الفول) بقى (سمك).
معقولة بس.
غايتو شيبوب لو وصل (المرحلة) دي – ناس (ريال مدريد) اسبوع ما بخلوه لينا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
مرة عندنا زول اتعارضت ليه (شوكة) في حلقو.
شلناه وجري الحوادث.
الزول كان بين الحياة والموت.
الشوكة واقفة ليه هنا.
المستشفى كلها وقفت على فد رجل.
الدكتور قال ليه (الشوكة) واقفة ليك وين؟.
زولنا قال للدكتور ..(الشوكة) ما مشكلة ..المشكلة في (شيبوب) الرجع يلعب لينا في الهلال.
الدكتور قال لينا الزول دا علاجو ما عندي ..ودوه لي اسامة عطا المنان او مجدي شمس الدين يشوف ليه حل.
علي جعفر قالوا سعرو وصل مليار.
علي جعفر دا لو جبتوه لي شيبوب ..بنزل ليكم سعرو.
شيبوب بوصل ليكم سعرو لغاية 75 الف جنيه.
اكتر من كدا قرش ما تدفعوه فيه.
مريخابي تعبان شديد.
فحصنا ليه الدم طلع ما فيه حاجة.
رسمنا ليه القلب ..ما فيه مشكلة.
عملنا ليه موجات صوتية للمعدة …ما فيها خلل.
صورة اشعة للرأس..طلعت نضيفة.
عملنا ليه اي حاجة.
اخر شيء شلناه ومشينا بيه على (فكي) خطير كدا.
الفكي قال ليه انت وقت تكون نايم بتشعر بي شنو؟.
الزول قال ليه بشعر لي بي (كورة) طايرة فوق رأسي.
الفكي قال ليه وقت تقوم من النوم بتشوف شنو؟.
الزول قال ليه بشوف لي زول جاري قدام عيونو.
الفكي طوالي قال لينا الزول دا عندو (شيبوب) في الغدد الردقية حقتو.
قلنا ليه لكن يا دكتور (شيبوب) الدخلو في (الغدد الدرقية) شنو؟.
الفكي قال لينا : شيبوب الشايفو قدامي دا في (الحاجب الحاجز) ممكن يخش.
اصلو ما تستبعدو منو جاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
مريخابي تاني عندو موبايلو بطاريتو نازلة.
المريخابي شال الموبايل ..ومشى لمهندس صيانة الموبايلات..وقال ليه موبايلي دا قدر ما اشحنه بينزل.
مكالمة واحدة بتنزل الموبايل.
مهندس الموبايل قال ليه كيف ما ينزل اذا كان لجنة التسيير حقتكم (علي جعفر) ما قادرين يعيدوا تسجيله.
لو علي جعفر بسجلوه بي (شيك) – ناس ابراهيم جعفر ح يسجلوهم بي شنو؟.
وصل امانة.
في مريخابي تاني ..قال ليه فترة ما واقف قدام (المرايا).
زولكم شال ليه (مشط) ومشى وقف قدام (المرايا).
صاحبكم لقى خلقتو اتغيرت شديد.
الكبر حصل.
الشعر كلو بقى (ابيض)..والحواجب اتمسحن …والنخيران اختفن من الوجه.
الاضنين اتلمن في اضان واحدة.
والعيون بقن زي فتحة باب الحديد.
المريخابي ما عرف نفسو.
وقت لقى نفسو بقى غريب كدا – قال (ابداء رغبة) ساكت لي شيبوب عمل فينا كدا – طيب الزول دا وقت يتسجل رسمي …ح يحصل علينا شنو؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
لمن اتخيل نزار حامد (الصاقعة) مع شيبوب في وسط الهلال – بقول والله جمال الوالي اعقل زول في المريخ.
ليه حق يرفض يترشح لرئاسة المريخ.
نزار حامد – جمال الوالي قال بصوم تلاتة يوم.
شيبوب – جمال الوالي مفروض يصوم 9 يوم.
ويجرها كلها وراء بعض.
ولمن يقولوا لي ثلعبونا ح يلعب مع سادومبا – بقول ليهم ادم سوداكال دا مقلبوه.
غشوه.
وقالوا ليه اترشح في الوضعية دي.
ما في زول بيبقى ليكم رئيس للمريخ والهلال بالقوة دي.
إلّا تجيبوا آدم سوداكال.
ما في زول في الوضع بقبل يمكون رئيس نادي المريخ.
شيبوب ونزار وبشه.
كاريكا وسادومبا وثلعبونا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
(التليب) في اللغة حقتنا دي القفز من موقع الى موقع.
او تجاوز مطب خطر ..(لو بتعرفوا روسي).
عشان الشرح البقول ليكم فيه دا باللغة الروسية.
يتلب بمعنى (ينط)..لكن (النط) عندو معنى (مجازي) اخر ..يقولوا ليك فلان (نط) من البيعة.
او العريس (نط) من العرس.
تلب يتلب تليبا فهو (متلب).
زي الشيء البعمل فيه الدولار الايامات دي.
تلب من الطابق الرابع.
من الثالث.
من الخامس.
المهم (تلب) وخلاص.
عشان نسك ليكم الفعل دا ونشوف قصتو شنو انظروا لحالة (شرف شيبوب).
بفصلها ليكم (تليبة – تليبة).
كبار السن يبتعدوا من المنطقة.
العمود دا جاب ليه (تليب).
اعلام المريخ ..قال ان شيبوب في جوبا (تلب) من الطابق الرابع للفندق.
اعتبروا (التليبة) دي صعبة.
عبقرية (التليب) عند شيبوب ليس في (التليب) من الطابق الرابع.
شيبوب دا من الخرطوم (تلب) في جوبا.
ومن جوبا (تلب) في نيوربي (من غير اوراق ثبوتية).
التليب ما عاوز ليه (اوراق ثبوتية).
ومن نيوربي تلب في (اديس ابابا).
ومن اديس ابابا تلب في (الخرطوم).
زول بالتليب دا غريبة عليه يعني يتلب من الطابق الرابع.
ويا ريت لو موضوع (التليب) دا وقف هنا.
شيبوب من الخرطوم تلب في (تونس).
من المريخ تلب في شبيبة القيرون.
ومن شبيبة القيروان تلب في الهلال.
زول متخصص (تليب).
في (التليب) دا اصلو ما قاعد يتلفت.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
اخش ليكم في (علوم الاتصالات).
من قبل قاعد اتكلم ليكم ساكت.
الكاردينال عشان زول (محترف) ومفتح ..وما زي جمال الوالي وما عندو مشكلة في رسوم ارنيك اللاعب المحترف امس سجل ليه (13) لاعب.
13 لاعب مرة واحدة.
وناس المريخ علي جعفر ما قادرين يعيدوا تسجيله.
عشان (تليب) شيبوب دا ..الكاردينال بدل هوية (8) لاعبين وذلك بابرام عقودات احتراف رسمية معهم وهم: عوض زايد، باسل حسن، طارق نادر، عمار علي (سفاري)، عمر هاشم (كسمبر)، غاني سمير، عثمان الخبير وحسن ابراهيم (الحرية).
شفتوا (الاحتراف) كدا كيف؟.
نحن بندفع قروش.
بنتعب في شغلنا.
بيستفيد الاتحاد العام من هذه العقودات..وبيستفيد اللاعب ببقى عندو (مرتب) وعليه إلتزامات.
ناس المريخ عاوزين يغشوا (شيبوب).
الكاردينال اي موهبة في الهلال بتعاقد معها بقعد احتراف.
حتى لو كان ذلك اللاعب في فريق (الشباب) – ناهيك ان يكون في (الرديف).
انتوا يا ناس المريخ شيبوب بيلعب معاكم في الفريق الاول وبجيب ليكم في الاقوان ..وما عاوزين تتعقادوا معه بقعد احتراف.
ووقت مشى منكم بقت ليكم حارة.
شفتوا عشان الحركات دي ..الكاردينال (نجض) الشغل.
اشتغل شغل صاح.
زول بدفع قروش.
وعارف هو بعمل في شنو؟.
انتوا رسوم الارنيك بتاع التعاقد مع شيبوب ما عاوزين تتدفعوه.
وبعد دا بتجوا تشكوا ..وتقولوا تعاقد الهلال مع شيبوب ما صاح.
عليكم الله شوفوا ليكم (شغلة).
تحالف المريخ رشح آدم سوداكال.
علي جعفر لو سمع الكلام دا ما بقعد ليكم…خلوه (شيبوب).
شوفوا ليكم اول حاجة (رئيس)..وتعالوا اتكلموا من بعد في شيبوب.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
……………
و
امس الهلال تعاقد مع مواهب حقيقية.
شباب زي الورد.
مواهب ومستقبل مشرف.
الجميل في تسجيلات هذا العام ان الكاردينال مع الشباب تعاقد مع (خبرات)..وهذا ما كان يحتاجه الهلال.
سوف نعود لهذا الموضوع.
…………..
السيدة (ل) – يمكن نتلاقى (المساء) لو المساء جاء (الصباح) بدري.
وقرّط على كدا.

انقر هنا لقراءة الخبر من مصدره.