سودارس : انتباه ..مباراة الخميس كلمة السر (الطاهر حماد)

قرارات لجنة الانضباط برئاسة شوكت قرارات لجنة المسابقات بجبل اولياء الجزيرة تعبر الهلال وتلاحق الشمالية في الصدارة تأجيل إطلاق ماك بوك برو الجديد بسبب أزمة نقص الشرائح تعيين رئيس تنفيذي جديد ل"أبل".. جون تيرنوس يخلف تيم كوك بسبب تجاوزات الجنازة.. أسرة منة شلبي ترفض تصوير عزاء والدها شاهد بالصورة والفيديو.. حسناء الفن السوداني "مونيكا" تثير ضجة واسعة بعد ظهورها في حفل خاص ب"البجامة" تاور: الخماسية أمام اختبار صعب في مشاورات مايو المقبلة حول حرب السودان الأهلي يكتفي بودية زد قبل خوض مباراة بيراميدز في الدوري مصطفى فتحي يبدأ التأهيل الأسبوع المقبل أملا في اللحاق بكأس العالم وزير الرياضة يوقع مذكرتى تفاهم مع دول بريكس بلس بحضور سفيرى البرازيل والهند محمد إمام يعود لتصوير فيلمه شمس الزناتى مطلع مايو المقبل وطرح البرومو قريبا ما لا تعرفه عن سيدة الشاشة الخليجية الراحلة حياة الفهد تشارليز ثيرون تهاجم تيموثى شالامى: تصريحاته عن الباليه والأوبرا متهورة تكرار العدوى أو المرض.. أسباب شائعة لا تتجاهلها هل تحتاج لعملية زراعة قلب؟.. خبراء يكشفون العلامات التحذيرية الخطيرة ابتكار بخاخ أنف يعيد شباب المخ ويقضى على ضعف الذاكرة البرهان ل"سلطان عٌمان" : موقف السودان ثابت الهلال «مدرسة» قبل أن يكون «نادياً رياضياً» شاهد بالصورة والفيديو.. حسناء الفن السوداني "مونيكا" تثير ضجة واسعة بعد ظهورها في حفل خاص ب"البجامة" شاهد بالصورة والفيديو.. شاب سوداني يتزوج "عروستين" في ليلة زفاف واحدة على أنغام المطربة هدى عربي.. تعرف على التفاصيل كاملة!! محافظ مشروع الجزيره :المليشيا نهبت ودمرت أصول المشروع بطريقة ممنهجة والخسائر بلغت 6 مليار دولار بالصورة.. نيابة أمن الدولة بالسودان تصدر أمراََ بالقبض على المحامية رحاب مبارك والعقوبة قد تصل إلى الإعدام تغطي 70٪ من إحتياجات المستشفى .. والي الخرطوم يدشن منظومة الطاقة الشمسية الجديدة لمستشفى أمبدة النموذجي شاهد بالصورة والفيديو.. طفل سوداني يحصل على "نقطة" بالعملة الصعبة "اليورو" في حفل "ختان" أسطوري الشعب السوداني وحده صاحب القرار النهائي في تحديد وجهة حاضره ومستقبله المريخ يعود للتدريبات بعد راحة سلبية إحباط محاولة تهريب في السودان مسؤول سوداني يطلق التحذير الكبير ترامب: استخراج اليورانيوم المخصّب من المنشآت النووية الإيرانية ستكون عملية صعبة إدخال البصات السفرية لحظيرة الميناء البري بالخرطوم وسحب 950 سيارة مدمرة حول السوق المركزي شاهد بالفيديو.. رداً على تصريحات أحمد موسى.. المستشار مرتضى منصور: (السودانيين فوق دماغنا) رسميا: تحديد موعد كلاسيكو الليجا ارتفاع في وارد محصول الذرة وانخفاض في الأسعار بالقضارف الدعيتر.. كان اللغة الثانية في البلاد مصر.. قرار بشأن المنتقبات بعد تدخل شيخ الأزهر في عملية اختطاف هزت البلاد عثمان ميرغني يكتب: الصورة مقلوبة عاجل..إيران: فتح كامل لمضيق هرمز السودان.. انخفاض معدل التضخم موجة مرعبة.. حمى الضنك تتفشى في ولاية نهر النيل بالسودان مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة مكافحة التهريب بالبحر الأحمر تضبط 340 كيلو آيس و200 ألف حبة مخدرة فى عملية نوعية بالتعاون مع المخابرات العامة السودان.. تفاصيل صادمة لاغتيال مواطن بدمٍ باردٍ إيران تهدد: موانئ الخليج لن تكون في مأمن إذا حوصرت موانئنا الإمارات والبحرين توقعان اتفاقا لمقايضة الدرهم والدينار شرطة ولاية نهر النيل تضبط (53) جوالًا من النحاس المخبأ تحت شحنة فحم بمدينة شندي وتوقيف متهمين ضبط شبكة تزوير مُستندات مركبات في الخرطوم إيران تؤكد.. سنسيطر على مضيق هرمز بذكاء وسندعم "محور المقاومة" السودان.. القبض على 4 ضباط ترامب عن إيران: ستموت حضارة بأكملها الليلة ولن تعود أبداً قضية أثارت جدلاً.. براءة عصام صاصا من تهمة المشاجرة بملهى ليلي عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد الشيخ بن زومة.. إلى جنة الخلد في زمن الضجيج.. القرآن بوصلة المعنى والسكينة صوت لا يغيب.. محمد رفعت ورحلة الآذان الخالد في رمضان شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

انتباه ..مباراة الخميس كلمة السر (الطاهر حماد)

قوون نشر في قوون يوم 11 - 04 - 2012

مباريات القمة دائما تخضع لحسابات لا يمكن الوصول اليها.
اذا كانت الكورة في الحالات العادية (مجنونة) فان كورة هلال مريخ اكتر من مجنونة.
بقولوا مباريات القمة ما مضمونة.
مشجع ممكن يجيب ليه (قون).
الفريق الجاهز يمكن يخسر ....وبالتالي فان الفريق الاضعف.. كثيرا ما يكسب المباراة ويخرج بنقاطها الثلاثة.
والجرايد في اليوم التاني تتم ليك (الناقصة).
نحن ..ونحن ...ونحن صعبين ...نقرض النار دي قريض.
ما في مقايس.
احيانا (النفخ) يكون عامل ايجابي ...ينفع الفريق (المنفوخ)..ويحبط الفريق الاخر.
في واحد قال لي والله انا كلو ما اقرأ للاعلام السالب ...اعتقد اعتقاد قاطع انو المريخ دا (برشلونة).
اشيل واصدق.
ادخل الاستاد القى ليك اللبع شغال.
اقول يا ربي دي كورة وإلا (قطعية).
زي الزول البعزمك سمك ...تمشي تلقى الفول وش.
ما افهم أي حاجة.
مع ذلك (النفخ) مرات كويس.
واحيانا كمان (النفخ) بكون هو المشكلة ذاتها.
وقت فريقك يتغلب ...تلقى ليك واحد من صباح الرحمان يقول ليك : (دا كلو من البتكبو فيه دا).
تنفخوا لي في (خليفة) لمن بقي (رونالدو).
دا كلو منكم انتوا ...تغشوا في الناس ساكت ...لمن صدقناكم.
هي وينها الكورة البتكبوا فيها (الغزل) دا كلو.
يا جماعة نحن عندنا اربعة اندية في البطولات الافريقية ...كلها صعدت لدور ال (16)..بما في ذلك (المريخ).
المريخ البطلع من التمهيدي صعد.
تقول تقلب الشريط.
تهدأ اللعب ...يقولوا ليك انت (احبطنا).
يعني في الحالتين ....ضايع.
عبدالمولي الصديق (يرجف) ما يريحو.
الرشيد على عمر يتفاصح ..ما يريحو.
يعني نعمل ليكم شنو؟.
المشكلة مباراة القمة ما عندها ضمان ...وما عندها قاعدة.. شغالة علي كيفها.
تكون كويس تنغلب.
تكون كعب تكسب.
تتفاصح ...تتغلب.
تعمل فيها رايح ....تفوز.
ما في حاجة مضمونة.
عشان كدا من الافضل التعامل مع هذه المباراة بالخطة (ب).
انا في اعتقادي ان مباراة القمة بحسمها (الجمهور).
لا لاعب ..لا مدرب ...لا اعلام.
الجمهور فقط.
الجمهور وقت يكون عنده ارادة وعنده ثقة ..ورغبتو في الفوز كبيرة ...فريقو بفوز.
ولما يكون الجمهور قنعان ..وداخل المباراة عشان يهاجم بس مدرب الفريق وحكم الراية ...دائما بتغلب فريق الجمهور الذي يكون بهذا الاحساس.
لذلك نحن ننصح جمهور الهلال بالتوافد في الغد مبكرا لاستاد الهلال.
ما عاوزين لينا (شبر) في استاد الهلال للمريخاب.
استادكم حقكم ...من بدري املأوا المدرجات ...وغنوا وارقصوا ...وافرحوا.
ارهبوا المريخاب.
المريخاب ديل مع هجمة (مازمبي) ..نيل الحصاحيصا لو لاقاهم الايامات دي بضربهم.
فريقهم ممكن يغلبهم.
قاعدين على الهبشة.
افتكر جمهور الهلال لو اتوافد لهذه المباراة من كل صوب ...سوف ينزل الهلال هزيمة كبيرة بالمريخ ان شاءالله.
بس عاوزين في هذا التوقيت ...جمهور الهلال يبعد عن الصراعات والخلافات.
يعني الليلة وبكرة ما عاوزين ننتقد غارزيتو.
كلنا غارزيتو.
خلوا خلافاتكم وتنظيركم في البيت ..وتعالوا لاستاد الهلال ...عشان تشجعوا فقط.
الجمهور بكرة دوره ينحصر في (التشجيع).
شجعوا 90 دقيقة ...بغض النظر عن النتيجة.
ادوا فرض الهلال ...كاملا.
مساندة 90 دقيقة.
انتصار الهلال غدا ان شاءالله سوف يجعل الفرق بين الهلال والمريخ 4 نقاط.
وهذا الفرق مريح جدا.
تاني المريخ دا لو عمل ليه 7 طوابق ما بلحقنا، بعد الاربعة.
اغلبوا لينا بس.
المريخ اصلا قنع من البطولة الافريقية...عاوزين نقنعوا من الممتاز.
مباراة الغد يمكن ان تطلع المريخ من هذا الموسم بدون حمص.
لذلك مطلوب ان تحسموا المريخ من الاسبوع السابع للممتاز ...لينتهى موسم المريخ مبكرا ...ويتفرغوا للكونفدرالية.
بعد الكونفدرالية ..بشوفوا ليهم (سيكافا) تلمهم.
جمال الوالي بلقى ليهم (مخرج).
في شيء ..لو مدرب الهلال عملها ...انتصار الهلال ان شاءالله سوف يكون اكيد.
مضمون.
مباراة القمة قلت ليكم بتعتمد على (المفاجأت).
وغارزيتو لو راهن على (المغامرة) سوف يكسب المريخ.
ويمكن ان يكسب الهلال المباراة باهداف كثيرة ...لو تجرأ غارزيتو وقلب التشكيلة.
في الهلال في مشكلة واضحة في الطرف اليمين ...هذا مع (اهتزاز) خط الدفاع.
بشة لم يستطع ان يقوم بالادوار الدفاعية ...في الوقت الذي نحتاج فيه لبشة في الوسط والمساندة الهجومية ...باعتبار بشة افضل من يتقدم مع الكورة.
المريخ ممكن يتغلب بسبب الاطراف.
وممكن في نفس الوقت يكسب بسبب الاطراف.
يعني موسي الزومة وبلة جابر ...هما نقاط القوة ونقاط الضعف في المريخ.
أي مدرب يلعب على اطراف المريخ ممكن يكسب.
لذلك نحن نريد ان نفعل اطراف الهلال ...لأننا عبر اللعب على اطراف المريخ يمكن ان نكسب نتيجة المباراة وبعدد وافر من الاهداف.
الطرف الشمال ما عندنا فيه مشكلة.
فلانتاين او عبداللطيف بويا ...الاثنين يمكن ان يشكلوا اضافة للطرف الشمال.
فلانتاين لو كان جاهز ..ودخل في اجواء المباراة يمكن ان يكون السبب في انتصار الهلال.
تبقى المشكلة في الطرف اليمين.
لماذا لا يشرك غارزيتو الطاهر حماد في الطرف اليمين.
اراهن على نجاح الطاهر حماد في هذه الخانة ...وهو يمتلك الكثير من المزايا التى يمكن ان تجعله نجم مباراة القمة.
اول شيء الطاهر حماد مباراة المريخ لن تشكل له رهبة ...لأنه يمتلك من الخبرة الكثير.
الطاهر حماد اكتسب خبرة افريقية ..ويمكن في مباراة القمة ان يظهر بشكل لافت ...خاصة ان الطاهر حماد صاحب تحدي ذاتي.
وهو دائما ما يظهر في المباريات الكبيرة ..وافتكر ان الطاهر حماد عنده من الدوافع الكثير ..ليتألق ..وليبدع.
الخاصية الثانية التى يمكن ان تجعل الطاهر حماد (مؤهلا) لسد خانة الطرف اليمين ..هى القوة الجسمانية الكبيرة التى يتمتع بها الطاهر حماد ...واحسب ان عنصر (القوة) من اهم عوامل الانتصار في القمة.
غير القوة الجسمانية (الطبيعية) التى يتمتع بها الطاهر حماد هو تمتعه بمجهود بدني كبير ..ولياقة عالية ...وهذا كل ما يحتاجه لاعب الطرف.
ناس موسي الزومة وبلة جابر ..ما عاوزين اكتر من زول (يدافرهم)..ويعافرهم.
كورة شنو البلعبها موسي وبلة.
والطاهر حماد ..موسي وبلة ممكن يثبتهم ليك في منطقة جزاء المريخ.
الطاهر حماد دا يلعب ...موسي الزومة دا ما بتقدم إلا عشان يشرب ليه موية ويرجع.
غير هذا فان فرصة الطاهر حماد في (الهجوم) في وجود سادومبا وكاريكا وبكري المدينة واتوبونج تبقى صعبة.
في الطرف اليمين الخانة سوف تكون (مفروشة) للطاهر بالورود.
ويمكن في فترة وجيزة ان يصبح الطاهر حماد افضل طرف يمين في الهلال.
حل الطرف اليمين في (الطاهر حماد).
ومباراة القمة اذا اراد الهلال ان يحسمها فليشرك الطاهر حماد في خانة الطرف اليمين.
وبعد كدا اسألوني من النتيجة.
هذه الرؤية اتمنى ان تصل لمدرب الهلال عبر مدير الكورة خالد بخيت وحمد كمال الساعد الايمن للمدرب الفرنسي.
واظن ان غارزيتو ما عنده خيارات كثيرة في الطرف الشمال.
عاوزين بشة في الوسط.
وعاوزين الطاهر حماد في تشكيلة الهلال.
حتى لو كان في مقدمة الهجوم.
لكن وجود الطاهر حماد في الطرف اليمين سوف تكون (مفاجأة) للمريخاب.
موسي الزومة وقت يستوعب الحكاية دي ..بتكون المباراة انتهت.
يا ناس الهلال.
عوووك.
انتصاركم (طرف) الطاهر حماد.
وما تخلونا نكتر الكلام اكتر من كدا.
ملحوظة : الطاهر حماد دا قدام المريخ ببقى عشرة.
هوامش
الشغيل ..قالوا قال لي ريكاردو ...هيثم مصطفي (حفظه الله ورعاه) لو قعد في (الكنبة) ..خلوه لي انا بقفلو.
اكتر من كدا ما بقدر اعمل حاجة.
نجم الدين عبدالله ح يشيل جائزة اجمل (بونية) في الموسم.
موفد مازمبي قالوا ح يتابع مباراة القمة.
يا ناس مازمبي ...المريخ دا ما عاوز ليه (متابعة).
الفريق دا اسهل من كدا.
المراقبة دي خلوها للفرق الكبيرة.
واحد دقتو (مطرة).
قال خلاص ..بشريات مازمبي من هسع ظهرت.
واحد دخل في صندوق.
قال عاوز صرفتو قبل مباراة مازمبي.
الظروف ما معروفة.
موبوتو كسر رقم (الخطيب).
بتبالغوا زول بالملامح دي عاوزين نجم الدين ينتظروا ليكم.
بالطريقة دي.
باسكال ذاتو ما بنتظروا ليكم.
يا فيصل العجب ...في مباراة القمة لو قالوا ليك سخن ..ما تسخن ..ودفق لياقتك في الفاضي ساكت.
لو قالوا ليك سخن ...ادخل ساكت.
التسخينة ..لاحقة.
هى الدنيا طارت يعني.
عاجل : هسه في مطرة.

انقر هنا لقراءة الخبر من مصدره.