سودارس : تصوموا لرؤيته وتعيّدوا لانتصاره

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تصوموا لرؤيته وتعيّدوا لانتصاره

قوون نشر في قوون يوم 17 - 08 - 2012

ليما (عنبة) ورامية فوق بيتنا
البرنس هيثم مصطفى ..تظل كبيرا حتى في ازماتك
من عجائب الامور ...ان صغار القوم في الهلال تجمعت مصلاحهم ولملمت كلها من اجل محاربة هيثم مصطفى حفظه الله ورعاه واستهدافه بصورة واضحة ..لم تعد خافية على احد.
الكل يشهد ويعرف التصرفات الصادرة من الجهاز الفني والتعامل الذي تنتهجه دائرة الكورة مع قائد الهلال هيثم مصطفى والتى امتدت حتى وصلت العلاقات العامة بالهلال لتكون الحرب على البرنس من كل الجهات.
وضح ان كل هذه التصرفات هدفها الاساسي هو اخراج هيثم مصطفى من طوره ..واستفزازه حتى
يكون ردة الفعل من البرنس قوية وغير مقبولة لاظهار هيثم مصطفى وتقديمه للراي العام وجمهور الهلال بانه هو المخطيء وهو الذي تصدر منه التصرفات غير الجميلة.
واظن ان الاجتهاد هذا من قبل مجموعة كبيرة تعرف انفعال البرنس ..وحدة طبعها فتعمل على استفزازه ليكون كبش الفداء ..وليفقد السند الجمهوري الذي يحمى هيثم مصطفى من مكرهم.
ان كل الذي نطلبه من البرنس هو ألا يتسجيب لاستفزازات القطاع الرياضي والجهاز الفني ..وان يتقبل كل قراراتهم وتصرفاتهم المجحفة بصدر رحب ..لأن هذه الحرب تفقدهم الكثير ...اما البرنس فان تعامل بحكمة ..فسوف تزيد شعبيته ..وقد اتضح ذلك في المباريات الاخيرة ..اذ تدخل جماهير الهلال للاستاد لتهتف باسم البرنس وهو في الكنبة..رغم الانتصارات التى يحققها الهلال ..والبطولات التى يهذب فيها الهلال بعيدا...لكنها كلها كانت غير مقنعة في ظل ابتعاد البرنس.
غارزيتو أي لاعب في الهلال يمكن ان يشركه ...غاب عمر بخيت بسبب الاصابة ..فعجل غارزيتو باشراكه من اجل ان يكمل جاهزيته.
وغاب نزار حامد ..وعاد سريعا ..وسافر ايكانغا في ظروف صعبة ..وعاد ووجد نفسه اساسيا في تشكيلة الهلال.
بل ان غارزيتو يشرك محمد عبدالرحمن والطاهر حماد وفداسي ويمنح الكل الفرص ..إلا البرنس ومعتز رابح. وكما فشلت كل المحاولات مع غارزيتو في اعادة معتز رابح..يبدو واضحا ان كل المحاولات سوف تفشل في عودة البرنس لتشكيلة الهلال لتكمل فرحة الهلالاب.
الحديث عن الجاهزية ...كلمة حق اريد به باطل ..لأن غارزيتو لو طبق هذه النظرية ..فان أي لاعب في كشف الهلال لن يشارك. من ثم فان غارزيتو يعمل مع دائرة الكورة وربما مجلس الادارة على عدم جاهزية البرنس ..ودائما ما يجتهد من اجل ان يخرج هيثم من طوره ..حتى اذا اشركه في جزء يسير من المباراة يكون غير مقنع.
لقد فترنا من مناشدة دائرة الكورة والجهاز الفني ومجلس الادارة الذي يهتم رئيسه ببعض الامور الصغيرة .. مناشدتنا اليوم فقط للكبير هيثم مصطفى الذي يثبت الي الان انه كبير في ازماته ..نوصيه بالصبر ..وبتنفيذ جميع توجيهات الجهاز الفني والعمل على انتصار الهلال واستقراره من أي موقع واي منصب يشغله البرنس ..حتى لو كان ذلك من (الكنبة) او المدرجات ..يبقى البرنس هو الملهم ..وهو الكبير.
ان تاريخ هيثم مصطفى لا يسمح له بمجارة اولئك الذين يجرونه الي حلبات الصراع تلك.
على هيثم ألا يستجب لهم ..لأن صبره وحلمه وهو في هذا الموقف سوف يعود اليه بالكثير ..وسوف تزداد شعبيته اكثر مما هو مشارك. نفتح هذا الملف ونتحدث في هذا التوقيت الحرج ...لنوضح ان هناك خلل ومشاكل داخلية في الهلال ..حتى نبريء انفسنا ..ونقول كلمتنا ..لتكون الصورة واضحة للجميع ..وليتحمل أي شخص في الهلال وزر ما عمل. اعرف ان البرنس يتحرك في كل الاتجاهات ..ويعمل بكل جهده في الخفاء وفي العلن من اجل انتصار الهلال في الغد ...وبفضل الله سوف ينتصر الهلال في الغد على المريخ.
لكن حتى الانتصار لا يعني انكم على حق. ان احلى ما يمكن ان تقدمه جماهير الهلال للبرنس في الغد ..هى ان تقف مع الفريق وان تساند اللاعبين مساندة قوية ..وألا يفتر تشجيعهم طوال ال (90) دقيقة ...هذا كل الذي يطلبه البرنس. ومن بعد فان لكل حدث حديث.
الاهداء
الي مدثر كاريكا مع (تخصيص نغمة). اطفال كثيرين ...فشلوا في شراء (لبسة العيد) عجزا ...فغابت فرحتهم ..وقصرت (شقاوتهم) الجميلة ..وشغبهم البريء.. هؤلاء الشفع الغبش ..ينتظرون (هدفك) في الغد ...ليعوضهم ذلك الهدف عن (لبسة العيد)..ويغنيهم عن فرح (دواليب) المستفة. هدفك غدا يا مدثر كاريكا ...زي (لبسة العيد) فاحرص على أن يعيدوا (شفعنا).
محمد
مدخل
المريخاب لو في مرادهم رمضان السنة دي يكون (93) يوما ...عشان بس (الوقفة) ما تكون بكرة. مدخلك دا زي بيت العذابة الفيه (مخدة) واحدة...الزول البجي البيت اول واحد بشيل المخدة. النوم بالحجز يعني.
تنويه
جيرانا خبزوا ...واشتروا هدوم العيد ..وجابوا الملايات والستائر ...فضل ليهم (هوبة) مهند الطاهر ويعيدوا على كدا. واحد مشى سعد قشرة يسأل من (هوبة) مهند الطاهر.
اقتراح
لو ليما لعب طرف يمين ...ممكن الهلال يلعب بي (عشرة) لاعبين فقط ...عشان عندنا لاعب في المريخ ما بقصر معانا...كورتو زي (اسأل العنبة ارامية فوق بيتنا). والله محترفكم دا يا مريخاب مفروض تجيبوا ليه (اسحاق الحلنقي) عشان يدربو. دا محترف (حنين) خالص. هسع دا اقتراح دا.
نظرية
بلة جابر ..بختو.
حظو عديل كدا.
هو الوحيد المعيّد في المريخاب...
ناس الشغيل عيدهم (اتجهجه).
ناس الشغيل ديل زي الزول النزل ورفعوه ورقو ...عشان نزوله ما تام.
اها يا الشغيل انت والباشا وسعيد السعودي وقلق نزولكم ما تام.
قصة من اربع صور
هلالابي لقيتو في (السجانة) جاري ليه (خروف). وقفت واستغربت ..وعاينت للساعة. قلت الزول دا مالو؟. معقولة في زول بشتري ليه (خروف) في عيد الفطر.
الزول دا الحاصل عليه شنو؟. مشيت عليه ..قلت ليه يا زول دا شنو البتعمل فيه دا ؟..انت مالك عاوز تعمل لينا مشاكل.
النسوان ديل هسع يشوفنك بتجر في خروفك دا ..يقومن كلهن يلخبطن ..ويقولن
دا عيد (الضحية). يا زول العيد دا ما عيد الضحية ...دا عيد الكعك ...ما تلخبط لينا الاعياد ..وتغيرنا لينا النظام.
نحن التنظيرات في الاعياد ما بندورها. الراجل مسك (الخروف) من اضانو ..وقال لي انا عارف انو العيد دا ما عيد الضحية ...انا عارف انو العيد دا عيد (الفطر)..حلاوة وكعك ساكت...لكن يا اخوي في نفس الوقت نحن عندنا مباراة مع المريخ ...عشان كدا العيد دا بالنسبة لينا عيد (الضحية). عليك الله في (ضحية) اكتر من المريخ.
قلت ليه طول ما انت عاوز تضحى بالمريخ ...(الخروف) دا لزومو شنو؟. صاحبكم عاين للخروف كدا ..وقال لي عاوز نسخن بيه ساكت. لكن بيني وبينكم ...المريخ دا فيه جنس (مرارة).
احتمال
قالوا ليك عبداللطيف بويا ومعاوية فداسي شغالين زي سرور وكرومة الايامات دي بحفظوا وببرفوا في (يلوحن لي حمامات). قالوا عاوزين ينفذوا العمل دا في مباراة الغد. يا ريكاردو لم (حمامكم) دا عليك ...نحن عندنا (كدايس) ناوين نية كعبة على حمامكم دا.
طن دغالة
ريكاردو في اول مهمة له عندما اشرف على الهلال وقبل ما يفهم أي حاجة فاز على المريخ بي ثلاثة اهداف نظيفة..وكان وقتها ريكاردو شهر ما كمله في السودان ..ام درمان من بورتسودان ما بفرز. هسع ريكاردو حافظ ام درمان شارع ...شارع ...سبق له تدريب الهلال 3 سنوات ..ويوشك من اكمال العام مع المريخ...مع ذلك خسر من الهلال في اول مواجهة له وهو في قيادة المريخ 0-1. المضحك ان الكلمة الفنية في المريخ اصبحت عند المساعد (فاروق جبرة)...ريكاردو بقى قاعد ساكت ..زيو وزي ابراهومة ..وبشارة عبدالنضيف الذي يحلل مباريات المريخ من استديو الشروق بالامارات. يا ريكاردو انت ما عندك كلمة ...ما تقعد تصرح لينا ساكت.
تخريمة
مريخابي طقتو كهرباء.
شالوه وجري على الحوادث.
الدكتور قال ليه مالك عيونك الاتنين (لفت)...ونخرتك راكبة بالقلبة ..وصرتك في نص رأسك...الطقاك منو؟.
قال للدكتور طقاني فييرا الشهير ب (علاءالدين يوسف) زي ما بقول السر احمد قدور. والله تخريمتك دي اخير منها ملاح القرع البايت.
بي نظام
موسي الزومة عملوا معاه حوار ..قالوا ليه اغنيتك المفضلة شنو؟.
قال ليهم : (بخاف).
يا موسي الزومة بتلعب ليك عشر سنوات في المريخ وبعد دا بتخاف.
بالتوقيت المحلي
لو غارزيتو لعب ب (4) مهاجمين ...ناس المريخ إلا يستعينوا بالدفاع المدنى.
يا ناس المريخ (سانيه) اخطر عليكم من (الفيضان).
والطاهر حماد اخطر عليكم من (السيول).
اما سادومبا فهو (الامطار) عديل كدا.
كاريكا ...(عاصفة) تهز كوكب المريخ.
كرهتونا البامية المفروكة
مرة حلمت شعبان عبدالرحيم (شعبولا) قاعد يغني في (بتتعلم من الايام) ايي أي ايييي. طوالي قمت من النوم لقيت ليك سيد اللبن في الباب بغني في (الحزن النبيل).
قلت دا شنو اليوم الملخبط دا ..زي الزول البكون لابس ليه فانلة سقط في الصيف. وشاكيها كمان..او زي القون البجيبو نجم الدين. هسع علاقة البامية المفروكة بالكلام دا شنو؟.
مع الاعتذار للبرد
زمان كان عندنا واحد في الحلة عامل فيها شاعر.... كتب ليه قصيدة في (الصهريج).
اليوم التاني قال مسافر الخرطوم ...يطلع ليه (ديوان) شعر. عليك الله هسع انت شاعر وهاشم صديق شاعر. هاشم صديق هسع ذنبو شنو؟.
جنس غلاط
اتنين بتغالطوا في (الهدف).
واحد قال الهدف دا جابو مهند الطاهر ...والتاني قال الهدف دا جابو سانيه ...
هوبة سانيه قلنا ليكم فيها (جلحات).
وهوبة مهند الطاهر رايقة زي (ربيع الدنيا) لعثمان حسين او (لحن الحياة) لعثمان الشفيع.
واحد تالت سمع الجماعة ديل بتغالطوا ...قام وقال ...الهدف دا لا جابو مهند ولا سانيه ..الهدف دا جابو (معاوية فداسي).
يا ود الناس انت في شنو والناس في شنو؟.
معاوية فداسي لو بجيب اهداف زي دي ما بيلعب (باك). فداسي لو بجيب اهداف زي دي كان لبس (10). انتوا قايلين مهند الطاهر دا لابس عشرة ساكت.
فاكرنها (مزاج). واحد رابع قال (سانيه) دا مفروض يلبس تلاتة تسعات. قلت ليه : ليه دا لاعب وإلا دورية؟.
شغل روس
موسي الزومة سأل سؤال.
قال ليهم هجوم الهلال فيه منو؟.
قالوا ليه : سادومبا...
بلع ريقو!!.
قال ليهم : وتاني ؟.
قالوا ليه : كاريكا!!.
وضع ايدو في رأسو.
قال ليهم تاني.
قالوا ليه : وسانيه.
قام جاري !!.
قبضوه في (القلابات)..وقالوا ليه طيب لو عرفت ان ريكاردو مع الجماعة ديل
لاعب بي (بكري المدينة) تعمل شنو؟.
قال ليهم : اقع من الجبل.
هسع الجبل ذنبو شنو؟...الروس وين في كلامك دا يا ود الناس.
تقشف شديد
مع الامطار والسيول والفيضانات ..تاني ما اسمع لي زول يجيب سيرة (التقشف).
لو اتقشفتوا بعد الامطار والبترول دا تكونوا بالغتو. بالغتو عديل يا جمال الوالي.
جمال الوالي هسع ذنبو شنو؟.
مسكول
ايكانغا دا غريب خلاص.
ايكانغا دا شايل علبة (ضربات جزاء) في جيبو.
كلمو باسكال لو ايكانغا دا دخل خط 18 استعين بالصبر والدعوات.
باقى الرصيد
الحضري عمره 45 سنة...لما يرجع ليكم يا مريخاب لمباراة الغد بكون عمرو دق
في الستين ...من الهم.
انتوا قايلين الهم الشايلو الحضري شوية.
شوربة رُكب
سادومبا ..الايامات دي شغال زي الدلال ...قال جيبوا لي الركب كلها ..ركب الشغيل وركب قلق وركب الباشا والسعودي ونجم الدين ومصعب عمر ...قال عاوز ليه شوربة (ركب). يا سادومبا الركب البتلقط فيها دي (سخينة) ما بتعملها ليك ...تقول لي شوربة. بعدين الركب دي طلع منها ركب قلق ...عشان (مجلية).
سواق قندران
سواق قندران دخل في شارع غلط.
نزل مسح المرايا ..وحدر الطاقية ..ورجع ركب تاني.
المعنى انو المشكلة ما مني؟...المشكلة من المرايا والطاقية.
يا ود الناس الطاقية ذنبها شنو؟.
شولة
عندنا ود خالتنا مريخابي ...قال يوم الوقفة بشجع الهلال. انتوا مجانين يا جماعة بكرة الهلال لو ما ثبت ...عيد ليكم مافي ... لو الهلال ما ظهر يوم السبت ح تكملوا رمضان 40 يوما. عشان كدا أي مريخابي عاقل بكرة بشجع الهلال.
حكمة ناصية
موسي الزومة ..ما متابع.
موسي الزومة ما جايب خبر.
موسي الزومة قال : والله (بشة) كورة ما يهبشها بكرة.
خلوا لي انا (بشة)..وانتوا اتولوا التانين.
موسي الزومة اول مرة يكون يصادق...بكرة فعلا بشة كورة ما ح يهبشها.
معلومة صينية
قالوا لي باسكال... لو سانيه دخل عليك بالكورة في ظل وجود كاريكا على الطرف الشمال وسادومباعلى الطرف اليمين..ونزار الصاقعة من الخلف ح تعمل شنو؟.
باسكال قال ليهم ح اطلب المطافيء. ح اعمل شنو يعني؟.
حوار من طرف واحد
اتنين اول مرة يركبوا ليهم في (طيارة). واحد قال للتاني ...تعرف الطيارة دي زي شنو؟. التاني قال ليه : زي شنو؟. قال ليه : زي المركب المكيفة!!.
تعريجة
مامون ابوشيبة ..لو بقى حكم رأية في مباراة القمة بكرة ..عارفين اول حاجة بعملها شنو؟.
اول حاجة بحسب ضربة الجزاء التى ارتكبها احمد النور مع عبدالمجيد جعفر سنة 1996 (باثر رجعي).
وما بعيد كمان مامون ابوشيبة يطرد علاءالدين يوسف (عنده بونية سنة 2010 الحكم ما شافها).
اما مساوي فسوف يكتفى بتحذيره ساكت ...(كتر خير ابوشيبة). يا ابوشيبة عندي ليك مشروع خيري.
اعمل ليك محكمة رياضية في الكلاكلة مهمتها اثبات ضربات الجزاء الوهمية. يا ابوشيبة انت بتتكلم عن ضربات جزاء وهمية ...نحن عندنا اهداف عديلة كدا في مباراة القمة ما حسبوها لينا ...الرشيد المهدية ووليم وعمر النقى وكومي ديل كلهم سجلوا عديل في شباك المريخ ..والحكم لم يحتسب الهدف. خليها مستورة احسن.
قبل وبعد القمة (اضحك الصورة تطلع احلى)
مزمل ابوالقاسم قبل القمة ...ابو زرد ضرب ..والملك حرك قواته...والصفر
الدولي ..و..الخ.
مزمل ابوالقاسم بعد القمة ...(يحتجب لظروف فنية)...عندهم مناسبة في شندي في العيد.
مامون ابوشيبة ..قبل القمة ...نحذر الحكام ..وننوه لمخطط الهلالاب.
مامون ابوشيبة بعد القمة ...المريخ عنده ضربة جزاء في الدقيقة 34 الحكم لم يحتسبها له عشان مساوي ما كان شاكي الفانلة.
عدم شك الفانلة عند مامون ابوشيبة ضربة جزاء عديل كدا ..خاصة اذا قام
بهذا الامر لاعب من الهلال.
بابكر سلك قبل القمة ..بنتي اسلام حلمت بانتصار المريخ.
بابكر سلك بعد القمة ..اين روح المريخ التى عرف بها ...اولئك الذين يملثون المريخ الان ...لا يستحقوا حتى القعاد في مدرجات المريخ.
شيلوا (النجمة) واقلبوه استراحة.
ياسر المنا ..قبل القمة ...اليوم يضع اخوان العجب تاريخ جديد لفريقهم ےويضعوا الهلال في حجمه الطبيعي.
ياسر المنا بعد القمة ...هدف كاريكا دا في واحد شافو في الطشت قبل تسجيله.
معاوية الجاك ...قبل القمة ...هجوم الهلال صناعة اعلامية ..وهو لا قوة له.
معاوية الجاك بعد القمة ...سبق ان حذرنا من التحكيم قبل المباراة ..ولكن
مجلس الادارة لم يلتفت لتحذيراتنا.

انقر هنا لقراءة الخبر من مصدره.