سودارس : جوارديولا اربع سنين من شراب الموية في البرسا

السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف منتخبنا يتدرب صباح الخميس بإستاد بورتسودان قائمة صقور الجديان لوديتي السعودية بعثة المنتخب تصل بورتسودان وسط إهتمام كبير 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب كواليس صادمة... كيف تعطلت صفقة تسليح الجيش السوداني في اللحظات الأخيرة؟ يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

جوارديولا اربع سنين من شراب الموية في البرسا

قوون نشر في قوون يوم 27 - 05 - 2012

السيرة الذاتية للمدرب الاسباني (بيب جوارديولا) الذي يمكننا ان نقول عنه الان مدرب برشلونة (السابق) مليئة بالانجازات والبطولات والغرائب.
ومن دون شك ان جوارديولا حقق مع برشلونة ما لم يحققه مدرب اخر في فترة 4 سنوات كان فيها المدرب الشاب جوارديولا مدربا لبرشلونة الاسباني ومدهشا للعالم كله.
مسيرة جوارديولا في عالم التدريب تقول انه انطلق من مقعد (الرجل الثاني).
وكثير من العبقريات في مجالات مختلفة جاءت من الصف التاني.
تقول سيرته (الصفية) تلك وهو مدرب نعتبر وصل الي ما وصل اليه من الصف...( في 21 يونيو 2007 تم تعيين غوارديولا مدربًا للفريق الثاني في برشلونة الذي تألق معه. وفي 8 مايو من العام 2008، أعلن رئيس برشلونة خوان لابورتا ان بيب سيتولى تدريب الفريق الاول مع نهاية الموسم خلفًا لفرانك ريكارد).
اكثر المتفائلين في العالم لم يكن يظن ان يبلغ المدرب الشاب المعشار من البطولات التى حققها جوارديولا مع برشلونة.
بل ان ذلك لم يكن متاحا حتى في الاحلام.
حقق جوارديولا بطولات مع برشلونة هى بالتأكيد تعتبر قياسية ...ولا يمكن الوصول اليه حتى بالورقة والقلم.
الشيء المدهش ان جوارديولا كان في 4 سنوات برصيد 622 هدفا و 14 لقبا محليا وأوروبيا ، ختمها المدرب الشاب امس الاول بكأس اسبانيا.
المدهش هنا ان كل هذه البطولات تحققت مع اداء غاية في الروعة ....لم يلعب جوارديولا لعبا تجاري او يطمع في الفوز باقصر الطرق.
كانت كل انتصارات هذا المدرب وكل البطولات مع روعة في العرض.
فقد قدمت البرسا في سنوات جوارديولا فنونا سينمائية ...طرب لها حتى انصار الفريق الملكي ريال مدريد.
عرف جوارديولا كيف يصنع من برشلونة فرقة موسيقية ...تعزف بالكرة كما يعزف الموسيقيون المهرة وهم (مكبسين) في النوتة الموسيقية.
السيرة الذاتية لهذا المدرب ....هى سيرة من البطولات والانجازات ..اضحت سيرته جزءا من بطولات برشلونة.
تقول سيرته : (في موسمه الاول مع النادي الكتالوني حقق غوارديولا السداسية التاريخية بالفوز بكل البطولات الممكنة وأصبح غوارديولا أصغر مدرب شاب يفوز بلقب دوري أبطال أوروبا).
هذا ساحر ...وليس مدربا.
حقق غوارديولا في 4 سنوات مع البرشا 14 لقبا من أصل 17 ممكنًا:
الدوري الاسباني 3 مرات: 2008-2009، 2009-2010، 2010-2011
دوري أبطال أوروبا مرتين: 2009-2011
كأس ملك اسبانيا: 2009- 2012
كأس السوبر الاسباني 3 مرات: 2009، 2010، 2011
الزول دا من 17 بطولة حقق 14 لقبا.
يا اخوي انت خليت شنو للاحلام.
زمان بقولوا ليك دا فريق للاحلام.
لكن جوارديولا دا استطاع ان يحقق هذه الاحلام وان يجعل الامر ممكنا.
في اعتقادي الخاص ان كرة القدم في كل الدنيا (مجنونة).
إلا ان هذه الكرة مع جوارديولا (عقلت).
او دعونا نقول ان ما فعلتها الكرة مع جواردويلا بمنحه 14 لقبا من اصل 17 لقبا هو الجنون ذاته.
لو في مدرب سوداني.
اي مدرب كدا بدون تحديد اسماء لو جابو ليه (11) ميسي في التشكيلة و (7) كرستنال رونالدو في الاحتياطي لن يحقق هذه البطولات التى حققها جوارديولا.
الشغل دا ما شغل ...ورقة وقلم.
دا شغل (سلة).
يعني ناس برشلونة ديل زي الكانو بيلعبوا بي يديهم.
الارقام والبطولات دي ما بتتحقق بالاقدام.
دا شغل ايدين عديل.
غايتو البشوف كورتنا مع كورة برشلونة ....بفتكر كورتنا دي (جليد عناقريب).
البعمل فيه بلة جابر في المريخ دا ما عندو اي علاقة بالكورة.
لا من بعيد ...ولا من قريب.
يا بلة جابر انت عارف كورتك دي زي افلام الكرتون في (الكامب نو).
اما اخونا موسي الزومة ....فالواضح كدا ...ومن شكل عكسياتو انو عندو مشكلة مع (الكشافات).
بالمناسبة.
سمعنا انو المريخ عاوز يشطب كرنقو.
عليكم الله قبل ما تشطبوه تطلعوا ليه (شريط).
الزول دا قالوا صوتو احسن من كورتو.
والله تسجيلات يونيو دي لو طلع منها (مجدي ام بدة) يكون الشيء دا براهو (معجزة).
مرة حلمت حلم.
حلم ساكت يا سلك.
حلمت مجدي ام بدة دا بيلعب في (برشلونة).
صحيت الصباح.
لقيت ليك العمال في اسبانيا كلهم واقفين في الباب.
وقالوا تانى لو حلمت بي حاجة زي دي بنضرب عن العمل.
يعني الواحد ما يحلم.
الحلم دا فيه حاجة كمان.
الشيء المحيرني.
مجدي ام بدة وقت سجلوه في المريخ قالوا بجيد تنفيذ الضربات الثابتة.
الزول دا من جاء الي الان حكاية بتاعة 6 شهور كدا ...نفذ ليه قريب للمائة وعشرين ضربة ثابتة في رأس خط 18 ...ما في واحدة من الضربات دي قربت.
المائة وعشرين ضربة ...كلهن طشن.
تقول منفذهن من الصحراء الكبرى.
موضوع مجدي ام بدة دا بذكرني ليك بالزول العاد من روسيا بعد عشرين سنة غربة.
صاحبكم رجع من روسيا عامل فيها حافظ الانجليزي.
رغم انو روسيا ما عندها اي علاقة بالانجليزي.
لكن زولكم قال يقشر على اهل المنطقة.
واهل المنطقة قالوا خلاص تاني ما عندنا اي مشكلة في الانجليزي.
عبدالجبار دا بحل لينا مشكلة الانجليزي دا نهائي.
زي الطرف الشمال في الهلال.
الروشتة الفي بقوا يجروا بيها على عبدالجبار.
يا عبدالجبار شوف لينا الدكتور دا كتب لينا شنو في الروشتة؟.
الدكتور دا كتب ليكم (حرجل) مع الريق.
يا عبدالجبار شوف لينا الروشتة دي فيها شنو؟.
الروشتة دي فيها كباية عرديب 3 مرات في اليوم.
والجماعة حسب فهمهم يشيلوا ويصدقوا.
وعبدالجبار عامل فيها خطير في الانجليزي.
الي ان جاء يوم (خواجة) في الحلة.
الجماعة جري على عبدالجبار.
يا جنا اجري شوف عبدالجبار دا وين خليه يجي يتفاهم لينا مع الخواجة دا.
عبدالجبار جاء ...لقى ليك الخواجة واقف متل المرتب الفيه بدلات.
الخواجة قعد يرطن.
وعبدالجبار يقول في نو تزن.
الخواجة يرطن.
وعبدالجبار بقول في نو تزن.
والجماعة بقولوا لي عبدالجبار ...كتر ليه يا عبدالجبار ..كتر ...قادر الله.
وعبدالجبار بقول في نو تزن.
والخواجة يرطن.
لما الخواجة نطق ..وقال لي عبدالجبار بالعربي شنو شابكني نو تزن ...نو تزن ...نو تزن في عينك...انت وقت ما بتعرف انجليزي بتتفاصح مالك.
جماعة من ناس الحلة ...قالوا والله سبحان الله عبدالجبار دا نطق لك الخواجة دا عربي عديل كدا.
اها هسع يا سلك مجدي ام بدة دا زي عبدالجبار دا.
جبتوه عشان الضربات الثابتة ...طلع ما عندو اي علاقة بالضربات الثابتة.
علاقة مجدي ام بدة بالضربات الثابتة زي علاقة وكيل ميسي بي برنامج (دكان ود البصير).
غايتو البلد دي فيها جنس حاجات.
نرجع لي جوارديولا.
جوارديولا دا قاعد 4 سنوات مع برشلونة ...اي لقطة ظهر فيها جوارديولا دا في التلفزيون كان بشرب ليه في موية.
تقول ما كان متعاقد مع برشلونة.
تقول كان متعاقد مع شركة مياه صحية.
المباراة كلها بشرب في الموية.
المباراة الصعبة والهينة.
هو قاعد بشرب في الموية.
هسع عليك الله يا جوارديولا مع ناس ميسي ديل البعطشك شنو؟.
لو كنت بدرب في ناس بلة جابر كنت تعمل شنو؟.
والله كنت تشرب ما تروي.
لكن دا كلو هين مع البعمل فيه السير ألكاسندر تشابمان فيرغسون مدرب مانشيتسر يوناتيد.
تولى اليكس فيرغسون تدريب فريق مانشستر يونايتد في 6 نوفمبر 1986 ...وهو منذ ذلك التاريخ الي الان بيأكل ليه في (لبانة).
يوناتيد مضغوط.
يوناتيد ضاغط.
فيرغسون دا بس قاعد يأكل في لبانتو.
26 سنة بيأكل في اللبانة.
وبعد دا كلو الامور ماشى مية المية معاه.
عشان كدا غارزيتو دا شوفو ليه (لبانة).
يمكن تصدق معاه.
ويمكن يقدر يفش غلو شوية في (اللبانة).
ملحوظة : اللبانة ذنبها شنو؟.
هوامش
المريخ لملم النجوم كلهم ...معاوية فداسي ...وعمر سليمان ...وعنكبة...وناس الهلال الي الان بتحدثوا عن اعادة قيد مهند الطاهر.
محليا الي الان لم يتضح اسم اللاعب الذي سوف يسجله الهلال.
لكن المشاطيب اتعرفو.
المشاطيب طلعوا.
المنتخب امام مهمة انتحارية زامبيا يوم السبت القادم.
وفي امال كبيرة ...بسبب عودة هيثم مصطفى حفظه الله ورعاه.
المنتخب السوداني سوف ينتصر ان شاء الله.
رغم من ان تجمع المنتخب كان قبل 10 ايام فقط من المباراة.
لكن مع ذلك نحسب ان المنتخب السوداني قادر ان شاءالله على الفوز على زامبيا.
مجلس الهلال مفروض ما يضيع لنا الوقت مع لاعبين لن يستطيع ان يسجلهم.
الكاردينال رجع.
الله يستر على مهند الطاهر.
حسب كلام الكاردنيال ....مفروض مهند الطاهر هسع يكون بيلعب في الامل عطبرة.
خالد بخيت فشل حتى في ان يكسب للهلال لاعب الجريف عمر سليمان.
ضفر مصاب.
الموضوع دا حصل كيف؟.
ما قادر اصدق.
ما قادر استوعب الحتة دي.
مع ان هيثم مصطفى في مهمة وطنية إلا ان الاشاعات مازالت تلاحقه بالشطب.
وحقيقة المسؤول من ذلك المجلس.
وليس الذين يخرجون الشائعات.
مجلس الهلال وضع البرنس هدفا للشائعات.
امام مجلس الهلال فرصة تاريخية وذلك بكسب التسجيلات ليقضي بذلك على المعارضة.
لا بد من اضافات حقيقية وقوية للهلال.
التسجيلات 10 يوم فقط.
ومية مرة قلنا ليكم نحن ما عندنا صبر لي (كروتكم) دي.
احسموا المواضيع من بدري.
انت التسجيلات دي فيها (اقرارات) برضو.
الاتحاد بكون عاوز يشوف رأي المريخ في الحتة دي شنو؟.
علما ان هناك اكثر من لاعب في المنتخب حوله صراع من القمة.
عاجل : يا بشة زامبيا دي بنخليها عليك.

انقر هنا لقراءة الخبر من مصدره.