سودارس : تسجيلات المريخ وصول (ديسمبر).. مغادرة (يوينو)

ما حقيقة أسر العميد محمد منصور قائد اللواء 16 مشاة بالكرمك؟ رئيس الوزراء يصدر قرارًا بشأن الرسوم الجديدة في المعابر القنصل حازم مصطفى يجتمع بلاعبي سيد الأتيام بالمنتخب في جدة جان كلود يُسجّل هدفًا رائعًا ويقود بوروندي لانتصار ثمين أمام تشاد في تصفيات أمم إفريقيا بروح قتالية عالية.. الهلال يضع اللمسات الأخيرة لمواجهة «روتسيرو» بحثاً عن الصدارة والثأر توضيح لجنة المنشآت بنادي المريخ : دورنا فني فى ملف المنشآت واللجنة القانونية تتولى اجراءات الاخلاء تقارير تكشف عن تحرّكات كبيرة للجيش السوداني محمد عبد الباسط يكتب: لهذا تحركت باكستان الآن للوساطة بين أمريكا وإيران مسؤول الطيران المدني يعلن جاهزية مطار الخرطوم لاستقبال الرحلات الإقليمية بالصورة.. في مفاجأة كبيرة.. محترف جزائري ينضم لقائمة المنتخب السوداني استعداداً لمواجهة السعودية شاهد بالفيديو.. التيكتوكر "تجاني كارتا" يزور الفنانة مروة الدولية في منزلها ويطالبها بالعدول عن قرار الاعتزال: (لن أتزوج ولن أكمل ديني لو ما غنيتي في عرسي) ترامب ينهى تقليدا عمره 165 عاما متعلقا بالدولار.. ما القصة؟ الكرمك: ليس حدثاً عابراً ماذا قال العميد طارق كجاب بعد إحالته المفاجئة للمعاش؟؟ السكوت على هذا الأمر لا يرضي الله ولا رسوله!! حتى لا نخسر ما كسبناه الأهلي يُعيد النظر في رواتب اللاعبين لإنهاء "فتنة أوضة اللبس" هدف واحد يفصل مبابى عن لقب الهداف التاريخى لمنتخب فرنسا اتفرج واتمتع.. جميع أهداف محمد صلاح ال50 في دوري أبطال أوروبا إيلون ماسك يطعن في حكم تغريمه 2.5 مليار دولار في قضية "تويتر" عمرو دياب يحيى حفلا غنائيا فى تركيا 2 أغسطس دراسة : النشاط البدني مفتاح الوقاية من السكري رغم زيادة الوزن شاهد بالفيديو.. سودانية تطلب الطلاق من زوجها على الهواء: (لو راجل كنت منعتني من الظهور في "تيك توك" واللواء ستاير أحسن منك ياريت لو أتزوجته بدلاً عنك) شاهد بالصورة والفيديو.. بعد انتشار ظاهرة "حق الملاح".. ناشطة سودانية تحصل على آلاف "الدولارات" هدية من زوجها ارتفاع أسعار الذهب في السودان أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام لأول مرة.. حكم يحمل إنستغرام ويوتيوب المسؤولية عن إدمان وسائل التواصل دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال السودان ومصر يوقعان بروتوكول مشترك لمكافحة بعوضة الجامبيا الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

تسجيلات المريخ وصول (ديسمبر).. مغادرة (يوينو)

قوون نشر في قوون يوم 15 - 06 - 2012

تسجيلات المريخ التى كانت في شهر ديسمبر الماضي ...بالورقة والقلم يمكن

ان تثبت فشل التسجيلات في المريخ ...ويمكن ان تعطينا نتيجتها النهائية

خلاصة تسجيلات المريخ عبر السنين.

اذ اكدت تلك التسجيلات فشلها ...واثبتت (ضجيجها) الاعلامي في الصحف دون

ان يكون لها (طحينا) في الملاعب.

ولنا ان نتمثل بتسجيلات المريخ في ديسمبر لأن خلاصتها وضحت الان في شهر يونيو.

كما ان تسجيلات المريخ بصورة عامة لا تختلف كثيرا عن تسجيلات ديسمبر

الماضي التى وضح خللها وظهر في تسجيلات يونيو الحالية.

وما يقال عن تسجيلات ديسمبر الماضية ...يمكن ان يقال عن تسجيلات المريخ

الاخيرة ..ولكن علينا فقط ان ننتظر حتى ديسمبر القادم ليثبت لنا فشل

تسجيلات المريخ الحالية.

اعلام المريخ طبعا لن يعترف بفشلها ...ولن يحاسب احد في مجلس المريخ ..حتى ومجلس ادارة نادي المريخ يقدم البيان بالعمل عن فشل تسجيلات ديسمبر ويثبتها واقعا ملموسا في تسجيلات يونيو الاخيرة.

لقد قدم مجلس المريخ دليل فشل في تسجيلاته الاخيرة ..ويمكن بمراجعة ما

حدث في التسجيلات الصيفية الاخيرة التأكد من ذلك.

علما ان اعلام المريخ وقتها كان يعتبر ان تسجيلات المريخ ناجحة ..وان

المريخ طلع بالدرر والجواهر ...حتى اذا جاءت تسجيلات يونيو قام المريخ

باعارة الدرر وشطب الجواهر.

وهذا اوضح دليل على فشلها ...واكبر برهان على سوءتها.

المريخ في تسجيلات يونيو الماضي ...قام بضم لاعب الامل عطبرة (مجدي ام بدة).

خلاص انت عاوز تمسك لينا موضوع مجدي ام بدة دا السنة كلها.

الزول دا انشطب.

عشان كدا بتكلم ليكم عنو.

خليتو (جمعتكم) يا ناس الهلال وشبكتوا لينا في مجدي ام بدة لمن اتشطب من المريخ.

اتشطب زي الما حصل حاجة.

عشان تاني تسجلوا ساكت.

الطريف في الامر ان الهلال في نفس التسجيلات ومن نفس الفريق كان قد سجل

نزار حامد ...(وهو لا خلاف حوله نجم السودان في العشر سنوات القادمة).

وقد كان تألق نزار حامد في بطولة الامم الافريقية واضحا ...استطاع ان يخطف الاضواء من الجميع والمنتخب يلعب في النهائيات.

الهلال من الامل عطبرة سجل نزار حامد وصالح الامين والطاهر حماد ...وثلاثتهم اثبت نجاحه ..وتأكدت نجوميتهم.

نزار وصالح والطاهر كان يشكلون اعمدة فريق الامل ...وبسببهم كان للامل ان يحقق في روليت الممتاز العام الماضي موقعا وترتيبا مشرفا.

وقد تراجع الامل في هذا الموسم كثيرا ...لأن نزار حامد وصالح الامين والطاهر حماد كانوا يشكلون عماد الفريق ..وقد انعكس تألقهم حتى على مستوى الفريق في المنافسة الافريقية في بطولة الكونفدرالية.

المريخ من فريق الامل سجل (مجدي ام بدة)...وهذا الامر وحده يؤكد اختلافالرؤي بين الهلال والمريخ.

من الامل سجلنا نزار حامد وصالح الامين والطاهر حماد ...وسجل المريخ

(مجدي ام بدة).

عليكم الله في فرق اوضح من كدا.

مجدي ام بدة دا وقت حاسبنا عليه المريخ ...(وزريناهم) فيه ..قالوا نحن

مجدي ام بدة مسجلنو عشان خبرتو.

انتوا لو مسجلنو عشان (الخبرة)...ليه اعرتم بدرالدين قلق لفريق هلال الساحل.

ناس المريخ لقوا حكاية (الخبرة) دي ما مقسمة.

قام قالوا شنو؟.

قالوا نحن مجدي ام بدة دا مسجلنوا عشان تصويباتو ...وعشان بنفذ

المخالفة بصورة نموذجية.

قالوا ما في حارس بقيف قدامو.

مجدي ام بدة دا قعد في المريخ 6 شهور.

ما شفنا ليه أي (تصويبة).

جاء ..ومشي ...وما عمل أي حاجة.

مجدي ام بدة ...شطب في يونيو الحالي ...ورجع مجدي ام بدة الي فريقه

السابق الامل عطبرة.

بس ناس الامل عطبرة كانوا اكثر صراحة ووضوح من فريق المريخ.

ناس الامل عطبرة ما قالوا نحن مسجلين مجدي ام بدة دا عشان (التصويبات).

لاعب اخر جاء للمريخ في ديسمبر الماضي ...وخرج في يونيو الحالي من

كشوفات المريخ (معارا).

في تسجيلات ديسمبر كان المريخ بعد (هلولة) كبير قد تعاقد مع لاعب

الخرطوم السابق عبدالرحمن كرنقو.

عارفين المريخ تعاقد مع عبدالرحمن كرنقو ليه؟.

عشان عبدالرحمن دا (اخو) حسن اسحاق كرنقو.

وناس المريخ عندهم عقدة من (الكرنقة).

على هذا الاساس ومن ذلك المنطلق تم التعاقد مع عبدالرحمن كرنقو.

بعد شنو؟.

بعد ما قالوا لينا ان كرنقو هذا (جوكر).

وان كرنقو هذا سريع ومنطلق.

منطلق كيف يعني؟.

والله ناس المريخ ديل بجيبوا ليهم في جنس كلمات.

تقول بقرأوا روسي في مدرسة قيادة سيارات.

انتوا ليه بتعملوا كدا؟.

انتوا ليه بتحرجونا مع (الروس) بالشكل دا.

المهم يا جماعة.

كرنقو اتسجل في ديسمبر الماضي ...واتعار في يونيو الحالي.

6 شهور فقط.

نمشي لي صفحة تانية.

في ديسمبر الماضي ...كان فريق المريخ قد تعاقد مع ايهاب زغبير (معارا)

من فريق الاهلي الخرطوم.

ليكم امان الله.

ايهاب زغبير دا 6 شهور ما شفنا.

بالغلط ساكت ما (ايهاب زغبير) دا ما ظهر.

في واحد قال انت تعال هنا ايهاب زغبير دا جاء للمريخ (اعارة)...وإلا (اجازة).

باقي نحن بنلخبط في الحاجات دي.

وعاوزين نفهم.

ايهاب زغبير الان عاد الي فريق الاهلي الخرطوم ..دون ان يلعب أي مباراة

مع المريخ.

ايهاب دا في كأس السودان ما شارك.

شفتوا كيف؟.

وبرضو بتقولوا لي المريخ بسجل.

لو دي تسجيلاتكم كان احسن تعملوا ليكم مطعم سمك.

وتفكونا من حكاية الكورة دي.

في ديسمبر الماضي تعاقد المريخ مع المحترف اليوغندي (موتيابا).

اول حاجة نحن اعترضنا ليهم على حكاية محترف من (يوغندا) دي.

قلنا ليهم محترف من يوغندا دي لا بتجي ولا حاجة.

ما تقعدوا تنظروا لينا ساكت.

موتيابا دا جاء المريخ بقى يلعب مباراة ويغيب خمس مباراة.

تقول جابوه المريخ بالتأكسي التعاوني.

التاكسي التعاوني هسع ذنبو شنو؟.

موتيابا المباراة ما كان بكملها.

كل مرة يطلع مصاب ..تقول بلعب في (ساحات الفداء).

موتيابا ..قعد 6 شهور ...وقالوا ليه بعد كدا يا زول انت بي طريقتك دي

ما بتخارج معانا.

قاموا اعاروه.

رجعوا تاني (يوغندا).

ينظر ويفاد.

اللاعب يجيبوا من اهلو (زي الطلقة)...ويعيروه لي اهلو (مصاب).

دي اول مرة نسمع بيها.

في زول بعيروه لي اهلو.

ايوه اتذكرت.

الموضوع دا حصل قبل كدا مع عصام الحضري.

جابوه من مصر.

ورجعوه مصر (اعارة).

غايتو الحاجات دي يا ناس المريخ ..ما بتحصل إلا عندكم.

حيرتونا عديل كدا.

عارفين تسجيلات المريخ في ديسمبر الماضي صفت على منو؟.

لو قلتوا ليكم ما بتصدقوا.

تسجيلات المريخ في ديسمبر صفت على (ضفر).

عليكم الله في تواضع اكتر من كدا.

في فشل اكتر من دا.

ضفر.

الظاهر (ضفر)...دا ما لقى ليه (اعارة).

ملحوظة : انتوا (الباشا) وين؟.

هوامش

على مجلس الهلال ان يسد باب الاعارات ...بعد اعارة بشة.

وإلا فان الوكلاء والاندية سوف تزعزع استقرار الهلال وذلك بالطلبات

الكثيرة التى سوف تصل للهلال طلبا في اعارة لاعبيه.

طلب اعارة كاريكا ب (100) الف دولار ...فيه استخفاف باللاعب واستخفاف بالهلال.

على مجلس الهلال ان يحسم جميع الملفات مبكرا.

تعيين مدرب عام للهلال ومراجعة دائرة الكرة ...وحل اشكالية كابتن

الهلال ومدرب الهلال غارزيتو.

حلوا تلك المواضيع مبكرا ...حتى يدخل الهلال للنصف الثاني من الموسم مستقرا.

حزنا لاعارة بشة.

وعزاءنا فقط ان الاعارة قد تعود بالفائدة المادية للاعب ....لكن من دون

شك ان الهلال سوف يفقد بشة كثيرا.

ومكانة بشة لا يسدها إلا بشة.

افتقدنا لاعب (مفكر)...وصاحب بصمة مختلفة في الميادين.

نتمنى النجاح والتفوق لمحمد احمد بشة في السعودية مع نادي الوحدة.

ومن غير شك سوف نتابع من بعد الدوري السعودي عشان خاطر (بشة).

والجالية السودانية في السعودية هى الاخرى سوف تتباع مباريات الوحدة

بشيء من الحب.

عام لبشة في مكة ...من دون شك سوف يستفيد من ذلك كثيرا.

تسجيلات المريخ في هذه الفترة لا تختلف كثيرا عن تسجيلات المريخ في

ديسمبر الماضي.

يعني ليما البرازيلي دا من شهر اكتوبر اعارتو بتكون طلعت.

يعنوا انتوا ما تستعجلوا.

ليما دا قلنا صورة مقربة من نجاد البوسني.

اول مرة اشوف لي برازيلي اول لاعب بجي التمرين.

الزول دا مالو (مخلوع) كدا.

قالوا جاء التمرين من الساعة اتنين.

يا اخوي ما في برازيلي بعمل البتعمل فيه دا.

البرازيليون (تقال)...وعينهم مليانة.

نرجو ان يكون الهلال حسم موضوع مدرب الحراس الاجنبي الذي كان يشرف على

حراس الهلال.

يعني بعد 3 شهور ما نتفاجأ بي شكوى في الفيفا من قبل مدرب الحراس.

اصلو مواضيع الهلال كلها في الفيفا.

تقول الفيفا دي ما عندها شغلة غير الهلال.

الله يستر من توريه.

الهلال قال كلمتو...وما عارفين توريه بقول شنو؟.

امبيلي قالوا قبل كدا الهلال حسم مواضيعه معه ..ومنحه حقوقه.

بعد شوية اتفاجأنا ان امبيلي اشتكى الهلال في الفيفا.

حمودة طلع عندو قروش في الهلال.

يا البرير اعمل حسابك.

التسجيلات القادمة ...ما عاوزين تكون عندنا مشكلة في الدفع.

يوسف محمد على ما يبدو في (الصور) انه اتعافي...واصبح تمام.

نريد من يوسف ان يثبت انه تعافى.

ومن دون شك اذا رجع يوسف محمد لمستواه الاول ...يبقى ما في أي مشكة.

وسنقول الحمدلله ان الهلال لم يشطب يوسف محمد.

على العموم هى الفرصة الاخيرة لمحترف الهلال النيجيري.

اخر ستة شهور ليوسف محمد في الهلال.

يا نجاح ...يا مغاردة بدون عودة.

يوسف محمد ليس وحده.

فيصل العجب ..برضو جمال الوالي اعطاه الفرصة الاخيرة.

فرصة حتى ديسمبر.

بعدها لو ما كتب العجب خطاب اعتزاله للكورة.

ناس المريخ ديل ممكن يجيبوا موسي الزومة يكتب الخطاب.

ناس المريخ ما عندهم أي مشكلة في الحتة.

قبل كدا ....عندهم تجربة في (البصمة).

يعني بقت على (الخطاب).

عاجل: اذا لم يجدد الهلال لادوارد سادومبا في ديسمبر القادم ..ما حكم

الطاهر سادومبا في المريخ.

انقر هنا لقراءة الخبر من مصدره.