سودارس : (نقطة) تبعد فاورق جبرة من ان يكون مديرا فنيا للمريخ

في طريق عودته للبلاد .. رئيس الوزراء يلتقي سفير السودان لدى إثيوبيا والمندوب الدائم لدى الاتحاد الأفريقي مسيرة جماهيرية بسنار احتفاءً بانتصارات القوات المسلحة بمحاور القتال في كردفان "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ كاكا قال لدوائر فرنسية إنه يتوقع إنهياراً وشيكاً لقوات التمرد السريع تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة تحديث ذكي جديد ل"واتساب" في آيفون لو ليك فى الرومانسى.. لا تفوت هذه المسلسلات فى دراما رمضان 2026 نائب البرهان يفجّرها بشأن حل مجلس السيادة واتّهام قادة كبار في جوبا اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج عقوبة مالية على الإتحاد وإيقاف عضو الجهاز الفني لنادي المريخ قرارًا جديدًا لوزير التعليم العالي في السودان والي النيل الأبيض يشيد بالليلة الثقافية الأولى لهلال كوستي الجيش يفشل هجومًا عنيفًا لميليشيا الدعم السريع (ده ماهلالك ياهلال؟؟) مهارات يامال تعجز مبابي ونجم مانشستر سيتي شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة ذكرى رحيله.. قصة حب نور الدمرداش وكريمة مختار وزواجهما الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

(نقطة) تبعد فاورق جبرة من ان يكون مديرا فنيا للمريخ

قوون نشر في قوون يوم 26 - 07 - 2012

الموضوع ابسط مما تتخيلوا..الموضوع في منتهى البساطة.

قبل مباراة المريخ والنيل الحصاحيصا التى سوف تلعب يوم السبت القادم في استاد المريخ...اقترح الاتي.

اقترح تكريم فاروق حبرة ...ومنحه وسام ابن المريخ البار...(الزول دا قبل كدا ضرب ليه زول بون ية من اجل المريخ).

يعني ما قصر معاكم.

بونية فاروق جبرة راحت ساكت في الوقت داك.

كان تسوقوه (سويسرا).

بونيتكم ضاعت شمار في مرقة.

لكن ما مشكلة ممكن تلحقوا الموضوع.

الموضوع بتلحق.

المريخ عندو مباراة هامة يوم السبت مع النيل الحصاحيصا.

مع تماسيح النيل.

ورغم من اننا عارفين ان المريخ انتصر في الدورة الاولي على النيل في الكاملين ب (5) اهداف..إلا اننا برضو (عشمانين) في النيل.

موش الرابطة كوستي في الدورة الاولى خسرت من المريخ 0-6 وجات اتعادلت مع المريخ فى الدورة الثانية.

يمكن النيل يعملها.

خاصة وان النيل ثالث الممتاز ..والرابطة تاني الطيش ...مع ذلك اتعادلت مع وصيف الممتاز.

الشيء المضحك.

ناس المريخ.

ناس المريخ مالهم؟.

ناس المريخ ناموا قفا.

ناس الرابطة كوستي استقبلوا المريخ استقبال كبير ...وناس المريخ ناموا على الاستقبال دا.

المريخاب افتكروا الاستقبال دا بنعكس على نتيجة المباراة.

قايلنو زي الدخل مقابل النتيجة.

اعتقدوا كدا ان (الاستقبال) دا يعني الرابطة تفتح ليهم.

اتغشوا بالاستقبال.

الجماعة ما عرفوا ان الاستقبال براهو ..والكورة براها.

كل شيء بي دربو براهو.

اصلو نحن عارفين ناس صديق على صالح ديل بلخبطوا الكيمان.

بكونوا فهموا (الاستقبال) غلط.

وبعدين انتوا عاوزين شنو؟.

دا حسب فهم ناس بلة جابر.

ناس بلة جابر ديل اتعادلوا مع (الفهود) الجنوب افريقي في جنوب افريقيا..ومنحوا أي لاعب في المريخ 3 الف دولار قاموا على التحفيز دا افتكروا ان أي تعادل تاني فيه 3 الف دولار.

قالوا وقت كدا نحن نتعب ليه؟.

نحن نغلب ليه؟.

التعادل يا حبة فيه 3 الف دولار.

قاموا اتعادلوا مع ذئاب كوستي ..باعتبار ان الموضوع فيه (شرتيت) برضو.

وأهو كلو زي بعضو.

ديك فهود ..وديل ذئاب.

لذا يا مريخاب ..اكون معاكم واضح.

عشان تطلعوا من (التماسيح) ديل ...كرموا فاروق جبرة.

وامنحوه وسام ابن المريخ البار.

وبالمرة كدا ...اعملوا حاجة تانية.

كرموا عبدالله حسن عيسي راعي فريق النيل الحصاحيصا.

راعي (التماسيح).

وبعد كدا اسألوني من النتيجة.

والله ما تيجيكم أي عوجة.

الراعي دا موش قبل كدا خلى (ضفر) يحنث.

زول قلب البيعة ..ما يقلب النتيجة.

نكون واضحين...نيل الحصاحيصا بي مستواكم دا ما بتقدروا تغلبوه.

اكرم الهادي سليم نفسو مارقة من الكورة.

قالوا ليك بعد الحضري ما رجع ..اكرم الهادي سليم بقى يشوف ليك الكورة قرع – قرع.

وكمان بقى يشارك في (السهرات) التلفزيونية.

اكرم الهادي سليم ...الايامات دي ما عاجبني.

القصة ما صيام بس.

القصة اكبر من كدا.

وسكواها عندو مشكلة مع ريكاردو.

قالوا كانوا عاوزين يضاربو.

وبلة جابر (بوفيهو) شطب...بعد التقشف.

وليما المباراة كلها شايل (مرايتو).

زى السواق الحريف...كل ما يقيف ليه في حتة ..ينزل يمسح (المرايات).

منقطها عديل كدا.

فريقكم دا بي (ليما) دا لا بغلب النيل الحصاحيصا ولا حاجة.

وفاروق جبرة ذاتو بعد البطولة العربية ..رجع مفتح.

بقى عارف أي حاجة.

عشان كدا اختصروا الموضوع.

كرموا فاروق جبرة ..وامنحوه وسام ابن المريخ البار.

الوسام دا كلوا ما بكلف 150 جنيه.

احسن ليكم بدل ما تتعبوا ساكت مع ناس بلة جابر ديل.

بلة ذاتو الصيام ظهر فيه.

تقول صايم من ربيع الاول.

با بلة مالك.

يا بلة ما كدا.

بلة مسكين ما عندو أي ذنب ...يوم يلعب جوار (باسكال)... ويوم جوار (ليما).

باسكال المباراة كلها يسمع لي بلة جابر في قصايد سنة تلاتة.

باسكال ما بريح الزول البيعلب جواره.

المباراة كلها يكورك فيه.

وبلة جابر بي امانة كدا (ضعف) عديل من كواريك باسكال.

يا بلة انت ما تسكت ليه.

انت ما شفت نجم الدين عمل شنو؟.

نجم الدين ثبتوا ليك طوالي في حدو.

يلا بلاش كلام فارغ.

بلة يوم يلعب جوار الزول (النجاض) دا.

ويوم يلعب جوار (ليما).

وان كان على (ليما)... اخير باسكال.

ليما دا كنبة المريخ كتيرة عليها.

ليما دا عارفين شنو؟.

ليما دا (ضفر) ناس البرازيل.

اها قارنوا براكم.

ضفر دا نحن في (الحصاحيصا) ما مقتنعين بيه ...كمان عاوزين تجيبوا لينا (ضفر) البرازيل.

هو انا ناقص.

خسارة الاحتراف.

الله لا يحرمنا من (ضفوركم) دي.

يا بلة ليك حق تضعف.

اما بالنسبة لي موسي الزومة ...اسكتوا خليه ساكت.

موسي الزومة قالوا ليك قفل نفسو في غرفة ..وقعد يعد في (الجريد) الفي السقف.

موسي حالتو بقت صعبة.

بعد 23 يوم بالتمام والكمال موسي الزومة بي حالتو دي ح يقابل الطبيب.

ح يقابل ساني.

وساني الشايفو دا ..بشرب ليك موسي دا في 5 دقايق.

والله قالوا ليك ساني دا عندو جنس (هوبة).

هوبتو بي (هنمريبها) ..تريح ليك الزول في عضمو.

تفتح النفس.

تفتح الشهية.

يا موسي والله انا ما عاوز اصدمكم ساي ...لكن (ليما) البيلعب معاكم دا (كيس) ما يثبتو.

ما تجازوفوا بي سمعتكم ساكت ...وتلعبوا جوار البرازيلي دا.

دي مسؤولية.

انتوا عارفين زعل (سكواها) انا بعرفو كيف؟.

زعل شكواها بظهر في (الشغيل).

من الاقوان في المريخ يبقى يجيبوا فيها ناس الشغيل والباشا وسعيد السعودي اعرف طوالي انو الموضوع منتهى.

طوالي اعرف انو (سكواها) زعلان.

الاقوان في المريخ بقوا يجيبوها ناس الشغيل وسعيد السعودي.

والله هانت الزلابية.

ليه حق (الباشا) يسكت جماهير المريخ.

اسكتوا ساي.

ولا كلمة.

برجع ليكم تاني يا مريخاب ..واقول ليكم ..لو عاوزين تغلبوا النيل ....كرموا فاروق جبرة.

ان شاءالله تمنحوه (وشاح) ساكت..لو ما قادرين على وسام ابن المريخ البار.

يمكن الوسام دا في (التقشف) الحايم الايامات دي يكون غالي عليكم.

لكن خلونا نهمس في اذن فاروق جبرة.

يا جبرة ..دي فرصتك.

المريخ دا لو طلعت معاه بي تعادل ساكت ..اول قرار يصدره مجلس المريخ سوف يكون هو اعفاء ريكاردو.

والقرار التاني تعيين فاروق جبرة مديرا فنيا للمريخ.

افضل ليك يا فاروق جبرة تمسك المريخ بي مجهودك ...من تمسك المريخ ب (ابن المريخ البار).

طبعا الجماعة ديل الايامات دي فتحوا معاك الموضوع دا عشان يكتلوا ليك قلبك.

الجماعة ديل عاوزين يغشوك ساكت.

خايفين من مباراة السبت.

انت يا فاروق اشتغل على المضمون.

ما في حاجة بطيّر ليك ريكاردو دا غير تغلبو.

تغلبو او تتعادل معاه.

ليك عليّ تعمل كدا ...يعينوك مدير فني.

يلا شوف شغلك يا فاروق.

دي فرصتك ..لو ضيعتها ..لو عيّنوا محمود عزالدين مدير فني للمريخ ما تغضب.

الفرص بتجيكم لي عندكم ..وتضيعوها.

وبعدين تقعدوا تتجرسوا.

ملحوظة : جرسة المدربين ما سمحة.

هوامش

ريكاردو الذي درب الهلال قرابة الثلاثة اعوام ..وحقق الكثير من الانجازات ناس المريخ 7 شهور ما قدروا يصبروا عليه.

الاخ مزمل ابوالقاسم ..امس فرش ورقو عديل.

والله نحن ما قايلنكم (مكجننو) لهذا الحد.

دي كراهية عديل.

مزمل ابوالقاسم كتب عن ريكاردو ( تحت اشراف البرازيلي فاز المريخ على الموردة بكرامة البليلة ، وعبر الخرطوم بخلع الضرس ، وتخطى أهلي مدني بالتيلة ، و(مرق) من أهلي شندي المنقوص تحت ضل السيف).

هسع الكلام دا لو قلنا نحن كان قالوا (حاقدين).

بعدين المشكلة في المريخ في (جمال الوالي) ..ما في ريكاردو.

ريكاردو دا في الهلال كان شغال زي الطلقة.

وكان المريخاب عاوزين يموتوا فيه.

خلاص ريكاردو هسع بقى كعب.

ريكاردو دا ما جريتو وراه لمن فترتو.

هسع 7 شهور ما قادرين تصبروا عليه.

مزمل كتب : ( مع ريكاردو بدأ المريخ الموسم بطريقة 2:4:4 ثم تحول الي 3:3:4 باشراك ثلاثة مهاجمين...بعدها تحول للعب بطريقة 2:1:3:4 ثم غيرها الي 2:5:3 و 1:6:3).

انت يا مزمل متأكد انك بتتكلم عن ريكاردو وليس محمد الطيب.

بعدين الطرق البتقولها دي ...(اقطع ضراعي) لو كان بلة جابر او موسي الزومة او ضفر او الشغيل او الطاهر سادومبا فاهم فيها حاجة.

والله انتوا ساكت قايمين في (ريكاردو).

انتوا ما عارفين السبب.

نجيلة ملعب استاد كوستي قالوا (طويلة).

ريكاردو يعمل ليكم شنو؟.

وقالوا كمان كانت في (مطرة) في ربك.

وربك وكوستي يفصل بينهم (كوبري).

يعني ريكاردو معذور.

ريكاردو ما عندو ذنب.

مزمل كتب : ( تبقت للهلال اربع مباريات ولائية امام جزيرة الفيل ، الامل ، النيل وهلال الساحل).

خلاص قعدوا يعدوا لينا.

نحن ما بنحب زول يعد لينا.

نبقى لي دا يا مزمل..شوفو فريقكم ..نحن ما بتجينا أي عوجة.

ساني دا هوباته بصدرها للولائيات.

ما في أي مشكلة.

اخر حاجة كتبها مزمل ابوالقاسم امس وعاوز اعلق عليها ...كتابته : ( يدفع مدرب الهلال بثلاثة مهاجمين افريقيا ، ويقلصهم مدرب المريخ الي واحد في الممتاز).

خلاص احسدونا.

انتوا مالكم ..ان شاءالله مدرب الهلال يلعب ب (7) مهاجمين...كمان انتوا بتقارنوا نفسكم بينا.

واضح كدا ..من كلام مزمل ...ان المريخاب اصبحوا مفتونين بي (غارزيتو).

زي ريكاردو زمان.

ولو حسبتها ليكم ..بعد 7 سنوات ..غارزيتو يمكن يجيبوه يدرب المريخ.

خلاص العقدة اشتغلت.

وضعوا غارزيتو في رأسهم.

والله مزاجكم عالي.

عاجل : غارزيتو دي ما صغيّر يا مزمل ..يعني بعد 7 سنوات ..بكون ما بشوف...المرة دي البرير عرفها جاب ليه مدرب (كبير).

انقر هنا لقراءة الخبر من مصدره.