سودارس : مباراة زي (اغاني واغاني)

العراق ثامن المنتخبات العربية في المونديال المذيعة تسابيح مبارك تعبر عن حزنها لإغتيال القيادي بحكومة تأسيس: (شاب هميم التقيته في نيروبي ويحمل جواز سفر أميركي ما يعني أن لديه فرصة أخرى في الحياة) 5 تصرفات تتسبب فى تدمير العلاقة العاطفية.. أخطرها سؤال أنت فين دلوقتى؟ "يديعوت أحرونوت": واشنطن بدأت عملية إجلاء طارئة ل60 ألف أمريكي من مصر الدولار يتراجع مع تصاعد توقعات التهدئة في الشرق الأوسط القبض على أمريكى هدد 8 مرات بقتل ترامب إحالة رئيس الأركان السوداني للتقاعد بالمعاش بالصورة.. أبعدوه حتى لا يرى قبرها ويقوم بنبشه.. قصة مؤثرة تدمي القلوب لشاب سوداني معاق ذهنياً في يوم وفاة والدته التي كان متعلق بها ومداوم على مسك "ثوبها" ميسي ورونالدو على رأس أساطير التهديف في الدوري الإسباني شاهد بالفيديو.. "ماما كوكي" تتحدث عن قضية الساعة.. مطربة شهيرة تقيم علاقة عاطفية مع "البرنس" بعد طلاقها من زوجها وردة فعل أهلها جاءت صادمة لها مفاجآت عمرو دياب لجمهوره التركى فى أول حفل له أغسطس المقبل ريهام حجاج : كممثلة لا أهتم بالمظهر بقدر اهتمامى بصدق الشخصية أدوية منسية في المنزل قد تهدد صحة العائلة.. تخلص منها فورا نوع نادر من السرطان.. ما هو التليف النخاعى؟ 5 نصائح للوقاية من جرثومة المعدة سوداني يسأل: (أنا مغترب وحصلت مشكلة بين زوجتي وزجة أخي واخوي اتصل علي قال لي طلقتها ليك هل الطلاق واقع؟) اللجنة الإقتصادية العليا تصدر عدداً من القرارات المهمة لتحقيق استقرار سعر الصرف الصحفية عائشة الماجدي: (لاحظت في الخرطوم مجموعة من الناس نشطة عايزة تبيع بيوتها وفي كمية عرض بيوت للبيع ما طبيعية) بالفيديو.. شاهد ماذا قالت الفنانة توتة عذاب عن أغنيتها التي تصدرت "الترند" في الوطن العربي؟ وتوجه رسالة للمطربة بلقيس فتحي والممثلة إيمي سمير وزير التربية يدشن استلام الدفعة الثانية من كتب الصف الاول الثانوي للولايات "معاناة 5 سنوات".. برشلونة يتلقى نبأ سارا من رابطة الليجا شاهد بالفيديو.. علاء الدين نقد يدخل في حالة بكاء هستيري في سرادق عزاء القيادي بحكومة "تأسيس" أسامة حسن الأمم المتحدة تفتتح مقرها بالخرطوم شبكة أطباء السودان .. قوة تتبع للدعم السريع اقتحمت مستشفى الأسرة بمدينة نيالا واعتدت علي الكوادر الطبية كانتي.. منذ أن كان حلمًا في أعين الهلالاب السودان.. وفاة لاعب كرة قدم محمد عبدالقادر يكتب: شهادة البوشي.. و"فضيحة صمود " قرارات لجنة المسابقات باتحاد الكرة الدامر وزير المعادن ونائب المدير العام المفتش العام للشرطة يدشنان مركبات لتعزيز مكافحة تهريب المعادن وتأمين مواقع التعدين السودان.. زيادة مخيفة للإصابة بالضنك في 7 ولايات السودان.. وزير يشرع في تكوين قوّة عسكرية ضاربة..ماذا هناك؟ ارتفاع وارد واسعار الذرة والسمسم بسوق القضارف قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر عثمان ميرغني يكتب: فساد.. الفساد.. شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي السيسي للرئيس ترامب: لا أحد يمكنه وقف الحرب في المنطقة إلا أنت مصر.. الدولار يقترب من 54 جنيها لأول مرة وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

مباراة زي (اغاني واغاني)

قوون نشر في قوون يوم 08 - 08 - 2012

مباراة الهلال والاهلي بشندي كانت مباراة رائعة ...مباراة زي (اغاني واغاني).
قعدنا ليها بعد (الافطار) زي كبابي الشاي...نحن في الحتة دي زي اسحاق الحلنقي ..(لو وشوش صوت الريح في الباب يسبقنا الشوق قبل العينين).
بنحب المفاصلة.
ما تشربوا (الشاي) بعد الافطار طوالي ...(نصيحة طبية).
شوقنا قعد في (البنابر) برة البيت...(يسبقنا الشوق قبل العينين).
منتظرين الكورة زي (كرت الفتوح).
عندنا عمنا ..شفت في (الكوتشينة)..وقت يكون قافل ...بقفل (المروحة).
مفتح ..عارف لو الورق اطاير ..الشفوت القاعدين برة ديل بقعدوا يغالطوه.
هلال اهلي..مباراة زي (اغاني واغاني)..انتوا إلا يعيدوا ليكم الكلام.
والله المباراة دي مفروض كان يحكمها (السر احمد قدور).
دي الفاضل ليها ..ساكت الاتحاد الافريقي تعبان وجايب ليها حكم من مورشيص.
رغم الشحن ..والتوترات التى سبقت المباراة ...إلا ان المباراة كانت نموذجية فى السلوك والانضباط.
ومثلما كان الهلال رائعا في المباراة ...كان جمهور شندي اكثر روعة ..التزاما وانضباطا.
حضروا للاستاد بعد ان اكرموا ضيوفهم ...ولم يبخلوا حتى بتشجيع الهلال وفريقهم يلعب مباراة ضد الهلال فكان ذلك منهم اقصى غاية الجود.
ديل ناس شندي كمان بيلعبوا.
قالوا ليك (مالك) مدافع اهلي شندي المحترف ..لياقتو كملها في شيل صواني الافطار..عشان كدا لمن دخل المباراة ابراهيما سانيه لقى جاهز...(نفسو مقطوع).
نحن غايتو استمتعنا بالمباراة ...الهلال 90 دقيقة كان في ملعب فريق الاهلي ..وقد نتج من ذلك الضغط هدفين وضربة جزاء و15 كورنر ...غير جدعات التماس.. وضربات الجزاء التى لم يحتسبها الحكم.
هذه الوقائع مجتمعة تؤكد قوة الهلال الهجومية..وقد خرج بعد المباراة (الكوكي) المير الفني لفريق الاهلي شندي واكد ان اندية الكوفندرالية لن تستطيع ان تصمد امام هذا الهجوم.
والاجهاش راجيكم ..راجيكم يا مريخاب.
والعياط محمدكم.
وقال الكوكي صاحب القراءة الفنية الجيدة ان الهلال هو الفريق المرشح الاول للفوز ببطولة الكونفدرالية.
حقا فان غارزيتو وصل بهجوم الهلال الي اقصي صور انتاجاته ...سانيه في 4 مباريات سجل 7 اهداف.
الزول دا ما فاضل ليه إلا يعمل ليه (طرمبة) في شارع الستين ...(ما شاءالله).
ويسجل بصورة متسمرة مدثر كاريكا وسادومبا ...في الوقت الذي نجد فيه ان الاهداف في المريخ يسجلها الباشا والشغيل وسعيد السعودي.
ديل شنو ديل ..(الكورس) دا جايبنو من وين؟.
كورس زمان ...البصفقو بعد ما الفنان يبلع ريقو..يقومو يخشوا هم بالرمية الاولي.
عليكم الله يا مريخاب هسع الهدف البجيبو الشغيل نفسكم ما بتمرق منو.
مفروض الحكم ذاتو ما يحسبو.
الشغيل دا ما تخربو طبعو بالاهداف ..بقوم يفكر يحترف برة.
هجوم الهلال وفي غياب صانع الاهداف الاول في السودان يسجل كل هذه الاهداف ..ترى كيف يكون الحال عندما يشارك هيثم مصطفى (حفظه الله ورعاه)؟.
جهزوا (الصوامع).
الكهربا جات املأوا الباقات...(انتظروا سيدا) بس.
خلاص اتفاقية النفط مع جنوب السودان وقعوها.
الدولار نزل.
هيثم رجع.
في مباراة اول امس ...تعرض كل مدافعين فريق الاهلي شندي الي شد عضلي بسبب الضغط الذهني والبدني الذي تعرضوا له من قبل هجوم الهلال الناري.
شاهدنا (مالك) مدافع الاهلي شندي يخرج اكثر من مرة لتلقى العلاج ...انا كنت كلما اشاهد مالك وهو خارج من الملعب لتلقى العلاج ..اقول للزول القاعد جنبي الزول دا ماشي وين؟.
الزول القاعد جنبي ما بكذب بقول لي يكون ماشي يجيب ليه (صينية).
(الجعليين) ديل ما عندهم محترف ما بشيلوه صينية.
ناس صعبين ..الكرم دا حقهم.
اصلو ناس شندي في الكرم ما في زول بلحقهم.
قالوا ناس شندي فرشوا شوارعهم بصواني رمضان ...ودخلوا الكورة.
ناس شندي صعبين.
صعبين ومفتحين.
فتحوا بيوتهم للضيوف ...وبقوا تذكرة المباراة (المسطبة الشعبية) ب 30 جنيه.
شوف الناس ديل ما بلخبطوا.
تجيهم في بيوتهم ...ما في زول بقصر.
تدخل الاستاد ...نارهم بتولع ...ما بتلفتوا.
الكرم براهو ..والخبط براهو.
عشان تعرفو.
نحن أي حاجة عندنا بي نظام.
قالوا ليك (محمد سيلا) الذي لم يكمل العام حتى الان في شندي (دافن) عكازو على رأس خط 18 لي سادومبا.
ولا بكذبوا في الحاجات الزي دي.
اعود للمباراة ..واقول ان هجوم الهلال حقا اصبح قوة ضاربة ...هجوم الهلال بقى زي الشلال الرابع.
كاريكا من جهة ..وسادومبا من جهة ...وسانيه من جهة تانية.
وايكانغا لافي الميدان كلو...تقول جابوه الهلال (شريك).
الزول دا اتعلم ( الله الوطن الهلال) من وين؟.
الغريبة بعد الحاجات دي ...والهلال متقدم على الاهلي وفي الوقت الذي سحب فيه الكوكي المدير الفني للاهلي شندي مهاجم وادخل مدافع ..(فارس دخل بديلا لنادر الطيب) في الوقت الذي فعل فيه الكوكي ذلك ...عارفين غارزيتو عمل شنو؟.
غارزيتو سحب مهند الطاهر وادخل الطاهر حماد ليلعب الهلال باربعة مهاجمين.
عليكم الله دي قبل كدا حصلت في شندي.
ناس شندي ديل نارنهم مولعة في المدرجات ...غارزيتو يسحب لاعب وسط ويدخل مهاجم.
اها عشان نكون واضحين معاكم يا مريخاب.
عشان ما تمسكم (ام هلا هلا) ساكت.
غارزيتو قال يوم 18 اغسطس ح يلعب ب (5) مهاجمين.
شوفوا ليكم بلد ساكت.
بلة جابر سمع الكلام دا ..قدا السلك.
قالوا بلة جابر اخد ليه (كرت اصفر) مخصوص.
كرت (مع سبق الاصرار والترصد).
انت دا شنو البتعمل فيه دا يا بلة جابر ..بقيت تعملها ظاهرة.
الزول دا بقى قبل أي مباراة للقمة بيأخذ ليه (كرت اصفر).
نحن فهمناك.
عرفنا ما وراء الكرت الاصفر.
مباراة القمة في الدوري المحلي الفاتت ..بلة جابر كان موقوف لأنه اخذ ليه (كرت اصفر) في المباراة التى سبقت مباراة القمة.
واظن كدا ...ان بلة جابر لقى الحكاية سمحة.
شاف (الحساب بقى بال (سانيه) ) الشغال بيه الهلال الايامات دي قام اتخارج بي (كرت اصفر).
والله البشوف (محمد سيلا) في مباراة اول امس طلع ودخل كم مرة للمباراة ..يحن على ناس باسكال.
اها يا باسكال ...دا كلو راجيكم.
سيلا في مباراة الهلال والاهلي ...زي الزول الراقد في الحوش وجاتو مطرة.
تصب يلملم (مرتبتو) ويدخل جوة ...تسخن عليه جوة ..يلم المرتبة ويطلع في الحوش.
ينوم ...تصب ..يشيل المرتبة ويدخل جوة.
تسخن ..يطلع تاني.
اها محمد سيلا كان شغال كدا في مباراة الهلال والاهلي شندي.
وناس بلة وناس باسكال ما بقدروا على الشغل دا.
قلت ليكم ضغط الهجوم الهلالي كان رهيب.
عشان كدا بلة جابر دا مفكر.
عبقري عديل ...شاف ليه (كرت اصفر) اتخارج بيه من قمة يوم الوقفة.
يا بلة جابر اقول ليك حاجة.
اقول شيء.
الكرت الاصفر ما بحلك.
احسن شوف ليك (فيزا) عديل كدا...واتخارج من البلد دي ...ناس (سانيه) ديل قالوا يوم الوقفة عندهم (كشة) عديل.
والله انا وقت كنت قاعد بحضر في كورة الهلال والاهلي ..شفت (مسلم الطيب) باك الاهلي ...شفقت عليه.
حنيت على باكات السودان.
مسلم الطيب لسانو اتقطع ..وفانيلتو كلها ماشي موية.
والله انا اول حاجة افتكرت مشارك في مسلسل (عمر بن الخطاب).
تقول كان في حرب.
الزول دا تعب جنس تعب.
انتوا عارفين بعد ضربة الجزاء التى احتسبها الحكم ...(غير ضربات الجزاء الفوتها الحكم) ...دفاع الاهلي شندي عمل شنو؟.
دفاع الاهلي - سيلا اخذ (كرت اصفر)...ومالك اخذ (كرت اصفر)...والهلال كسب 15 ضربة ركنية.
دا رقم قياسي.
الزول القاعد جنبي عارفين قال لي شنو؟.
الزول القاعد جنبي قال انت ناس شندي ديل خلوا يصدروا (المنقا)...وبقوا يصدروا (الكورنرات).
عليكم الله مع (الطول والعلا) دا البتمتع به (سانيه) في باك عاقل كدا بطلع ليه (كورنر).
انتوا عارفين لو هيثم مصطفى موجود كانت الكورنرات دي مع (سانيه ونزار حامد ومساوي وفداسي) كانت كلها ح تكون اهداف.
والله احسن اكلمكم من هسع دي.
اكون واضح معاكم يا ناس المريخ.
بلة جابر ..انت طلعت منها ...(الكلام دا ما بعينك).
الكورنر تاني في الهلال اخطر من (ضربة الجزاء).
احسن تعمل ليك (ضربة جزاء) عديل كدا من تطلع ليك كورة كورنر.
كورنر مع سانيه وفداسي ومساوي بتدقس.
خليك مفتح.
نحن الزول المغمض في (الباكات) ما بندورو.
ملحوظة : الحضري شاف سانيه ....هو ذاتو اتخارج.
هوامش
بين الشوطين ..قالوا ناس شندي ضبحوا ليهم (عجل)..وحلفوا على ناس الهلال إلا يتعشوا.
لكن الحكم رفض يمد الاستراحة بين الشوطين.
سادومبا قالوا دخل الميدان بي (ضلعتو)...عشان كدا بصل المرمي وبضيّع.
الحبيب مزمل ابوالقاسم كتب امس : ( لم يحسن الكوكي في ادارة اللقاء
وابقى على الربيع السلبي ويعقوبو الضعيف دون أن يجتهد لتدعيم هجومه).
خلاص يا مزمل انتهيتوا من ريكاردو عاوزين تقبلوا على الكوكي.
يا اخوي شوفوا (جبرتكم) وين؟.
المضحك ان مزمل كتب : ( لو ضغط الكوكي على دفاع الهلال الضعيف وحارسه المتواضع لتغيرت النتيجة).
انتوا قنعتوا من (الشكوى).
يا مزمل المريخ سوف يلعب امام الهلال في المقبرة يوم 18 اغسطس ...ملاحظاتك تلك احتفظ بها لذلك اليوم.
اضغطوا انتوا.
لكن انتوا تضغطوا بي منو؟.
الباشا والسعودي وليما.
يلا يا مزمل ورونا حاجة ..واثبتوا لينا ان هذا الدفاع ضعيف ...والحارس متواضع.
خلوه اهلي شندي ..لعب كورة قدر قدرتو ...تعالوا انتوا وررونا شطارتكم دي.
يوم 18 اغسطس ما بعيد...عاوزين نشوف (الفصاحة) دي.
بس اظنكم عارفين ان سنة 2012 قربت تنتهي والهلال (تبارك الله) لم يهزم حتى الان في هذه السنة...(اللهم احفظها نعمة من الزوال).
الهلال ينقش في تاريخ جديد لنفسه ...فريق بدون خسارة.
غارزيتو في 30 مباراة لم يخسر.
وبعد دا يقولوا الدفاع ضعيف والحارس متواضع.
والله نحن مع اهدافكم البجيبوا فيها ناس الباشا والشغيل وسعيد السعودي ...حارسنا لو دخل شايل (رق) كمال ترباس ..ما بتجيه عوجة.
هو انتوا عندكم هجوم مع الناس.
سكواها ..صايم من (ربيع الاول).
الناس صاموا بعدو وقربوا يعيدوا ...وزولكم صايم حتى الان.
تصدقوا.
تصوروا ..في المريخ لاعب طرف اسمه (ليما)..ومع ذلك يتحدثون عن دفاع الهلال.
والله ليما دا تدخلوا بيه مباراة الهلال ..(سعيد السعودي) دا إلا يشيل الكورة من الدقيقة العاشرة.
ربع ساعة ما بتصمدوا.
اللهم حفظ لينا (ليما) دا الي مباراة القمة.
شاركوا بيه ..والله (كدراتو) بعد المباراة ما بتلقوه.
الحبيب مامون ابوشيبة براهو ..منو وليهو كتب عن ليما امس ( البرازيلي ليما الذي حل محل موسي الزومة في الطرف الايسر لاعب مهاري وجيد في الاستلام والتمرير ، ولكنه لاعب ناعم يتحاشي الالتحام القوي والالعاب الانزلاقية ، كما يعاب عليه الافتقار للجرأة الهجومية فلم نشاهده اطلاقا ينطلق نحو رأية الكورنر ويعكس الكرات بقوة وفدائية ورجولة).
اول حاجة افتكرت مامون ابوشيبة بتكلم ليه عن ممثل تركي.
معقولة زول بالمواصفات دي بيلعب في المريخ.
ابوشيبة اضاف : (مواصفات ليما قد تجعله يصلح للعب في الدفاع وربما كان الانسب ان يشارك في المحور ، وشخصيا لا احبذ مشاركته في لقاء القمة القادم لأنه سيلعب في مواجهة سادومبا اللاعب القوي السريع والكثير الانطلاقات من جهة الجناح ..والحد من خطورة سادومبا يحتاج لمدافع شرس للغاية يجيد الالتحام والالعاب الانزلاقية الرجولية أي من طراز كمال عبدالغني وامير دامر وليس من طراز ليما).
يا ابوشيبة كمال عبدالغني في (الصيام) دا يجيبوا ليك من وين؟.
طبعا مامون ابوشيبة زول صريح وواضح والفى قلبو في عموده..يعني ما بدس حاجة.
غايتو لو منتظرين ليما يعمل ليكم العاب (انزلاقية) بطولو.
انزلاقية دي في الاساس ما عندهم في البرازيل يا ابوشيبة.
ولا سمع بيها.
انزلاقية دي قولها لي موسي الزومة ..ضفر ...ما تقولوا لي ليما.
بعدين ليما دا لو بعرف الالعاب الانزلاقية البتتكلم عنها دي يا ابوشيبة
ما كان عمل ليه (شعرة) زي العاملها دي.
دي لو عملها في الهلال ..كنا قطعنا رقبتو.
ليما دا بي (قصتو) دي اوعكم يمشي شندي.
نوع ليما دا (ايكانغا) بشيل لوحتو من اول كورة مشتركة.
الشيء الغريب ..اهداف المريخ بجيبها (الباشا)..والحوافز بشيلها كلتشي.
انت يا الباشا ما عندك كرامة.
ليك حق تسكت الجماعة.
ديل قاعدين ساكت.
اكرم الهادي سليم ..بقى بتاع (كأس السودان) ساكت.
لا كونفدرالية ...ولا ممتاز.
كأس السودان فقط.
والله عجبنا ليك يا اكرم.
لكن اكرم برضو ما ساهل.
الكنبة دي بقعد فيها بالدولار.
نظام شنو؟.
نظام ما بقعد ساكت.
لو شارك ليما في مباراة القمة ...اقترح على ناس المريخ ان يكتروا (التلج) ساكت.
سادومبا قال (ليما) دا ما تجيبوه لي براهو.
سادومبا قال يا ابوشيبة ليما دا جيبوا لي معاه اربع صور بسبورت.
شفتوا كيف؟.
ما عرفنا سادومبا عاوز الصور لي شنو؟.
لكن اكيد عندو فهم.
انتوا جيبوا (ليما)..ونحن بنجيب (الصور).
اول مرة اشوف لي محترف شايل ليه (مرايا)..تقول في مسلسل تركي.
الزول دا برازيلي وإلا جدو تركي.
يتخيل لي كدا ليما دا شفتوا في المسلسل التركي (دموع الورد).
يتخيل كدا ..لكن ما بقدر اجزم.
عاجل : يا غارزيتو اقفل التمارين..اشتغل في (السر).

انقر هنا لقراءة الخبر من مصدره.