نجم برشلونة يتصدر قائمة الأغلى في العالم 2025    القوات الجوية السعودية تستهدف شحنة أسلحة إماراتية في ميناء المكلا كانت متجهة للانفصاليين    الحكم بالإعدام على مشارك مع قوات التمرد بالأبيض    لماذا تجد صعوبة في ترك السرير عند الاستيقاظ؟    والي ولاية غرب كردفان ومدير شرطة الولاية يشهدان تخريج دورة حرب المدن لمنسوبي الشرطة بالولاية    لجنة الانضباط توجه انذار نهائي بشطب فريق ام دغينات من كشوفات الاتحاد    فلومو... أوع تلومو!    كواسي إبياه: التأهل عبر أفضل الثوالث حررنا من كل الضغوط ولن نرضى بغير النصر أمام البوركيني    عبده فايد يكتب: تطور تاريخي..السعودية تقصف شحنات أسلحة إماراتية علنًا..    إنشاء مطار جديد في الخرطوم    التحالف: نفذنا ضربة جوية استهدفت دعما عسكريا خارجيا بميناء المكلا    صراع النفوذ في القرن الأفريقي وإنعكاساته السالبة على الإقليم    حالة دكتور ناجي: جزاء المعروف سبعة كفوف    سقط قناع "حرب الجنرالين" وانكشف مشروع تفتيت السودان    الفنّانُ الحق هو القادر على التعبيرِ عن ذاتِه بما لا يخرج عن حدود خالقه    الخرطوم .. افتتاح مكتب ترخيص الركشات    الحزب الشيوعي السلطات الأمنية منعتنا من إقامة ندوة احتفالا بذكرى الثورة    السودان..مسيرات في الشمالية والسلطات تكشف تفاصيل المداهمة    رئيس الوزراء يهنئ المنتخب الوطني بفوزه على غينيا الاستوائية في بطولة الأمم الإفريقية    ضمنها طائرة مسيّرة.. ضبط أسلحة ثقيلة ومواد كيميائية خطرة بالشمالية    شاهد بالصورة.. إعلامي مصري معروف يتغزل في تفاعل فتاة سودانية عقب نهاية مباراة صقور الجديان وغينيا: (الله على الجمال بكاء مشجعة سودانية بعد فوز المنتخب السوداني)    المذيعة والصحفية ملاذ ناجي تتلقى التهانئ والتبريكات من نجوم السوشيال ميديا بمناسبة عقد قرانها    رونالدو يرفض الاعتزال قبل الوصول لهذا الرقم    السودان..وزير الشؤون الدينية والأوقاف يصدر قرارات    5 أطعمة تخفف أعراض البرد في الشتاء    رياض محرز يقود الجزائر لتخطي بوركينا فاسو والتأهل لثمن نهائي أمم أفريقيا 2025    الحقيقة.. كرة القدم تجرّنا جرّاً    رئيس الاتحاد السوداني ينعي الناظر طه فكي شيخ    شاهد بالصور.. الرابر "سولجا" يقتحم مران المنتخب الوطني بالمغرب    الجامعة العربية: اعتراف إسرائيل ب"إقليم أرض الصومال" غير قانوني    الجزيرة .. ضبط 2460 رأس بنقو بقيمة 120 مليون جنيهاً    بنك السودان يدشن نظام الصادر والوارد الإلكتروني عبر منصة بلدنا في خطوة نحو التحول الرقمي    زيادة جديدة في الدولار الجمركي بالسودان    الوطن بين احداثيات عركي (بخاف) و(اضحكي)    السودان يعرب عن قلقه البالغ إزاء التطورات والإجراءات الاحادية التي قام بها المجلس الإنتقالي الجنوبي في محافظتي المهرة وحضرموت في اليمن    لميس الحديدي في منشورها الأول بعد الطلاق من عمرو أديب    شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية    مشروبات تخفف الإمساك وتسهل حركة الأمعاء    منى أبو زيد يكتب: جرائم الظل في السودان والسلاح الحاسم في المعركة    شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة    «صقر» يقود رجلين إلى المحكمة    كيف واجه القطاع المصرفي في السودان تحديات الحرب خلال 2025    إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل    تراجع أسعار الذهب عقب موجة ارتفاع قياسية    وزير الداخلية التركي يكشف تفاصيل اختفاء طائرة رئيس أركان الجيش الليبي    شرطة ولاية نهر النيل تضبط كمية من المخدرات في عمليتين نوعيتين    استقالة مدير بنك شهير في السودان بعد أيام من تعيينه    كيف تكيف مستهلكو القهوة بالعالم مع موجة الغلاء؟    قبور مرعبة وخطيرة!    عزمي عبد الرازق يكتب: عودة لنظام (ACD).. محاولة اختراق السودان مستمرة!    مسيّرتان انتحاريتان للميليشيا في الخرطوم والقبض على المتّهمين    إسحق أحمد فضل الله يكتب: (حديث نفس...)    الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا    الشتاء واكتئاب حواء الموسمي    "كرتي والكلاب".. ومأساة شعب!    ما الحكم الشرعى فى زوجة قالت لزوجها: "من اليوم أنا حرام عليك"؟    حسين خوجلي: (إن أردت أن تنظر لرجل من أهل النار فأنظر لعبد الرحيم دقلو)    حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



شندي المحطة
قوون نشر في قوون يوم 04 - 08 - 2012

اعلام الهلال ...ربما بذكاء حاول ان (يشعلل) مباراة الهلال والاهلي التى سوف تحتضنها مدينة شندي غدا.

حاولوا ان يجعلوا المباراة (معركة حربية)....والناس ما ناقصة حروب ...عشان تجوا تعملوا ليها (معارك) في اكثر الاشياء التى يحبونها ..ويفضلونها.

المعروف ان هذا الشحن الذي يسبق المباراة ...سوف يكون من دون شك في مصلحة الهلال ..وذلك لأن لاعبي الهلال اصحاب خبرة وموهبة اكبر وهم قادرون على التعامل مع مباراة الغد بكل معطياتها ..عكس فريق الاهلي صاحب الخبرة الضعيفة وهو يلعب لاول مرة في بطولة افريقية.

لذلك هناك قصد من ذلك الشحن ...والضغط ..حتى اذا انتصر الهلال على الاهلي شندي ان شاءالله ..جعلوا ذلك الامر (بطولة) ...وهو غير ذلك.

عادي جدا ان ينتصر الهلال على الاهلي وان يعود الهلال من شندي ان شاءالله بالنقاط الثالث دون ان يكون في ذلك الامر (انجازا).

اعلام الهلال حاول (الاستثمار) في توتر العلاقة بين الهلال والاهلي وذلك باختزال المباراة في (الامين البرير وصلاح ادريس) ...وهذا شيء يجرد المباراة من فنياتها ويدخلها لعنبر الحوادث بعد ان يخرجها من المستطيل الاخضر.

المباراة اكبر من ان تختزل في هذا المربع.

الشيء المؤسف اننا في ظل هذا المناخ المتوتر حاول البعض تجريد شندي من كل فضائلها ..وخصائصها ..وكرمها.

كادوا ان يجعلوا شندي في طرف ...والهلال في طرف ...والهلال وشندي طرف واحد.

جردوا شندي حتى من (هلاليتها) ..وذلك فقط لأن رئيس نادي الهلال السابق صلاح ادريس راعيا لنادي الاهلي الذي سوف يواجه الهلال في الغد.

لكن الحمدلله ان اهل شندي ...ومعتمدها تعاملوا مع الاحداث بحكمة ووعي رغم الخطاب الاعلامي الحاد الصادر من اعلام الهلال.

الحمدلله ان الخطاب الاعلامي لم يستفز اهل شندي ..وإلا انجرفت المباراة الي ما لا يحمد عقباه.

ربما هلالية المدينة ...هو الذي عصمنا من ان نقع في الدرك.

كذلك لا بد من القول ان رئيس نادي الهلال الامين البرير تعامل مع (الهجمة الاعلامية) بوعي وفطنة ... وذلك عندما ذكر انه هو الاخر من ابناء شندي ومن المنطقة التى اخرجت الكثير من الكوادر وقدمت الكثير من الرجال اصحاب التاريخ والمواقف القوية.

لذا فان الهلال في الغد سوف يكون في معقله ...سوف يلعب في ارضه ووسط جمهوره ...ولن يجد الهلال افضل من جمهور الهلال واروع منه ليدعمه ..وليقف معه.

واني لاراهن ان الاهلي غدا وهو يلعب في استاد شندي سوف يكون غريبا وهو يلعب في راضه ووسط جمهوره.

عرفنا منذ عهد بعيد شندي بهلاليتها الصارخة ...والرائعة والجميلة...وقد شهدنا للهلال هناك بالحب والمودة التى لم نجدها في أي مدينة اخرى ..غير شندي (الزرقاء).

في شندي ...(ابوالزيك) القبطي يشارك الجعليين في (العراقي والسروال) وحر ة القلب .

(ابوالزيك صاحب مطعم في سوق شندي).

ابوالزيك...يصلح (فوله) بهوبة مهند الطاهر ، فيزدحم المطعم بالزبائن منذ الخامسة مساء طلبا للفول المصلح بهوبة مهند الطاهر.

وعندما يقطع العيش في مطعم (ابوالزيك) بسبب الازدحام ...يأتي العيش من فرم (ود الزاكي) مسخنا.

يا ولد جيب عيشة زيادة.

عندك واحد هوبة مصلحة يا ريس.

هذه شندي تجتمع كلها بمختلف الالوان والثقافات في كشك ابوالزيك ...يضربوا (الفول) ثم ينتشروا في نوادي شندي.

نادي السكة الحديد ...فيه ود الحسين والبشاري.

نادي الاهلي فيه ناس اسامة خليفة ..ونادي الكوكب منتصر ودقشة والتجاني السيد.

نادي الشاطي فيه اولاد عامر جمال الدين وعبدالعظيم وعلى عطوة.

النوادي في شندي مازال فيها السمر والانس.

اشهد ان (الهلالية) الحق ...تعلمانها من الجنوبي (رومبيك) خفير مدرسة المك نمر ...رومبيك كان هلالابي (بقطع) عديل كدا - وقت تجيب ليه سيرة (الهلال).

رومبيك بقبل أي شيء ...إلا تتكلم ليه في الهلال...(انت ما زولو لو جبت سيرة الهلال بي شيء كعبة).

بضارب عديل كدا لو قلت ليه هدف الهلال التاني ما صحيح.

رومبيك كان يعود المساء الي مدرسة المك نمر شايل ليه نص رطل باسطة ، ورطل لبن ،وجريدة الهلال.

كان يكون اسعد زول في هذه الحالة ..ما عاوز حاجة من الدنيا دي غير هذه الاشياء البسيطة.

خلاص مالك الدنيا كلها بهذه الاشياء البسيطة.

وفي شندي ....الشفع كانوا يجادولون (مليم) ويشغالونه ...بهلاليته ..وهو

كان مثل رومبيك يثور وينفعل لمن تجيب ليه سيرة الهلال ...يشاكل ويغضب.

مليم كان بقعد في مكتبة (العهد الجديد) متكبة سمير ولطفي منذ الساعة السابعة صباحا انتظارا للجرايد التى كانت تصل لشندي في ذلك الوقت بعد الساعة 12.

كان رومبيك ...بجنوبية (فصيحة) بشجع الهلال ..وفريق النيل ...(المؤسسة) المدرسة الادراية العريقة التى خرجت عبدالمجيد منصور وعصام الحاج والكثير من الاسماء التى عملت في المجال العام وصنعت لنفسها ولشندي تاريخ ناصع البياض.

اما مليم فقد كان يشجع الهلال وفريق النسر وهو بقيادة دوكة والسحار واوفر وعلي فليكو وحليبي وبشرى.

شندي عبدالمحود ...(الخواجة) الذي خرج من منطقة (الشقاولة) ولعب في ساردية.

عبدالمحمود خواجة ...(مشلخ) ...فن وادب ...واخلاق ..هو اول من ادخل حساب المثلثات في المستطيل الاخضر.

وهو اول من (قسم) الثورة والسلطة ...وفاوض فيها ..وجادل ..ونطق بكل اللغات وهو في المستطيل الاخضر.

عبدالمحود ساردية اول من اجرأ عملية قلب مفتوح في منقطة الجزاء.

وهو اول من فرش خط 6 مواكيت.

عبدالمحمود كان بعمل ليك كشف نظر ..وبشوف نظرك كم؟....وهو يدقل بالكورة ويسحر بها كل ما يتفرج عليه.

هذه شندي.

شندي المحطة ...(نور الشام)...الطعمية ...والعيش الساخن ..والقطر وصل.

كان لقطر المشترك في محطة شندي وقع خاص - كأن القطار في محطة شندي (فرقة اوركسترا الاذاعة) يطرب ..ويطربون به.

شندي المحطة التي غني لها ابن المنطقة (علي اللحو) (يا الفي شندي ساكن بالسكة الحديد).

شندي عثمان الشفيع ...والطيب عبدالله وحسين شندي ...وقبل ذلك جاء منها الفنان عبدالله الماحي اول فنان يسجل في اسطوانة وود الفكي الذان جاء من منطقة كبوشية.

شندي بهذا التاريخ ...والفن المخلوط بالخلود والبساطة سوف تحتضن الهلال في الغد بكل الفرح.

غدا في ربوع شندي يلعب الهلال ...(سيدا) بنزلها ليكم بالورقة والقلم ..زي ما قال الكتاب.

ما عاوزين أي غلاط.

العاوز يشبع ...يدخل الاستاد من بدري ...هيثم مصطفى حفظه الله ورعاه ...بكرة ح ينزل ليكم (قناة) جديدة.

تمريرة سيدا بتقطع (العطش).

تشيل الطشاش من العيون.

في قمر جديد ..وبتردد جديد ناوي البرنس ينزلوا ليكم ...تعالوا اشبعوا (شوف).

تعالوا شوفوا مهند الطاهر ...عنده (هوبة) جديدة ...تشيل الفتر من الضهر.

تعالوا من بدري ..الهلال عندو لاعب جديد اسمه (سانيه) ....زي مفتش (الركب).

بفتش ليك ركب الباكات دي ..ركبة ..ركبة.

قالوا سانيه بكرة عندو صالون حلاقة جديد ...عاوز يدشنو.

الحلاقة بالدور.

غايتو يا بلة جابر لو انت حريف ..تشيلك متأخراتك من الان.

مع سانيه دا ...ما مضمون تاني تلقوا حقوقكم.

شوفوا (ايكانغا) في أي حتة في المعلب بتلقوا واقف ....ما بتفوتوا حاجة.

واقف زي حرس الصيد.

اتمتعوا بي كاريكا ..بلعب الكورة باخلاق ..بادب ...الكورة عند كاريكا ..ما لعب.

الكورة عند كاريكا (فهم ورسالة).

شوفوا سادومبا عاوز يكتب ليه تاريخ جديد له مع الهلال.

يا ناس شندي بختكم ...الهلال سوف يصلكم اليوم.

اتمتعوا ...وشجعوا ..واتفرجوا ..وحافظوا على صورة شندي ..وروعة شندي ..وجمال انسانها النبيل.

ملحوظة : شندي نفر.

هوامش

الاهلي شندي عليه ان يتقبل الخسارة بروح رياضية ...وان لا ينجرف لاعبو الاهلي مع الاعلام.

الفرق بين الهلال والاهلي كبير ..وبعيد ...وما تحملوا الاهلي ما لا طاقة له به.

الى الان لم اقرأ تصريح لصلاح ادريس ...وهذا شيء جيد.

بالتأكيد ليس مطلوب من صلاح ادريس ان يثبت العكس.

مباراة المريخ وانتركلوب اليوم قد تكون خطيرة على المريخ.

على المريخ الحذر.

خاصة ان هذه الايام ...ناس المريخ عايشين في حالة من (الاجهاش).

الايامات دي ناس المريخ رايحة ليهم (جهشة).

الناس البقعدوا في كنبة المريخ ...بقوا اكتر من الناس البقعدوا في المدرجات.

جماهير المريخ كلها عيونها في (القطاع الرياضي).

كل يوم بعينوا ليهم زول جديد في القطاع الرياضي.

قبل ايام عين الهلال التاج محجوب ..مدرب عام...في ظل وجود حمد كمال مساعد المدرب.

ناس المريخ ...شالوا (الحكاية) زي ما هي.

عارفين ناس المريخ عملوا شنو؟.

جابوا فاروق جبرة ليكون مدرب عام.

يعني أي حاجة نعملها الليلة في الهلال نلقاها بكرة في المريخ.

هسه الهلال لو عين ليه مساعد مدرب للحراس ...ناس المريخ بطبقوا نفس النظرية.

ديل بقلدونا في أي شيء.

البنعملوا كلو ..بعملوه.

وما بخجلوا من (التقليد) دا.

فرحانين بالتقليد دا.

غارزيتو ..اشتغل شغل خاص لمباراة الاهلى.

غارزيتو دا لما يقفل الاستاد من الاعلام والجمهور ..بكون بهذه (القفلة) قاصد ليه حاجة خطيرة.

غارزيتو دا بعمل ليه في شغل صعب.

يا ناس الاهلي غارزيتو دا 15 دقيقة ما بتقدروا تقيفوا قدامه.

عشان كدا اتخارجوا من بدري.

يا الكوكي ما تغامر ساكت.

انت خلاص وصلت للنقطة النهائية.

الله يمرق (الكشافات) اليوم من عكسيات موسي الزومة.

اكرم الهادي سليم قال ما بقعد كنبة.

الحضري شكلو في (الكنبة) يحنن.

بعد ما شاب ..قعدوه (كنبة).

دي اخرتها يا حضري.

بعد 45 سنة ..طبيعي تقعد كنبة.

الزمالك خارج مصر بقيادة تحكيم سوداني يواجه مازمبي.

واظن ان الزمالك سوف يكون امام اخر فرصة.

الفرصة الاخيرة للزمالك.

الاهلي في مصر وبعد ازمة ابوتريكة وفتحي ومتعب سوف يواجه اليوم شيلسي.

وشيلسي كما قال الاستاذ رمضان احمد السيد سوف يكون مفاجأة هذه البطولة.

مازمبي ظهر بمستوى ضعيف في هذه البطولة.

غياب ايكانغا اثر.

ايكانغا بشيل وصايا غارزيتو وبنفذها بالورقة والقلم.

لذا اصبح ايكانغا مهم جدا في تشيكلة الهلال.

ايكانغا السلاح الذي يقاتل به غارزيتو.

عاجل : الهلال ح يتصدر مجموعته من الليلة.

انقر هنا لقراءة الخبر من مصدره.