سودارس : عفوا شرعية مجلس الهلال في عدم استهدافه للبرنس لا في قرار المفوضية

رسالة من المرشد الإيراني مجتبى خامنئي د.إبراهيم الصديق يكتب: الفولة تتفازع.. القتال وضعف الميليشيا..موسى هلال يفجرها مدوية رئيس مجلس السيادة يؤدي صلاة عيد الفطر بمسجد القيادة العامة الهلال السوداني يؤدي البروفة الأخيرة مساء اليوم.. و«ريجيكامب» يجهز خطته لعبور نهضة بركان رئيس الهلال «السوباط» يطير الى كيجالي ليقود شحنة دعم استثنائية للاعبين في معركة الأبطال نائب رئيس الهلال يتابع مران الفريق.. الأمن يداهم مخزن يبيع الوقود المهرب لعصابات التنقيب عن الذهب شاهد بالصور والفيديو.. لقطة طريفة.. طفل سوداني يرتبك أثناء محاولته التقاط "سيلفي" مع "البرهان" وقائد الجيش يقابل الموقف بضحكات عالية شاهد بالفيديو.. قيادي بالدعم السريع: (مرتزقة من جنوب السودان يسيطرون على مدينة "الفولة" ويطردون قواتنا وأفرادنا عردوا وتركوا نساءهم) شاهد بالفيديو.. مليشيا الدعم السريع تهدي فنانة "سيارة" بعد أن اتهمت أفراد المليشيا بسرقة منزلها ومنازل المواطنين بالفاشر وساخرن: (العربية مشفشفة يا فنانة) للعام التاسع على التوالي.. الفنلنديون أكثر الشعوب سعادة 996 مؤسسة صحية بالجزيرة لتقديم الخدمات في عطلة عيد الفطر لجنة أمن سنار توجه بإقامة صلاة العيد داخل المساجد والمباني الحصينة مفوضية العون الانساني بسنار تدشن كسوة الأيتام إيران تفتح باب المشاركة في كأس العالم 2026 مشيتك تفضحك.. هكذا يعرف الآخرون إن كنت غاضباً أو حزيناً غوتيريش يخاطب إسرائيل وأميركا: حان وقت إنهاء الحرب السيسي يفاجئ الإمارات بزيارة خاطفة.. ويوجه رسالة بشأن الضربات الإيرانية ترامب: سندمر حقل بارس للغاز إذا قررت إيران مهاجمة قطر من المستشفى.. منة عرفة تعلن تعرضها ل وعكة صحية شديدة القوات المسلّحة السودانية تعلن استرداد محطة مهمة بالصورة والفيديو.. ناشطة سودانية تحكي قصة ارتباطها وزواجها من نجم السوشيال ميديا "برهومي": (الشاريك وعايزك بحارب عشانك وعمرو م يلعب بيك) مقرّ خاتم الأنبياء العسكري يتوّعد بردّ قويّ بعد تجريد منتخب بلاده من كأس أفريقيا..الاتحاد السنغالي يعلن أول قراراته تراجع معدّل التضخّم في السودان ظهور لنجاة الصغيرة يفرح جمهورها.. والفنانة ترد "رجعت الشغل تاني".. مطرب المهرجانات مسلم يعلن انتهاء أزمته مشهد الولادة بمسلسل محمد إمام يثير غضباً.. والممثلة توضح بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق 6 عادات يوصى بتجنبها في المساء لحماية القلب دراسة : الأطعمة فائقة المعالجة تهدد كثافة العظام ابتكار علاج لسرطان القناة الصفراوية من الحليب ياسين أقطاي يكتب: كيف وقعت إيران في هذا الخطأ الإستراتيجي؟ رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية لافروف قلق إزاء مستقبل نظام عدم انتشار الأسلحة النووية توقّعات بارتفاع غير مسبوق في أسعار النفط الترجي يهزم الأهلي في ذهاب ربع نهائي دوري أبطال أفريقيا ضبط 238 كجم من "الآيس" وأسلحة بجانب نحاس بولاية البحر الاحمر انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

عفوا شرعية مجلس الهلال في عدم استهدافه للبرنس لا في قرار المفوضية

الاهداء نشر في قوون يوم 21 - 09 - 2012

في احد (شبابيك) الفصل الخامس ...بل تحديدا في الشباك التالت من الباب
(شباك اخضر ما فيه ترباس) ...منقوشة على ضلفة الشباك الشمال (اسفل
الضلفة) عبارة (سيد البلد).
لو انهم درسوها في مقرر الدراسة ..ما كان (امريكا) رفعت رأسها علينا تاني.
محمد
سين وجيم
س : لماذا يستبدل احمد الباشا دائما في مباريات القمة؟.
ج : عشان يقعد في الكنبة!!.
طيب سؤال تاني...ممكن.
السؤال : لماذا شارك بلة جابر في اخر 4 دقايق من عمر المباراة؟.
الاجابة : عشان ريكاردو (يكورك) فيه مع الناس الشاركوا.
احتمال
الحضري سألوه ...هدف سانيه دا جاء كيف؟.
قال ليهم ...بلة جابر زاول لي.
الحاجة البتغيظ ..بلة جابر وقت الهدف جاء ..كان قاعد في الكنبة.
انتوا يا ناس المريخ (كنبتكم) دي في نقطة ضربة الجزاء.
هسع دا احتمال دا.
شولة هندية
ضفر قالوا ...قال ..والله انا ما غايظني هدف سانيه ..(هدف سانيه بجي في
اعظم حارس واقوى دفاع)...لكن انا غايظني (الكراسي) الحطموها دي.
بالله الهلالاب ديل تقول في معركة (القادسية).
اول انتوا يا مريخاب (الكراسي) الكسرتوها في استاد الهلال كانت بضاعة
(دنماركية)..عشان تهرسوها كدا.
يا جماعة روقوا...
الكراسي ما عندها أي ذنب.
الكراسي ذنبها شنو؟.
شوال غتاتة
ريكاردو في الشوط التاني ...بعد ما اضغط ....اتلفت في الكنبة يمين وشمال
..وقت لقي جنبو الشغيل واديكو ويس ...قال جيبوا لي (عمر بخيت).
انا عاوز عمر بخيت.
عمر بخيت يجيبو ليك من وين في الزحمة دي؟.
نحن لو لقينا عمر بخيت ..كنا ضربناكم سبعة ..زي ناس الوحدات.
صورة تذكارية
الحضري بعد الهدف مشي يفحص...
الدكتور عاين ليه كدا ..وقال ليه انت عندك (سانيه) في المخ.
الحضري قال للدكتور ..والله يا دكتور انا شاعر بالموضوع دا من قبل 15 يوم.
شغل روس
مدثر كاريكا ..وقع ليك في ناس (ليما وضفر ونجم الدين وباسكال) خياطة...
ذكرني ليك ...(الفيلم الهندي)..وقت البطل يجي راكب ليه (موتور)..يسك ليك
الحلة كلها قدامو.
الطشت القناة الاولى
معلومات مؤكدة ...اثبتت ان هدف سانيه في الدقيقة 84 لم يظهر في
(الطشت)..واضاف مصدر مطلع اخر ...ان الهدف ما بتشاف ...حتى بعد ان سجل
..واعاده تلفزيون السودان وقناة النيلين الف مرة ..وذلك لسبب بسيط وهو ان
هدف سانيه ما كان عندو (اظهار رقم).
الطشت القناة الثانية
ضفر ..قال لو كان عارف كدا ..من اهلو ما كان جا ...لو عارف دا بحصل كان
قعد قبلو في (النيل الحصاحيصا)...مرتاح وسمين ..وما عندو هم.
ضفر ..قال ناس المريخ ..غشوني...بهدلوني ..واحرجوني مع ناس الحلة.
صابحكم لو كان عارف (سانيه) دا ...كان عمل ليه (حواشة) في الحصاحيصا
..وارتاح من تنظير ناس مزمل ابوالقاسم.
لو زرعتها (بصل) يا ضفر كان احسن ليك.
الطشت القناة الثالثة
دي قناة ثاقفية ...الليلة ما شغالة بالكورة..
وما عارفة الحاصل شنو في الاساس.
حكمة ناصية
ريكاردو دا بخاف من الهلال جنس خوف.
المرة الفاتت قلنا المريخ لاعب بي عشرة ..عشان كدا ...قعد يدافع وطلع المهاجمين.
هسع مالك يا ريكاردو ...معقولة من الدقيقة الاولى في الشوط التاني ..انت
قاعد تدافع.
تقول لاعب ضد برشلونة.
انت وقت بتخاف كدا ..بتلبس احمر ليه؟.
طن دغالة
مريخابي جره ليه كرت ..طلع (دو)...طوالي دك الكوتشينة..وقال نحن لا
نلقاها من الورق ولا نلقاها من الفاضل ابوشنب.
طبعا الجماعة الطيبين ديل كانوا فاكرين الفاضل ابوشنب يفك ليهم (الجوكر).
سواق قندران
سواق قندران جابو ليه بنت ..فك اللستك الاسبير وباعو ..وعمل سمايتو
..ودور زي الما حصل حاجة.
البنت فك ليها الاسبير ..لو جاب ولد كان عمل شنو ؟..كان فك اللساتك كلها.
الزمن دا الواحد اصلو ما يغلط ويعمل ليه (سماية).
هسع سواق القندران ذنبو شنو؟.
كرسي نص
هلالابي شفت ..النوع البشاكل من الصباح ...البلاقي يسلم عليه ..بدخل معاه
في مشكلة.والعجب لو جاب ليه سيرة الكورة...وإلا سيرة اللحمة (الغالية
دي).
بعمتو قبلو...ولا بتلفت.
الهلالابي دا ..ركب في حافلة المزاد ....الكمساري ما رجع ليه الباقي..
قال ليه فكة مافي.
صابحكم الهلالابي الشفت ..قلع ليه (كرسي نص) ونزل بيه.
كمان نحن الشفوت ..في زول بحقر بينا.
زول قدر يقول ليه حاجة مافي.
ليما شوفوا ليه (ركشة)
ليما في مباراة اهلي شندي جاب ليه قون ..والظاهر كدا انو صدق ...ومزمل
صدق ..وهيثم كابو صدق.
ليما جاء مباراة القمة ..(ناسي) أي حاجة...وإلا (ناسي) عجرم .. غايتو
(ناسي) ليه شيء..لكن هي شنو ما عارف؟.
ليما دا ...مستواه غير مقنع بالجد ..وهو ممكن يكون ثغرة يضرب منها المريخ
لو أي فريق لعب عليه.
عشان كدا ليما دا الظاهر عيله ولف على السودان ..وما اظن يرجع تاني
..لذلك انا بقترح تشوفو ليه (ركشة)..وتشغلوا في الصحافات.
الزول دا في (الركشات) ممكن يكون خطير.
هيثم مصطفى ..ما تقدمه الان اروع..هو في قلب الاحداث حتى وهو مبعد
وقائع الاحداث (الداخلية) في الهلال ...تؤكد ان مجلس الهلال رغم (المبادرة الرئاسية) ...مازال يتعامل باستخفاف واستهداف لقايد الهلال هيثم مصطفى حفظه الله ورعاه.ومازال الجهاز الفني للهلال بقيادة الفرنسي غارزيتو ..يتعامل مع البرنس بالخلفية القديمة...( ما جاهز و44 تمرين والشاطر حسن محمد صالح).اما دائرة الكورة فان دورها فقط ينحصر في اشعال المزيد من النيران ..والقيام بهذه الادوار البرئية ...على طريقة (عبدالسلام النابلسي وحسن فايق) في الافلام المصرية القديمة. والخطر ...يخرج من هنا ...ان تعامل المجلس والجهاز الفني مع هيثم مصطفى يحتاج الي مراجعة ..حتى لا نجد نفسنا في نفس المربع السابق ..والايام القادمة والمواجهات المرتقبة ...تحتاج الي الاستقرار ..وتحتاج الي خبرة هيثم مصطفى وقيادته ..وقد ظهرت حاجة الهلال لقائده حتى والهلال ينتصر ..وكان الهلال في حاجة له وهو يتقدم.كل المباريات التى لعبها الهلال في هذا الموسم رغم الانتصار فيها ..كان السؤال عن هيثم مصطفى هو الذي يتصدر مجريات الاحداث في المباراة ...ومازال المشجع العادي يقول والهلال ينتصر ...(والله لو كان هيثم لاعب).ان دفاعنا ..وكتابتنا عن هيثم مصطفى ..قد يفهمها بعض الناس انها دفاعا عن هيثم مصطفى ..وحقيقة الامر هى دفاع عن الهلال ..وقد اثبتت الايام تدهور الهلال وتراجعه عندما اشتعلت قضية هيثم مصطفى ..ووجد المريخاب متسع للحديث عن احلامهم ..بل اصبحوا يتحدثون بقوة عين عن فوزهم بكأس الكونفدرالية ..وقبل قضية هيثم مصطفى ..كان حلم المريخ فقط يتمثل في الصعود لمرحلة المجموعات مع الاهلي شندي. الذين لا يعرفون هيثم مصطفى ..يجهلون ما يقوم به هيثم مصطفى ..الذي كان له القدر المعلى في هذه الالفة التي تجمع بين لاعبي الهلال ..وكان له الفضل في ظل التصدعات الادارية ان يبقى الهلال متماسكا وقويا واسرة واحدة. هيثم مصطفى حتى وهو بعيد عن المشاركة بسبب حجج غارزيتو (الواهية) والمضحكة في آن واحدا ..إلا انه قريب من كل الاحداث ..ومتحرك في انحاء مختلفة من اجل ان تبقى روح الهلال بهذا الشكل.هيثم مصطفى ...وهو مبعد كان قريبا من أي لاعب ..بالحوار والمناقشة والتحفيز ..وهو متابع لكل صغيرة وكبيرة ..وكل لاعبي الهلال يرجعون اليه ..ويلتزمون بتوجيهاته التى يقصد بها استقرار الهلال وتقدمه.اخر روائع البرنس ...انه جاء مع لاعبي الهلال ..واوصلهم حتى مدخل الاستاد ..ثم عاد.كان يمكن ان يكون هيثم مصطفى داخل الاستاد ..ليشاهدها من (المدرجات) لكن حتى ذلك لا يريدها له غارزيتو. غارزيتو قال بعد مباراة الشلف ..ان هيثم مصطفى كان تواجده في الاستاد سببا في تعادل الهلال والشلف.يعني يا هيثم في المدرجات ما تقعد. وكتب البعض عن (السبحة) ..وانتقد فيها ..وكأنه دخل استاد الهلال بدبابة ..او شحنة (ويسكي) مهربة.الاشكالية التى لا يعرفها غارزيتو ..هو ان هيثم مصطفى حاضرا في كل الاوقات وان غاب.عندما صعّد مجلس الهلال مشكلته مع هيثم مصطفى ..اخرج لاعبي الهلال بيانا في تونس ..وهددوا قبل ذلك بالخروج من الملعب ان خرج هيثم مصطفى من التمرين بعد اشكاليته مع المدير التنفيذي.وانعكس ذلك سلبا على الهلال في مباراة انتركلوب والهلال الاولى ...وعندما حلت المشكلة بمبادرة رئاسية ...قدم لاعبي الهلال اجمل عروضهم امام الانتر في ام درمان ..وانعكس حل المشكلة بشكل واضح على اللاعبين وعلى مستواهم ..وعلى الجماهير في المدرجات.في الايام الماضية لم اكتب عن مشكلة هيثم مصطفى ..وعن تطوراتها ..لأن المجلس والجهاز الفني للهلال يحتاج لمزيد من الوقت حتي تحل مشكلة هيثم مصطفى بصورة نهائية ..ومازلنا نضع العذر للمجلس والجهاز الفني ..ونحتفظ له بحقه في الابعاد ، والوقت مازال مبكرا للحديث عن المشكلة ..لكن نكتب الان للتنبيه والتحذير ..ولكي يعلم مجلس الهلال وجهازه الفني ان الامور قد تزداد تعقدا ان اصر المجلس والجهاز الفني على استهداف القائد.الهلال يحتاج الي هيثم مصطفى الان اكثر ..اذا اراد مجلس الهلال وجهازه الفني ان يحقق كأس الكونفدرالية ..عليه ألا يتعامل بهذا الاستهداف والاقصاء مع هيثم مصطفى لأن هذا الاسلوب ..لا يمكن ان يخلق بطولة. وهذا للتنويه والتذكير. ولكن ...لا حياة لمن تنادي. يمكن ان يفوز الهلال ..ويتقدم ..ويحقق الممتاز ..ويصعد لدور الاربعة في الكونفدرالية.لكن لن تحقق (البطولة) في ظل هذا التعامل العدائي للقايد ...البطولات الخارجية تحتاج للاستقرار والمحبة ..والنوايا الحسنة ..والقلوب الصافية.المفوضية ..امس اكدت شرعية مجلس الهلال ..وهذا امر قد يكون مقبولا ان كان سوف يدفع استقرار الهلال ..لكن ما نحب ان نؤكده هو ان شرعية المجلس في عدم استهداف القايد ...يمكن ان تفقدوا شرعيتكم في ثواني ان استمريتم بهذا العناد.
افتكار
سانيه كان بيلعب بي (عين واحدة).
افتكر عصام الحضري وهو في هذه السن ..ما محتاج اكتر من عين واحدة.
سانيه (مغمض)...ممكن يجيب ليه قون في الحضري.
هسع دا افتكار دا.
اقتراح
ريكارود ظهر في المباراة وفي بعض الصحف ...وهو يكورك.
ظهر غضبان ..وجايط.ريكاردو هاجم حتى حكم المباراة ..(انا ما عارف الحكم عمل شنو؟).في واحد ..شاف الحاجات دي ..قال لي انت تعال هنا ابوشنب منو؟.الفاضل ابوشنب وإلا ريكاردو ابوشنب؟.الشنب في منو؟.والله يا ريكاردو بعد غضبك دا مفروض تعمل ليك (شنب) كبير ..وتأخد حقك بي يدك.بقيت صعايدي عديل كدا يا ريكاردو.هسع دا اقتراح دا.
ملحوظة
زمان وقت تكون في حفلة جماهيرية للراحل محمد وردي او محمد الامين اوابوعركي البخيت ..بقولوا ليك (الكرسي) بي كدا ..و(التربيزة) بي كدا.
جاتني فكرة...استاد المريخ لو فيه (ترابيز) كان ح يكون فيها حلاة كسير.انت يا جمال الوالي من قروش الحكومة الكتيرة دي ..ما تعمل لينا (ترابيز)
في المسطبة الشمالية.مباراة القمة الافريقية ..ألعبوها في استاد الخرطوم ..لو عاوزين تحافظواعلى بقية كراسيكم دي.بالمناسبة لو الاتحاد الافريقي او الاتحاد السوداني اصدر عقوبات علىاحداث القمة الافريقية الاخيرة التى لعبت في استاد الهلال ..دا كلو ماكان حصل.لا الاتحاد الافريقي ولا الاتحاد السوداني عملوا حاجة في احداث القمةالتى لعبت في استاد الهلال ..عشان كدا جماهير الهلال اخدت (كراسيها) بي يدها.وهسع الموضوع دا لو ما اتحل بصورة (قانوينة) حفظت لكل الاندية حقوقها..يمكن ان يجرنا الي ما هو اخطر من هذا.والقمة القادمة ..ما بعيدة

انقر هنا لقراءة الخبر من مصدره.