سودارس : حق كراسينا بنخلصو (اقوان)

شاهد بالفيديو.. مواطنة سودانية تنهار بالبكاء فرحاً بعد رؤيتها "المصباح أبو زيد" وتدعوه لمقابلة والدها والجمهور: (جوه ليك يا سلك) (لوبوبو وإن طال السفر) بعد العودة إلى التدريبات.. هل ينتهي تمرد رونالدو أمام أركاداغ؟ شاهد بالفيديو.. الجوهرة السودانية يشعل المدرجات ويفتتح مشواره الإحترافي بالخليج بصناعة هدف بطريقة عالمية شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس) مدير عام قوات الجمارك: لن نتهاون في حماية الوطن من سموم المخدرات والسلاح شاهد بالفيديو.. قائد ميداني بالدعم السريع يعلن انشقاقه عن المليشيا ويعترف: (نحن من أطلقنا الرصاصة الأولى بالمدينة الرياضية) مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز الجمارك في السودان تحسم جدل رسوم بشأن الأثاثات والأجهزة الكهربائية للعائدين السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان بعد غياب 8 سنوات.. عبلة كامل تعود وتثير ضجة ب"إعلان" "سامسونغ" تُحبط الآمال بشأن الشحن اللاسلكي في سلسلة "Galaxy S26" هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين توضيح من سوداتل حول مشروع ممر Bypass الإقليمي لحركة الترافيك العالمية عبر السودان حساسية الجلد أثناء الحمل.. متى تستدعى القلق واستشارة الطبيب؟ تحديث ذكي جديد ل"واتساب" في آيفون نائب البرهان يفجّرها بشأن حل مجلس السيادة واتّهام قادة كبار في جوبا تشابه دماغ البشر والذكاء الاصطناعي يدهش العلماء القانون يلزم الشركات السياحية بسداد تأمين مؤقت عن رحلات العمرة لو ليك فى الرومانسى.. لا تفوت هذه المسلسلات فى دراما رمضان 2026 كاكا قال لدوائر فرنسية إنه يتوقع إنهياراً وشيكاً لقوات التمرد السريع اكتشاف وجود علاقة بين الاكتئاب وهشاشة العظام دراسات: إوميجا 3 تحسن الإدراك وتعزز المزاج عقوبة مالية على الإتحاد وإيقاف عضو الجهاز الفني لنادي المريخ قرارًا جديدًا لوزير التعليم العالي في السودان والي النيل الأبيض يشيد بالليلة الثقافية الأولى لهلال كوستي الجيش يفشل هجومًا عنيفًا لميليشيا الدعم السريع أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة الهلال يتلقى أول خسارة بدوري المجموعات أمام مولودية الجزائري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب بيان مهم لوزارة المالية في السودان لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

حق كراسينا بنخلصو (اقوان)

الاهداء نشر في قوون يوم 20 - 09 - 2012

يقول يوسف العقيد الاديب والكاتب المصري : ( في منتصف السبعينيات من القرن الماضي فوجئت بمحمد سيد احمد ، ونحن في أحد اجتماعات جريدة الاهالي بحزب التجمع ، ينتحي بي جابنا ويبلغني تحيات »الاستاذ«. طبعا لم يكن في حاجة الي القول من هو الاستاذ فذلك كلام لا يقال ، فلم يكن في مصر سوى استاذ واحد ووحيد ، عندما نقول الاستاذ في مصر لا بد اننا نقصد الأستاذ »هيكل« وعندما نقول الريس فالمقصود هو »عبدالناصر« ، وعندما نقول نقول الست ، فنقصد »ام كلثوم«..).
دا كلام يوسف العقيد ...هنا في البلد دي لمن نقول الامبرطور بنقصد »محمد وردي« ولمن نقول المعلم بنقصد »عمر بخيت« ..ولمن نقول (سيدا)..ما محتاجين ذاتو نقول بنقصد منو؟...دي الما بفهمها يمشي يشوف ليه (لجوء سياسي) ساكت يتخارج بيه من البلد دي.
بس يا عمر بخيت ..الليلة عليك الله ادخل لينا الملعب ب (الطباشير)..ودرس لينا ناس الشغيل وسعيد السعودي (علوم البحار)..عشان من اول خمس دقائق في المباراة ناس نجم الدين يدكوا (الحصة).
اقصد المحاضرة.
محمد
الطشت القناة الاولى
واحد شاف ليه (ركشة) في سوق 4 في بري ..وقف صاحبها وحاول يتظارف معاه ..و قال ليه يتخيل لي شفتك بي ركشتك دي في شارع القصر.
في ناس في السخانة دي يوقفوك ..ويقولوا ليك ..نحن شفناك وين؟. قول في (زي افلام)...يعني شنو؟. بتاع الركشة ما كضب ...قال ليه : تشوفني كيف بي ركشتي دي في شارع القصر؟ ...والله إلا (طشكم) دا بجيب تلفزيون ولاية الخرطوم.
تحويشة العمر
سن المعاشين للاساتذة الجامعين ...مدوها الي (65) سنة... يعني عصام الحضري دا ...لو كان استاذ جامعة ...كان يكون فاضل ليه (7) سنوات من ينزل معاش.
تعريجة
عمل ليه عملية عيون ...بقى يشوف امو ...(بنت الجيران).
يا ريت لو بقت على كدا. الموضوع اطور. ابوه قبضو بكتب ليه في (جواب) لي امو ...بتغزل في عيونها العسلية.
احتمال
ليما جاب ليه قون في الاهلي شندي ..قعد ينظر لينا...
ليما قال في البرازيل لمن كان بجيب ليه (هدف).....برفع الفانلة ...عشان تظهر صورة امو في الفانلة الداخلية.
حسب فهمي لحركات المحترفين ...يا ناس المريخ الزول دا المعني كدا عاوز يجيب (امو). شوفوا المحترف يقول ليك : اتذكرت امي ...اعرف طوالي عاوز يجيب امو. ليما دا ظاهر عليه لاعب (حنين) شديد.
الحنية كاتلاهو.
ليما دا لو لقيتو في شارع الاربعين ..بغني في (شوفي الزمن يا يمة ساقني بعيد خلاص)..ما تستغربوا.
زول جاب ليه فد قون قال عاوز يجيب (امو).
طيب يا (ليما) لو جبت الاقوان البجيب فيها (سادومبا) ..كنت قلت عاوز تجيب (حلتكم).
هسع يا ود الناس ..عاوز اقول ليك حاجة.
هسع وينو (الاحتمال) هنا.
الاحتمال في الاساس ....الدخلو شنو؟.
بالعربي الفصيح ..ذنبو ايه؟.
ايه ..دي جديدة.
الطشت القناة التانية
قالوا نجم الدين (مدافع المريخ) ..امس قام من النوم مخلوع ..وقال للجماعة
انا (عطشان) عديل كدا.
دائرة الكورة كلها وقفت على فد كراع.
جابوا ليه (كوز) ما روى.
جابوا ليه (جك) ما روى.
جابوا ليه (جردل) ما روى.
اخر حاجة خالد احمد المصطفى فهمو ليك قام قال ليه (سادومبا) ما لاعب ....حتين الود رقد نام.
انت يا نجم الدين وقت النوم بطيّر من عيونك بتلبس (2) ليه.
(2) دي خليها لي اسيادها.
اقتراح
مريخابي ..وقع فيه (صاروخ)..فرتكو ليك متل (علبة الحلاقة) البلم فيها
شافع نجاض...زولكم بقى ضلعة ضلعة.
اهلو شالوه ..وجري على الحوادث.
في الحوادث دكتور (شفت)..مفتح ..النوع البتلقى اليوم كلو واقف في الشباك
وبتكلم في التلفون..شاف ليك الزول (مفرتك) كدا ..قال ليه مالك زي الرسمة
البتبدأ (خروف) وبقلبها صاحبها (فرخة)؟.
زولكم بي (حق المسكول) ..قال ليه : صاروخ يا دكتور ...صاروخ.
الدكتور قال ليه انت ما تحمد ربك ...صاروخ واحد عمل فيك دا ...طيب الحضري
بحصل عليه شنو وهو في 4 صواريخ ح تقع في رأسو الليلة الساعة 8.
زولكم قام من (النقالة) ..وقال ليه عليك الله يا دكتور في داعي هسع
غارزيتو دا يلعب ب (4) مهاجمين.
هسع دا اقتراح دا.
شولة هندية
الشغيل ...في مباريات القمة ..بكون التسعين دقيقة حايم مع هيثم مصطفى
حفظه الله ورعاه ...ما عشان يقفلو.
عشان يتصور معاه بس.
شولة وخروف ضحية.
تشاهد غدا
مزمل ابوالقاسم (الصدى) - وياسر المنا (الزعيم) وحسن حمد (المريخ) ...الليلة بكونوا ما عاوزين ليهم أي اجتهاد. ما عاوزين أي تنظير.
الصدى والزعيم والمريخ ....الليلة عناوينهم طلعت (أي دمعة حزن لا لا). اما بابكر سلك بكون خلى ليك (اسلام) الليلة تنوم بي (دقة)..واحتجب عشان بنتو نامت. يا سلك البنت دي اوعك تضربها.
اوعك تقهرها ..معقول تشوف سادومبا تشجع (اديكو).
تشوف نزار حامد تشجع سعيد السعودي. انتوا مالكم ناس (فقريين) كدا.
غايتو يا مريخاب (تشاهد غدا) حقتكم طلعت.
قريب غطا وخال (ضفر)
مريخابي بعرف فريقو مغلوب من الهلال يوم يمشي البيت ويلقى زوجتو عاملة ليه في الغداء (سلطة اسود). من يلقى (سلطة الاسود) بقنع ليك من الكورة ..بعرف ليك الحكاية بايظة من (طبيخها).
اها الزول دا من عرف ليك مباراة القمة يوم 20 سبتمبر ..قعد يحذر ليك في زوجتو من قبل تلاتة اسابيع.
قال ليها ما عاوز لي (اسوداية) واحدة في البيت. لو لقيت لي (اسوداية) في البيت دا ..بوديك بيت ابوك.
وعشان يحسم ليها الموضوع بكشل جذري ..قال ليها لا عاوز (اسود) ..لا عاوز (بطاطس). هسع البطاطس ذنبها شنو؟.
زولكم الليلة ..رجع البيت من الساعة 12..قال يرجع بدري ... يرتاح شوية عشان الكورة.
طبعا صاحبكم ما سأل من موضوع (سلطة الاسود) دي ..عشان الموضوع بالنسبة ليه كان محسوم.
نام شوية ..وقام يكورك في الولية ..يا ولية جيبي الغداء.
5 دقائق بس الصينية جات داخلة ..زي كشف البكا. رفع الطبق ..لقى ليك (سلطة الاسود) مسنترة في نص الصينية.
كفت ليك الصينية في (الواطة) ...ومسك ليك زوجتو من (اضانها)..وقال ليها ..انا ما قلت ليك (سلطة الاسود) دي بتغلبنا ..ما كلمتك ..ما حذرتك قبل
تلاتة اسابيع...هسع بكرة ناس مزمل ابوالقاسم يقولوا (ريكاردو) غلب المريخ ..وناس مامون ابوشيبة يقولوا غلبنا (الحكم) ... وناس سلك يقولوا (الدفاع) وهم ما عارفين انك انتي السبب في هزيمة المريخ.
سلطت اسودك دي بضيعنا.
ساكت تشيلوها (الحكام) يا ناس المريخ!!...وما عارفين السبب قاعد في البيت دا.
شفتوا (قريب الغطا) دا كيف؟.
طيب دا (قريب الغطا)...وين خال )ضفر) هنا.
شوال غتاتة
واحد قلت ليه (ليما) دي زي شنو؟.
قال لي (ليما) دا شعرو زي (الجزلان)...طبقة طبقة.
البطاقات في حتة ..والقروش في حتة.
الطشت القناة الثالثة
شوف عيني ....اقصد شوف (طشت) ...هدف الهلال الثالث ...الهوبات فيه تتخابط
زي (الارانب) ، في الكورنر الشمال قصاد رأية الزاوية ...الهوبات تتقاطش
وعجاجها رابط تقول حفلة عصرية.
عصراوي كدا.
الكلام دا نحن شفناه في الطشت قبل 4 ايام...انتوا قاعدين ليه في قناة
النيلين هسع دي.
يا كمال حامد ..ما تتعب ساكت مع الجماعة ديل.
طن دغالة
واحد ..حبوبتي دخلت الانعاش...
42 يوم ..الحبوبة في غيبوبة.
بعد اليوم الثالث واربعين ..الحبوبة فتحت عينها.
اول حاجة سألت منها الحبوبة قالت ليهم : مسلسل (ايزيل) التركي حصل فيه
شنو؟..من الحلقة الرابعة ما شفت فيه حاجة.
حليل حبوبات زمان ...الواحدة ..كانت لمن تدخل ليها في (غيبوبة) اول حاجة
بتسأل منها ..بتسأل عن (غنمها).
تعال شوف حبوبات الزمن دا.
حبوبات اخر زمن ..الواحدة تلقاها قاعدة في (الفيس بوك) اليوم كلو ..ولو
سألتها عن أي حاجة تقول ليك : البيت دا ما فيه (حرية تعبير) وإلا شنو؟.
خطين تحت الجواب
قالوا ليك الليلة منطقة الهلال المحرمة ...بل من منطقة السنتر وانت ماشي
على مرمى الهلال ناس عبداللطيف بويا عاملين ليهم (كشة).
قالوا ما عاوزين ليهم أي (اجنبي) بعد الساعة الثامنة في المنطقة دي.
لا اجنبي ..لا مجنس ..يعني يا كلتشي اتلم من بدري على اهلك.
حكمة ناصية
باسكل من يفتر ..بقعد يكورك في (نجم الدين).
يا نجم الدين لو على الشعر ...صبغ شعرك ...الزول دا كورة ما فايتك... فايتك (صبغة) ساكت.
بالتوقيت المحلي
عصام الحضري ...حتى قبل المباراة ب (30) ثانية عشمان في تأجيل المباراة
..بحلم بالتأجيل حلم.
بعد السن دي ..بقى ما بقدر على (التلاتل) دي.
انت يا الحضري ...باقي ليك كم (سن) في خشمك...
عشان (السنون) الباقية ..المرة دي ناوي عليها (سانيه).
سانيه حالف (الشانكير) ما يخلي ليك.
قندران داخل في شارع ما شارعو
سواق قندران قالوا ليه اهم حاجة في (سواقة) القندرانات شنو؟.
قال ليهم : (الطاقية).
انا ما عارف ...ليه أي سواق قندران ...قبل ما يطلع الرخصة بلبس الطاقية.
علاقة الطاقية بسواقة القندرانات شنو؟.
روسي في سوق الناقة
روسي عمل ليه حادث ...بوكسي طقش ليه بوكسي ..الروسي حالتو بقت صعبة ...تحلف تشوفو تقول (15) زول معجونين في زول واحد.
بتاع الحركة جاء جاري ..لقى ليك الروسي في رمق الاخير ...قال ليه :
عربيتك وينها دي ديل. الروسي قال لبتاع الحركة ...عربية شنو يا جانبو ..انت قبل ما تسأل من
(العربية)...ما تقول للزول المنفش دا ..(القطر) دا داخل بيه سوق الناقة لي شنو؟.
حساسية ضد الكورات العالية
ريكادوا قعد من (ضفر).
حاول يفهمو ليك ...واحدة واحدة.
بعد مقدمات طويلة ..وحكم ونصائح ..ونظريات ..وخطط ..ريكاردو قال لي ضفر ..انت ح تمسك (سانيه).
ضفر عاين لي ريكاردو كدا ...وقال ليه انتوا لو عاوزين ترجعوني
(النيل)..رجعوني عديل كدا. انا الحركات دي بعرفها كويس.
في المقص
هذا ..وقد تحصلت صفحة (من الغلاف للغلاف) على الوضع في المريخ بعد مباراة
القمة..هذا وسوف نوافيكم بالتطورات اول باول.
اولا : الاقالات.
اقالة ريكاردو.
اقالة ابراهومة.
اقالة مدرب الحراس.
اقالة مدير الاستاد.
اقالة خالد احمد المصطفى.
وترفيع فاروق جبرة مديرا فنيا للمريخ ...واعادة صديق على صالح مديرا للكورة.
ثانيا : الاستقالات.
استقالة محمد موسي.
استقالة امين الخزينة.
ثالثا : التنقلات.
ارجاع ضفر الي نيل الحصايصا.
عودة الحضري الي مصر فورا.
اعارة اديكو.
رابعا : الشطب.
شطب 15 لاعب من المريخ ..(نحتفظ باسماء المشاطيب ....تقديرا لبعض الاسماء الكبيرة).
خامسا : التنظير.
تشكيل لجنة لدرء اثار المباراة من همد ومتوكل.
سادسا: التشريع.
الشروع الفوري في تنظيم بطولة سيكافا.
سابعا : تجديد ثقة. تجدد الثقة تلقائيا في جمال الوالي ...(جمال الوالي رئيس طوالي).
هذا وسوف نوافيكم بالمزيد من التصدعات في الصفحات القادمة.

انقر هنا لقراءة الخبر من مصدره.