سودارس : يا ربي غارزيتو في السوبر الافريقي عاوز الترجي وإلا الاهلي؟

(ده ماهلالك ياهلال؟؟) الجمعية السودانية لعلوم الفلك والفضاء: 18 فبراير أول أيام شهر رمضان السعودية تدين بشدة الهجمات الإجرامية لقوات الدعم السريع على مستشفى الكويك العسكري وعلى قافلة إغاثية لبرنامج الغذاء العالمي مهارات يامال تعجز مبابي ونجم مانشستر سيتي كباشي .. القوات المسلحة ماضية بعزم لا يلين في ملاحقة ما تبقى من "بقايا المليشيا المتمردة" والقضاء عليها عارفين ليه ياهلالاب!! شاهد بالصورة والفيديو.. الفنانة إيمان الشريف تشعل حفل زواج صديقها "حتة" بأغنية (الزعلان كلمو) والعريس يتفاعل معها بالرقص بالصورة.. دكتورة من مريدات شيخ الأمين تكتب: (الشيخ بجيب القروش دي من وين؟ داير تتأكد تعال مسيده في الثلث الاخير من الليل) شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) شاهد بالفيديو.. نجم السوشيال ميديا "حتة" يضع يده على عروسه ويحتفل معها بطريقة طريفة على أنغام (الما بحبونا والبكرهونا) بالصور.. الشيخ محمد هاشم الحكيم يحتفل بزواج إبنته الدكتورة من زميلها بالجامعة (قلت له لا أريد منك شيئا سوى أن تتقي الله فيها وتعينها في دراستها) الفنان محمد صبحى يعود إلى ماسبيرو بالمسلسل الإذاعى «مرفوع مؤقتا من الخدمة» أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة ترامب ينشر فيديو مسيئًا لأوباما وزوجته ثم يحذفه الطب الشرعي الرقمي صائد جديد لمجرمي الإنترنت والذكاء الاصطناعي دواء جديد يعيد ضبط الساعة البيولوجية ويقلل اضطراب السفر ابتكار بخاخ أنفى يساعد على الوقاية من الإصابة بالأنفلونزا السفارة في العمارة ذكرى رحيله.. قصة حب نور الدمرداش وكريمة مختار وزواجهما الهلال يتلقى أول خسارة بدوري المجموعات أمام مولودية الجزائري أبل تفتح CarPlay أمام تطبيقات الذكاء الاصطناعي الصوتية 8 علامات تنذر بمشكلات في الأمعاء لا ينبغي تجاهلها هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع جاهزية كاملة لانطلاق بطولة «الطريق إلى القمة» بعد اجتياز مقاتلي PFL للميزان بمشاركة واسعة بالخرطوم... الاتحاد السوداني للتربية البدنية يناقش معوقات المعلمين والبروف أحمد آدم يؤكد دعم تطوير المنهج والتدريب السودان يرحّب بالقرار 1591 شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه شاهد بالصور.. سيدة الأعمال ونجمة السوشيال ميديا السودانية الحسناء ثريا عبد القادر تخطف الأضواء من معرضها ببورتسودان الجوهرة السودانية عامر عبد الله ينضم رسمياً لأحد الأندية الخليجية محاولة أوكرانية جديدة لإفشال مفاوضات السلام بعيداً عن ارض المعركة وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية أحمد عزمى.. "الجوكر" الذى خلع عباءة الأدوار الثانوية ليبرع فى الشخصيات المركبة رفض الزوج شراء سجائر لها فقتلته.. جريمة زوجة مصرية تثير الجدل توصيات المؤتمر القومي لمعالجة قضايا الشباب مع اقتراب الجيش من أبوزبد والدبيبات والفولة، تبدو خيارات المليشيا وعصاباتها صفرية بيان مهم لوزارة المالية في السودان المركزي يوجه بنك الخرطوم بإيقاف الاستقطاعات وإرجاع المبالغ المخصومة للعملاء لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد صعود الذهب عالميًا يرفع أسعار المعدن النفيس فى قطر صباح الخميس صلاح يتحدى مرموش.. موعد مباراة ليفربول ضد مانشستر سيتي بكلاسيكو إنجلترا رسالة أخيرة في بريد الرئيس البرهان قبل تمرد الحركات المسلحة الدارفورية تعرف على سعر الأسمنت اليوم الاثنين 2 -2 -2026 فى مصر ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يا ربي غارزيتو في السوبر الافريقي عاوز الترجي وإلا الاهلي؟

شكلو كدا زي شاي الصباح نشر في قوون يوم 06 - 11 - 2012

زي كأنو فرقت معاك.
ضربت اربعة في خمسة طلعت معاك ب (13).
13 بس.
السبعة مشت وين؟.
الحكومة تكون خصخصت (العشرين) وشالت الفرق في (القيمة المضافة).
والله يا ود الناس ...انا ما فاهم أي حاجة.
شكلو كدا والله ...جمال الوالي دا تاني ح ينزل من (المقصورة) بين الشوطين.
وتاني ح يكورك في ناس (بلة جابر).
ويسمّع ليك ابراهومة وفاروق جبرة كلام زي النار.
يخليهم ليك زي تلاميذ الصف الرابع في بداية الاسبوع.
الشعرو كتير ..بجلدوه ..الضفورو طوال بجلدوه ...القميصو ما نضيف بجلدوه.
والما جاب رسوم الامتحانات بقطعو ليه (رقبتو).
شكلو كدا ..زي ما بحصل كل مرة.
جمال الوالي بنزل من المقصورة ...وابراهومة قلبو بقيف...في شنو يا ريس؟.
نحن غلطنا في حاجة.
والله يا ريس أي كلمة بتقولها لينا ..نحن وصديق علي صالح دا ..بنطط فيها للصباح.
بنشوفها اجمل حاجة في الكون.
وبنصفق ليك كمان في أي مقترح تقولوا.
في الصاح والغلط ...ما بنقدر نقول شيء.
كلو تمام يا ريس.
واي نكتة بائخة تحكيها لينا ...نحن ودائرة الكورة وروابط المريخ كلها ..بنقعد نضحك فيها للصباح.
عدا تجمع ام درمان.
شكلو كدا ...جمال الوالي ...الكلام دا ما عاجبو.
الفريق دا شكلو ما بطمئن.
الوالي عارف البئر وغطايتها.
جمال الوالي بنزل من المقصورة ....(الكلام دا تحديدا بين الشوطين).
ابراهومة قلبو بطير.
يا ريس خير.
جمال يكوريك فيهم واحد ...واحد.
ابراهومة ..جبرة ..ريكاردو..ومدرب الحراس ...ومدير الاستاد.
مدير الاستاد ذنبو شنو؟.
النجيلة قالوا بقت (طويلة).
البرازيلي (ريكاردو) قاعد في المريخ الايامات دي (سادي خدمة) ساكت.
الموسم ح يقفل بي جاي ...ريكاردو ح يشيلوه بي جاي.
الموضوع دا منتهى بالنسبة لينا.
لكن جمال الوالي دا نزل بين الشوطين ليه؟...الزول الرئيس طوالي دا ما بنزل في الساهلة.
تكون في حاجة كبيرة حصلت في (الدمازين).
الدمازين هسع ذنبها شنو؟.
جمال الوالي (شكلو كدا) غضبان غضب شديد.
ظاهر عليه في لفة العمة.
يكون عاوز يتكلم عن (ملصة) الحضري.
غايتو (الملصة) دي لو عملها عصام الحضري في الدوري السويسري ...كان خصمو منو مرتب 7 شهور.
لو عملها الحضري في الدوري المصري ...كان شالو منو (الجونتيات).
خسارة جونتيات ساكت.
لكن ..ما اظن جمال الوالي نزل عشان الموضوع دا.
الحضري دا جابو جمال الوالي ..يعني الوالي ما بقدر يكورك ليه في زول.
يقول شنو؟.
همد لو قريب جمال الوالي ممكن يكوريك فيه.
الموضوع دا ما بمر ساكت.
لكن يا ربي جمال الوالي نزل من المقصورة بين الشوطين ليه؟.
احتمال ...عاوز يعاقب بلة جابر.
يا زول انت بتتكلم كيف ؟...(بلة جابر) ما بستاهل ينزلو ليه من المقصورة.
الموضوع اكبر من كدا.
يكون دا (التقشف).
التقشف ظهر في بلة جابر.
بلة جابر بقى يتمرد.
الكلام دخل الحوش ...تمرد بلة جابر ..دا تمرد (تقشف).
يا حليل السمك البحشوه (جبنة).
يا حليل الخروف البسلقوه بالكامل كدا.
من الزريبة للفرن.
هسع مع التقشف دا ...ما في حكاية بالشكل دا.
الجماعة من مكاتبهم طردوهم ...حسب ما جاء في صحيفة المشاهد امس.
قروش الايجار ..(اتقشفت) عليهم.
عليكم الله هسع لو ما التقشف دا ...محترف زي (ليما) بيلعب في المريخ.
وكمان اساسي.
محترفكم الفاقد سوائل دا ...لو عكس الكورة ساكت ...لياقتو (تكمل).
بقطع عديل.
حليل موسي.
حليل موسي الزومة ..زمان كان برفع ليه في المباراة 790 كورة.
789 كورة بتمشي الكشافات.
وكورة بتمشي (الشقلة).
كورة تطلع من البلد.
شكلو كدا ..زعلان شديد.
زعلو ظاهر في كمال دحية.
يا جماعة ...جمال الوالي دا نزل مالو؟.
يكون نزل عشان (يفتح) في الجرة الجاية.
يمكن ينزل فقط ...عشان يخلف الجرة.
اصلو من مسك المريخ شال الممتاز مرتين ..زي جزيرة الفيل.
فرقكم شنو؟..عليكم الله من جزيرة الفيل دي ..البتنزل وتطلع للممتاز السنة والتانية.
شغالين ..نزول وطلوع.
لاقين مدني قريبة من الخرطوم.
يمشوا ويجوا.
معقولة نزل عشان (الفتوح).
احتمال.
لكن برضو دي تنظيرة بعيدة خالص ...جمال الوالي رئيس وقور وتقيل ومحترم ...و (الدو) ما بنزلو.
جمال الوالي دا (تسعة) ما بتنزلو ...تقول لي ينزل عشان (دو).
انتوا قايلنو دا الامين البرير.
لو الحكم صرف ليه جدعة تماس ساكت بيلبد ليه في البوابة الرئيسية.
الوالي (دو) ما بنزلو.
ليه البلد ما فيها (تمانيات)؟.
طيب يا جماعة ...الزول دا نزل (هائج) كدا بين الشوطين من المقصورة ليه؟.
في شنو؟.
ضربة اليورميك ما نزلتو.
الحاصل شنو؟.
شكلو كدا في حاجة كبيرة حصلت ...ونحن الهلالاب ما عارفين.
نكون ما جايبين خبر.
في (جلاكسي) حايم في المنطقة.
اصلو حاجاتهم بسكتو عليها ..وبتكتموا.
سكتم بكتم.
اسكتوا ...عرفت ليكم الحاصل.
موش قبل كدا جمال الوالي دا نزل لي ناس مازدا وفيرنر ...وقال ليهم ألعبوا لي زي لعب الهلال.
الخطة البيلعب بيها الهلال ألعبوا لي بيها.
4 ..4...2.
الحاجة البتحصل في الهلال اعملوها لي ...وانا بديكم الحوافز والمرتبات على كدا.
الوقت داك مدرب الهلال كان ريكاردو..وهجوم الهلال كان فيه كلتشي وهيثم طمبل.
الوالي عشان يطبق النظرية دي جاب طمبل وكلتشي للمريخ.
جابو ريكاردو ذاتو ..عشان بس يلعب ليهم المريخ زي الهلال.
بس نفس الطريقة.
اها يا جمال الوالي الهلال خلى ليكم (الطريقة) بي ريكاردو سيدها ...ان شاءالله تنفعكم.
المشكلة ...الوالي بعد الكلام دا ..بقى ما مقتنع بي طريقة ريكاردو.
جمال الوالي عجبتو ليك طريقة الهلال الجديدة .
الطريقة التى يلعب بها الهلال الان.
قالوا ليك جمال الوالي مكسر عديل في طريقة غارزيتو.
عشان كدا ..جمال الوالي نزل من المقصورة ..وقال لي ريكاردو يا كوتش ...انا عاوز المريخ يلعب بالطريقة التى يلعب بها الهلال.
كيف يعني يا ريس؟.
جمال الوالي قال ليهم ...انا عاوزكم تلعبوا لي تلاتة مهاجمين زي ما (غارزيتو) بيعمل.
ريكاردو ..وضع ايدو في رأسو ...وقال ليه ..لكن يا ريس ...الحكاية دي صعبة على ناس سكواها.
ناس الهلال ديل عندهم (طيارات) في الهجوم ...وانت يا ريس (دفاراتك) دي ما بتقسم معانا.
ناس الهلال عندهم (سانيه)...الهدف في لمحة عين ..في رمشة عين ..بلفو ليك في (ورقة) وبسلمو ليك.
ديل عندهم (كاريكا)...الباك البكون لاعب قصادو بغيروه 7 مرات.
يا ريس ديل عندهم (سادومبا)...بشتغل مع ناس ضفر ونجم الدين زي (جنة الاطفال).
جمال الوالي عجبتو الفكرة ..قال لي ريكاردو ...ان بقى على سادومبا ..انا بجيبوا ليكم ..بس تلعبوا لي بي 3 مهاجمين.
ريكاردو (حرن)..قال ليه دي صعبة علينا.
ابراهومة ..عاوز يتخارج ..قال لي ريكاردو ..كدا خلينا نحاول.
ابراهومة ما بقدر يقول لا لي جمال الوالي.
لو جمال الوالي قال ليهم ألعبوا لي بي 7 مهاجمين ..ابراهومة بنفذ الكلام دا.
ما عندو أي مشكلة.
نحن عارفين موضوع التلاتة مهاجمين دا ..مقلقل المريخاب شديد.
والله الهلال بقوا عندو (هجوم)...لو لعبوه قدام جبل ...بجيب فيه اقوان.
ما بتلفتوا.
زمان كان هجوم الهلال مضرب للمثل في افريقيا ...كان فيه كلتشي وقودوين وطمبل.
هسع هجومنا بقى اخطر فيه كاريكا وسادومبا وسانيه.
والله ديل زول ما قلبو قوي ما بقيف قدامهم.
انتوا بتلعبوا.
غايتو الواحد البقيف قدام الجماعة ديل ..إلا يكون قنعان من نفسو.
بلة جابر عرفها.
اتخارج من بدري.
والحضري بقى من يجيبوا ليه سيرة سانيه ومهند الطاهر ...الكورة بتفك منو؟.
المسكين جاتو (خلعة).
في الكنغو قالوا ليك بقى يزاول بيهم.
المكسين الكورة طارت ليه في رأسو.
ملحوظة : غايتو يا الحضري بي (سنك) دي ..لو لعبت النهائي مع الهلال إلا تشوف ليك مزرعة دواجن.
جلاكسي تاني ما بحلكم مننا.
هوامش
قلت ليكم غارزيتو بقى شغال بالطلب.
قال عاوز دجوليبا ...جابو ليه (دجوليبا).
قال عاوز المريخ في النهائي ..شكلو كدا ح يجيبوا ليه المريخ في النهائي.
مدرب حسب الطلب.
نفسي اعرف ..غارزيتو عاوز في السوبر الافريقي منو؟.
الترجي وإلا الاهلي المصري؟.
شكلو كدا عاوز (الترجي).
غارزيتو مدرب مفتح.
الطلبات دي ..ولا بتفلت فيها.
تقول قاعد في مطعم.
الشيء البطلبها ..بجيبوها ليه.
في المباريات الاخيرة ..اثبت (ايكانغا) انه لاعب بطولات فعلا.
اما الصاعقة نزار حامد ..فهو الذي يملك ان يحسم النهائي ان شاءالله .
تذكروا نزار في النهائي.
فريق دجوليبا ..بالتأكيد سوف يكون خصما شرسا على الهلال في المالي.
وحظوظ الهلال في التأهل للنهائي مازال يتقاسمه مع الفريق المالي.
الهلال في انتظاره مهمة صعبة.
لكن ان شاءالله الهلال يكون في الموعد.
المريخ ايضا في انتظاره امتحان عصيب على ارضه ووسط جمهوره.
اوعكم من ان يكرر المريخ نهائي سيكافا مرة اخرى.
الرشيد المهدية ...فاكر نفسو قاعد يحلل في قناة الشروق.
عشان كدا ...(المجاملة) ظاهرة في عيونو.
بعد فضيحة الحضري ..الرشيد المهدية قعد يبرر للحضري.
المرتب بعمل اكتر من كدا.
مازدا كان اضافة حقيقية لقناة الجزيرة.
الروعة في تحليلات مازدا انها خالية من النفاق والمجاملة ..وهى تحليلات ذات قيمة فنية كبيرة.
الاهلي شندي خسر من الرابطة ..فجهجه بهذه الخسارة الكثير من الاندية.
اخشى على وجه خاص على هلال الساحل.
هلال الساحل من ثوابت الدوري الممتاز.
ونكهة الممتاز في بقاء هلال الساحل.
ابوعبيدة سليمان يمضي بعيدا مع الخرطوم الوطنى.
هلال كادوقلي ..(الغريب عن وطنو مهما طال غيابه مصيره يرجع تاني لي اهلو وصحابو).
عاجل : الحضري تاني ما بقدر يكورك في نجم الدين.

انقر هنا لقراءة الخبر من مصدره.