سودارس : البرنس في المريخ إلا في حتة جمال الوالي

السودان الافتراضي ... كلنا بيادق .. وعبد الوهاب وردي إبراهيم شقلاوي يكتب: يرفعون المصاحف على أسنّة الرماح د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

البرنس في المريخ إلا في حتة جمال الوالي

قوون نشر في قوون يوم 18 - 12 - 2012

(استقالة) السيد جمال الوالي رئيس نادي المريخ (السابق) ، التى قدمها للمفوضية قبل اسبوعين قبلت امس ..بعد مشاورات ..وواسطات ، وتدخلات من جهات عليا.

تراتيب الاقدار جعلت الوقت الذي قبلت فيه (استقالة) جمال الوالي ..واعتمدت استقالته بشكل رسمي ...هو نفس الوقت الذي اعتمد فيه (شطب) قائد الهلال هيثم مصطفى حفظه الله ورعاه ...بعد ان وضع مجلس ادارة نادي الهلال مستحقات اللاعب في الاتحاد العام.

اذن في نفس الوقت ..الذي خرج فيه جمال الوالي (رسميا) من المريخ ...خرج هيثم مصطفى (رسميا) من كشوفات الهلال ...بعد جدل ..واحداث وحوارات عديدة في الهلال والمريخ ..بعد قرار مجلس الهلال بشطب هيثم مصطفى ..وقرار جمال الوالي بالاستقالة من رئاسة نادي المريخ.

الفرق الوحيد في هذين الحدثين المتشابهين ...هو ان جمال الوالي خرج من المريخ (طائعا)..بينما خرج هيثم مصطفى من كشوفات الهلال (مجبورا).

غير ان الاصداء ..والدعم الشعبي والاعلامي لهيثم مصطفى بعد (الشطب) وجمال الوالي بعد (الاستقالة) كان كبيرا.

في المريخ لم تجد دعوة عصام الحضري اذنا صاغية ...وهو يدعو جماهير المريخ وانصاره للاعتصام امام منزل جمال الوالي حتى الرجوع من هذه الاستقالة.

عصام الحضري ...عارف المواضيع بدون جمال الوالي في المريخ ما بتمشي.

مرتب الحضري براه ..بلغة الامين البرير بساوي ليه ايجار (105) دكان.

الدكاكين طبعا هى العملة الرسمية في الهلال.

جمال الوالي فات ...تاني (مرتب) عصام الحضري ...عصام الحاج إلا يتموا (بيانات)..وسيخ اسمنت.

البيانات ذاتها ح يكون فيها ازمة بعد استقالة عبدالقادر همد.

يعني المريخ تاني لا قروش ..لا بيانات.

يا دوب دخل المباريات ..ورسوم العضوية ...في المريخ تجيب مرتبات موسي الزومة وبلة جابر.

كمان ناس المريخ حالتهم صعبة بعد استقالة جمال الوالي...(طبلية) قدام الاستاد ما عندهم.

هسع عليكم الله لو جمال الوالي عمل ليه (3) دكاكين ساكت ...ما كان عليكم الله نفعت عصام الحاج في الايامات دي؟.

دي حالة المريخ.

الهلال كيف؟.

في الهلال اعتصمت بعض الجماهير فعليا في نادي الهلال ومازال الاعتصام قائما في نادي الهلال .. دون ان ينادي احد لذلك (الاعتصام) ..وقد تجاوزت الامور حدا ابعد من ذلك عندما حاول احد مشجعي الهلال الانتحار بعد ان اعتلى احد ابراج استاد الهلال.

كذلك دخل بعض اطفال الفشل الكلوي في اضراب عن الطعام.

تذكرت الكومديان محمد شومان في فيلم (السفارة في العمارة) ..عندما كان مراسلا تلفزيونيا لاحدى الفضائيات ...كان شومان يقف امام المحكمة ويقول رسالته ..(من امام المحكمة القضائية ...يحييكم ...).

هسع ناس الجزيرة ديل ممكن يعملوه ..وينقلوا الاحداث من امام نادي الهلال.

احداث ساخنة في نادي الهلال.

في المريخ لم تتصاعد الاحداث ..ولم تحدث اعتصامات ...ربما ذلك كان نتيجة ان جمال الوالي خرج (مختارا) من المريخ ..بينما خرج هيثم مصطفى مثقلا بالجراح والظلم ..وعدم التقدير ..وسوء الوفاء.

لذلك وجد هيثم مصطفى تعاطفا اكبر ...من جمال الوالي ..الذي نحسبه هو الرئيس الابرز في تاريخ المريخ ...كما نحسب هيثم مصطفى هو اللاعب الاكثر نجومية وشعبية في الهلال.

غير اني اجزم ...ان وجعة المريخاب كبيرة في ابتعاد جمال الوالي وتقديم استقالته من رئاسة نادي المريخ.

في المحيط الاعلامي ..اثار شطب هيثم مصطفى الكثير من ردود الافعال ..وفرض الحدث نفسه على كل وسائل الاعلام ..وتصدر كل المواضيع والونسات الخاصة والعامة.

كذلك احدثت استقالة جمال الوالي نفس ردود الافعال الاعلامية ..وناقش امر (الاستقالة) على كافة الاصعدة الاعلامية.

ايضا نجد من ملامح الشبه ..ان السلطة تدخلت بشيء او بأخر وحاولت الاصلاح في الهلال بعد مبادرة السيد رئيس الجمهورية لطي الخلاف بين البرير رئيس نادي الهلال وهيثم مصطفى قائد الفريق.

وان اتضح فيما بعد ان البرير ..مرر هذه المبادرة لخدمة مصالحه وقت من الزمن ثم عاد ، وانقلب على القائد وهو اكثر (شراسة) ..ضاربا بالمبادرة عرض الحائط.

مع هذا ..مازال الامر يتداول في بلاط السلطة ...ومازالت جماهير الهلال تتوقع تدخلا (ناجزا) من الدولة ..لا سيما وان قضايا المجلس بلغت المحاكم ..والتحكيمية..والسلطة من دون شك تراقب الموقف الان.

جمال الوالي ..ايضا حاولت (السلطة) ان تجعله يتراجع عن هذه الاستقالة ..ولكن كان تدخل (السلطة)...كما كان في قضية هيثم مصطفى بدون جدوى.

عليه فان الامور متشابهة تماما في الهلال والمريخ ...وان كان هناك اجماع كامل بين جماهير الهلال ان الفريق فقد (قائدا) صعب ان يتكرر او يعوض ...نجد كذلك هناك اجماعا عاما في المريخ ...يتمثل في ان القلعة الحمراء فقدت (رئيسا)..جعل (التقشف) والشيكات الطائرة تعود للديار الحمراء بعد ان كانت غائبة لمدة 10 سنوات كاملة.

تسجيلات المريخ مع عصام الحاج ...متل (المكالمات المجانية)...اشحن رصيد واتكلم ساعة مجانية.

شفتوا ناس بلة جابر ..وموسي الزومة ...وسعيد السعودي ..وراجي عبدالعاطي ...ديل كلهم بدخلوا ضمن (زمرة) المكالمات المجانية.

لكن برضو نحن في الهلال ما بنختلف كتير.

غايتو الموسم الجديد ...كورتنا ح تكون زي امتحان المعاينات.

الحال من بعضه في الهلال وفي المريخ ..والخوف من حاضر الايام القادمة ..ومن الموسم الجديد يبدو واضحا في الهلال وفي المريخ.

كنا في الماضي ...عندما يحلم المريخاب ان يكون هيثم مصطفى بين صفوف فريقهم الاحمر ...نقول ..(مزاحا)...البرنس دا في المريخ إلا تشطبوا ليه (الرئيس).

يعني ممكن هيثم مصطفى يمشي المريخ في مكانة جمال الوالي...يطلعوا ليه (الكرسي)..وناس ابراهومة وصديق علي صالح ...يقيفوا وراه عشان يتصوروا.

شفتوا التلج الكنتوا بتكسروه للوالي ...إلا تكسروه للبرنس.

اما ان يأتي هيثم مصطفى ليلعب مع ناس بلة جابر وسعيد السعودي وموسي الزومة ..فهذا امر في غاية الصعوبة.

دي مجازفة عديل كدا يا سيدا.

شايف عصام الحاج ..بتحرك في الموضوع دا ..وبصرح ..وبتكلم في الجرايد والمواقع.

عصام الحاج بأكد ان المريخ سوف يحسم موضوع هيثم مصطفى وعلاءالدين يوسف في خلال 48 ساعة.

ممكن فييرا يمشي المريخ يبقى (كابتن)...لكن يا عصام الحاج ...لو عاوزين هيثم مصطفى إلا تفتحوا ليه (مكتب) جمال الوالي.

شكلها كدا ..حاجة المريخاب لهيثم مصطفى بقت كتيرة ..بعد استقالة جمال الوالي.

الجماعة ديل صرفهم بقى من (الدخل).

عشان كدا ..هم عاوزين هيثم مصطفى (لقاطة)..يرفع ليهم الدخل ..ويرجع الجمهور.

الاعتماد الرئيسي للمريخاب تاني ح يكون على الابواب ...ودخل المباريات.

ودخل مع ناس موسي الزومة ..وبلة جابر ..مستحيل.

عشان كدا ...عصام الحاج ...عاوز (يتصرف).

مسكوه المريخ ...وقالوا ليه (اتصرف).

صاحبكم ..قعد يتلفت ..وقال ما في طريقة غير الاستعانة بي هيثم مصطفى.

خاصة ان هيثم مصطفى (مشطوب)...وممكن مع الاحساس بالظلم والجرح ..يتصرف أي تصرف.

ناس المريخ عاوزين يستغلوا الوضع.

عشان كدا ...اطلقوا الاشاعات ..وقالوا انهم جلسوا مع هيثم مصطفى واتفقوا معه.

والاكيد ...انه (حتى الان) ما في زول من ناس المريخ ..جلس مع هيثم مصطفى.

حتى علاءالدين يوسف ..كل ما كتب عنه ..وعن مفاوضة المريخ له ...كلام غير صحيح.

ولكن هذا ..لا ينفى رغبة المريخ الاكيدة في ضم البرنس وفييرا لكشوفات المريخ.

ويا رب جيب العواقب سليمة.

حلها ...من عندك.

نحن في الانتظار ...نترقب ...وننتظر ...ونحسب ان الفرج قريب ان شاءالله.

ملحوظة : نطلع فاصل.

هوامش

هيثم مصطفى الاولية الاولى عنده ...تتمثل في الاحتراف الخارجي.

الطلوع من البلد دي ..احسن للبرنس في هذا الوقت.

لاول مرة يوقع في المريخ ...محترفون ..زي الروشتة (المشخبطة) ..زول عارفهم مافي.

حليل زمن المؤتمرات الصحفية ...والمسيرة من الاتحاد للنادي.

عصام الحاج دا ..لو استمر للتسجيلات القادمة ...تاني بسجل ليكم من طرف.

بسجل ليكم من الصومال.

الموضوع هسع وصل (بورندي).

مجلس المريخ تخلص من العمالة الفائضة.

أي محترف ..قاعد ساكت ..رجعوه اهلو.

وارغو الله شافو ..عقدو انتهى مع (التقشف) دا.

والله في التقشف دا ..وارغو (تمرين) ما يجيكم.

تذكروا الهدف الذي سجله وارغو في الشجرة.

هدف الشجرة ...خلوه.

تذكروا هدف وارغو في الاتحاد مدنى.

هدف ..فرح بيه وارغو فرح شديد.

وارغو مسكتو ام فريحانة.

الشيء المحيرني ...وما قادر استوعبه الي الان ...هو الحضري ح يتأقلم كيف على الوضع دا.

الشقة قالوا شالوها من عصام الحضري.

قالوا الحضري ح ينزل في استراحة النادي.

حضري منو ..البنزل ليكم في الاستراحة.

انتوا فاكرنو (يس).

يا جماعة دا الحضري.

افضل حارس في افريقيا.

فاز بجائرة افضل حارس في افريقيا في 3 بطولات امم افريقية.

تجوا بعد العمر دا ..تسكونه في (استراحة).

بعدين الاستراحة ذاتها ما مضمونة.

الكهرباء ..ممكن تقطع في أية لحظة.

عشان كدا يا عصام الحاج ...الحضري دا احسن تخليه في السلام روتانا.

تقشفكم دا ما بقدر عليه.

تقشفكم دا ..اعملوه مع يس ..مع اكرم ..بلة جابر ..موسي الزومة.

لكن مع الحضري لا.

الحضري ذاتو في اوضاعكم (التقشفية) دي ..ما برجع ليكم.

افضل ليه ميدان التحرير ...من (التقشف) البتعملوا فيه دا.

على الاقل في ميدان التحرير ...ممكن يقولوا على الحضري (مناضل).

لكن في استراحتكم دي ..ح يقولوا ليه شنو؟.

في استراحتكم دي ح يروح ساكت.

يا ناس المريخ.

اسمعوا كلامي دا.

أي واحد شال ليه (سيخة) من النادي زمن جمال الوالي يرجعها.

أي واحد ..شال ليه (طوبة) يرجعها.

المريخ دا ..محتاج لي أي شيء في (التقشف) دا.

الحالة بقت صعبة.

قالوا عصام الحاج ..قال للاعبين ..تاني ما في (طيارة).

تاني السفر بالبر.

مصر ..نيجيريا ..الكاميرون ..الكنغو ...ما في طيارة.

الطيارات ذاتها حوادثها كتيرة.

شوفوا ليكم (هايس) نضيفة كدا ..وشغلوه في البطولة الافريقية.

ناس كهربتهم قاطعة الفصاحة ليهم شنو؟.

كهربتهم قاطعة ..وقالوا كمان عاوزين يسجلوا البرنس.

كدا رجعوا (الكهرباء) اول.

كهرباء مافي ..وتتفاصحوا كمان.

10 سنوات ....جمال الوالي في المريخ ..ما سمعنا بالغلط كدا يوم الكهرباء قالوا انتهت.

زمن جمال الوالي ...الكهرباء وقت تقطع (عامة) بتكون شغالة في نادي المريخ.

عاجل : يا عصام الحاج ..الموضوع دا لو غلبكم ...شيلوا من لافتة النادي كلمة (للتربية البدينة)..واكتبوا يوجد بالمحل تحويل رصيد.

انقر هنا لقراءة الخبر من مصدره.