تعادل لوبوبو وصن داونز يؤجل حسم بطاقتي مجموعة الهلال    شاهد بالفيديو.. مواطنة سودانية تنهار بالبكاء فرحاً بعد رؤيتها "المصباح أبو زيد" وتدعوه لمقابلة والدها والجمهور: (جوه ليك يا سلك)    بعد العودة إلى التدريبات.. هل ينتهي تمرد رونالدو أمام أركاداغ؟    شاهد بالفيديو.. الجوهرة السودانية يشعل المدرجات ويفتتح مشواره الإحترافي بالخليج بصناعة هدف بطريقة عالمية    شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج    شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس)    مدير عام قوات الجمارك: لن نتهاون في حماية الوطن من سموم المخدرات والسلاح    شاهد بالفيديو.. قائد ميداني بالدعم السريع يعلن انشقاقه عن المليشيا ويعترف: (نحن من أطلقنا الرصاصة الأولى بالمدينة الرياضية)    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    الجمارك في السودان تحسم جدل رسوم بشأن الأثاثات والأجهزة الكهربائية للعائدين    السودان يدين الصمت الدولي تجاه جرائم الحرب والجرائم ضد الإنسانية التي ترتكبها المليشيا في إقليمي دارفور وكردفان    بعد غياب 8 سنوات.. عبلة كامل تعود وتثير ضجة ب"إعلان"    "سامسونغ" تُحبط الآمال بشأن الشحن اللاسلكي في سلسلة "Galaxy S26"    هانى شاكر فى لبنان وأنغام فى الكويت.. خريطة حفلات النجوم فى يوم الفلاتنين    توضيح من سوداتل حول مشروع ممر Bypass الإقليمي لحركة الترافيك العالمية عبر السودان    حساسية الجلد أثناء الحمل.. متى تستدعى القلق واستشارة الطبيب؟    تحديث ذكي جديد ل"واتساب" في آيفون    نائب البرهان يفجّرها بشأن حل مجلس السيادة واتّهام قادة كبار في جوبا    تشابه دماغ البشر والذكاء الاصطناعي يدهش العلماء    القانون يلزم الشركات السياحية بسداد تأمين مؤقت عن رحلات العمرة    لو ليك فى الرومانسى.. لا تفوت هذه المسلسلات فى دراما رمضان 2026    كاكا قال لدوائر فرنسية إنه يتوقع إنهياراً وشيكاً لقوات التمرد السريع    اكتشاف وجود علاقة بين الاكتئاب وهشاشة العظام    دراسات: إوميجا 3 تحسن الإدراك وتعزز المزاج    عقوبة مالية على الإتحاد وإيقاف عضو الجهاز الفني لنادي المريخ    قرارًا جديدًا لوزير التعليم العالي في السودان    والي النيل الأبيض يشيد بالليلة الثقافية الأولى لهلال كوستي    الجيش يفشل هجومًا عنيفًا لميليشيا الدعم السريع    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    بنك الخرطوم يتعهد بإرجاع مبالغ «ضمان الودائع» ويتحمل التكلفة كاملة    الهلال يتلقى أول خسارة بدوري المجموعات أمام مولودية الجزائري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    السودان يرحّب بالقرار 1591    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    وزير الثروة الحيوانية: البنك الزراعي وبنك النيل يمولان صغار المربيين لزيادة الإنتاجية    رفض الزوج شراء سجائر لها فقتلته.. جريمة زوجة مصرية تثير الجدل    توصيات المؤتمر القومي لمعالجة قضايا الشباب    بيان مهم لوزارة المالية في السودان    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    صعود الذهب عالميًا يرفع أسعار المعدن النفيس فى قطر صباح الخميس    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



جواب للبلد .. سكت الرباب ..مواقف لاتنسى في الاراضي المقدسة ..وقصة تسمية ابنته القصواء
قوون نشر في قوون يوم 22 - 01 - 2013

دبي انتظرته لحفل تاريخي وتحول الى تأبين .. ومواقف مثيرة للراحل مع قوون
مشاهد على قبر الفقيد والابن يرفض ان يغني بعد رحيل والده
بسبب وجودي في خليجي 21 وتحديدا المنامة البحرينية لم اشارك في تشييع وليالي مأتم فنان الشباب الراحل محمود عبدالعزيز او كما يطلق عليه عشاقه ومعحبوه بالحوت والجان وغيرها من القاب.. وحرصت بعد وصولي صباح الامس الي البلاد ان اسجل زيارة لاسرة الفقيد حيث قدمت العزاء لوالدته الحاجة الصبورة فايزة محمد طاهر والتي لم تتمالك نفسها وهي تتحدث عن ابنها بعد الرحيل وتطالبنا كأعلام بان نرد علي احد ائمة المساجد الذي تناول ابنها وقالت على الجميع ان يذكروا محاسن موتاهم وان الراحل اصبح الان في ذمة الله وقالت بان هذه رسالة لكل الاعلام الصادق واشادت واثنت على د. عقيل الذي تحدث وصرح للزميلة صحيفة «الدار» بالامس في هذا الخصوص.

وقدمنا العزاء لشقيقه مامون والمرافق له في حله وترحاله، وكذلك ابنائه مصعب والذي نتمنى ان يشق طريقه في مجال الغناء ويخلد ذكرى والده وكم مرة شاهدته وهو يغني مع والده في ليالي جمعية محمود في القلب احتفاءا بالعديد من المناسبات وكان اخرها ليلة الغناء للوطن وليلة سيد خليفة حيث غني مصعب مع والده محمود كثنائي ياوطني يا بلد احبابي..

بالمناسبة مصعب وهو يتقبل تعازي الجميع يقول بأن والده ليس بكثير على ربه.

ومع مناشدة الكثيرين له بالمواصلة في الغناء لتخليد ذكرى واسم والده يقول بانه لا طعم للغناء بعد رحيله..

وقدمنا العزاء لابنه راضي وهو توأم رامي.. وللفنان محمود عبدالعزيز من الابناء ستة. مصعب ، رامي وراضي والتوأم حاتم وحنين والطفلة قصواء..

وعن قصواء يحدثنا مدير اعماله خالد دامبا والذي كان مرافقا له في اشهر رحلاته للاراضي المقدسة عام 2008م وهو يؤدي فريضة الحج مع وفد ومجموعة اذاعة ساهور فكان يؤدي مدحة الشيخ خالد المصطفى ناقة النبي المامورة وبعد وضوع زوجته بعدها اطلق اسم مولودته عليها القصواء وهو نفس اسم الطائرة التي كانت تقله.

وحول حادثة محمود عبدالعزيز عند قبر النبي صلى الله عليه وسلم انه وعندما تقرر ان يقوم كل الوفد الفني بالزيارة والصلاة علي الرسول صلي الله عليه وسلم وكان من ضمن الفنانين الفنان خالد الصحافة وذلك بعد الظهر رفض الفنان ان يذهب مع المجموعة وذهب لوحده مع رفقتي له بعد صلاة العصر واجهش يومها بالبكاء وكأني به لايريد لاحد ان يشاهده في هذا الوضع ارادها خالصة لوجه الله تعالى ولم يعلم بها الا القلة وكثيرون بعد ذلك.. انها واحدة من الحالات واللحظات الروحية للفنان محمود عبدالعزيز.

ويقول مدير اعماله خالد دامبا انه وبعد عودته الاخيرة من القاهرة تماثل للشفاء واحيا عددا من الحفلات خارج البلاد ببيروت واديس ابابا وفي الخرطوم بعد حفل نادي الضباط الشهير شارك في اكثر من حفلة عامة وخاصة منها حفلة زواج اللاعب هيثم شوشة وغني في بركة الملوك مع البلابل خلال ديسمبر وبعدها برمجنا له حفلات في دبي بدعوة من احد اصدقائه اسمه عوض وكذلك دعوة النادي السوداني في المنامة البحرين ولكن حالته الصحية تدهورت وحالت دون العديد من الارتباطات حتى توفي في الاردن وشيع لمثواه الاخير بالسودان.

وعن حفل دبي تقرر بعد شهر ونصف من الآن ان يقام حفل تأبين يشارك من خلاله مدير اعماله وشقيقه مامون والفنان طه سليمان ليغني اغنياته على ان يحول دخل الحفل التأبيني لاسرته ونفس الامر لمسته من اسرة النادي السوداني في البحرين والتي كانت ترتب لاحتفال الحوت وتقرر ان يقام حفل تأبين على رحيله بعد الاتفاق والتشاور مع اسرته.

ومن المتوقع أن يصل مندوب من دبي لتقديم واجب العزاء والترتيب للزيارة وحفل التأبين.

الحق يقال ان هناك الكثير من المواقف لنا في صحيفة قوون وقناة قوون مع الفنان الراحل محمود عبدالعزيز فقبل عدة سنوات شاركنا مع تيم الفنانين في احدى الدورات الرمضانية في ركلات الترجيح من نقطة الجزاء بعد التعادل مع فريق قوون.

وعبر قناة قوون قدمناه في بروفات اتحاد الناشئين وهو يشارك الفنانين الشباب استعدادا لافتتاح استاد شرق النيل.. وكان من المفترض ان تسجل له قناة قوون وبعد حضوره لمقرها ببرج البركة وفي حضور الفنان منتصر سيد خليفة والفنان مبارك البنا حدث خلاف مع ابن الفنان سيد خليفة وغنائه لاحدى الاغنيات « علي الجمال تغار منا» ولم يسجل بعدها.

وكان الراحل من أشد المهتمين بشقيقه الراحل ايهاب والذي توفي في حادث بالسعودية ودفن في العود في الرياض حيث طالبنا في قوون برعاية الدورة التي تقام لاحياء ذكراه سنوياً ونشرنا ذلك في حيينه.

للحوت محمود عبدالعزيز الرحمة والمغفرة.

ومن خلال الماتم وبيت العزاء التقينا باحد المعجبين أو فقل الذين رعاهم محمود عبدالعزيز واعتبرته الاسرة كواحد من ابنائها يردد اغانيه ويحفظها عن ظهر قلب انه هيثم الحوت والتي تناديه والدة محمود عبدالعزيز ب يا أبني يميزه شكله الاقرب للحوت أبى الا وان يوثق للحالة والموقف تارة باخذ صورة مع والدة الحوت والاخرى ب قطعة نثرية رأي ان يدخل من خلالها وعبرها اسماء اغاني الحوت محمود عبدالعزيز وتطالعونها عبر هذه المساحة:-

تميز الفنان الراحل المقيم محمود عبدالعزيز الذي يوزع حوله معجبوه ومحبوه الالقاب كالجان والملك والحوت والخال.. تميز بعلاقته الروحية بالشباب فوثق ارتباطه بهم متعديا مكانته كفنان او مغني ليصبح الجان رمزا ملهما للشباب ملامسا لاحلامهم ومعبرا عن مكنون مشاعرهم .. حتي اخذت العلاقة هيثم حوته الشهير بمحمود عبدالعزيز.. المقرب من الفنان الراحل واسرته تناديه الخالة فائزة والدة الفنان الراحل ب (ولدي).

هيثم حوتة .. الحبيب المنتظر

الشاب هيثم له طريقة خاصة في عشقه للجان وسبحان الله ففي ملامحه يشبه الحوت لدرجة كبيرة يبتدر حديثه ل «قوون» والحزن يكسو وجهه والعبرة تختنقه (نشيل ام درمان وناخذ اذن من السودان في اغنية انا امدرمان ونهديها للجان.

انا القرصان.... انا الجان

انا المحبوب.. دوام في الحال

انا القرصان..انا الجان

انا المظلوم..كمان في البال

وانا الحواتي..في الاحوال

انا القرصان..انا الجان

وانا في الطيبة.. زي الخال

ويجمع الشاب هيثم كل اغاني محمود عبد العزيز في :

اتذكرتك لاني بريدك ماببخل ليك

بس بكتب ليك.. على ضوء غمام الليل

صابح نعسان بكتب ليك وبفكر فيك

لامن لقيتك كنت مخدوع زي كاني هسي مولود.. بكتب ليك وبفكر فيك.. وبرضو غلبني الحنك الاكتبو ليك.. لكن لجأت لشرايط الجان الذي لايهان

سيد الاجمالي 99 رف. من اي رف.. اخوانا لو دايرين اي اغنية واستايل الحقيبة ولا الفنانين الشباب ولا تامر حسني في اسوان.. محمود دا بنزلا ليك كدا من الرف ومعاها حلاوة كمان.. والجان مرعب ومخيف وشرايطو كثيرة.. انا هيثم حوته ود الجان و(خلي بالك).. يا بت الناس لاني بحبك وما بخليك وماحاخليك.. حاولت اتكلم و(سكت الرباب).. وناديت عليك يا «عمر» عليك الله ياظالمة (سيبي عنادك) وبسبب حنككك البيش ده رسلت (جواب للبلد) لابوك.. كتبت فيو (سبب الريد) وحاتك انتي (يامفرحة) و(يامدهشة)

انا وهيثم حوته فاض بي (لهيب الشوق) ومشيت معاك (الحجل بالرجل) و(علي النجيلة جلسنا) وحنكنا وحلقمنا00 بقول ليك ياظالمه ما (تشيلي هم) ما انتي (في بالي) بس عليك الله انا هيثم حوته عافي ليكي بس اقعدي في الارض دي وعايني للقمره دي (واكتبي لي) شان اوريك انا هيثم حوته (عامل كيف) وانا مامظلوم وانا جد خليفة الجان (قايد الاسطول) وجيتك من السعودية اتوفي معاي ايهاب عبدالعزيز وانا مضبوح وانا كنت (شايل جراح) وكلامي معاك ما (عدا سنة).. وشايفو زي اول امبارح لمن محمود كورك لي وقال لي ياهيثم حوته غني لي (بعد الغياب) لمن وصلت بعد الحبيب المنتظر قام العالم سبتني وقال لي استوب وقال عيد البيت دا تاني قام قال لي انت الحبيب المنتظر وانا جلست ابكي وقمت قلت لي من لايعشق الجان ليس انسان وشايفو قريب زي (القطار المرا)، بس الحاجة الخوفتني من فراق الجان لاني بخاف من حاجة جاية ليكم يا (مظاليم الهوى) الحوت لاني بس مابخاف من بشر.. بس بخاف لامن يغني الحوت (خوف الوجع) .. مافهمتي كلامي ياظالمه الله يغفر ليك وجيت المزاد ومالقيت الجان لقيت تومي المرحوم ايهاب (توأم روحي) ، وسكتا ايهاب مشيت الكوثر لقيت الجان وقلت ليهو لو ماغنيت لبت خالتي دي انا لابيني ولا بينك قام الجان ضحك وقال لي (سيبا وسيب معاها سنين) وكفاك جيبا قضيتو حزين.. وقال لي تمشي باتا و قال لي ياحواتي تجي ميه مودة برباطا انت ما ولدي ولا شنو قلت ليهو يا جان انا مامحتاج لشعر منك.. انا بس دايرك تغني لي للبت دي ولو ماغنيت لي لا ولدك ولا بعرفك، قام الجان قال لي اطلع امشي ، طلعت من الكوثر وكان عندو بروفة بتاعت مديح قام جاني مارق جاري وكورك لي وناداني انا واخوه ايهاب وقام قال لي كلامك دا انت جادي فيهو بس وريني صورتا وقام يامودة الجان شاف صورتك قام قال لالالالا ملاك زي دا مابغنو ليو وانا هسي في الكوثر قام محمود مدح ليك شريط (آل البيت) وبعد دا كلو مافهمتي كلامي قديت مشيت (سبت البلد) وبعد دا ماخليتك ساي ومحمود يقول (ياوعدي بيك كل النجيمات شارقة ليك قلبو العرف بيكي الهوى سلمو ليك) وانا بقول ليك ياعذابي بيك كل الاسكراتشات ماشه ليك.. جيبي العرف بيكي القرش سلمتو ليك و(اتقضلي) وكمان.. ما بالعذاب بس اي كلام في لسانك انتي قيل مابتقال ان بكون عرفتو.. فهمتي يا ظالمة دا شنو دا (الحنين) الشريط الرهيب الفي السوق وبعد دا كلو مافهمتي كلامي..

وماتفتري ياظالمة وبقول ليك الفارات المبرمين شعرم ودايرين يفوتو الحوت انتي بس بتقولي انا بكضب عليك لكن السودان كلو عارف انو الحوت في البحر الاحمر قطع شك مابيموت.. والبقول ليك الحوت مفتري او رافع نخرتو دا بكون بكضب عليك.. وجيتك من السعودية (بمراكب طيفك) انا والجان والمركب كنت سايقا انا هيثم حوته (الود الشفت) ماساكن في اعماق البت السمحة بس انا ساكن في اعماق الجان وكان عندو شريطو الجاي ماداير يصرخ ولا داير يوري السودان انو هو من التسعينات ماسك فنان الشباب الاول زي هيثم مصطفى مع الهلالاب وانتي شايفاو براك يا ظالمة في اغاني واغاني مع السر قدور وطه سليمان السلطان ومع حسين الصادق حبيب الجان.. ودا كلو يا ظالمة ماداير يصرخ لانو الشريط الجاي (سر البوح) وانا مجنون مابعشق الجان بس انا عايش جوه اعماق الجان ورحل الغمام وبعد الممات بعد الوداع بعد الامومة الرايحة في قلب الشباب.. بعد الحوت بعد الحب بعد العذاب.

وعارفين الحبيب المنتظر منو.. أو المفاجأة للحواته منو.. انا هيثم حوتة خليفة الجان وح اعيد ليكم من سكت الرباب وكل الحفلات بس بس الغرام نبع الحنان حوته في قلبي الضعيف..

الرجل الضعيف هيثم حوته ود الجان ود الجان.

٭ لحن الختام

الفنان محمود عبدالعزيز يكفيه حب الجماهير ويكفي الالاف المؤلفة التي خرجت في تشييع جثمانه.

محمود عبدالعزيز يكفيه انه مدح الرسول صلى الله عليه وسلم.

ويكفيه انه وثق لاغنية الحقيبة وللغناء السوداني والاعمال الخاصة بالعديد من الاغنيات وكذلك تخليده لاغنيات كبار الفنانين.

واختم في حق الراحل محمود عبدالعزيز بهذه الرسالة من القارئ والشيخ خالد اسماعيل من جامعة القرآن الكريم والتي يقول فيها: رأيت رؤيا للمرحوم محمود عبدالعزيز يوم الاربعاء قبل يوم من وفاته.. رأيت مسجدا ضخما فاخرا جديدا.. قلت المسجد الجديد ده البناه منو.. قالوا لي بناه الفنان محمود عبدالعزيز .. ففي المسجد لقيت محمود وقلت ليه ربنا يتقبل منك وفي نفس اليوم وهبناه ختمة القرآن..

للفقيد الراحل المغفرة ولاسرته المكلومة والدته الحاجة فايزة محمد طاهر ولابنائه مصعب ورامي وراضي وحاتم وحنين وقصواء.. ولاشقائه مامون والهام وسهام ووسام ورباب احر التعازي .. انا لله وانا اليه راجعون.

حرصنا ونحن نقدم واجب العزاء الا والذهاب لقبر المرحوم والترحم عليه.. وكان ان صادفنا الاسرة وهي تفرغ للتو من عمل سياج وشواهد من الرخام على قبره تحمل إسمه وفي الاخرى الدعوة بالترحم عليه.

اصطحبنا شقيقه مامون وابنه مصعب ومدير اعماله دامبا وخاله معتصم وصديق الاسرة وائل والزميل ايمن حسب الرسول واخرون من اصدقائه يوسف احمد الشهير بهيثم الهلالابي المعروف.. له الرحمة والمغفرة . انا لله وانا اليه راجعون.

التقينا في بيت العزاء صديق الرياضيين والفنانين والمبدعين سعادة اللواء عبدالحي محجوب والذي بدأ يفكر وبصوت عالٍ في مايمكن عمله لاسرة الفقيد وابنائه.

وعلمت بان هناك اجتماعا سيعقد في النادي العائلي خلال اليومين القادمين للبحث في العديد من الامور المستقبلية.

غدا المزيد من الصور واللقطات والافادات

انقر هنا لقراءة الخبر من مصدره.