ارتفاع وارد الذرة واستقرار أسعار السمسم في بورصة محاصيل القضارف    اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين)    رويترز: صور أقمار صناعية تكشف عن معسكرٍ خطير تبنيه إثيوبيا لتدريب ميليشيا الدعم السريع    الدولار يواصل التراجع أمام الجنيه فى منتصف تعاملات اليوم    دراسة: السمنة وراء واحد من كل عشر وفيات بالعدوى على مستوى العالم    آبل تستعد لأكبر تغيير فى تصميم آيفون منذ سنوات مع iPhone 18 Pro    تعادل الهلال والإتحاد يؤكد تأهل الرابطة لدورى النخبة ويشعل المنافسة على البطاقتين الأولى والثانية    الأهلي شندي يُسمّي جهازه الفني الجديد بقيادة علم الدين موسى وإسلام الفاضل    دعوى ضد ميتا ويوتيوب بشأن إدمان الأطفال للتطبيقات    أسباب ارتعاش العين وطرق العلاج    مدير السكة الحديد: استئناف رحلات قطار عطبرة – الخرطوم خطوة في مسار التعافي الاقتصادي    سفير السودان بالنمسا يدعو الاتحاد الأوروبي لممارسة الضغط على مليشيا الدعم السريع المتمردة وداعميها    رئيس شركة نتفليكس يكشف عن تدخل ترامب فى الصفقة الجديدة.. اعرف التفاصيل    درة تكشف عن دورها فى مسلسل "على كلاى".. شخصية مركبة ومعقدة    مني أبو زيد يكتب: القبيلة والقبائلية في السودان بعد حرب الخامس عشر من أبريل    مسؤول سوداني يغادر إلى تركيا    الأهلي شندي يشكر المدرب النضر الهادي    وزير الطاقة يوجه بالعمل على زيادة التوليد الكهربائي    السودان.. وزير الشباب والرياضة يصدر قرارًا    وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة    بدر للطيران تدشن رسميا خط بورتسودان دنقلا    دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات    ارتفاع في وارد المحاصيل الزراعية بسوق القضارف    رحمة أحمد تفاجئ الجمهور بظهورها بالحجاب على البوستر الرسمى لمسلسل عرض وطلب    عثمان ميرغني يكتب: كبري الحلفايا...    بإطلالة نارية وقرد صغير.. رامز جلال يلمح لمقالبه في رمضان    وزير الشباب والرياضة يلتقي وكيل جامعة الدلنج ويبحث أوضاع كلية التربية الرياضية    علامة تحذيرية لمرض باركنسون قد تظهر فى الأنف قبل سنوات من التشخيص    شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة    شاهد بالفيديو.. قائد ميداني من أبناء "المسيرية" يعلن انشقاقه من الدعم السريع ويقسم على المصحف بسحب كل أبناء القبيلة من المليشيا    شاهد بالصور.. مواطن سوداني محتجز بأحد إقسام الشرطة بمصر يرسل رسالة لأقاربه على قطعة "كرتون" (أحضروا لي ملابس)    شاهد بالفيديو.. افتتاح مستشفى بمواصفات عالمية بمنطقة شرق النيل بالخرطوم والجمهور يشببها بأكبر المستشفيات بالخليج    مدير عام قوات الجمارك: لن نتهاون في حماية الوطن من سموم المخدرات والسلاح    مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال    الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز    الجمارك في السودان تحسم جدل رسوم بشأن الأثاثات والأجهزة الكهربائية للعائدين    أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري    هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع    شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه    محاولة أوكرانية جديدة لإفشال مفاوضات السلام بعيداً عن ارض المعركة    رفض الزوج شراء سجائر لها فقتلته.. جريمة زوجة مصرية تثير الجدل    لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون    ضبط اسلحة ومخدرات بكسلا    حريق كبير في سوق شرق تشاد    رسالة أخيرة في بريد الرئيس البرهان قبل تمرد الحركات المسلحة الدارفورية    ترامب يحذر إيران: الوقت ينفد والهجوم القادم سيكون أشد    مباحث الخرطوم تعلن توجيه ضربة موجعة لمافيا السيارات..إليكم التفاصيل    تلفزيون السودان يستأنف البث المباشر من مقرّه الرئيسي    وزير الصحة: التبغ عدو الحاضر والمستقبل و فاتورته الصحية تفوق عائداته الضريبية    هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر    سباق اختراق الضاحية باكورة بطولات الاتحاد العربي لألعاب القوى    شركة اتصالات في السودان تعلن عن توقف خدمات    "مَا حَرَّمَ إِسْرَائِيلُ عَلَى نَفْسِهِ"!    أحمد الشاكر: انا أعجز عن شكر جميع الإخوة الأشقاء في المملكة العربية السعودية    ترامب للإيرانيين: واصلوا الاحتجاج.. المساعدة في الطريق إليكم    السودان..حصيلة صادمة بمرض شهير في ولايتين    إسحق أحمد فضل الله يكتب: (حديث نفس...)    "كرتي والكلاب".. ومأساة شعب!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



هجوم الهلال.. (كل واحد يخلي بالو من لغاليغو)
قوون نشر في قوون يوم 29 - 07 - 2011

عادل امام في مسرحية (مدرسة المشاغبين) ابدع ابداعا كبيرا..هذه المسرحية فتحت مدرسة جديدة للسخرية وقفزت بالمسرح المصري من (الكوميديا) الي (السخرية) ..وخرج تلاميذ تلك المدرسة بعد ذلك ليكونوا (اساتذة) في مجالهم الفني.
والسخرية هى اعلى درجات الكوميديا او دعونا نقول هي اعمق ضروب الكوميديا واكثرها ذكاء.
مدرسة المشاغبين من ارقى المسرحيات العربية..ومن اغناها نضوجا وفكرا.
هذه المسرحية عرضت بدءا في عام 1973م.
في هذه المسرحية كانت الاستاذة (سهير البابلي) في الفصل تدرس طلبتها الخمسة (عادل امام وسعيد صالح واحمد زكي وهادي الجيار ويونس شلبي).
كانت فكرة مدير المدرسة (حسن مصطفى) الاستعانة ب (امرأة) حتى تجمح شقاوة هؤلاء الطلاب المشاغبين..لأن المعلمة قد تكون اقدر من المعلم على تهذيب الطلاب وتأديبهم.
فكان الاستعانة بسهير البابلي التي قدمت اجمل ادوارها على المسرح من خلال تلك المسرحية حتى انها سميت بعد ذلك ب (غول المسرح).
سهير البابلي ايضا من علاماتها المسرحية دورها المميز في مسرحية (ريا وسكينة) مع شادية وعبدالمنعم مدبولي واحمد بدير.
سهير في المسرحية للتوقعها جابت سيرة (اللغاليغ) في احدى الحصص او في احد مشاهد المسرحية ..حينما طالبت من من الطالب سعيد صالح ان يردد وراها كلمة فشل سعيد في ترديدها وقال لها : انا ما اعرفش اجاوب ..فقالت له قول وراي وإلا ح اجي اقطع ليك لسانك من (لغاليغك).
عادل امام طبعا بتاع شبايك خلى أية حاجة ..ومسك ليك في (اللغاليغ)..والكلمة غريبة وطريفة وهى بالتأكيد ما بتفوت على عادل امام.
تفوت كيف وهو فتوّة الطلاب في مدرسة المشاغبين.
عادل امام حاجات زي دي ما بتفوت عليهو.
حوار عادل امام في المسرحية بعد ذلك كان على هذا النحو.
من (لغاليغو)!!.
!!!!.
ح يقطعوه ليهو من (لغاليغو)...وهو يخاطب بجملته تلك جمهور المسرحية.
انتي جبت (لغاليغ) دي من فين.
والخطاب هنا موجه لسهير البابلي.
هي الدكتوراة بتاعتك في (اللغاليغ).
كل واحد يخلى بالو من (لغاليغو).
!!!!.
أي واحد (لغالغيو) ح تروح منو ..انا ما ليش دعوه.
ويواصل عادل امام.
انا بعد كدا ح اجي المدرسة واسيب (لغاليغي) في البيت.
انت عارف.
!!!!.
انت عارف بعيد عنك البني آدم يبقى قاعد في آمان الله وما يلقاش (لغاليغو).
وحلنا (بقأ) ..توقف شهر قدام الجمعية لما يدوك (لغلوغ) واحد.
انتي عارفة .. ابوي جاب لينا اربعة (لغاليغ) عملنا اتنين بالفرن ..واتنين من غير فرن.
هنا بتنط سهير البابلي وتثبت عادل امام وتقول ليه انا غلطانة القلت ليك (لغاليغ).
ايه ...خلاص.
يقوم سعيد صالح ينط من الكنبة الورا ..ويقول انتى عارفة (اللغلوغ) الواحد عمل كم؟.
(اللغلوغ) الواحد عمل 14 جنيها.
مدرسة مهببة.
بالمناسبة ومن ناحية نقدية ...عادل امام في أية مسرحية بمسك ليهو في حاجة بشبك فيها ويدور.
مثلا في مسرحية (شاهد ما شافش حاجة) عادل امام مسك في (الخيار).
عندما دخل عادل امام لشقته وجد المحققين في انتظاره ..وعادل امام كان شايل معاه كيس (خيار).
عادل امام بدون ما يتكلم حاول يرشي المحققين بالخيار.
ثم كان هذا الحوار الذي يمثل عادل امام فيه كل الاطراف.
كل واحد فيكم يأخذ (خررراي) واحدة بس.
بس العاوز (خرراي) تانية ..يشترى هو (بقأ).
انا ح اجيب ليكم (خيار) من فين؟.
انتوا شيلوا كل (الخيار) وخلوا لي (خررراي) واحدة بس.
انا ما بحبش الخيار.
هو انا بتاع خيار.
انا جايبوا عشان اعلقوا في (النجفة) بصراحة يعني!!.
انتوا اكلوا الخيار كلو...هاتوا جبنة واعملوا خيار بالجبنة.
الخيار مفيد جدا للجبنة.
جدا يعني.
خللوه.
الخيار كويس.
احشوه.
اعملوا ملوخية في (الخررراي) ودخلوا الفرن ح يطلع (بطيخ).
نرجع لحكاية (اللغلوغ).
وندخل في الموضوع ونقول ان هجوم الهلال خلانا نقول : (كل واحد يخلي بالو من لغاليغو).
أي باك يخلي بالو من (لغلوغو).
يا بلة جابر ..ابقى عشرة على (لغلوغك).
بدون (الغلوغ) ما بخلوك تدخل (البوفيه المفتوح) يا بلة جابر.
يا الحضري اهرب من (بدري) بي (لغلوغك).
الدورى الممتاز لمن ينتهى المريخ دا كلو (لغلوغ) واحد ما بكون فيهو.
ولا (لغلوغ).
ناس كاريكا ديل بقطعو اللسان من (لغاليغو).
والله مع هجوم الهلال دا من الساعة سبعة تاني ما بتشوف ليك (لغلوغ) حايم في الخرطوم.
كل لغلوغ يدخل على جحرو.
ناس سادومبا (مدى الحياة) ديل.. خلوا ليك (سفاري) يتصاب و هو في فترة (الراحة).
في زول بتصاب في (الراحة).
سفاري (اتصاب).
في شفقة اكتر من كدا.
اتوقووون خلى (الحضري) يفكر في الهروب.
الحضري منذ ان جاء اتوبونج هرب (4) مرات.
كل ما يهرب يدفعوا ليهو (10) الف دولار ويرجعوه.
الهربة الواحدة بي 10 الف دولار.
يتذكر اتوبونج ..يقوم تاني يهرب.
جمال الوالي يدفع ليه 10 الف دولار.
يقوم تاني يرجع.
اتوبونج عرف ليك انو (الحضري) راجع مصر.
اتوبونج ذاتو قال عاوز يرجع.
اتوبونج قال ما بقعد ...انا جيت مخصوص عشان (الحضري).
عاوز تهرب يا الحضري.
عاوز تتخارج.
السنة دي القطع من (اللغلوغ).
تقيف انت ..يقيف محمد كمال ..يقيف يس.
كلو ..كلو ...قطع من اللغلوغ.
عشان نكون معاكم واضحين.
أي زول بتكلم عن هجوم الهلال.
البلد كلها بترجف من هجوم الهلال.
كاريكا بسجل بي طريقة (اعاين ليهو واضحك ..وامشي واجيهو راجع).
الحضري كل ما يشوف ليه هدف للحضري ...بقول : انا ما بقعد في البلد دي.
يقولوا ليه : طيب ليه ؟...المشكلة شنو؟.
يقول : الطقس حار.
الجو سخن.
تقول مذيع نشرة جوية.
قلت ليكم انا.
هجوم الهلال السنة دي ما بخلى ليهو (لغلوغ) حايم.
بكري المدينة اول حاجة بسوط (المدينة) كلها ثم يسجل بعد ذلك.
أي زول بخاف من هجوم الهلال.
أي دفاع بشكى من هجوم الهلال.
مدرب الرجاء المغربي السابق جاء عنه في الصحف هذا التصريح : (حذر مدرب الرجاء المغربي السابق والنجم المغربي محمد فاخر في حديث لوسائل الاعلام من صعوبة مباراة الهلال السوداني بام درمان وقال بان قلعة الهلال تسمى المقبرة لصعوبة مهمة الفرق الزائرة فيها خاصة في ظل وجود عشرات الالاف من مشجعي ومحبي الازرق والذين يشكلون ضغطا نفسيا كبيرا على اللاعبين الى جانب دخول الهلال السوداني مباراته اليوم بمعنويات طيبة عقب عودته بنقطة ثمينة في ملعب ابا عندما حل ضيفا على انيمبا احد اشرس الفرق الافريقية واكثرها تمرسا في مثل هذه البطولات ولكن ارادة لاعبي الهلال حجم طموح اصحاب الارض الذين فرضوا التعادل في وقت عصيب).
واستطرد المدرب المغربي حسب قوله لوسائل الاعلام المغربية والتي نشرتها صحيفة عالم النجوم : (حذر المدرب المغربي صاحب افضل الانجازات مع فرق شمال الغرب الافريقي من خطورة المقدمة الهجومية الزرقاء بقيادة سادومبا والثنائي الدولي مدثر كاريكا وبكري وقال ان هذه الثلاثي سريع لدرجة يصعب معها السيطرة عليهم سوى بارتكاب المخالفات والتعرض للانذار وقال بان الزيمبابوى غير مامون مع الخشبات الثلاث ويكفي انه الان يقف في صدارة هدافي البطولة مع نجم الوداد المغربي محسن ياجور).
والله الليلة يا يا ناس الرجاء تفهموا حاجة.
نحن ناويين نعمل حملة شاملة.
حملة نظافة للغاليغ.
الليل ح نلقط (اللغاليغ) كلها.
انتوا شنو؟.
الليلة من الصباح ماسك لينا في (اللغاليغ).
اللغاليغ دي البحلنا منها شنو؟.
الشبكنا في (اللغاليغ) دي شنو؟.
انتوا لاعبين وين؟.
لاعبين في (سلخانة).
سلخانة شنو؟.
انت ما عارف ...نحن لاعبين في (المقبرة).
ونحن أية حاجة عندنا بي نظام.
نحن ما عندنا حاجة ساكت.
أية حاجة عندنا مرتبة.
واضح في كل مباريات الهلال السابقة ان هناك مشكلة في دفاع الهلال ..هذه حقيقة لا خلاف فيها.
في نفس الوقت ثبت ان الهلال يمتلك ربما اقوى هجوم في افريقيا.
هجوم مولع نار.
في نيجيريا استطاع فريق انيمبا ان يسجل هدفين في شباك الهلال.
لكن هجوم الهلال في نفس الوقت سجل هدفين ...وهجوم الهلال كان قادر على ان يسجل خمسة اهداف لو ان فريق انيمبا سجل خمسة اهداف في شباك الهلال.
قلت ليكم نحن السنة دي ما بنخلى لينا (لغلوغ) حايم.
في الدوري الممتاز باغتة فريق الاهلي الخرطوم فريق الهلال بهدف اول سريع.
استطاع هجوم الهلال ان يعود اسرع للمباراة ويسجل الهلال هدفين.
في الشوط الثاني ايضا باغتة الاهلي الهلال بهدف ثاني.
ولأن هجوم الهلال كان حاضرا فان الهلال عاد وسجل هدفا ثالثا.
وان كنا نسلم بالخلل في دفاع الهلال إلا اننا نقول الحمدلله ان هجوم الهلال قادر على التعويض في أي وقت.
في السابق كان معظم اهداف الهلال تأتي من لاعبي الوسط او حتى الدفاع ...كان يسجل مهند الطاهر وبشة ..ويسجل ديمبا واسامة التعاون ..وكان هجوم الهلال غائبا.
الان كلية هجوم الهلال تسجل.
يسجل سادومبا بطريقته (السريعة).
ويسجل كاريكا بطريقته (الوسيمة).
ويسجل بكري المدينة بطريقته (قطع اخطر).
ولو وجد اتوبونج الفرصة فسيسجل هو الاخر بطريقته الخاصة ..وربما يتفوق حتى على هذا الثالوث.
اتوبونج مسكين ..جاء في منتصف الموسم ووجد هجوم الهلال اقوأ خطوط الفريق.
سادومبا في افضل حالاته.
وكاريكا يتوهج هو الاخر.
اما بكري المدينة فقد ادهش كل الناس ...مهاجم لا يمكن ان يجلس في (الكنبة).
في ظل هذه المنافسة الساخنة جاء اتوبونج ليجد (غربة).
لذلك اتوبونج على وجه خاص يحتاج لدعم ومساندة من جماهير الهلال ومن لاعبي الهلال انفسهم.
ايام اتوبونج قادمة ...فلا تتعجلوا له ...وهو من غير شك سوف يكون دوره كبيرا في المرحلة المقبلة.
لذا نحن ننصح مجلس ادارة الهلال بعدم التفريط في هذا اللاعب وبالاحتفاظ به.
طلب اللاعب العودة الي الدوري المصري ...طلب مبرر ..لأن اتوبونج جاء من الدوري المصري نجما ...يعرفه الجمهور المصري وتتحدث عنه الفضائيات.
بل اتوبونج جاء من مصر (هدافا) للدوري الممتاز ..كان يقبع خلف شيكابالا مباشرة وحتى مع غيابه من معظم مباريات الدورة الثانية للدوري المري مازال اتوبونج يحتفظ بمكانة صدارية في روليت هدافين الدوري المصري.
اعتقد ان ميشو لم يحسن التعامل مع (اتوبونج) ...فقد افسد ميشو علاقة اتوبونج بالجمهور عندما اصر على ابعاده من التشكيلة او اشراكه في لحظات حرجة.
كان يمكن ان يكون التعامل مع اتوبونج احسن من هذا ...مع تسليمنا التام ان اتوبونج جاء في وقت صعب ان يدخل فيه للتشكيلة في ظل التألق المدهش للاعبي الهجوم.
غير ذلك ..وكما ذكرت سابقا ان اتوبونج جاء والهلال في اواخر موسمه.
في الدوري الممتاز جاء اتوبونج بعد انتهاء الدورة الاولي للممتاز.
اما في البطولة الافريقية فقد جاء اتوبونج والهلال في مرحلة المجموعات.
لكن كان يمكن ان يكون التعامل مع اتوبونج افضل من هذه الطريقة.
على العموم نتمنى ان يتمسك الهلال باللاعب ..لأن الهلال موعود بلاعب سوف يحقق معه ان شاءالله الكثير من الانجازات والبطولات.
ومن غير شك فان (اللغاليغ) التي سوف يقطعها (اتوبونج) كثيرة.
اتوقووون سوف يقطع (لغاليغ) الاعلام السالب.
بمسك لغولغ أي اعلامي سالب وبقطعو ليهو.
ملحوظة : ونحن اية حاجة عندنا بي نظام.
هوامش
مباراة اليوم ...لا اعتقد انها سوف تكون مباراة صعبة على الهلال.
سوف ينتصر الهلال ان شاءالله انتصارا كبيرا.
المباراة على مسؤولية الجمهور.
ولا اظن ان جمهور الهلال يمكن ان يخزل الهلال في شيء.
سوف تجدوا كل السند والعون من جمهور الهلال العظيم.
المقبرة الليلة ح تنور.
ما عاوزين لينا أي (لغلولغ) حايم.
انا كلمتكم مية مرة.
أي زول لسانو يطول اقطعوه ليهو من (اللغلوغ).
الله يفكنا من (اللغاليغ) دي.
لغلوغ من لغلوغ يفرق.
سادومبا مدى الحياة الليلة ان شاءالله يسجل من اول عشر دقايق.
سادومبا سوف يحسم لقب هداف البطولة الافريقية بشكل نهائي.
بس عاوزنكم معانا.
عاوزين الجمهور.
ما تسكتوا.
شجعوا في كل لحظات المباراة.
التشجيع مهر انتصار مباراة اليوم.
يا ناس الهلال عليكم الله احسموا لينا المباراة من بدري.
الايامات دي الجو ما معروف.
يمكن تظهر ليك (مطرة) في اية لحظة.
عشان كدا احسموا المباراة في اول عشر دقايق.
احسموها من بدري.
اكرر لا اعتقد ان هناك مشكلة يمكن ان تواجه الهلال اليوم.
الهلال جاهز مية المية.
سوف تعيد لنا هذه المباراة ذكرى مباراة الهلال وناساورا ..والهلال ولاهلي المصري.
تعالوا عشان تستمتعوا.
ونحن أي حاجة عندنا بي نظام.
بس ان شاءالله ما يجينا (هوا).
الحضري من الدوري الاوروبي الذي اشار اليه الي المقاصة مصر.
الحضري في البداية قال مطلوب في الدوري الاسباني.
غايتو جنس كذب.
رست على (المقاصة).
المقاصة دي (يس) ممكن يلعب فيها.
يا ناس المريخ (غرامتكم) راحت ساكت.
الغرامة (هينة).
الكلام ...(تورتة) ابوجريشة.
قالوا ليك في مصر ظهرت (تورتة) جديدة اسمها ..تورتة ابوجريشة.
انتوا تعالوا هنا اخبار بلة جابر مع (البوفيه المفتوح) شنو؟.
يا بلة ألحق ...رمضان باقي ليهو 48 ساعة.
ما يحدث بين المريخ والامل ...امر مضحك.
كيف يعني المباراة تنقل للخرطوم.
افضل من هذا ان يتنازل الامل عن النقاط الثلاث.
رئيس نادي الامل ..لم نكن نعرف انه عاوز مصلحة المريخ اكتر من رئيس المريخ نفسه.
عاوز مصلحة المريخ اكتر من مصلحة الامل.
جمال الوالي افسد الدوري الممتاز.
قناة قوون اذا تساهلت في حقها القانوني في تلفزة مباراة المريخ والموردة ...فعلى الدينا السلام.
اذا لم تحسم قناة قوون هذا الامر ..سوف يتكرر هذا الامر في أي مباراة.
الاتحاد العام اثبت انه اضعف اتحاد في تاريخ الكرة السودانية.
يا حليل كمال شداد.
مفروض قناة قوون كمان تقاطع نقل مباريات المريخ في الولايات.
هل لو كان الدوري الممتاز منقول على قناة الشروق ..هل كان يمكن ان يحدث مثل هذا (السخف).
يا ناس الضل.
اها الهلال الليلة لاعب مع (الرجاء).
هل ممكن تلعبوا مع الرجاء ايضا.
ألعبوا مع الرجاء ان شاءالله مباراة ودية.
لكن مرحلة المجموعات دي ما بتقدروا عليها.
ولا بتحلموا.
هل اصبحت نقاط الدوري الممتاز ...تباع على هذه الطريقة.
البيع بقى علني.
عاجل : غايتو يا بلة جابر كورتك كلها بقت (كوارع).

انقر هنا لقراءة الخبر من مصدره.