سودارس : دفاع المريخ بقي اخطر من هجوم الهلال

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دفاع المريخ بقي اخطر من هجوم الهلال

قوون نشر في قوون يوم 27 - 06 - 2011

امس قلت نشوف (سيكافا)...مباراة الشباب التزاني والمريخ ...لقيت ليك الحكاية (مشقلبة) شقلبة شديدة.
ما فهمت أي حاجة.
الباشا ..بقي اخطر من (اتوبونج).
مصعب عمر ..اخطر من (سادومبا).
سعيد السعودي ذاتو عامل فيها (بكري المدينة).
لكن طبعا بالقلبة.
مسكين الحضري ...ما عارف يلقاها من منو وإلا منو؟...وإلا منو؟.
مرة نجم الدين يجيب فيه قون في الدورى الممتاز.
ومرة الباشا.
ومرة مصعب عمر.
دا مع ناس مصعب ونجم الدين بحصل ليه كدا...مع اتوبونج وسادومبا وكاريكا بحصل ليه شنو؟.
لكن الاقوان الدخلت في الحضري دا ..اقوان زول ماشي.
ما اقوان (مستقبل).
المفارق شكلو واضح.
في عيونو ظاهر.
ناس المريخ ديل دفعوا (150) الف دولار للبطولة.
لو دفعوا القروش دا لي ناس الباشا ومصعب ..كان شالوا البطولة.
المريخ من الفرق التي يلعب ضدها ما بتجيهو (عوجة).
العوجة بتجيهو من ناس مصعب والباشا.
ديل طلعوا خطرين.
مما لا شك فيه هو ان (الفساد) ضرب بقوة في كرة القدم ...واكل (سوس) الرشاوي.. الاخضر واليابس في اعراف وقوانين كرة القدم ..في انتخاباتها ومبارياتها ...(ما ظهر منها وما بطن).
وان لم يتدارك الاتحاد الدولى لكرة القدم الوقت ليفرض هيمنته ويجتهد اكثر لمحاربة الفساد في كرة القدم وفي الاتحادات التابعة له فان كرة القدم سوف تصبح عما قريب اشبه بلعبة (الميسر) وهي بذلك سوف تقع في مواقع الهلاك من غير شك.
ومواقع الحرام ايضا.
لكن كيف لنا ان نطلب بالنزاهة من الاتحاد الدولى لكرة القدم وهو نفسه غارق في (الفساد) ..وفاقد الشيء لا يعطيه.
رئيس الاتحاد الدولي لكرة القدم جوزيف سيب بلاتر وصلته الاتهامات ولحق به السوء ..وهو ليس بعيدا عن (الفساد) وشبكته..ان لم يكن شريكا فيه.. وهو حسب ما يشار من اتهامات جزء منه بشيء او اخر وقد اوضحت الاتخابات الاخيرة للفيفا ذلك واكدت الفساد في الكثير من ملفات ..وبلغت الاتهامات شخصيات محورية واساسية في الاتحاد الدولى كفي ان من بينها السيد همام رئيس الاتحاد الاسيوي (الموقوف).
هذا يحدث في قمة الهرم بالنسبة لكرة القدم ...تري كيف يكون الحال في المواقع الاخرى (المظملة)...(واذا كان رب البيت للطبل ضارب فشيمة اهل البيت كلهم الرقص).
اظنهم يرقصون لنا.
علينا ان ننتبه لهذا (الفساد) الذي يضرب الوسط الرياضي ..والذي يتوغل رويدا رويدا ..واحسبه بلغ حتي الاعلام الرياضي.
لنا ان نحارب ذلك (الفساد) وان كان ذلك عبر اضعف الوسائل وباضعف الايمان.
نترك هذا ونتجه الي جانب اخر.
عندما نظم فريق المريخ بطولة (سيكافا) في السودان ..كلف ذلك خزينة الدولة مليون دولار.
وبعد المليون دولار ..يا ريت المريخ لو شال الكأس.
بالمليون دولار ...المريخ برضو طلع (وصيف).
وصافة بي مليون دولار.
عندما دفعت الدولة مليون دولار لتنظيم بطولة سيكافا في السودان ..لم يعترض احد ..باعتبار ان البطولة ينظمها السودان ..رغم ان بطولة سيكافا لا تساوي (5) دولارات.
لكن برضو الموضوع مشي عادي زي (غرامة) الحضري التي دفعوها من (حقوق) مزارعين مشروع الجزيرة.
اقول ذلك بمثل الفهم الذي يتعامل معه الاعلام السالب مع صفقة اتوبونج (الشعب).
وبمثل الفهم.
وارغو سجلوه بي قروش (المعاشيين).
هو الكلام بي قروش.
الحاجة البتغيظ الان ..هو ان الدولة ..اقصد (المريخ) دفع (150) الف دولار لي سيكافا..مع ان السودان ليس منظما لبطولة سيكافا.
البطولة منظماها تنزانيا ...مع ذلك جمال الوالي دفع (150) الف دولار.
بطولة للبيع.
فنان الشمال علي السقيد عندو اغنية (قلب للبيع).
لكن بطولة للبيع ..دي اول مرة نسمع بيها.
سيكافا دي (رخيصة) خالص.
سعرها (150) الف دولار فقط.
ان شاءالله بعد دا يدوكم ليها ...ما يغشوكم.
ناس المريخ دفعوا لي سيكافا (150) الف دولار ..قبل بداية البطولة ...ليكون دفعهم هذا مثل (الدفع المقدم) تماما.
انها بطولة (الدفع المقدم).
عشان كدا انا بتوقع هداف بطولة سيكافا يكون محمد (مقدم).
اصلوا الجماعة ديل بتاعين (مقدم).
ناس بدفعوا بس.
غرامة الحضري دفعوها ليهو.
سيون ما دفعها.
الاسماعيلي ما دفعها.
الزمالك ما دفعها.
اخر حاجة...قالوا للحضري ...لو عاوز زول يدفع ليك (الغرامة) ...امشي (المريخ).
ما في زول بخاطر ليك غير (جمال الوالي).
هسه وقت الحضري لقي نفسو (نضيف) وما عليهو أي غرامة..قال ما بقدر يقعد في السودان.
وقال اسرتو ما بتقدر تعيش هنا.
ولاعبو المريخ ما عندهم (طموح).
عشان كدا واضح انو الباشا ومصعب عمر ما عجبهم كلام الحضري ..قاموا قبلوا عليه في مباراة الامس.
مباراة فيها هدفين عكسيين.
دي مباراة وإلا فيلم (امير الظلام).
مريخابي كان قاعد يشاهد في المباراة...بعد هدف مصعب وهدف الباشا ..قال لي الجماعة ديل ما بجيبوا قون تاني ...الشباب التنزاني دا ما عندو أي هجوم.
لكن برضو خايف.
قلت ليهو خايف من شنو؟.
قال لي خايف من (سعيد السعودي).
انت عارفين فريق الشباب التنزاني افتقد منو في المباراة دي؟.
افتقد نجم الدين عبدالله.
نجم الدين عبدالله لو كان لاعب ..المريخ كان خسر 2- 3.
اما لو كان طارق مختار الي الان موجود في كشوفات المريخ ...المباراة دي كان اتهزم المريخ فيها بستة اهداف.
حتي لو كان طارق مختار قاعد في الكنبة.
الله شافكم يا مريخاب.
مباراة المريخ والمان الصومالي اتوقع ان يسجل اهداف المان الصومالي نصرالدين الشغيل وبلة جابر.
في واحد تاني قاعد بتابع في الكورة ..شاف الباشا سجل ليه هدف في الحضري قال لي تعال هنا : انت الباشا دا (اعاروه) لي الشباب التنزاني متين؟.
الزول دا موش كان معار في (ليبيا).
شوية كدا.
مصعب عمر جاب الهدف الثاني في الحضري.
زولكم اتلفت لي وقال ..انت (مصعب عمر) برضو (اعاروه) للشباب التنزاني.
بالطريقة دي.
ولما سيكافا تنتهي.
فريق المريخ كلو بكون (معار) لاندية سيكافا.
ليه حق الحضري يقول ما بقعد.
ديل ناس ما بتعاشروا.
الحضري ما برضي كل مباراة يجيبوا فيه (هدفين).
ومن منو؟.
يا ريت لو من زول غريب.
من ناس نجم الدين والباشا ومصعب عمر.
تفتكروا (الاضراب) دا اتوبونج عندو دخل فيه.
الجماعة ديل في سيكافا بعملوا كدا.
مع ناس سادومبا واتوبونج وتوريه بعملوا شنو؟.
غايتو لو الحضري قعد ..وما هرب.
بتوقع (مصعب عمر) يكون هداف الممتاز.
شكلها كدا.
لكن لقيت لي فكرة مختلفة.
فكرة جديدة.
ناس الباشا ومصعب ديل يكونوا سمعوهم بان الهجوم خير وسيلة للدفاع.
على هذا الاساس...قاموا يهاجموا.
سمعوهم الكلام دا.
قلبوا.
فاكرين انو التفسير التطبيقي للنظرية دي انهم يسجلوا في (شباكهم).
يجيبوا اقوان في الحضري.
انتوا موش قلتوا (الهجوم خير وسيلة للدفاع).
يكون حسام البدري نقل ليكم الفكرة غلط.
ما قدر يوصلها ليكم.
وانتوا حسب رجفتكم من (اتوبونج) فهمتوا الحكاية كدا.
كل زول قدر فهمو.
ملحوظة : الحمدلله امس كان ما في مطرة ..وإلا كانوا قالوا الاهداف العكسية دي من (المطر).
هوامش
كلتشي وسكواها بي جاي.
الباشا ومصعب بي جاي.
فريقكم دا بقي زي قلم الرصاص (المبري) من الجهيتن.
على هذا الاساس.
الشغيل شغال (صناعة) للجيهتين.
بصنع للهجوم.
وبصنع للدفاع.
اديكو دا...شكلو كدا قايل نفسو في (ليبيا) الي الان.
الزول دا لي هسه (مهجوم).
داخلاهو (خوفة).
الزول الخايف بكون (واضح).
يا ايديكو لو شفت (امير الربيع) بترجع طوالى (ليبيا).
ليبيا ارحم ليك.
الحضري دا لو لعب موسم مع ناس مصعب ونجم الدين والباشا ..في (كفر البطيخ) ما بحترف.
يا حضري ألحق نفسك.
انت عمرك اربعين سنة.
انت قايل نفسك صغير.
ناس نجم الدين ديل بضيعوك ساكت.
مصعب عمر طلع بعد المباراة قال عاوز يلبس فانلة رقم (10).
اديكو تأثر بعامل السن.
الكبر ليهو احكام.
معقولة يا مريخاب ..الحضري يلعب بيكم كدا.
من سيكافا لي اسبانيا.
من تنزانيا لي اسبانيا.
طيب دي بتصدق.
الزول دا بغشكم ساكت.
البرنس (حفظه الله ورعاه).
مهند الطاهر.
سادومبا.
اتوبونج.
توريه.
دا شغل (راجمات) عديل كدا.
ما في دافع بيلعب قدام الجماعة ديل.
قلت ليكم قبل كدا.
وبقول ليكم تاني.
في السودان ما عندنا مباراة بتنتهي بي اقل من اربعة اهداف لي صالح الهلال.
وبتشوفوا الكلام دا من تجارب الهلال الودية في مصر.
الحضري عرفها.
الحضري تاني ما بقعد ليكم.
عاجل : الحضري قطعها مع سعيد السعودي.

انقر هنا لقراءة الخبر من مصدره.