مقطع صغير إلى صديق كبير احمد عصفور النسيم لاقيتو ماشى قال سلام يا سلام والأرض تغريك السلام ابتسامة، جنس وسامة هادى ماسك الواطة نخلة فوقا يرتاح الحمام ياحمايم غنى ليهو كان صديقى وكان صديق كل الغلابا ياغمايم ظلليهو كان رفيقى وكان رفيق كل التعابا يا على الولد المهذب بى هموم وطنك معذب ليه تعذب يا قمر فى نص سمانا انت مالى الحلة نور … بي سرور يافرح لى ناس حزانا بيك تفيض انهر غنانا دفقة من أحلى العطور يا بنات غنولو فارس ياولاد غنولو فارس فى المصانع والمدارس جوا فينا.. شتلة لى أجمل مدينة السلام والحب دينا يا سلام طاهرة وأمينة زى رزانتك يا صديقى شوفا كيف فاهمة ورزينة صدرها المليان حنان ما بتفرق بين عوينا بين ولادا وبين بناتا بين محمد وبين أمينة يا على الولد المهذب بى هموم وطنك معذب ليه تعذب يا ملاك فى دين جدودى وفى شريعة الغابة مذنب يا على الولد المهذب