مسكين شعب السودان الطيب الذي ابتلي بمثل هؤلاء الذين لا ندري من أين أتوا؟ طغوا وتجبروا علي البلاد والعباد وإليكم بعض مما جاء في تصريحات من بيدهم صكوك الغفران والجنة نحن دايرين نسوق الناس للخير .. دايرين نسوقهم للجنة!!! أهي الجنة ام موز كما قال احد مداحنا ولعله المرحوم حاج التوم من الله أم هي جنة اخري يقصدها المواطن عمر حسن المترشح لرئاسة الجمهورية. كفاية استخفاف بعقول الناس وكفاية تلاعب بالدين الذين تملكون تأشيرات دخول الجنة التي لا تضمنوها لنفسكم وكيف تضمنوها وقد ابدتم وقتلتم وشردتم وجوعتم وهجرتم وجننتم خلق الله في بلاد الله وانت القائل بعضمة لسانك: نحن قتلنا الناس لأتفه الأسباب نجي لتصريحه: ما بخوفونا بالموت وارحل ودايرين الميتة المجيهة!!! لا تعليق نائب الرئيس حسبو :: نحن ما في زول ود مرة يقدر يعمل لينا حاجة ..لأننا عندنا ماس موصل مع ربنا!!!!! ده شنو ده؟؟ وصلت لغاية كده والماس ده جاي من سد مروي اتقوا الله يا هؤلاء. عبد الرحمن الخضر والي الخرطوم في حملة تدشين انتخاب المواطن عمر حسن لرئاسة الجمهورية البشير هو باني النهضة الصناعية في السودان وقد صنعنا الطلقة وبعدين الكلاش تلته الدباية واخيرا الطيارة . نعم الصناعة ياخي عشان تحارب بيهم منو؟؟ واين التصنيع الزراعي واين مصانع النسيج والسكر وغيرها من الصناعات التي تفيد المواطن علي حسن سلوكة!!!! نجي لكسرة يا ابوعلي وإليكم هذه المفردات من لغة الراندوانقاذ البمد ايده بنكسرها ليه!!! (مصطفي عثمان دكتور السنان) .. ما برحل الا سيد البيت يقولي ارحل . (الراس الكبيرة )… البشير خادم القرآن: بعض صوفية السودان … المقاطعون للانتخابات هم أراذلنا .. (باسم بن ابي بردعة ) .. (نواب بتشريعي الخرطومJ ربع سكان العاصمة فقراء فيكم الخير زيدوها شوية وناس الأقاليم ما ناس!!! (حزب البشير : لو ما صوّتوا لينا بأعلى الأصوات ح نزيدا موية ! الموية البت نقط بت الماسورة ديك؟ ونلتقي اذا مد الله في العمر في انتخابات 2020 لو الزول داك ما رحل من البيت. شوفوا الفيديو ده دايرين نسوق الناس للجنة https://www.youtube.com/watch?v=sC99GP1GZTA
