مقتطفات من تقرير (ديوان المظالم) = المستشار بوزارة العدل (احمد عباس الرزم) .. صرف ولا زال يصرف راتب ثااااابت من الجهاز الاستثماري للضمان الاجتماعي .. بلغ حتى تاريخه 110,400,000 جنيه .. = المستشارة بوزارة العدل (نوال عبد الله) صرفت ولا زالت تصرف راتب حتى تاريخه بلغ 96,000,000 جنيه. * السؤال .. بمناسبة شنو الجهاز الاستثماري يصرف لمستشار في وزارة العدل راتب ؟؟؟ وحتى لو في أعمال مشتركة .. الدستور بمنع موظف دولة يتقاضى راتبين من وظيفتين في وقت واحد ……. = لسه مع الجهاز الاستثماري للضمان الاجتماعي .. يعني قروش الكادحين .. باع قطعة أرض يملكها .. لوكيل وزارة العدل و مدير الاراضي السابق (عصام عبد القادر) بنصف قيمتها .. الأرض ب (1,268,736,000 جنيه).. تم بيعها لوكيل الوزارة ب (645,120,000 الف جنيه) فقط .. يعني نص قيمتها .. * السؤال .. دي قروش أبو أهل منو من ناس الضمان الاجتماعي ؟؟؟ لما تكون الأرض دي ورثة حبوباتكم .. أدوها للحرامي ده مجااااان .. موش بنصف التمن. ……. نجي للبنك الزراعي .. طبعا" كلنا عارفين بروف (مختار محمد مختار الاصم) .. رئيس مفوضية انتخابات الخج .. البنك الزراعي منحه تمويل بمبلغ مقداره 4,118,678,000 جنيه أووووول شي .. ضمانات التمويل وهمية .. تاني شي (مختار الأصم) متعثر داخل في السنة الرابعة .. إدارة البنك (داسه) القصة دي و (غامتاها) .. وما (مختار الأصم) هو براه في 100 عميل متعثر .. وإدارة البنك رافضة تعلن أسماءهم .. وعامله رايحة ما بتطالبهم نهاااائي بالقروش .. وفي نفس الوقت المزارعين في 50 مليون بودوه الحراسة .. ويبقى لحين السداد !! ……… ولسه مع البنك الزراعي .. طبعا" الجايه دي قلبوا فيها الهوبه .. بتاعين البنك الزراعي .. عقد ايجار .. بين البنك و (فيصل ابراهيم جربوع) .. لمقر فرع البنك في مدينة (الميرم) .. بميلغ 156,000,000 جنيه .. عن عام 2015 ومثلها عن عام 2016 .. وأقتبس نصا" من التقرير : (علما بأن فرع الميرم المزعوم لم يتم انشاؤه حتي تاريخه) .. ماااااااف فرع من أساسو !!! …….. وبرضو مع البنك الزراعي .. شركة (الثورة الخضراء) .. شركة مملوكة للبنك الزراعي .. عملوها تحايل على العقوبات الاقتصادية على السودان .. بشتروا بأسمها المدخلات الزراعية .. وبقوم البنك بأسمها بكل العمليات التجارية .. أها الشركة دي بتطلع مشترواتها في عطاءات للشركات الخاصة .. والشركات الخاصة دي هي تورد المشتروات لشركة (الثورة الخضراء) .. مااااف زول من الشركات دي جاب حاجة .. والجابوا جابوها حاجات منتهيه ما بتساوي ربع قيمة الفاتورة .. حاليا" الشركة دي مديونة .. 65,694,581,000 جنيه .. دي طبعا" أكلتها (الشركات الخاصة) .. وكلنا عارفين أصحاب الشركات الخاصة حيكونوا منو !!! الليلة نكتفي بهذا القدر .. ونواصل لاحقا" باقي التقرير .. * تاق للجداد * تاق للبتاعين البديل منو * تاق لبتاعين دايرين تخربوا البلد زي سوريا وليبيا * تاق لبتاعين البشير رمز سياده وولي امر * تاق لبتاعين هي لله ( ود قلبا محمد احمد – فيسبوك ) .