الي ان نلتقي قسم خالد مجلس المريخ … (شاورتو) الوالي ! .. و.. الهلال يكمل تحضيراته الجادة لمواجهة كبار الاندية الافريقية لدوري الابطال في مرحلة دور الثمانية يتصارع اهل المريخ في تسمية الكاتبن ليقود الفرقة الحمراء .. الاخ حاتم عبدالغفار نائب رئيس القطاع الرياضي اقر ان اللائحة هي التي حكمت لمصلحة احمد الباشا ليتولي قيادة الفريق .. اما الكابتن الجيلي عبدالخير مدير الكرة بالمريخ فله رائ واضح في قيادة الباشا للفريق عندما صرح علي رؤس الاشهاد ان القيادة تحتاج الي موصفات خاصة واعتقد انه اراد ان يقول ان تلك المواصفات الخاصة باعبتاره كان نجما بالفرقة الحمراء لا تتوافر في اللاعب احمد الباشا وبالتالي هو كمديرا للكرة لا يعترف بقيادة احمد الباشا للمريخ ! الم اقل لكم ان الهلال عظيم في كل شئ ؟؟ لم نسمع يوما صراعا دار في الهلال لتسمية القائد بالفرقة الزرقاء .. كل لاعب يعرف جيدا متي ياتيه دور القيادة وتذهب له في سلاسة وتعاون منقطع النظير ! مشكلة الكابتنية في المريخ في اعقاب شطب العجب او اجباره علي الاعتزال لا يهم اطلت براسها بشكل اكبر .. والكل كان متابعا للصراع الدائر في المريخ عندما جاء اليهم هيثم مصطفي .. هم ادركو ان كارزيما هيثم مصطفي هي الاقوي لذا اقترحو ان يتم منحه الكابتنية بالفرقة الحمراء باعتبار ان هيثم مصطفي هو قائد المنتخب الوطني الاول وكل اللاعبين بالمريخ كانو تحت قيادته حتي في ظل وجود فيصل العجب كان هيثم قائدا .. لكنهم استكثروها عليه وهو لم يكن راغبا فيها .. كيف يرغب فيها وهو من تولي قيادة الهلال والمنتخب معا .. قيادة المريخ ككابتن لا تضيف له شئيا اضف الي ذلك فان القيادة ليست شارة يرتديها القائد علي ذراعه اثناء المباريات .. القيادة فن .. وقوة شخصية واحترام من الجميع .. ثم قبول .. وكارزيما .. كل تلك الصفات وغيرها توافرت عند هيثم مصطفي ! تعالو نري القائمة المرشحة او القائمة التي سبقتها لتولي القيادة بالمريخ .. اكرم الهادي … هيثم مصطفي .. احمد الباشا .. ثلاثتهم كانو في الهلال .. ثم علاء الدين يوسف وهو الاخر لعب للهلال .. يعني القاسم المشترك بين هولاء هو الهلال .. كم انت عظيم يا هلال ! بالامس جمعتني مكالمة طويلة باحد نجوم المريخ تطرقنا لكل شئ بما فيها الصراع الدائر حاليا بشان القيادة .. قال لي بصراحته المعهودة كيف لا تكون هناك ازمة قيادة في المريخ والمريخ في كل عام يسجل اكثر من خمسة عشر لاعبا .. واضاف صفة القيادة للاسف لا تتوفر في اي نجم مريخي الان وحتي الذي يستحق القيادة لا يرغب في المواصلة مع المريخ ويقصد هيثم مصطفي .. واضاف ايضا متي يعلم هولاء ان القيادة ليست شارة توضع علي الكتف ! انتهي حديثي مع اللاعب المريخي ووقتها حمدت الله كثيرا علي انني هلالي الهوي ! الان قائد الهلال هو عمر بخيت .. ونوابه معز / مهند/ سيف علي التوالي وكل لاعب من هولاء يعلم دوره جيدا بل يجتهد لمساعدة القائد في القيام بدوره يعني بمعني اصح وادق الهلال (كلو كبتان ) قولو ماشاء الله ! ولا اعتقد ان ان هناك يوما يكون في صراعحول الكابتنية بالفرقة الزرقاء لانه تاريخ معلوم منذ القدم ولا يستطيع احد ان يغير هذا التاريخ ! اخيرا اخيرا ..! المريخ لن يستطع معاقبة هيثم مصطفي بلائحة التعاقد .. بمعني ان المريخ لا يستطيع ان يجمد نشاط هيثم مهما اجتهدو في البحث عن المبررات .. اقصي ما يمكن ان تفعله اللجنة في هيثم هي معاقبته ماليا بالخصم او طلب المال الذي تقاضاه .. وما اعلمه ان هيثم لعب للمريخ (قدر قروشم) يعني هيثم احتمال يكون طالب المريخ قروش ! وقبل ان تجتمع اللجنة مجددا لاصدار عقوبات عليه عليها ان تراجع لوائح الانتقالات قبل ان يضحك عليهم الاخرون .. وقبل هذا عليهم (مشاورة) الوالي قبل اصدار القرار .. قرار هيثم .. وقرار الكابتنية بالمريخ لان رائ السيد الرئيس هو الاهم ؟؟؟ اخيرا جدا ..! ولان الازمات تحيط بالمريخ من كل جانب .. تناسو موضوع الكابتنية وانعقد المجلس الاحمر ليناقش امر لا علاقة له به .. هولاء السادة الكرام للاسف الشديد ناقشو امر تاجيل مباريات الهلال في الدوري الممتاز .. هسي انتو مالكم ومال الهلال ..( دا رقيص ما عندكم ليهو شعر ) انتم تتحدثون عن الممتاز وكاس السودان .. والهلال يتحدث عن دوري الابطال (في فرق يا مزمل ولا مافي ) ! الهلال هو ممثل السودان الوحيد وحامل لواء الكرة السودانية في المجاهل الافريقية انتو مع شنو كمان ! يأجلو .. ما يأجلو .. نلعب مباراة تمبول في المقبرة ولا دار الرياضة انتو دخلكم شنو .. اي اتحاد وطني يسعي لتوفير كل السبل الراحة لانديته التي تمثله خارجيا .. والاتحاد السوداني يفهم ذلك جيدا يعني موضوع تهديدكم بالانسحاب دا( بلوهو اشربو ميتو) ! خلونا من دا كلو يا مجلس المريخ تهديدكم بالانسحاب دا شاورتو فيهو الوالي! اذهبوا فانتم الطلقاء !