سودارس : الهلال اول نادي في العالم يشارك في كأس العالم

والي الشمالية يتفقد انطلاقة العمل بمستشفى محمد زيادة المرجعي للأطفال بدنقلا الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى المريخ يبارك انتخاب رئيس إتحاد سيكافا وأعضاء اللجنة التنفيذية مريخ الممتاز يؤدي مرانه الختامي للقاء ملوك الشمال مساعد قائد الجيش يكشف عن فساد وزير كبير إبراهيم جابر ينفي خبر حل اللجنة العليا لتهيئة بيئة العودة إلى الخرطوم إبراهيم شقلاوي يكتب: مسرح ما بعد الحرب لدى يوسف عيدابي الصحفية سهيرة عبد الرحيم: (شعرت للحظة أن وزير الخارجية المصري سيهتف داخل القاعة "جيش واحد، شعب واحد" من فرطٍ حماسه في الجلسة) شاهد بالفيديو.. والدة الفنان الراحل محمود عبد العزيز: (اتخذلت في هذا المطرب!! وكل من كانوا حول الحوت منافقون عدا واحد) وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه شاهد بالصورة.. اللاعب هاني مختار يتوشح بعلم السودان في جلسة التصوير الخاصة بناديه الأمريكي شاهد بالفيديو.. بتواضع كبير "البرهان" يقف بسيارته في الشارع العام ليشرب عصير من الفواكه قدمه له أحد المواطنين بدنقلا وزير الخارجية والتعاون الدولي يلتقي رئيس مفوضية الاتحاد الأفريقي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزارة الشباب والرياضة تواصل انفتاحها على الولايات ارتفاع في اسعار محصول الذرة واستقرار سعر السمسم بالقضارف أمس وفاة ثالث رضيع تناول حليبًا ملوّثًا بفرنسا مشروبات طبيعية تدعم مناعتك.. روشتة حمايتك من العدوى دراسة تربط طنين الأذن بالإنتاجية في العمل إلغاء رحلة قطار إلى الخرطوم..إليكم تفاصيل جوجل تسهّل إزالة المعلومات الشخصية والتزييف العميق من نتائج البحث "ميتا" تبني مركز بيانات بقيمة 10 مليارات دولار إضافة علامة تبويب الإعدادات بواجهة "واتساب" انطلاق دورة متخصصة لتطوير الأداء الرقمي برعاية وزير الشباب والرياضة كباشي يحيي صمود مواطني شرق النيل ويوجه بزيادة محولات الكهرباء ومكاتب السجل المدني بالمنطقة تطور حاسم بقضية "الاعتداء الجنسي" في منزل لامين يامال الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الهلال اول نادي في العالم يشارك في كأس العالم

تقارير و مقالات نشر في كورة سودانية يوم 01 - 07 - 2014

….و…..
محمد عبد الماجد
الهلال اول نادي في العالم يشارك في كأس العالم
…..و
. الفرق بين كأس العالم
وكأس السودان شنو؟.
. غير العجور والسلطات
والشطة والدكوة.
. غير الحاجات دي.
. الزول وقت يكون صايم –
بقوم يدخل ليه (جمل غير مفيدة) في الكلام.
. بدون ما يشعر بلقى
نفسو جاب ليه سيرة كلام ما عندو علاقة
بالموضوع الشغال فيه.
. زي كأنك تمشي
الصيدلية تسأل من (الكمونية).
. او تمشي الفرن عشان
تجيب ليك (بندول).
. و…
.
(دقيقة).
. او زي عمال المونة
وقت يكونوا شغالين ليك في البيت ..يقوموا يقولوا ليك جيب لينا (شاشة).
. تقول ليهم الشاشة لي
شنو؟…انتوا جايين تبنوا ولّا جايين تسجلوا (اغاني واغاني).
. شاشة شنو كمان؟.
. عمال المونة يقولوا
ليك نحن لمن نكون شغالين (بياض) لازم نشوف مباريات كأس العالم.
. وفي جماعة وقت يكونوا
طالعين في السقالة ..بقوموا يقولوا ليك عاوزين لينا (رصيد).
. رصيد لي شنو؟ – في
استهبال اكتر من كدا.
. تقوم انت في السخانة
دي تمشي تجيب ليهم (رصيد).
. حاجات ما عندها اي
علاقة بالشغل الشغالين فيه.
. بس ساكت عاوزين يقوموا
نفسك.
. مرات الزول يكون في
مستشفى الولادة مع المدام ..تقوم القابلة بعد ساعة ونص تطلع من غرفة العمليات – وتقول
ليك امشي ادفع رسوم (العتب).
. تقول ليها علاقة رسوم
العتب بالولادة شنو؟.
. القابلة تقول ليك :
فلاحتكم فينا – اول علاقة الموية بالكهربة شنو؟ عشان يعملوهم في فاتورة واحدة.
. تمشي تدفع رسوم
(العتب) – يقولوا ليك امشي ادفع رسوم كرت الجزيرة.
. تقول ليهم رسوم الكرت
الجابو في الموضوع دا شنو؟.
. يقولوا ليك المولود
دا لازم يطلع للحياة وهو ما عليه اي متأخرات.
. تقول ليهم دا (مولود)
ولّا (عطاء).
. سلفية هو!!.
. و…
.
(وشنو تاني؟).
. برضو ما جاوبت لينا
على السؤال.
. سؤال شنو؟.
. الفرق شنو بين كأس
السودان وكأس العالم؟.
. دا سؤال ولّا اجابة؟.
. في رمضان السؤال ببقى
ليك زي (كباية العصير).
. تتخيل السؤال عصير من
العطش.
. دا سؤال واضح يا
جماعة من علامة (الاستفهام) المصنقرة في اخر الجملة.
. مرة حصلت في البلد
ازمة في (علامات الاستفهام)..دخلنا في حرج اصلو ما بتتخيلوه.
. خلافات وصراعات
وتدهور علاقات دولية ومشاكل داخلية (بسبب ازمة علامات الاستفهام).
. الجملة بقت تنوم في
سطرها.
. زي الشفع في الحفلة.
. انا ما عارف ليه بتجيبوا
معاكم (الشفع) وقت بنوموا من الفاصل الاول في الحفلة.
. النسوان ديل بس بحبن
تلتلة الرجال.
. الشفع ينقلوا فيهم من
امجاد لي امجاد.
. ساكت تعبانين
..وجايبين ليهم لبس بالشيء الفلاني ..وهم بنوموا ليكم من اول غنية.
. ولا في داعي تجيبوهم
معاكم.
. البلد زمان كان حصل
فيها ازمة علامة استفهامات.
. وازمة علامات
الاستفهام اخطر من ازمة المواصلات.
. الله لا وراكم الازمة
دي.
. اتخيلوا ما في علامات
استفهام – ح تصرفوا كيف؟.
. لّا تشغلوا علامات
التعجب في مكان علامات الاستفهام.
. لكن لو عملتوا الحيلة
دي – إلّا تشدوا علامة التعجب من رأسها.
. هي علامة التعجب
عندها رأس.
. لو عندها رأس –
البخليها (تتعجب) شنو؟.
. واضح انو سؤال – لّا
اذا كنت عاوزين تشككونا ساكت.
. و…
.
(اكمل بس).
. الفرق بين كأس
السودان وكأس العالم يا جماعة زي الفرق بين ملاح القرع وشيّة الجمر.
. ما في اي علاقة.
. مرة مشينا نفطر لينا
مع زول.
. الزول ما كضب جاب
لينا في فطور رمضان (ملاح قرع).
. جاب لينا ملاح قرع –
بلحة ما معاه.
. قلنا ليه يا زول نحلل
صيامنا بي شنو؟..جيب لينا (بلح).
. الزول قال لينا القرع
دا طعمو سكر – سكر ..حللوا بيه صيامكم.
. قلنا ليه نحلل صيامنا
ب (قرع)…نحن راكبين لينا قطر وإلّا كمان في الصحراء الكبري.
. البخلينا نحلل صيامنا
ب (قرع) شنو ؟…ونحن في قلب الخرطوم.
. بعدين نحن (القرع) دا
في الفطر ما قاعدين ناكلو نجي ناكلو ليك في رمضان.
. قرع شنو يا زول؟.
. اها القرع دا زي كأس
السودان.
. موش مرات بتقوم تضيف
(موية) لملاح القرع عشان شوية (الزيت) الفيه يفك.
. كأس السودان الاتحاد
العام لكورة القدم السوداني دائما بيزيدو (موية).
. بطولتكم دي كلها
موية.
. و…
.
(اتذكرت).
. المنتخب الجزائري فيه
لاعب اسمه (هلال سوداني).
. المعلق امس المباراة
كلها يكورك (هلال سوداني).
. نحن وصلنا كأس
السودان.
. بقى عندنا في بطولة
كأس العالم (هلال سوداني).
. ونحن قاعدين قبلنا
بنلعب هنا في ام درمان.
. وهلال سوداني في
البرازيل.
. هلال سوداني سوف يلعب
في كأس السودان …وهلال سوداني يلعب هناك في بطولة كأس العالم.
. اها اكتر من كدا
نعملكم شنو؟.
. هسع المريخاب تلقاهم
زعلانين من الموضوع دا.
. تلقاهم عاوزين ليهم
حاجة تخلي اسمهم يتذكر في بطولة كأس العالم.
. ان شاءالله بلة جابر.
. المعلق لو قال (موسى
الزومة) ما كعبة معاكم.
. هسع تلقاهم بفتشوا ليهم
عن (حيلة).
. بكونوا عاوزين يدخلوا
ليهم اي حاجة عندها علاقة بالمريخ.
. ان شاءالله
(المقصورة).
. حتي لو المعلق قال جمال
الوالي سافر لندن.
. عاوزين ليهم اي شيء.
. حكاية (هلال سوداني)
ما عاجباهم.
. و…
. امس اكمل المنتخب
الجزائري الخروج الافريقي المستمر في بطولة كأس العالم.
. خرج المنتخب الجزائري
بعد اداء جيد وبطولي.
. لكن دائما تبقى
المنتخبات الجزائرية عاجزة عن التعامل مع المباريات المصيرية والكبيرة.
. الرهق والتعب بدأ على
كل لاعبي المنتخب الجزائري.
. كنا نتمني ان يكون
لافريقيا وجود في المرحلة المقبلة بعد الاداء الجميل والرائع للمنتخبات الافريقية.
. و….
. انتوا العيد سبت
وإلّا احد.
. عيد شنو يا زول.
. اطلع.
. و..
. انتهى.

انقر هنا لقراءة الخبر من مصدره.