سودارس :

مفاجآت في ختام مجموعات الممتاز: الأمل عطبرة يهبط بعد 22 عاماً والفلاح يتأهل للنخبة النفط يستقر وسط خسائر أسبوعية والذهب والفضة ينتعشان "ميتا "تسجّل براءة اختراع لمحاكاة المستخدمين بعد وفاتهم تطوير بطارية تُشحن خلال ثوانٍ وتصمد 12 ألف دورة شاهد بالفيديو.. السياسي الراحل غازي سليمان: (لم أعد افرح لأن شعب السودان لم يفرح بعد وعلي الطلاق إبنتي "أم النصر" أرجل من 100 راجل) شاهد بالصورة.. ظهرت بشعار أتلتيكو مدريد وهي تلوح بالرقم 4!! هل قصدت المذيعة السودانية سهام عمر السخرية من برشلونة بعد الهزيمة المذلة؟ الأمل عطبرة يودع الممتاز رسميا رغم التعادل أمام المريخ شاهد بالفيديو.. فنان سوداني يصل الخرطوم ويوثق لجمال وروعة صالة الوصول بالمطار ويدعو أبناء الوطن للعودة (البلد بتعمر بأهلها) شاهد.. حسناء الفن السوداني "مونيكا" تشعل مواقع التواصل بجلسة تصوير جديدة شاهد.. الفنان مأمون سوار الدهب بعد زواجه: (زارتني الملائكة) اكتشاف مركبات "زائفة" تشعل نوبات الربو دراسة: القراءة والكتابة تخفِّضان خطر الزهايمر 40% ترتيبات لإعادة تشغيل مصنع ألبان بركات وإنشاء مزرعة لتربية الماشية من أرشيف كتابات الصحفية سهير عبدالرحيم : (هذا الصحفي كان يصلي خلف البشير من غير وضوء) طلاب شرق دارفور يسيرون قافلة وطنية إلى جنوب كردفان برعاية والي شرق دارفور صحة الخرطوم وأطباء بلا حدود تناقشان رؤية التشغيل الكلي للقطاع الصحي بالولاية تشغيل مصنع الاوكسجين بمستشفى الدبة المركزي الشرطة المجتمعية بولاية سنار تدشّن قافلة دعم تكايا رمضان بولاية الخرطوم سهير عبد الرحيم تكتب: مشاهداتي في جلسة مجلس السلم والأمن الأفريقي النتيجة تؤهل النيل لدوري النخبة مينارتى يواصل إنتصاراته.. يفوز على الوحدة بثلاثية ويعزز صدارته للمجموعة الأولى مساعد قائد الجيش يكشف عن فساد وزير كبير إبراهيم شقلاوي يكتب: مسرح ما بعد الحرب لدى يوسف عيدابي شاهد بالفيديو.. على أنغام أغاني "الزنق".. لاعبو حي الوادي يحتفلون مع راعي الفريق ونائب رئيس إتحاد الكرة أسامة عطا المنان بمناسبة زواجه وزارة المالية توقع إتفاق مع بنك التضامن الإسلامي لتقديم خدمة إيصالي شاهد بالفيديو.. فتاة سودانية تبهر راغب علامة وأنغام بعد ترديدها أغنية هدى عربي في برنامج مسابقات والسلطانة تدعمها وتحتفي بها وزير الخارجية والتعاون الدولي يلتقي رئيس مفوضية الاتحاد الأفريقي ارتفاع في اسعار محصول الذرة واستقرار سعر السمسم بالقضارف أمس إلغاء رحلة قطار إلى الخرطوم..إليكم تفاصيل انطلاق دورة متخصصة لتطوير الأداء الرقمي برعاية وزير الشباب والرياضة تطور حاسم بقضية "الاعتداء الجنسي" في منزل لامين يامال الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر الإدارة العامة لشرطة تأمين التعدين تنفذ حملة منعية وكشفية لمكافحة التعدين العشوائي بولاية البحرالاحمر هيئة مياه الخرطوم: تحصيل فاتورة المياه لا يشمل القطاع السكني حتى الآن ارتفاع طفيف لأرباح زين السعودية إلى 604 ملايين في 2025 مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الدولار يواصل التراجع أمام الجنيه فى منتصف تعاملات اليوم مسؤول سوداني يغادر إلى تركيا السودان.. وزير الشباب والرياضة يصدر قرارًا مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 14 - 08 - 2014

….و…
محمد عبد الماجد
ناس المريخ بعد تعادل كادوقلي اوعى تجيبوا ليهم سيرة التبرع بالجلد
"""""""""""""""""""
…و
سألت لي (روسي).
روسي لقيتو واقع في واطة الله.
سألتو – قلت ليه انتوا (الازمة) عندكم شنو؟.
ثم اضفت توضيح للسؤال – زي طريقة السؤال البقولوه في التلفزيون –
المذيعة تسأل الضيف وتجاوب براها.
كتر خيرها في (الاجابة) – لكن دا ما شغلها.
قلت للروسي انتوا عندكم (ازمة) زي ازماتنا دي –انتوا في الاساس ما
بتعترفوا ب (الازمات)؟.
الروسي اول حاجة حاول يفكها فينا.
قال لي (الازمة) دي شنو؟..انت قاصد شنو بالظبط كدا؟.
قلت ليه يعني الواحد يكون عاوز يتشري الخروف – ويكون ما عندو قروش
الخروف – دي نحن بنسميها (ازمة).
ازمة حادة.
الروسي قال لي بالنسبة ليكم وإلّا للخروف؟.
قلت ليه (الخروف) الدخلو شنو؟.
الزول طول ما عندو (عقل) مفروض ما يكون عندو (ازمة) – الانسان بتميز عن
الحيون بي شنو؟.
قلت ليه بالعقل.
قال لي خلاص يتصرف…الازمة في شنو؟.
اها من الموقف داك عرفت ليك الروس ديل ما عندهم ازمة.
لا ازمة موية.
لا ازمة مواصلات.
لا ازمة كهربة.
و….
(اكمل).
هسع من الله خلقكم سمعتوا ليكم بالامطار والسيول عملت ليها (ازمة) في روسيا.
سمعتوا بالجيلد عمل (ازمة) في موسكو.
سمعتوا مرة مع كل هذه الفضائيات بالغلط كدا قالوا ليك في روسي عندو (حيطة) وقعت.
سمعتوا ليكم بي روسي اتقلبت بيه (ركشة).
او سمعتوا ليكم بي روسي قالوا ليك صرف يوم 9.
يبقى ما في ازمة.
على كدا شلت (ازمتي) دي ..وقلت امشي اشوف (جاري) عمل شنو في موضوع الخروف؟.
قلت ليه اسمع نمشي لي عبدالسميع نشوفو اشترى الخروف…(خبارات شديدة).
عبدالسميع مريخابي.
جاري قال لي والله بعد تعادل كادوقلي دا – ما اظن عبدالسميع يشتري ليه (خروف).
لو جاب ليه (ديك) لي اولادو ما بكون قصر…زولكم دا من الساعة خمسة قفل تلفونو.
قلت لي جاري لكن علاقة التعادل بالخروف شنو؟.
المريخاب ديل لازم يفصلوا بين التعادل والخروف – الشفع ديل ما عندهم اي ذنب.
جاري (الشفيع) قال لي لكن المريخاب ما بفهموا كدا…هم لو بفهموا دا
كان اتعادلوا.
انت عارفهم عاوزين ليهم سبب – خلاص لقوا ليهم سبب ما يجيبوا الخروف.
بعدين انت عارف عبدالسميع وقت المريخ يتغلب (اللحمة) ما بمشي عليها.
قلت ليه لكن (الشفع) ديل بياكلو في الفول 364 يوم ..ذنبهم شنو؟.
دخلهم شنو ب (تعادل) المريخ؟.
بعدين الموضوع كلو سنة نبوية كريمة ..عليكم الله ما تدخلوها لينا في
الكورة وتلخبطوا لينا الكيمان ساكت.
المريخاب ديل لو تابعوا المريخ ما بياكلوا ليهم (لحمة).
يمين (الدكوة) دي ما يطلعوا بيها.
الشفيع حاول يعمل فيها ظريف – قال يغير الموضوع (وانا فاهمو ليك).
الشفيع من يكون عاوز يغير الموضوع بنطط عيونو زي (كراسي النص).
و…
(اسمعوني بس).
لقيت ليك الموضوع اخد ليه صنه.
قلت ليه يا الشفيع ..نمشي نجيب من الترزي (الجلاليب) – الليلة الوقفة
ميعادنا مع الترزي..نغشي عبدالسميع جارنا دا ونمشي على الترزي.
عبدالسميع امس قال لي وقت تكون ماشيين على الترزي ما تفوتني.
الشفيع قال لي احسن نمشي برانا.
قلت ليه ؟…نسوق معانا عبدالسميع.
الشفيع قال عبدالسميع بعد تعادل المريخ امس في كادوقلي ما بمشي ليه على (ترزي).
ولو جابوا ليه (الجلابية) هنا – ما بلبسها ..انت كمان ما عارف عبدالسميع.
احسن نمشي برانا.
قلت ليه كمان برانا نحن ما ح نمشي …لو خليناها ما ح نمشي ليها برانا.
الشفيع عاوز يتحرفن تاني – عاوز يغير الموضوع.
سكت مسافة كدا – ثم قلت ليه ..اسمع نكورك للشفع ديل عشان ينضفوا الشارع
دا ويرشوه – بكرة العيد.
الشفيع قال لي الموضوع دا احسن نخليه الان.
قلت ليه نخليه ليه؟..بكرة العيد ..والشارع كلو اكياس نايلون – دي ما
حالة يعيدوا فيها.
الشفيع قال لي عبدالسميع بقوم يفهمنا غلط.
ما فهمت قصدو (اتعاملت مع الموضوع بحسن نية)…قلت ليه يفهمنا غلط كيف؟.
الشفيع قال لي عبدالسميع انت عارفو (متعقد) شديد بقوم يفهم اننا نحن
عملنا كدا ونضفنا الشارع عشان المريخ اتعادل مع هلال كادوقلي.
يا زول نضافة الشارع علاقتها شنو بي تعادل المريخ – بكرة العيد ومن
حقنا ننضف الشارع.
الشفيع قال لي عبدالسميع دا بفهمنا غلط – عليك الله موضوع الشارع دا
خليه هسع – الزول دا حالتو بتكون صعبة.
ما قدرت اقول حاجة.
قلت ما مشكلة.
الشفيع حاول يغير الموضوع.
رجعت انا بدون قصد وقلت ليه …اسمع نمشي نجيب لينا (كهربة) – الكهربة
الفاضلة دي ما بتعيد لينا.
الشفيع قال لي الموضوع دا هسع خليه.
ما فهمت.
قلت ليه اخليه كيف؟..عاوز لي كهربة – اوعك تقول لي ما نجيب لينا كهربة
عشان تعادل المريخ.
الشفيع قال لي انت عارف عبدالسميع.
قلت ليه عبدالسميع يطير ..يعني نقعد في (الضلمة) عشان المريخ اتعادل.
مشيت جبت الكهربة وجيت راجع – لقيت الشفيع واقف.
الشفيع قال لي عليك الله الدينا عيد – اوعك لمن تشوف عبدالسميع تجيب
سيرة الكورة…الزول دا التعادل بكون عامل ليه (تمحلوب) في المصران.
قلت ليه ولا سيرة المنتخب – السودان عندو مباراة مع نيجيريا.
الشفيع قال لي ولا سيرة المنتخب – عليك الله خلي العيد يفوت على خير –
ما تعكنن على الراجل عندو السكري والضغط والقلب.
قلت ليه دوري ابطال اوروبا ممكن اجيب سيرتو.
قال لي مباراة الشطرنج بين السوداني والاسرائيلي عليك الله ما تجيب
سيرتها – انت عارف عبدالسميع..حساس في المواضيع دي.
وانت ذاتك ما بتسكت.
قلت ليه جدا.
الشفيع قال لي عليك برضو ما تفتح لينا اي موضوع في (سد النهضة) الاثيوبي.
كبيت ليك كمية من الاستغراب.
قلت ليه (سد النهضة) علاقتو شنو بي تعادل المريخ؟.
الشفيع قال لي انت عارف عبدالسميع خيالو واسع.
قلت ليه ما للدرجة دي كمان…علاقة السد بالتعادل شنو؟.
قال لي عبدالسميع بقول انت قاصد سد مروي.
قلت ليه قول قاصد سد مروي – سد مروي علاقتو شنو بالتعادل؟.
الشفيع قال لي ابدا ..بس الشفيع بقول انت قاصد قروش السد.
قول قاصد قروش السد…المشكلة شنو؟.
الشفيع قال لي يا زول بس عليك الله عشاني انا ما عشان عبدالسميع موضوع
(السدود) ما تجيبو.
قلت ليه جدا.
الشفيع قال ولا تقول ليه العيد مبارك عليك.
قلت ليه اقول لي منو؟.
قال لي عبدالسميع.
قلت ليه ما اقول ليه العيد مبارك ليه – الحاصل شنو؟.
الشفيع قال لي ابدا ..بس عبدالسميع بقول انت (شمتان) فيه.
شماتة في العيد – اعوذ بالله.
وفي شنو؟.
وليه؟.
وعشان ايه؟.
الشفيع قال لي (التعادل).
قلت ليه يعني اقاطعو.
قال لي قاطعو موقتا – الزول دا الايامات دي ما بستحمل اي حاجة.
وعاوز اوصيك.
اوعك تقول ليه (اشتريت الخروف) بزعل.
الزول دا هسع تلقاه بقى يشوف الخروف 120 – 120.
واوعى تقول اللحمة السنة دي طلعت طاعمة – بقول انت قاصد التعادل.
واوعك تقول ليه اتبرع بالجلد ..بعمل معاك مشكلة عديل كدا.
وكمان احددها معاك (شاحن موبايل) ما تطلبو منو؟.
قلت ليه ان بقى كدا – احسن اتخارج من البلد دي – وامشي اعيد في البلد.
الزول دا لو مشيت معاه على هذا المنوال ..بقول لي المسلسل التركي ما تحضرو.
مسلسل تركي مع تعادل المريخ دا.
قوموا يا عالم.
القاعدين ليها شنو؟.
نقوم في (الوقفة) دي.
عاوز اقول ليكم اخيرا ..عادي الهلال ينتصر على الخرطوم.
خلونا هسع في (التعادل).
ورسل العمود على كدا.
وقول لكل الناس – كل سنة وانتوا بخير.
و…
….انتهى.

انقر هنا لقراءة الخبر من مصدره.