سودارس : الكتابة على طريقة (الحوت) أو اللا كتابة على طريقة (فليب روث)

رئيس لجنة المنتخبات عطا المنان يتفقد البعثة ويتحدث للجهازين الإداري والفني الهلال يختتم تحضيراته بمران خفيف استعدادًا لمواجهة "روتسيرو" غدًا لاستعادة الصدارة لاعبو الدوريات الخارجية يتوافدون لجدة ويكتمل عقدهم فجراً ارتفاع أسعار الذهب في السودان لواء ركن (م) د. يونس محمود محمد يكتب: جرد الحساب في إحالة العميد طبيب طارق كجاب لأول مرة.. حكم يحمل إنستغرام ويوتيوب المسؤولية عن إدمان وسائل التواصل النفط يصعد والذهب يستقر مع تقييم احتمالات وقف الحرب "ChatGPT" تتيح مقارنة المنتجات بدل الشراء المباشر ترتيبات بالشمالية لتنفيذ مشروع المبادرات المجتمعية المشتركة ترتيبات لقيام مجمع تشخيصي متكامل لتوطين الخدمات الصحية بشرق الجزيرة تقرير أمريكي يكشف استهداف مباشر لمستشفى الضعين في عيد الفطر مقربون من محمد صلاح يرجحون وجهته القادمة.. إيطاليا أو أميركا؟ الزمالك يؤجل ملف تجديد عقد حسام عبد المجيد موقف زيزو من الرحيل عن الأهلى فى الصيف المقبل أحمد العوضي : بشكر جمهوري إنه عمره ما خذلني وصاحب الفضل فى نجاحي شيماء سيف تنشر فيديو طريف مع زوجها محمد كارتر على إنستجرام طارق الدسوقي: اشترطت الإطلاع على السيناريو للموافقة على دوري في علي كلاي دراسة تكشف ترابطا بين أمراض معدية وخطر الإصابة بالخرف 10 أطعمة يجب تناولها لعلاج نقص البوتاسيوم 10 ثوانٍ فقط للمستبدل .. فيفا يعلن تطبيق حزمة تعديلات تحكيمية في المونديال وزير الخارجية ووالي الخرطوم يفتتحان مقر وزارة الخارجية بشارع عبدالله الطيب بالخرطوم ايذانا بعودة كامل الوزارة لممارسة عملها من العاصمة الخرطوم السودان ومصر يوقعان بروتوكول مشترك لمكافحة بعوضة الجامبيا شاهد بالصور.. السلطانة هدى عربي تخطف الأضواء بإطلالة مبهرة من حفلها الأخير بالرياض أمجد فريد الطيب يكتب: حياة تجلت في وضوح المبادئ: وداعا فينك هايسوم الخليج الضحية الكبرى: إيران وجهت 83% من هجماتها إليه… و17% فقط إلى إسرائيل عثمان ميرغني يكتب: حرب السودان ومخطط شد الأطراف شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) نصائح لوقاية مرضى حساسية الصدر من التقلبات الجوية والرياح شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب 4 وجهات محتملة لصلاح بعد قرار رحيله عن ليفربول ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الكتابة على طريقة (الحوت) أو اللا كتابة على طريقة (فليب روث)

قوون نشر في قوون يوم 14 - 05 - 2013

لو قلت ليكم من باب (المكايدة) ساكت ..والكلام دا جد يا جماعة الروائي الاميركي (فليب روث) قرر اعتزال (الكتابة) بعد أن بلغ سن التمانين ..وقد أعلن (فليب روث) ذلك بعد أن أصدر آخر رواياته (نيميسيس) (Nemesis).

شفتوا الناس برة كيف؟...هنا الجماعة يكنكشوا في الشيء ...لمن تجيب الدم.

ح تقولوا لي نحن مالنا ومالو؟...شوف لينا (بلة جابر) دا ...(فليب) خليه هسع.

فليب دا ود عمة (محمد الطيب).

ما فايقين ليه.

بمناسبة ما (فايقين) دي.

عندنا زول في الحلة اكتر زول (فايق) في العالم ...ما عندو أي شغلة.

نظام (ما تشيلي هم) بس.

شحن الموبايل بعملوا موضوع ...الساعة اليقولك عاوز اشحن موبايلو ...تقول ح يشحنو من (ميناء بورتسودان)..تشعر أن الزول دا بتعب جنس (تعب) في شحن موبايلو ..زي كأنو بشحن فيه (اسمنت).

انت بتشحنو من جيبك.

زولكم (الما فايق دا) اليوم كلو واقف (برة الباب).

لو مرت فيه (جدادة) بقعد يعلق عليها ..انت (جدادة) ناس فاطمة ديل مالها ضعفت كدا.

ولاَّ (الجدادة) دي مالها (اتزعمطت) كدا.

الزمن قلب عليها ولاَّ شنو؟.

والله (زمني الخائن) عديل كدا.

بس دي شغلتو ..شغال (معلاقاتي) على الأشياء.

الحاجة الوحيدة البعملها الساعة تسعة ونصف ..بجي شايل (جك) الفول يشيل ليه فول ب (2) جنيه ويرجع.

وكل يوم بقول لي سيد الفول : (فولكم بقى موية ساكت)...والله مفروض تضموه بعد كدا لي (فاتورة الكهرباء).

(عامل كيف )..شايل جكو ..ولابس ليه (فانلة) اظنها دخلت البلد دي مع (السكة الحديد).

مع الفانلة لابس ليه (برمودة)...تحلف تقول من فيضانات 1987 ما شافت ليها (موية).

الزول (الفايق) دا ...لو قلت ليه أي حاجة ...نمشي السوق ..نمشي نعزي ...نمشي المستشفى ...يقول ليك : (والله أنا ما فايق).

تسمع ما فايق دي ..تقول الزول دا يا ربي مامون حميدة ...ولاَّ عمر محمد خالد.

ما فايق قال.

ما عندو وقت.

يا ود الناس ..موضوع انك تشيل (جك) الفول الساعة تسعة ونص عشان تجيب ليك فول ب (2) جنيه ...دا ما موضوع.

ولا محتاج انك تلغي كل مواعيدك ووقتك ..عشان تتفرغ (للفولنة) دي.

بعدين (الجك) الاخضر دا غيرو عليك الله ..حايم بيه كدا زي (حكم الراية).

يكمل اللاين..وما بعكس ..موسى الزومة بس.

خلوه دا هسع.

لو قلت ليكم فيرغسون (ساب البلد) اقصد يوناتيد بعد أن أمضى 26 عاماً ونصف مع مانشستر يونايتد وقاده إلى الفوز بلقب الدوري المحلي 13 مرة، آخرها هذا الموسم..قرر يعتزل التدريب.

ح تقولوا شنو؟.

ح تقولوا لي ما يعتذر ان اعتذر ..نحن مالنا.

هسع الحركة دي (الفاتح النقر) بعملها.

خلي الفاتح النقر.

أحمد عبدالله ...سيد سيلم بعملوها.

الغريبة فيرغسون قال اعتزل التدريب عشان (زوجتو)...شفتوا (الحنين) دا كيف؟.

منطق والله.

يمين هنا (مدرب) يقول خلى الكورة عشان (زوجتو) إلا ناس بابكر سلك يقطعو ليك (قطيع).

يقولوا ليه (لهيب الشوق) البتعمل فيه دا شنو؟.

ناس (سلك) ما برحمو.

شوف الزول الما عندو شخصية دا.

هى (الزوجة) هنا في السودان بخلوا ليها (البيت)...ما بخلوا ليها (التدريب).

(خلي بالك) هنا الكلام دا نحن ما عندنا.

الناس هنا عاوزين إعادة ترتيب للأمور.

شفتوا (الاخلاص) عن فيرغسون كيف؟.

يعني كورة وفهم ..نحن أول مرة كنا فاكرنها (كورة) بس.

فيرغسون في حديث مع التلفزيون الرسمي ليونايتد قال »زوجتي، كاثي، كانت السبب. لقد فقدت شقيقتها في اكتوبر الماضي وأصبحت منعزلة كثيرًا. كانت رأس الأسرة، ضحت بنفسها من أجلي ومن أجل أبنائنا الثلاثة وأحفادنا الذين يحبونها لدرجة الجنون. كان لابد أن يأتي اليوم الذي أطوي فيه هذا الكتاب«.

يا ولد أنت ...فيلم هندي بس.

شفتوا الكلام دا كيف ...يعني فيرغسون دا ما حقق الانجازات دي ساكت ...هو رجل رائع ...ومخلص ..ومن يملك ذلك الشعور والاحساس لا بد أن ينجح في المجال الذي يعمل فيه.

سوف يبقى فيرغسون (في بالي)..وفي بال كل الناس كمان ..لأنه صنع تاريخ يصعب أن يصنعه مدرب غيره.

أنا الكلام دا كلو ما عندي بيه قضية ...ما شغال بيه الشغلة ..زي الزول البشيل (جكو) الساعة تسعة ونص صباحاً ويمشي على دكان الفول.

تسعة ونص بالظبط زي (نشرة الجزيرة).

عبدالسميع ود الخرتايا...(نحن بنقول ليه كدا ود الخرتايا)...انتوا مالكم ...عندكم اعتراض كمان.

تتدخلوا في (كتابات) الزول زي (الفجل).

يمين الفجل ما عندو أي علاقة بالكلام دا ...أنا ما عارف الدخلو في (الجملة) شنو؟.

جملة هي ولاَّ (سلطة).

قلت ليكم مرات في حاجات بتدخل ساي كدا ...عفوا.

موش مرات الزول بكون (سايق) عربيتو ..وماشى عادي ...يقوم فجأة كدا يدخل فوقو (عمود).

أو تكون ماشي في الحلة ...الشارع نضيف ...تقوم بدون مناسبة تدخل فيك (حيطة).

أنا ما عارف (الحيط) دي ..البجيبها في الشارع شنو؟.

وبعدين ..عربيتك تتكسر ..وضلعك تتهرس ..وبرضو يقولوا ليك انت غلطان.

الحيطة اصلو ما غلطانة.

تقوم تموت في الحادث ...أي زول يجي ماشي في الشارع بعرف ولاَّ ما بعرف ..يقول ليك (غلطان المرحوم).

انتوا حصل فيكم واحد سمع..بالغلط ساكت ...زول قال غلطانة (الحيطة).

هسع الكلام دا أنا قلتو هنا ليه؟.

المناسبة كانت شنو؟.

واقفين وين نحن كنا....في (نور العيون).

ايوا اتذكرت ...قلنا عبدالسميع ود الخرتايا ..دا كان زول صعب ..(نحن اصلو ناسنا كلهم صعبين).

نحن ما عندنا زول ما صعب.

كلنا كدا.

عبدالسميع ود الخرتايا دا ..من صعوبيتو ...كان وقت يفتح (التلاجة)..وما يلقى فيها شيء ...بقوم طوالي يكورك في (المرا).

أنت يا زول الايامات دي شنو (التلاجات) الشبكت لينا فيها دي.

الكلام دا بقولوا ليكم أنا للمعلومية.

عبدالسميع ود الخرتايا ...كان وقت (المرا) تجي تقول ليه (انبوبة الغاز)..قطعت ..بقوم يكورك فيها يقول ليها هسع دا وقت تقطع فيه انبوبة الغاز.

نحن ما عندنا انبوبة غاز بتقطع في الوقت دا ..امشي كملى طبيخك ساي يا (مرا).

شفتوا أنا بجيب ليك الحكاية كيف؟.

المعني فيرغسون بخلي (التدريب) عشان زوجتو ..وعبدالسميع ود الخرتايا دي بكورك في مرتو لو لقى (التلاجة) فاضية.

وبضرب الشفع كمان.

عليكم الله الشفع عندهم (ذنب) في الحتة دي.

ولمن انبوبة الغاز تقطع ...عبدالسميع ود الخرتايا دا ..بقوم ويندلق ليك زي (المرفعين).

أها عبدالسميع ود الخرتايا ..وقت سمع بي (اللجنة) حقت التسيير دا العينوها للمريخ ..الكلام ما عجبو.

قالوا ليه اللجنة دي فيها (17) عضو.

قال ليهم : ليه؟..عشان يعملوا شنو؟...(17) عضو دي لجنة ولاَّ هيئة السكك الحديدية.

الحكاية شنو؟.

والعجب وقت عرف أن أعضاء هذه اللجنة كلهم أصحاب شركات.

شيء توكيلات غاز.

وشيء مزارع دواجن.

وشيء وشويات كدا.

الموضوع دا اتخزن ليك في رأس (عبدالسميع ود الخرتايا)..وبقى صاحبنا كل ما يلقى ليه سبب يقول ليك (الحكاية دي كلها سبب لجنة التسيير دي).

يعني مثلاً كدا ...لمن زوجة عبدالسميع ود الخرتايا تجي تقول ليه : (انبوبة الغاز قطعت). عبدالسميع ود الخرتايا ما بقوم يكورك في (المرا).

الكواريك في (المرا) خلاها.

عبدالسميع ود الخرتايا لمن مرتو تقول ليه الغاز قطع ..ود الخرتايا بقوم يكورك في (اللجنة).

أنا قبيل قلت ليكم شنو؟.

أنا موش قبيل قلت ليكم الزول دا صعب.

عبدالسميع ود الخرتايا يشيل (الانبوبة)...ويطلع ..من يقيف في بداية الشارع ..تجيه (ركشة) طايرة.

زول صعب...ما بنتظر (الركشات).

يركب في (الركشة)..ويركب الانبوبة ..يلف الخرطوم دي محل ..محل.

ما يخلي ليه حتة.

آخر حاجة يلقى ليه محل غاز ..يبدل الانبوبة الفارغة بالانبوبة المليانة.

يرفع الانبوبة المليانة ...يقوم يقول لي صاحب المحل : أنت تعال هنا انبوباتكم دي مالها بقت (خفيفة) كدا.

لجنة التسيير دي من عينوها ...العبوة بتاعت الغاز قلت في الأنابيب.

الأنبوبة دي ما طبيعية.

أبدًا ...الغاز زمان بكمل معانا شهر ..هسع بقى يكمل في أسبوعين.

الغاز دا اصلو ما غاز طبيعي.

يا عبدالسميع ما طبيعي شنو؟...هو اسمو من اهلو غاز (طبيعي)..عاوز تجي انت وتقول لينا (الغاز) دا ما (طبيعي).

عبدالسميع يركب في الركشة ..يشيل (الانبوبة)..ويتحرك.

وقت يصل البيت ..يدخل ايدو في جيبو ويطلع ليه (2) جنيه.

بتاع الركشة يقول ليه : نحن قاعدين نلف من الساعة (10)..تجي تدينا (2) جنيه.

وما تلف من الساعة عشرة كانت لفيت ...أنت لافى كداري ..ما راكب ركشة...والركشة ذاتها أنا الدافع تمنها.

يا حاج ..نحن لفينا الخرطوم دي كلها.

تلف الخرطوم ..تلف كسلا ..تلف مدني تلفها براك ...أنا ما عندي ليك غير (2) جنيه ...أنت دخلت في لجنة التسيير ولاَّ شنو؟.

عاوزين تخموا قروشنا ..وقروش البلد كمان ..يقول عبدالسميع ود الخرتايا ذلك ويدخل في البيت ويقفل الباب ...يخلي ليك بتاع الركشة (شايل جراح).

قبيل أنا قلت ليكم شنو؟.

قبيل أنا موش قلت ليكم الزول دا صعب.

عبدالسميع ود الخرتايا الزول الصعب دا ..يصرف الماهية ...(المرا) تجيه ..تقول ليه يا عبدالسميع الشفع ديل اشتهوا (الفراخ)..عليك الله إن ما جبت ليهم (فرخة) الليلة معاك.

يا ولية أنت جنيتي ..الشفع ديل أمس موش ضربوا في (الفول) لمن خلوه قبلو.

يا راجل أنا بتكلم عن (الفراخ)...ما بتكلم عن (الفول).

الفول والفراخ ما واحد يا ولية ..أنت براك ما بتعرفي (تظبطي) الفول ..يمين خديجة جارتنا دي بتظبط الفول ..تخلي ليك زي (الفرخة).

يمين لو ما (الجبنة)..ما بتعرفو فول ولاَّ فراخ.

الناس ديل (الفول) عندهم بضبحوه عديل كدا.

أنت براك ..ما بتعرفي تصلحي الفول.

قلت ليكم أنا.

قلت ليكم الزول دا صعب ..(ما صدقتوني).

عبدالسميع يطلع ليك من البيت ..يخلي زوجتو (يا عمر) ويفوت.

في الشغل موضوع (الفراخ) دا حرك ليك ضمير عبدالسميع شوية.

عبدالسميع شعر انو آخر مرة دخلت (فرخة) لي بيتهم كان في عيد الضحية الفات ...(وقت الخروف عمل فشل في الارسال).

جابوا ليهم (فرخة) وانتهى الموضوع.

عشان كدا عبدالسميع دا قرر يعمل (سيب عنادك)..ويجيب ليه (فرخة) للشفع.

قال يخليهم يتمتعوا شوية في الحياة دي ...(الحياة من الموت ما معروفة).

الحياة من الموت هسع الدخلها هنا شنو؟.

أنت يا زول عندك فائض نص ..ولاَّ شنو؟.

المهم عبدالسميع ود الخرتايا ..مشى السوق ....قال عاوز يشترى ليه (فرخة).

وفي رأسو ..(لجنة التسيير).

قال والله عشان لجنة التسيير دي مفروض الواحد يقاطع اللحوم البيضاء.

السمك ذاتو مفروض الواحد يقاطعو.

لكن عشان (الشفع)...وعشان أم الشفع ..لازم الواحد يعمل ( يا مدهشة)...ويجيب ليه (فرخة) للأولاد.

عبدالسميع ود الخرتايا مشى على محل الفراخ.

عزل ليه (فرخة)..مهضلمة ..زي (التوقيع).

امضا بس.

تحلف تقول (ختم).

عبدالسميع عزلها مخصوص ..عشان سعرها ما يكون كتير.

الزول دا صعب ...عارف البئر وغطايتها.

أها يا زول (الفريخة) دي بي كم؟.

هي عليك دي فرخة ولاَّ (زرزور)؟.

الفراخ دا بقى ما عاجبني ..من شكلوا (لجنة التسيير)..الفراخ دا بقت زي (البامية المفروكة).

الفرخة ما عندها فرق من (البامية المفروكة).

أها كم؟.

22 جنيه.

22 جنيه ليه؟...فيها نسبة مساهمة في تسجيلات المريخ ولاًّ شنو؟.

يا زول أنا (الفرخة) دي غير (9) جنيه ما بدفع فيها قرش ...فرخة هي ولاًّ مزرعة دواجن ..قال (22) جنيه قال.

عبدالسميع شال فرختو وطلع ..خلى ليك بتاع الفراخ (سكت الرباب) وطلع ليك منو.

قلت ليكم أنا.

قلت ليكم الزول دا صعب ..ما صدقتوني.

عبدالسميع في طريق كدا ...سمع أن لجنة التسيير بتاعة المريخ دي فيها عضو بتاع شركة بريد.

بتاع جوابات.

قال أحسن يغشاهم....يمكن يكون عندو (جواب للبلد).

مشى عليهم ...لقى ليك المدير قاعد ..قال اسمع هنا ..أنا زمان في الأسبوع بتجيني (4) جوابات ..هسع في السنة كلها ما بجيني (جواب) واحد.

كمان (الجوابات) دخلتوا عليها.

حركاتكم دي ما بتنفع معاي.

انتوا الشركة دي مسكتوها (موسى الزومة) ولاَّ شنو؟.

عبدالسميع طلع من الشركة بعد أن دور في رأسو حكاية (اكتبي لي) دي ..عشان يذل ليك الجماعة ديل.

عبدالسميع دخل على عيالو بي (فرختو)...الشفع طلعوها ليك من (الكيس) يا الله ...لاصقة في الكيس لصق ..زي (اللبانة).

المرا شالت (الفرخة)..ووضعت ليك في النار ..وعملت الفرخة (سبب الريد)...بعد ما عملوا الشفع ( يا مفرحة).

عليكم الله دي (فرخة)..ولاًّ لوتري.

المرا جابتها ليهم محمره ...العائلة كلها عملت (على النجيلة جلسنا)...عبدالسميع ضرب ليك الفرخة دي عضم عضم ما خلى فيها حاجة نزلك فيها (الحجل بالرجل)...لمن شطبت.

الموضوع انتهى على كدا.

أوعكم كمان تكونوا منتظرين ليكم حاجة من (الفرخة) دي.

هي كلها قدر شنو يا جماعة.

ملحوظة : طبعكم بقى كعب.

هوامش

الأهلي المصري في الخرطوم بدون الدوليين.

الفائدة شنو طيب؟.

عاوزين بيهم شنو بدون الدوليين.

معقولة (200) ألف دولار ...وكمان بدون الدوليين.

طيب كلموهم يجيبوا معاهم (أحمد بدير)...عشان يديكم فاصل بين الشوطين.

على الأقل يحللوا الدولارات دي شوية.

الأطراف التى وقعت العقد ممثلة لنادي المريخ ...اختارت توقيت (غبي) ..وهو التوقيت الذي يلعب فيه المنتخب المصري مباراة دولية.

كان ينبغى الالتفات لهذا الأمر ...حتى لا يأتي الأهلي بدون الدوليين.

يعني الأهلي المصري سوف يصل الخرطوم بالشباب.

ح يجيكم بالشفع.

ودافعين (200) ألف دولار.

(200) ألف دولار دي هسع فيها كم (فرخة).

بلة جابر ...قال أنا اتمقلبت يا جدعان.

بلة جابر قال يا ريت لو عاد تسجيلو بعد لجنة التسيير.

جمال الوالي خلى عصام الحاج يعيد توقيع (6) لاعبين من لاعبي المريخ أيام (التقشف).

يا بلة جابر ..ويا مصعب عمر طوالي طالبوا بي حقكم.

معقولة يعيدوا تسجيلكم ب (100) مليون جنيه.

انتوا عارفين (الفرخة) عملت كم؟.

عارفين انبوبة الغاز بقت بي كم؟.

الجماعة ديل ما يغشوكم ساكت.

نحن الحقارة ما بنقبلها.

مكسيم دا لو عاوزين تستفيدوا منو افتحوا ليه (محل) غاز.

ادوه (توكيل).

قالوا التوكيلات عندكم راقدة.

سليمانو ..افتحوا ليه محل فراخ.

كمان انتوا عندكم مشكلة في (الفراخ).

موانزا دا ..الاًّ (ركشة).

ما بنفع في حاجة تانية.

عامل شعرو الكتير دا.

تقول بلدهم ما فيها صالون حلاقة.

انتوا يا ناس لجنة التسيير الزول دا ما تقولوا ليه احلق شعرك.

لجنتكم دي موش قلتوا كلها (لوردات).

الكوكي قالوا سمع بي (لجنة التسيير) قالوا قال عاوز مرتب (يونيو).

يا الكوكي (يونيو) لسع.

زمان عصام الحاج ...مرتباتهم كان بديها ليهم (اسكراتشات).

تحويل رصيد ساكت.

ويقول ليهم اتصرفوا.

مجلس الهلال مفروض يحسم موضوع المدرب منذ الآن.

الوقت ليس في صالح الهلال.

الهلال يحتاج إلى (دفعة) معنوية الآن ..عن طريق التعاقد مع مدرب كبير.

بالطريقة دي تاني بتطلعوا ب (نقطة) قدام الموردة.

لاعبو الشباب في الهلال يجب أن يمنحوا فرصة أمام الموردة.

ناس ايكانغا وسانييه وسنكارا ديل ...خلوهم في غرفهم.

الفيهم اتعرفت.

ما معقول لاعب الهلال ينوى انهاء التعاقد معه ...يقدر يقدم ليك حاجة.

نفسياً بكون منهار.

عاجل : هسع أنا العمود دا كلو جبت فيه سيرة (محمود عبدالعزيز).

انقر هنا لقراءة الخبر من مصدره.