* المريخ جاهز موية ونور على لسان مدربة الذي أكد بأنه جاهز للقاء الزبون في أي مكان وأي زمان الابيض ام الطيور الكريميت ود عشانا أي مدينة فى السودان.
* ابقو بس انتو تعالوا الملعب وماتعملو فيها (زغبير) زي ما حصل السنة الفاتت فى الدمازين وماعايزين نكتب الكلام المابنكتب …..مادايرين.
* أنا عارف فى ناس راجفين من هسع وما اكثرهم واشهرهم ثنائى اللوز دكتور حسن على عيسى والطاهر احمدون والأخير تاجر مسامير.
* وياحبة عيني بخاف من المسامير المسكين دايغ مسمار الكوبرا من الاستاد للحوداث أمدرمان ثلاثة ايام بين الحياة والموت وهاك يا هضربة.
* المسمار المسمار ماعارفين مسمار زيكو ولا مسمار القلووظ ولا مسمار الغانجى صديقي الطاهر احمدون بعد مافاق المدام كوركت للترمجي يا الزاكي تعال اديهو الحقنة مما سمع (الزاكي ) تاني راح في غيبوبة
* حنهريكم والضرب فى المليان
* الحاضر يكلم الغائب المريخ المرة دي زي سرتانا لا يرحم من قولة تيت المعز حيجيب من جوه ابقو بس انتو تعالوا ولا مكان للراجفين واصحاب القلوب الخفيفة.
* المقارنة معدومة بين مستوى الفرقة الحمراء ومستوى فرقة زرقان، فالفرقة الحمراء لديها أكثر من عنصر لقلب الطاولة وهجوم المريخ بسم الله ما شاء الله زي الصاقعة يضرب بعنف ويحرز الهدف في كسر من الثانية. * وبالرغم من أنني مقتنع تماماً بأن مريخ السعد وفخر البلد سينفش ريش الزبون من (عصراً بدري) ولكن لاعبي المريخ كثيراً ما يثيرون أعصاب جماهيرهم بالاستهتار وعدم حسم المباراة من دقائقها الأولى. * اشهد اشهد يا تاريخ كأس السودان للمريخ والتاريخ لا يرحم يا فرسان، لن نقبل غير النصر والفوز المؤزر صولوا وجولوا خلوا شبكة المعز تتكلم تحكي عن عظمة المريخ وشموخه ونغني من غيرنا قد أحضر الكؤوس.. من غيرنا أدار الرؤوس * بالعزيمة والإصرار الأحد يوم الاستمتاع اعزفوا أروع الألحان طبلة الجنيد لن تسكت, وقرن إسحاق سيصم الآذان بالطول بالعرض مريخنا يهز الأرض. * من اليوم يا لجنة التعبئة احتلوا شيخ الاستادات. * تدافعوا بالمناكب لتشهدوا ليلة النصر والفوز المؤزر مريخ العز يناديكم فهلا تكرمتم بمؤازرته في ليلة الفوز بكأس السودان الكاس المحبب. * نفسي ومنى عيني اشوف قوون راجي والعمم تتطاير والقلوب تتمايل وناسها افرحها زايدة وناس يتألمو. * أنا نفسي اليوم داك أشوف قوون راجي لو كان في الطيف ….أنا نفسي أكمل بيه الكيف….. أنا نفسي يا معز أشوفك.. قول لي كيف …متشربك في الشبكة وقاعد ام قللو زي الضيف …وأشرب سفن اب أبرّد بيها الصيف … شحدت الله يا رحمان أبو الهل يوم الاحد يطلع زعلان. * مع هدف تراوري الأول سنشاهد النيران.. ألم أقل لكم إن المريخ نار منقد. * وهزيمة الزبون لا تحتاج لزيطة وزمبريطة . * انتصار بإذن الله خدمة يمين وعرق جبين. * نجمة نجمة الليل نعدو وأي زول لو فات حدو تراروي داك براهو بهدو * رجفة الهلالاب وصلتنا في موية المواسير أثبتوا. * واليييييييييييييييييييييييلا
