سودارس : زي طبق البيض الفيه (بيضة واحدة)

عثمان ميرغني يكتب: عودة لجنة التفكيك تراجع معدّل التضخّم في السودان مقرّ خاتم الأنبياء العسكري يتوّعد بردّ قويّ بعد تجريد منتخب بلاده من كأس أفريقيا..الاتحاد السنغالي يعلن أول قراراته تضخيم (الأخطاء) لا يقل خطورة عن تجاهلها!! تفرغوا للشماتة.. ولا شئ سواها..!! ظهور لنجاة الصغيرة يفرح جمهورها.. والفنانة ترد "رجعت الشغل تاني".. مطرب المهرجانات مسلم يعلن انتهاء أزمته مشهد الولادة بمسلسل محمد إمام يثير غضباً.. والممثلة توضح منع إقامة صلاة العيد بالميادين والساحات العامة بالنيل الأبيض مع ارتفاع الأسعار.. 6 نصائح لجعل الوقود يدوم أكثر في سيارتك تصميم جديد للملفات الشخصية ب "واتساب" داركو نوفيتش : عودة قباني إضافة حقيقية للفريق صوت ديسمبر لا يمكن إبعاده من الساحة الإخوان والإرهاب .. الجنجويد والكباب! ليس بِأَمانِيِّكُم، وَلَا ،،، والي الخرطوم يزور الشيخ موسى هلال ويقدم واجب العزاء في شهداء مستريحة بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق شاهد.. فيديو نادر للشاعر والإعلامي الراحل السر قدور يعود تاريخه للعام 1940 خلال مشاركته في بطولة فيلم "الضريح" وابنته تكشف معلومات هامة عن الفيلم شاهد بالفيديو.. المذيعة الحسناء تريزا شاكر مقدمة برنامج "يلا نغني" تطلق "الزغاريد" على الهواء تفاعلاً مع أغنية (شوف عيني الحبيب بحشمة لابس التوب) شاهد بالفيديو.. خلال حلقات برنامج "أغاني وأغاني".. العميد أحمد محمد عوض يتألق في أداء الأغنية المؤثرة (أبوي ان شاء الله لي تسلم) "لجنة تفكيك 30 يونيو في المنفى" تعلن استئناف عملها وتعيد طرح ملف إزالة التمكين السودان والصين يبحثان تعزيز التعاون الثقافي ويؤكدان دعم جهود إعادة الإعمار 6 عادات يوصى بتجنبها في المساء لحماية القلب الجيش في السودان يكشف عن عمليات إعادة تموضع عاجل.. اغتيال لاريجاني دراسة : الأطعمة فائقة المعالجة تهدد كثافة العظام ابتكار علاج لسرطان القناة الصفراوية من الحليب ياسين أقطاي يكتب: كيف وقعت إيران في هذا الخطأ الإستراتيجي؟ رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية لافروف قلق إزاء مستقبل نظام عدم انتشار الأسلحة النووية أنشيلوتي: كروس وضع مبابي في مأزق.. وفينيسيوس رجل المباريات الكبرى ريال مدريد يستعيد مبابي وبيلنغهام قبل ملاقاة مانشستر سيتي توقّعات بارتفاع غير مسبوق في أسعار النفط الترجي يهزم الأهلي في ذهاب ربع نهائي دوري أبطال أفريقيا ضبط 238 كجم من "الآيس" وأسلحة بجانب نحاس بولاية البحر الاحمر انقطاع طويل للكهرباء يضرب مُدناً وقُرى سودانية واسعة في رمضان ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل ضربة جزاء.. تعادل قاتل لنهضة بركان المغربي أمام الهلال السوداني في ذهاب ربع نهائي دوري الأبطال ترامب يرفض جهود الوساطة.. وإيران "لن نفاوض تحت النار" قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة السودان.. مباحث مكافحة سرقة السيارات تطلق تحذيرًا

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

زي طبق البيض الفيه (بيضة واحدة)

قوون نشر في قوون يوم 17 - 05 - 2013

امس الاول ..جلست اتابع مباراة الاهلي مدني والمريخ...قلت اشوف (اللوردات) بتاعين (الشركات) ديل بعملوا شنو؟.

شركاتكم دي طلعت شركات (وهمية) ساكت.

ما شفنا اي (اثر) للشركات البتتكملوا فيها دي.

فالحين في النقة ..والمؤتمرات الصحفية ...والصور.

مرات بتعمل ليك (عصير ليمون) ..تدخلو التلاجة عشان يبرد شوية..بتجي تلقى شربوه.

الشربو منو ما بتعرفو.

البيت كلو ينكرو.

دي مباراة المريخ.

خسارة (90) دقيقة راحت ساكت.

مباراة مسيخة ...فيها (22) ضفر.

اللوردات ذاتهم طلعوا (اضفار) على الشمال.

اقصد (اصفار) على الشمال.

يعني بقت على (النقطة).

ضفر واحد ممكن يعمل مشكلة ...فكيف يكون الحال لو بقى فيها (22) ضفر؟.

عبدالباسط (ضفر).

وطارق عثمان (الزومة).

لوراتكم زي (باكاتكم).

المباراة دي ..البرنس حقها ..هو ذاتو كان (ضفر).

(ضفر) عام كدا.

(ضفر) جماعي.

ظنيت ان (الدولار) يمكن ان يظهر في (كورة) سعيد السعودي ..ويمكن ان احس ب (المول) في المظهر العام لموسى الزومة.

لكن والله العظيم (طبلية) ما شفتها في المباراة.

اخير زمن (تقشف) عصام الحاج.

على الاقل وقتها كان الاداء مبرر.

اي واحد تهبشو يقول ليك دا (التقشف)...نحن (كهربة) ما عندنا.

قاعد في المباراة ..ضيعت لي (90) دقيقة من عمري ..عشان اشوف اثر (الشركات) البتكلموا عنها دي.

بفكر براي كدا.

قلت يمكن (ضفر) يبقى بتاع (نادي اسري) كدا ....وتنعكس (المدينة الطبية) في لعب احمد الباشا.

احتمال تبقى (عكسيات) الطاهر سادومبا ريحتها (فراخ ..فراخ)...واتوقعت (امير كمال) يظهر ليه ب (انبوبة غاز) بين الشوطين.

لكن لا دا ..ولا دا ..ولا دا ..ظهر.

زمان في اواخر السبعينيات ...ظهرت اغنية ..نشرها الفنان عبدالعزيز محمد داؤد ...بقول فيها : (يا دا ..يا دا ..الليلة ما جا).

الاغنية دي وقت كانوا يغنوها في الحفلة ...الحفلة كلها بتقعد تتلفت.

اي زول بقول انا المقصود.

الدودوه دي هسع ما موضوعنا.

موضوعنا مباراة الاهلي والمريخ في مدني.

مباراة اي حاجة فيها (مسيخة)...حتى الهدف الذي احرزه (كلتشي)...سجلوا على طريقة فاترة زي عداد الكهربة القديم (حاجة تقليدية) ..انت يا كلتشي ما شفت تراوري دا بجيب في الاهداف كيف؟.

معقولة ما سمعت بيه.

ما بتقعد في التلفزيون.

ما في زول بضرب ليك تلفون.

تراوري اول حاجة بفرتك ليك المدافع (رباط ..رباط)..ثم بسجل بعد ذلك.

المدافع يقعدوا يلقطوه متل (الفحم).

يعني قبل القون ..تراوري بعمل (معاينات) لخط الدفاع كلو ..بشيل عينه من اي مدافع للفحص...من دا ومن دا ومن دا...(زي اغنية عبدالعزيز محمد داؤود).

وبعد داك بجيب قونو.

المريخ امس الاول ..كان في اسوأ حالاته.

سخينة بس.

سخينة بصلة ما فيها.

سخينة يوم (29) من الشهر.

حتى هيثم مصطفى ..كورتو في المباراة كانت متل (القزازة) البكسروا بيها الفول.

عاوزين تخربوا للزول (كورتو).

قالوا ليك...(والكلام دا ما يطلع من العمود دا)...قالوا ليك هيثم مصطفى مرة لعب ليه (باص) لي محمد موسى مهاجم المريخ.

عارفين محمد موسى عمل شنو؟.

والله ما بتصدقوا.

محمد موسى طلع ليه (بخرة) من (الشنكار)...عشان يعرف الشيء دي شنو اللعبها ليه هيثم؟.

البخرة البكتبوها الطلاب في الامتحانات ويدسوها من المراقب.

محمد موسى بعد ما عرفها (تمريرة).. ما عرف يتصرف معاها كيف ؟..عارفين عمل شنو؟.

والله ما عارفين.

محمد موسى طلع ليه (خريطة)...عشان يعرف كيف يتصرف مع (الداهية) دي.

طلع ليه (كتلوج).

اتذكرت طرفة.

طرفة او هي حكمة ...وجدتها في احد الكتب القديمة.

ما عارف انا غايتو ..احكمو براكم.

عاملين كدا زي رمضان الباقى ليه (52) يوم.

قالوا ليك : ( القاعدة الذهبية عندما تقرأ قائمة الطعام التى تقدم لك في المطعم » اذا لم تستطع نطق اسم الصنف ...فانك لن تستطيع احتمال ثمنه !«...).

دي نظرية او قاعدة ..اعمل بيها.

يعني الحاجة الما بتقدر تنطقها ...ما بتقدر تدفع تمنها ....(ما تشابروا ساكت).

وناس المريخ ديل ..بي حالتهم دي ما قادرين يتعاملوا مع هيثم مصطفى.

تجيبوا ليكم (17) لورد ..تجيبوا ليكم (51) قلاب...(98) قطر..برضوا ما بتجيبوا الفرق.

زي حمدان كرع الموية.

اسمو كدا ...(انا اعمل ليكم شنو؟).

انتوا قايلين الاسماء دي انا بقطعها ليكم من رأسو.

حمدان كرع الموية دا ..قصتو قصة.

حمدان كرع الموية دا جاء الخرطوم ...شايل ليه (قريشات) معاهو..ظروفو كانت ما كعبة.

قال يغير ليه جوا شوية في الخرطوم...قال يتفسح شوية ..ويشم ليه هوا.

الكلام دا زمان ..قبل ما يحولوا (المواقف).

قبل موقف (شروني) يظهر في الوجود.

زولكم حمدان كرع الموية دا كلو يوم يمشي ليه افخم مطعم في الخرطوم2.

يعزل ليه افخم مطعم...ويدخل عليه.

النادل ..يجيب ليه (قائمة الاطعمة) ...زولكم ما يفهم فيها اي حاجة...يقعد يتلفت تقول راجي ليه (كورة معكوسة).

يحاول يقرأ ..عشان يطلب ليه حاجة ...ما يعرف يقرأ اي صنف فيه.

يتبكم عديل كدا ..يضهم.

دي شنو القائمة دي (فطائر الفواغرا .... ستيك كوبي...... فطر ماتسوتاكي...... مكرونة بالماشروم وشرائح البيكون.... خضار مشوية مع الماشروم والموزاريلا مع خل البلسميك).

الشيء دي غلبتو عديل كدا.

تقول في امتحان (كيمياء).

زولكم عرقو يتقاطر ...(الجرسون) يمشي ويجيه ...وهو يطلب المزيد من الوقت.

دي شنو الاسماء دي؟.

والله ما فاهم فيها اي حاجة.

معقولة في اصناف بالشكل دا ...اسم الصنف زي (اسم الشركة الصينية).

نحن عايشين وين ؟...كاتلننا بي ام رقيقة ..وموية الفول....والعدس.

حمدان كرع الموية ..وقت الحكاية غلبتو خالص ..كورك للجرسون ...قال ليه : (فول ..فول ..فول .. فول ساي ما في).

الجرسون طلع (حبشي)...ما فهم ليك حاجة من حمدان كرع الموية.

يا ربي (الورطة) دي الواحد يتحل منها كيف؟.

الجرسون الزي (مضيف) الطيارة دا شنو؟.

اسمع نادي لي (المدير).

الحبشي برضو ما فهم حاجة.

نادي لي اي زول سوداني هنا ...ان شاءالله (زبون).

ان شاءالله تنادي لي (حمد والديبة).

اي زول.

صاحبكم رأسو شطب.

بيني وبينكم (حمد والديبة) ما عندهم اي دخل بالموضوع دا.

الحبشي برضو ما فهم حاجة.

دا يفهموه كيف؟.

دا يتصرفوا معاه بي ياتو طريقة؟.

اخر حاجة حمدان كرع الموية ..طلع (الموبايل)..وقعد يعمل ليه في حركات للحبشي...(المعني ما عندكم شاحن).

الحبشي قال ليه ابرة رفيعة وإلا مشط؟.

حمدان كرع الموية قال ليه : انت وقت بتعرف عربي ...ما لك من قبيل ..عامل كدا زي (العدد) الما بقبل القسمة على اتنين.

روح..جيب لي موية ساكت ...اكلكم (الالغاز) دي زي (الروشتة) دي ..ما عاوزو.

واتخارج على كدا.

هسع انتوا يا مريخاب ..البتعملوا فيه دا معقول.

(17) لورد ..وهدف وحيد ..جابوه (حظ) ساكت.

لا لعبو كورة ..لا قدموا عرض ...لا سجلوا اهداف.

واعلام المريخ (المخلوع)..فك ناس سعيد السعودي وامير كمال ..وراجي ..ومسك ليك في ناس طارق وجمال الوالي وعبدالباسط حمزة.

بقوا يلمعوا في الاداريين.

بقوا يكتبوا عن (اللورادت).

خلوا الكورة.

قنعوا من (الميدان).

الظاهر كدا ..في صحفيين كتار في المريخ ..عاوزين يشتغلوا في (شركة المساهمة) دي.

الشركة العاوزين يعملوها في (4) شهور.

شركة هي وإلا (غرفة).

انتوا عارفين (4) شهور دي (ركشة) ما بتعملها.

لكن ممكن ال (4) شهور دي تعمل ليكم (دعاية) كويسة للانتخابات.

انتوا (الدعاية) ذاتها تعملوا بيها شنو؟.

عصام الحاج دا ..تاني لو جابوه ب (دفار) ما بدخل استاد المريخ.

عصام الحاج دا...تلات تسعات ..تاني ما بتيجيبو نادي المريخ.

الزول قنع ..ظاهر وباطن.

عشان كدا الموضوع ما متاج ليه كل هذا (الكضب).

مول تجاري ..وشركة ..ومدينة رياضية ..ونادي اسري.

لو عملتوا ليكم (فرن)..احسن ليكم.

على الاقل الفرن مضمون.

وما عاوز ليه (نفخ) كتير.

لكن امس عجبتني المواقع ..كلها دورت في المريخ ...وفي تحويله الي (شركة) خاصة.

الجماعة دوروا في المريخ.

عاوزين يبقوا المريخ ..المريخ الوطني ..زي الخرطوم الوطني.

المريخ اشتروه.

خلاص اقنعوا منو؟.

موقع حريات ..موقع الراكوبة ..موقع سودان موشن ..امس كلها بتتكلم عن الاحتلال الذي حدث في المريخ.

عن التحزيب...والتسيس ..والتدليس.

وحاجات تانية.

خربوا المؤسسات كلها ..مشروع الجزيرة ...السكة الحديد ...السلم التعليمي.

وقبلوا على المريخ.

ديل المستشفيات عاوزين يرحلوها.

كورتكم دي يا ناس المريخ ..ح تكون للخلف دور.

اتذكروا الكلام دا ..ومن هسع اقنعوا من المريخ.

اما الناس الفرحانة بما يحدث في المريخ الان ..فاننا نقول موعدنا معكم الصبح ..أليس الصبح بقريب.

انتظروا...وح تشوفوا.

كمان ما بتخجلوا (17) لورد وهدف وحيد.

الحكاية دي عارفنها زي شنو؟.

زي طبق البيض ..البكون فيه (بيضة) واحدة.

يا جمال ..يا عبدالباسط ..مريخكم دا كتروا ليه (الجلاكسات) ساكت..كورة ما عندكم.

ملحوظة : بدون جلاكسي ما بتمشوا لي قدام خطوة.

هوامش

في واحد ما فاهم اي حاجة.

ولا حاجة.

سأل ليه واحد تاني عامل فيها (فيلسوف).

واحد مثقف كدا.

قال ليه : انت تعال هنا ..(الفكرة) دي يعني شنو؟.

الزول (المثقف)...قال ليه : بالله انت ما عارف (الفكرة).

ايوا ما عارف (الفكرة).

المثقف قال ليه (الفكرة) دي ...زي الكديس وقت ما تلقى اللحمة بتقول عفنة.

اها التبرير دا (فكرة).

المنطق بتاع الكديسة دي مقنع ...الاقناع دا ...يا هو (الفكرة) ذاتها.

زولكم الما بفهم حاجة ..ما فهم شيء.

قال ليه برضو ما فاهم ...الفكرة يعنى شنو؟.

اقول ليكم شنو انا؟...اقول ليك ايه؟.

طيب انا اقول ليك حاجة اسهل...هسع انت بتفرز (الفرخة) الفرنسية من (الفرخة) الانجليزية كيف؟.

بسيطة.

الفرخة (الفرنسية) ريحتها بتكون قوية.

طيب دي ما (فكرة).

برضو ما فهمت.

طيب اقول ليك شنو؟.

قول لي اي حاجة ..(تفهمني).

بتاع التلج ...ليه بكتب في كشكو (هنا يباع التلج).

عشان بتاع الضرائب ما يجي يقول ليه انت قاعد تبيع في كشكك دا (لحمة).

طيب دي ما فكرة.

لو دي (الفكرة)..الحكاية ما ساهلة.

كيف يعني؟.

اشتري ليك اسكراتش (ام تي ان)..ونزلوا في (سوداني)...لو ما نزل اضرب لي ناس (زين) بتصرفو.

كدا الحكاية افتكر بقت واضحة.

اهو دي (الفكرة).

محترف المريخ سليمانو ...(ربنا يخليه لينا).

ربنا يحفظو في كشوفات المريخ.

سليمانو (السواطة) البعمل فيها دي بتخلينا مريخ ام درمان من مريخ الفاشر من مريخ شندي ما بنفرزو.

ما في اي فرق.

يا سيلمانو...اتنين منك كدا...بنزلو المريخ درجة تانية.

انت ضفر ...الله لا يحرمنا منكم.

عبدالباسط حمزة دا كلموه ...يمكن يكون فاكر نفسو في (لجنة) هلالية.

الزول دا داخل غلط.

احتمال يكون فاكرها (لجنة) اسواق حرة.

كمان قال ما بقرأ جرايد.

حظ الجرايد.

بكرة ان شاءالله نلتقى في (من الغلاف للغلاف).

عشان نشوف نهاية (اللجنة) دي.

بعدين الستة اقوان دي ..عاوزة ليها صفحة.

عاجل : انا ح اشتري لي (سهم) في شركة المريخ ..عشان اشطب بلة جابر وموسى الزومة وفيصل العجب وسعيد السعودي ..واريحكم من (التلتلة) دي.

انقر هنا لقراءة الخبر من مصدره.