من هنا وهناك هيثم صديق العقرب قبل ان نتحدث عن بكري المدينة (العقرب المربوطة) التي لدغت الدماعة فسمعنا وراينا من الهزيان ما لا يصدق قبل ان نتحدث عنه سنحدث عن العقارب في مجتمع المريخ تلك التي تسكن جيوب البعض فلا تجد الا بيت العرب في الشح (قوم اذا استنبح الاضياف كلبهم قالوا لامهم بولي علي النار فما تبول الا بمقدار) والعقرب سكنت السنتهم فاذا بها تلدغ من طرف نسأل بلا براة اين الدعم المالي او حتي المعنوي الذي تقدمه ما يسمي بالمعارضة المريخية تلك التي تظهر عند فقدان المريخ للدوري ولا يبنها استحوازه علي الكاس كلما خسر المريخ ظهروا فان انتصر تواروا اؤلئك ابا الهزيمة الهزيمة طلعت مش يتيمة النصر عندهم هو اليتيم وقبل يومين لاحوا في بعض الصحف يجتمعون قلنا لعلهم يريدون تقديم الدعم للمريخ فاخرجت لي الحروف لسانها لربما ارادوا ان يقدموا للمريخ محترفا مجربا فقال لي القلم (واااااو) فرق كبير ما بين اللوا عبد المنعم النذير ونادر ابراهيم مالك مثلا اللوا الحقوقي كان رئيسا للاتحاد العام للكرة ونال الثاني منصب امين المال ونال الاول سكرتارية المريخ وكسب الاخير قريب منها الاول بكل مناصبه العامة والخاصة رجع فردا مشجعا ويفتخر والثاني اراد ان يعود بعد غربة وشوق ليجد مناصبه في مكانها لن نتحدث عنهم بالتفصيل فبعضهم والله نكن له من الحب الكثير ولكن هذه المعارضة عقريبة بكل المعاني ضنينة باليد مندفعة باللسان * اما العقرب بكري المدينة فلقد ارتفع في المريخ الي دابي لكنا سنتركه في رتبته القديمة حتي تزول عنهم عضته الاليمة فلا يزال جرحه نازف فيهم الي اليوم والوحة لا تفارقهم سهر والم ووحيح ولا ابلغ من قصة الهلالابي الذي قال ان ود اللمين يغني (عقرب) تعال ما تبتعد الناس تحاول تقنع فيهو انها (قرب) وليس (عقرب) وهو يصر انها كذلك عماد الطيب برضو بيصر يكسب الشكوي واحد قال لي حا نكسب شكوتنا الفي الفيفيا قلت ليه:اي واحدة زولو الكنغولي لسه شكوتوا ما رجعت الشكوي الهلالية زي مرسال ابو قطاطي (رسلت ليه زول مرسال المرسال مشي وما جا) قالوا شكلة في ام درمان وصلت البوليس بتاع امجاد كاتب في امجادو (لو حتي نبدأ من الصفر) وكاتب الله الوطن الهلال بكري المدينة وكاتب (شايل جراح وشايلين مني المدينة) وكاتب (كتير الشالوا الوالي) بدل (كتير الشالتو الايام) امجادو من المكتوب فيها اكتر من كلام فاطنة والرشيد ومحمد عبد الماجد في موضوع المعز الشكلة كانت في انه في زبون لابس قميص احمر قال ليه وديني سوق العناقريب الزول العناقريب شافها قريبة للعقرب والقميص الاحمر هيجو والله موضوع بكري المدينة ده هرد اكباد بكري اصر انه ما اتصور مع الكاردينال داك شبيهو هسي المريخ بيحضر في شبيه لنزار حامد