سودارس :

الهلال السوداني يواصل استعداده لموقعة كيجالي في الدوري الرواندي شاهد بالفيديو.. مطرب سوداني يرد على سخرية الجمهور بعد أن شبهه بقائد الدعم السريع: (بالنسبة للناس البتقول بشبه حميدتي.. ركزوا مع الفلجة قبل أعمل تقويم) شاهد بالفيديو.. (ما تمشي.. يشيلوا المدرسين كلهم ويخلوك انت بس) طلاب بمدرسة إبتدائية بالسودان يرفضون مغادرة معلمهم بعد أن قامت الوزارة بنقله ويتمسكون به في مشهد مؤثر شاهد بالفيديو.. مطرب سوداني يرد على سخرية الجمهور بعد أن شبهه بقائد الدعم السريع: (بالنسبة للناس البتقول بشبه حميدتي.. ركزوا مع الفلجة قبل أعمل تقويم) السودان يعرب عن قلقه البالغ إزاء التطورات والإجراءات الاحادية التي قام بها المجلس الإنتقالي الجنوبي في محافظتي المهرة وحضرموت في اليمن "صومالاند حضرموت الساحلية" ليست صدفة! الخرطوم وأنقرة .. من ذاكرة التاريخ إلى الأمن والتنمية مدرب المنتخب السوداني : مباراة غينيا ستكون صعبة لميس الحديدي في منشورها الأول بعد الطلاق من عمرو أديب شاهد بالفيديو.. مشجعة المنتخب السوداني الحسناء التي اشتهرت بالبكاء في المدرجات تعود لأرض الوطن وتوثق لجمال الطبيعة بسنكات تحولا لحالة يرثى لها.. شاهد أحدث صور لملاعب القمة السودانية الهلال والمريخ "الجوهرة" و "القلعة الحمراء" الجيش في السودان يصدر بيانًا حول استهداف"حامية" رقم تاريخي وآخر سلبي لياسين بونو في مباراة المغرب ومالي شرطة ولاية القضارف تضع حدًا للنشاط الإجرامي لعصابة نهب بالمشروعات الزراعية استخدام وسائل التواصل الاجتماعي وراء تزايد تشتت انتباه المراهقين بدء أعمال ورشة مساحة الإعلام في ظل الحكومة المدنية ما بين (سبَاكة) فلوران و(خَرمجَة) ربجيكامب ضربات سلاح الجو السعودي لتجمعات المليشيات الإماراتية بحضرموت أيقظت عدداً من رموز السياسة والمجتمع في العالم قرارات لجنة الانضباط برئاسة مهدي البحر في أحداث مباراة الناصر الخرطوم والصفاء الابيض مشروبات تخفف الإمساك وتسهل حركة الأمعاء نيجيريا تعلّق على الغارات الجوية منى أبو زيد يكتب: جرائم الظل في السودان والسلاح الحاسم في المعركة شرطة محلية بحري تنجح في فك طلاسم إختطاف طالب جامعي وتوقف (4) متهمين متورطين في البلاغ خلال 72ساعة «صقر» يقود رجلين إلى المحكمة بالفيديو.. بعد هروب ومطاردة ليلاً.. شاهد لحظة قبض الشرطة السودانية على أكبر مروج لمخدر "الآيس" بأم درمان بعد كمين ناجح منتخب مصر أول المتأهلين إلى ثمن النهائي بعد الفوز على جنوب أفريقيا ناشط سوداني يحكي تفاصيل الحوار الذي دار بينه وبين شيخ الأمين بعد أن وصلت الخلافات بينهما إلى "بلاغات جنائية": (والله لم اجد ما اقوله له بعد كلامه سوى العفو والعافية) كيف واجه القطاع المصرفي في السودان تحديات الحرب خلال 2025 إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ اكتشاف هجوم احتيالي يخترق حسابك على "واتسآب" دون أن تشعر قبور مرعبة وخطيرة! عزمي عبد الرازق يكتب: عودة لنظام (ACD).. محاولة اختراق السودان مستمرة! البرهان يصل الرياض مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 14 - 08 - 2014

….و….
محمد عبد الماجد
(ضفر) بعد البرازيلي (كروز) شوفو ليه فرقة للفنون الشعبية
""""""""""""""""""""""""""""
…و
قلت ليكم قبل كدا الريح علي مع علي جعفر (الاسماء الملخبطة دي شنو؟) –
قلت ليكم الجماعة ديل ح يشكلوا في دفاع المريخ (الزهور والوردي).
منتهى التواضع.
المهاجم يجي ويفوت – ويشرب كمان حاجة باردة.
يكوع ..ينوم ويصحى ويجيب ليه قون ويتخارج على كدا.
يقرأ ليه جريدة.
يقيّل ويتغدى ..ويقوم يلبس عمتو وجلابيتو ويطلع يقدل في خط (18).
الريح علي وعلي جعفر (الزهور والوردي) – الطريق في وجودهم بقى ممهد
ومفروش بالورد للمرمي.
دي حالتها بدون (ضفر).
ديل لمن تجيبوا ليهم (ضفر) – عليكم الله كمّلوا جميلكم وافتحوا ليهم
(صالون) في المقصورة عشان المهاجم يقيل في صالونكم.
فكرة – اعملوا ليكم (صالون) في المقصورة.
الموضوع دا بقى عاوز ليه (صالون).
صالون فيه (8) شبابيك.
والشبابيك ال (8) مفتحة – ما في شباك واحد مقفول.
يضربك الهوا – لمن تشيلك نومة – تقوم مهجوم ، تلقى الزمن فات.
جماعتكم ديل يا مريخاب (دفاعكم بالتحديد) بتعاملوا مع الكورة معاملة (تلاقيط).
الريح علي شاهدت لعبو في مباراة المنتخب مع جنوب افريقيا – ذكرني ليك
الجماعة بتاعين (جزيرة الكنز) المسلسل كلها يفتشوا للكنز.
لمن لقوه – المسلسل انتهى.
الريح علي تقول (بسطجي) البجي فوقو كلو بفوت – تقول حارس ليه (كرامة).
غايتو (النبق) السنة دي ح يتعب معاكم.
الريح علي رغم انهم قالوا لي في مباراة المنتخب امام الكنغو ما كان
لاعب – لكن مع ذلك الهدف الذي جاء في شباك المعز محجوب – سببو هو.
السبب الريح علي.
الزول دا لو ما لاعب بعمل ليه (مخالفة).
اصلو ما مضمون.
والناقصة بتتم لمن كمان الريح علي يلعب مع علي جعفر …واحد بكورك في
الحارس والتاني بكورك في الحكم.
انت يا علي جعفر بتكورك مالك؟.
لو عاوز تكورك امشى ميدان عقرب.
او امشى موقف السكة.
كورتك دي ما كورة كواريك.
الكواريك خليها لي ناسها.
بعدين انت يا كابتن اذا هسع بتكورك كدا وقت يجيكم البرازيلي (كروز) ح تعمل شنو؟.
الكواريك ما بتحلكم.
ما تعملوا لينا ازعاج ساكت.
نحن المباريات دي بندخلها بي تذاكر ..والرأس دا خسرانين فيه شاي وقهوة
وقصب سكر (غير التسالي والفول) – ما تعملوا لينا ازعاج ساكت.
اتخيلوا الدفاع دا – الريح علي – علي جعفر – ضفر – ديل إلّا يقيف وراهم
(25) حارس.
حارس واحد ما بستحمل (التصريجات) البعملوا فيها الجماعة ديل.
انا اول مرة اشوف لي دفاع كلو بجلي الكورة.
تقول بركبوا ليهم في صيوان.
ديل كلهم بصرجوا.
المهاجم بفوت فيهم زي (الرسالة).
التقلة الفي الريح علي – المهاجم لو زرع ليه (قمح) لمن يقوم ويحصدو
ويبيعو – الريح ما بلحقو.
دا تقيل جنس تقلة – الواحد لو نزل اجازة ومشى البلد ..وجاء راجع تاني –
ونزل شغل ..الريح علي ما بلحقو.
وكان لي علي جعفر – اسكتو خليه.
علي جعفر فاكر (الحلاقة) بتمرقو.
علي جعفر قايل انو لو حلق حلاقة جديدة كدا – بمرق من البهدلة في الملعب.
يا اخوي ما في كلام زي دا.
الحلاقة ما بتمرقك.
ما تقعد تكورك في ناس امير كمال ساكت.
امير كمال لا غلطان ولا حاجة.
امير كمال يعمل ليكم شنو؟ – دفاعكم عامل كدا زي (السماية) اي زول يجي
يفطر فيها ويفوت.
جهزوا (حبوبكم).
الضغط السنة دي بيجبوه ليكم ناس الريح علي.
خلاص يا مامون ابوشيبة انتهينا ليكم من الريح علي.
احسن تلحقو وتشطبوه في باقي التسجيلات دي.
الزول دا لا بقعد ليكم لي يونيو ولا حاجة.
اتخارجو منو الان – احسن من تخزينوه وما تسفيدوا منو حاجة.
نحن بنقول ليكم الحقيقة.
لو ما عاوزين تشطبوه – اعيروه – خارجوه – ما ترجونا بيه.
يمين قالوا ليك الهلال عندو محترفين ..المدافع يحفرو ليه ويدفنوه قبلو.
نحن السنة دي دخلنا ليكم بالرديف ح نجهجكم.
جهزوا اعمدة نقدكم من الان.
يا سلك راجيكم (انتقادات) تقيلة…الريح علي تقيل – وعلي جعفر كورتو في
ميدان عقرب ما بتلبعو – وضفر لو شاف ليه فرقة فنون شعبية وانضم ليها يكون
احسن ليها.
ح يترس جنس ترس.
ناس الهلال جايبين ليهم برازيلي اسمو (كروز) – ضفر دا بحلو ليكم زي (الشاي).
يفرتكو ليكم كرتونة – كرتونة.
يا ضفر ..لو بتشكي من مباديء (رباط صليبي) احسن اتخارج من بدري.
لو بتشكي من (صداع) اتكلم.
لو رأسك بلف – قول.
لو عندكم زول في الاسرة – حصل قبل كدا (صرج) ليه كورة – اعترف.
البرازيلي الماشى عليكم دا – مواضيع زي دي لا بستحملها ولا بجامل فيها.
عشان اثبت ليكم النظرية – السنة دي عاوزين (هلال مريخ) من اول اسبوع.
ح نقفل ليكم نفسكم من اول اسبوع.
كروز دا لا بتفاهم ولا بعرف (نيفاشا).
شفتوا حركاتكم البتعملوا فيها دي – نيفاشا واديس وابوجا والدوحة – لا
بتنفع معاه ولا حاجة.
ما تقعدوا تشكوا ليه ساكت.
ولا تتعبوا.
ظروفكم دي لا بقدرها ليكم ولا حاجة.
ما تقعدوا تشكوا ساكت.
ما عندو بيكم قضية.
شفتوا لو رطل السكر بقى ب (50) جنيه – ما عندو بيكم قضية.
اتخيلوا ضفر قدام كروز.
اقعدوا اتخيلوا الموقف دا.
مامون ابوشيبة ح يكون في حتة – وسلك في حتة – وهيثم كابو في حتة.
ومزمل ابوالقاسم ..ح يقوم تاني يجيب سيرة التقرير الطبي.
دا انتوا ح تتعبوا في الدنيا دي جنس تعب.
احسن اتخارجوا يا جماعة.
نحن الكلام ما بنعيدو مرتين.
عشان نحن فترنا من الكلام دا.
و…
انتوا تعالوا هنا (البطاطس) الايامات دي مالها زعلانة؟.
يا زول زعل شنو؟.
الله لا زعل البطاطس.
احسن اتخارج ورسل العمود.
و..
انتهى..

انقر هنا لقراءة الخبر من مصدره.