سودارس :

ياسر محجوب الحسين يكتب: الإعلام الأميركي وحماية الدعم السريع الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق السعودية..فتح مركز لامتحانات الشهادة السودانية للعام 2025م كامل ادريس يلتقي نائب الأمين العام للأمم المتحدة بنيويورك شاهد بالفيديو.. شباب سودانيون ينقلون معهم عاداتهم في الأعراس إلى مصر.. عريس سوداني يقوم بجلد أصدقائه على أنغام أغنيات فنانة الحفل ميادة قمر الدين الجزائر تتفوق على السودان بثلاثية نظيفة شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! شاهد بالفيديو.. الطالب صاحب المقطع الضجة يقدم اعتذاره للشعب السوداني: (ما قمت به يحدث في الكثير من المدارس.. تجمعني علاقة صداقة بأستاذي ولم أقصد إهانته وإدارة المدرسة اتخذت القرار الصحيح بفصلي) وزير الداخلية التركي يكشف تفاصيل اختفاء طائرة رئيس أركان الجيش الليبي البرهان يزور تركيا بدعوة من أردوغان سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه تقارير: الميليشيا تحشد مقاتلين في تخوم بلدتين شاهد بالصورة.. الناشط محمد "تروس" يعود لإثارة الجدل ويستعرض "لباسه" الذي ظهر به في الحفل الضجة شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) سيدة الأعمال رانيا الخضر تجبر بخاطر المعلم الذي تعرض للإهانة من طالبه وتقدم له "عُمرة" هدية شاملة التكاليف (امتناناً لدورك المشهود واعتذارا نيابة عنا جميعا) شاهد بالصورة والفيديو.. المذيعة تسابيح خاطر تستعرض جمالها بالفستان الأحمر والجمهور يتغزل ويسخر: (أجمل جنجويدية) والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه مكافحة التهريب بكسلا تضبط 13 ألف حبة مخدرات وذخيرة وسلاح كلاشنكوف كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر ريال مدريد يزيد الضغط على برشلونة.. ومبابي يعادل رقم رونالدو وفاة مسؤول بارز بناد بالدوري السوداني الممتاز رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض تونس.. سعيد يصدر عفوا رئاسيا عن 2014 سجينا ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) حريق سوق شهير يسفر عن خسائر كبيرة للتجار السودانيين مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

…و….
محمد عبد الماجد
المريخ من باريس سان جيرمان الفرنسي الي عزام التنزاني
""""""""""""""""""""""""""
…و
قالوا ليك حسب الفهم الحايم في الحتة دي…(محمد وردي) كان وقت يكون
مزاجو رايق ببدأ الحفلة ب (اقابلك).
ناس الحفلة يقعدوا يتخلعوا ليك في الدنيا دي جنس خلعة.
اي واحد يتخلع بي طريقتو.
والزول وقت يتخلع – الخلعة بتظهر في (ماهيتو).
رغم ان (الماهية) ما عندها علاقة بالموضوع دا.
لكن الخلعة حاصلة.
ناس الضرائب جنهم وجن الماهية.
اي زول يقابلو يقولوا ليه بتصرف كم؟.
لو بتصرف جنيه بقسموه معاك.
و…
(اكمل).
اقابلك الاغنية دي كتبها (اسحق الحلنقي) بمعادلات غير ممكنة ..دخل بيها
في حتات صعبة.
زمان كانوا في المدارس بجيبوا (الحاوي).
يقولوا ليك بكرة اي طالب يجيب معه (50) قرش – عشان ح نجيب ليكم (الحاوي).
يشيلوا قروشنا كلها ..بي حركات كدا ما مقنعة ولا فيها اي تجديد.
شنو يعني يدخل ليه منديل اخضر من جيبو يطلعو منديل اصفر من نخرتو.
هسع عارفين البقى يجيب لينا (الحاوي) منو؟.
هسع (الحاوي) بقوا يجبوه لينا ناس (المحليات).
وبرضو بلقطوا (قروشنا).
زمان نحن كنا شفع ما فاهمين حاجة بندفع ..هسع البخليكم تدفعوا شنو
وانتوا ناس كبار؟.
وعاقلين كمان.
وعندكم ولاد في المدارس وايجار ..وغاز وكهربة وخضار ورغيف وفول.
غير رسوم النفايات.
ناس المحلية بجوا كلو خميس يشيلوا (رسوم) النفايات ..ويخلوا
(النفايات)..لو بتشيلوا النفايات زي ما بتشيلوا الرسوم كان البلد نضفت.
بنفس الفهم دا ..(لكن بدون قروش).
الحلنقي بجيب لينا (حاوي) في اغنياته.
الحاوي بتاع الحلنقي مقنع جدا.
وما عندنا فيه اي كلام.
ولا عاوزين نقول فيه حاجة.
اغنية (اقابلك) دي فيها (12) حاوي.
اقابلك دي ..لا بنستوعبها ليكم ولا حاجة.
ولا بتقع لينا.
ولا عندنا ليها رأس.
عشان كدا احسن لملموا (مشاعركم) عشان ما يحرجوكم ساكت.
زي ما بقول عبدالله البعيو في اغنية (ست الودع).
مع الحاجات دي في ناس بيحرجوك ساكت.
بقولوا ليك وقت تفكر تخطب ليك بنت ما اعتيادية يا زول احسن اتلم بحروجك ساكت.
ما تقوم تجازف ساكت.
ونحن بتاعين مجازفات.
عامل لينا (سنونك) كدا متل (الزريبة) الما فيها سور.
فاتحة من الجهات الخمس.
طبعا في ناس جهة فوق – جهة السقف ما بحسبوها.
لكن نحن شفوت – بنحسب اي حاجة.
اصلو ما بتفوت علينا حاجة.
وردي وقت مزاجو يكون رايق ببدأ الحفلة ب (اقابلك).
الناس كلها بتتقابل.
البتقابلوا والما بتقابلوا.
كلهم بالاغنية دي بعملوا (مقابلة).
أقابلك
في زمن ماشي
وزمن جاي
وزمن لسة
بشوف الماضي فيك باكر
أريت باكر يكون هسة
انت يا زول (جنيت).
المعنى لمن تقول ليك حاجة صعبة كدا وخيالية وما معقولة بقولوا ليك :
(انت يا زول جنيت).
ما عاوزين نقول للحلنقي نفس الشيء.
الحلنقي عبقريته تجيز له ذلك.
يعمل اي شيء.
اصلو ما في زول بسألو.
ولا بنقول ليه حاجة.
ان شاءالله يقسم 4 على 2 ان شاءالله تطلع ليه ب (110).
انتوا ما خدين منها حاجة.
يضربوا 10 في 5 تطلع ليهم ب (21).
مالكم انتوا؟.
عندكم فيها حاجة؟.
يكسر الصالون…ويعملو مطبخ.
يحول الباب شرق.
يجيب الصالون الهناك يعملوا قدام.
يبدل المراوح.
يقلب سلطة الاسود في العدس.
يعمل اي حاجة.
ما في اي زول بقدر يقول حاجة (على كيفو).
ونحن نقابلو زي طفلين
كلامهم كلو بالهمسة
وزي عصفورة قلبها دابو حنة
وبالولف حسَّ
في اجمل من كدا.
في اجمل من طفلين.
واجمل من ان يكون كلامهم كلو بالهمسة.
القاعدين ليها شنو؟.
انتوا حارسين شنو؟.
تفتحوا في عيونكم متل الاقوان الما فيها حراس مرمى.
قاعدات في الصقيعة.
الصقيعة في البرد زي (ابوالشهيق)..تفكر كدا عشان تجيب ليك حاجة تستوعب
البعمل فيه الحنلقي دا.
الكواريك ما في ليها داعي.
ولا في ليها
أي عيون بتتقابل
إلا عينيكي ما بتتفات
في عينيك بتوه
كيفن في حلاة البسمة في القاسيات
وعطر الصندل المستني
يفرح بيكي فرحتو جات
وحاتك خلي منو شوية
شان يتكاحل السمحات
ديل شنو ديل؟.
ديل عيون وإلا مدرسة ثانوية.
مزيرة بس.
سبيل في الشارع فيه (موية باردة) خالص.
واحد مشى ليه لي جماعة.
جماعة صعبين..ما عندهم اكتر من (مرحبتين).
تاني ما بيزدوك ملمتر.
ولا مرحبة واحدة.
الجماعة جابوا ليه ساعة الغداء (موية باردة).
جردل كبير كدا مليان موية باردة …(التلجة) حايمة في الجردل زي
(العضم) في الشوربة.
الواطة سخنة.
صاحبكم جيعان.
لكن الموية عجبتو ليك.
صنقع ليك – ادى رأسو للمروحة وقطع ليك جردل الموية.
نزلو ليك (نقطة) ما فيه.
صاحبكم لقى ليك الجماعة (مقهين) فيه..قال ليهم والله مويتكم سمحة اصلو
ما فيها كلام – لكن مويتكم الباردة دي لو طعمتوها ما تخلص.
تكونوا ما قصرتو.
تكونوا بالغتوا عديل كدا.
واحد من الجماعة عاين ليه (4 ×4) وقال ليه يعني لو طعمناها ليك كنت
(الجردل) دا ح تبلعو (كبسولات).
هو زول موية (باردة) ساكت جففها ليك …كمان يطعموها ليه.
اسحق الحلنقي اغنياتو كان بطعمها.
اغنياتو ما (باردة) بس – تشعر بيها في الجوف.
اغنياتو مع البرودة بطعمها ليكم اسحق الحلنقي.
عشان كدا نحن بنسفها ليكم بي جردلها.
الكلام وقع ليكم.
اصلو انتوا الكلام ما بقع ليكم إلّا اذا دخلوه ليكم في (جردل).
وجردوها ليكم من حروف الجر.
جنكم وجن حروف الجر.
كلو ولا حروف الجر.
حروف النصب خلوها.
حروف النصب شغالة شغل صاح.
تلقط في المال العام – ما خلت للشعب حاجة.
نهر النيل جففوه.
و…
لكن انت من صباح الرحمان تتحرفن لينا – وعامل فيها ما سمعت الخبر.
عملتها لينا كلها (اقابلك) واسحق الحلنقي ومحمد وردي.
طيب انت قلت وردي لمن يكون مزاجو رايق ببدأ الحفلة بي (اقابلك)..يعني
لمن يكون مزاجو ما رايق ببدأ الحفلة ب (سوات العاصفة في ساق التشيل
الني).
بالمناسبة الاغنية دي محمد علي ابوقطاطي عمل فيها عميلة …اخطر (جراح)
في العالم ما بقدر يعملها.
ما تقولوا لي كمال ابوسن.
وشنو ما عارف.
عندنا زول في الحلة بس من يشارك ليه في مناسبة بتجي تلقاه شايل ليه
(سندوتش طعمية) وبضرب ليك فيه.
يربط في اللمبة – تلقاه بيأكل في سندوتش الطعمية.
بملأ في البراميل موية بتلقاه بيأكل في سندوتش الطعمية.
بركب في الصيوان بكون شايل ليه سندوتش طعمية وبيأكل فيه.
شغال كدا.
تقول ليه تعال جيب التلج – يقول ليك دقيقة بس النحشي لي سندوتش طعمية.
المناسبة كلها بيأكل في سندوتشات الطعمية.
مفرمة بس.
وقت بنشوفو في مناسبة بنشيل لينا هم للطعمية.
الله يكون في عون الطعمية.
لكن الطعمية ما مشكلة.
الناس البضربوا (الطعمية) ما مشكلة.
الكلام الناس البضربوا المال العام.
المال العام عندهم زي (الطعمية).
ونحن هنا من مسكنتنا بنحاسب الزول على حبة الطعمية.
وناس بضربوا فيها بالمليارات.
بالله يا جماعة دي ما كارثة.
انتوا ذاتكم في اعمدتكم فلاحتكم بس في بلة جابر وخليفة وصديق علي صالح.
والناس الكبار اوي – ما قادرين تعملوا ليهم اي شيء.
ولا كلمة ما بتكتبوها.
والله نحن نلقى الحريات البنلقاها على بلة جابر دا – نعمل عمائل.
البلد دي كلها نعملها ليكم (بلة جابر).
البنجاملو شديد كدا بنعملوا ليكم (ضفر).
و…
(تاني شنو؟).
انت تعال هنا انت الليلة بتتهرب منت شنو؟.
اكيد ما عاوز تجيب سيرة للتمهيدي.
عامل لينا فيها حريف.
وزول مفتح.
وزول شفت.
الهلال ح يلعب (تمهيدي).
التمهيدي مالو عيبوه لي.
ريال مدريد هو ذاتو مرات بيلعب التمهيدي.
يا رجال.
ما قلتوا التمهيدي كعب.
التمهيدي اصلا كعب – ونحن ما بنغير رأينا.
ونحن كلامنا واحد.
التمهيدي يا مزمل ويا سلك ويا ابوشيبة ويا كابو ويا معاوية الجاك (عشان
احددها معاكم).
التمهيدي انتوا بتلعبوا فيه وتطلعوا منو.
نحن الحاجات دي ما عندنا.
نحن التمهيدي لو لعبنا فيه ما بنطلع من دور ال (64).
هسع يا مريخاب مع (عزام) دا ابقوا جاهزين للطلوع.
شكلكم بقول كدا.
كمان لاعبين لي مع باريس سان جيرمان.
الشافكم عملتوا سيكافا في الكاملين السنة دي ما كضب.
و…
انتوا تعالوا انا العمود الطويل دا كلو جبت فيه سيرة (ساردين).
ابدا.
طيب مالكم فاتحين لي خشومكم كدا؟.
من باريس سان جيرمان الي عزام.
يا نميري استلم.
و…
وانتهى…

انقر هنا لقراءة الخبر من مصدره.