سودارس :

القوز يقرر السفر إلى دنقلا ومواصلة المشوار لاعب منتخب السودان يتخوّف من فشل منظومة ويتمسّك بالخيار الوحيد الدب.. حميدتي لعبة الوداعة والمكر ⛔ قبل أن تحضر الفيديو أريد منك تقرأ هذا الكلام وتفكر فيه إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته إجتماع بسفارة السودان بالمغرب لدعم المنتخب الوطني في بطولة الأمم الإفريقية بولس : توافق سعودي أمريكي للعمل علي إنهاء الحرب في السودان البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

دق الدلجة
محمد عبد الماجد
شالكا (الايطالي)..انت قايلها (بيتزا) يا عبدالصمد
الدكتور – عاين لي نتيجة الفحص ..وعاين في عيون المريض.
العلاقة بين النتيجة والعيون 6 – صفر لصالح نتيجة الفحص.
زي كأنو عاوز يعمل مقارنة بين النتيجة وعيون الزول.
مرات في دكاترة بدخلو في حاجات ما بتخصهم ..يقعدوا يعملوا ليك مقارنات
بين النتيجة والعيون لمن يوهموك.
تقول ماشين ليهم في وفد عقد.
الدكتور اضاف بلغة مختصرة وهو يتحدث مع المريض..قال ليه : (معاك مرافق هنا).
المريض قال ليه معاي (الولد) يا دكتور ..معاي ولدي.
الدكتور قال ليه بس جيب لي ولدك دا ..عشان في (حقن) لازم يأخدها ولدك.
الاب ..انفصم ليك في الدكتور ..وقال ليه ولدي ذنبي شنو عشان يأخد الحقن
وابوه المريض؟.
معقولة الطب في السودان اتراجع للدرجة دي…اكون انا المريض ..العلاج
يأخدو المرافق.
المرافق ذنبو شنو؟.
في دكاترة بركزوا في المرافق ..اكتر من تركيزهم في المريض.
ومرات في دكاترة بقولوا ليك والله المريض ما فيه امل ..جيبو لينا المرافق.
نظام قنعو من المريض.
مرة دخلنا غلط.
واقفين زي الساعة اتناشر.
الرجل دخل للجزارة ..وقال لصاحب المحل الكيلو بي كم؟.
صاحب الجزارة قال ليه الكيلو ب (80) جنيه ..لكن كيس الفحم دا ب (15) جنيه.
في زول سألك.
في زول سألك من الفحم.
الرجل اتفصم ليك في (الجزار) ..وقال ليه انا هسع سألتك من (الفحم) – في
زول في الجماعة ديل كلهم جاب ليك سيرة للفحم ..مالك انت عاوز تغلط معاي؟.
مالك انت عاوز تجيب لي نفسك الغلط.
انا الموضوع دا ممكن اكتل فيه.
اوعك.
الجزار قال ليه..يعني (اللحمة) البتشيلها دي ح تشربها شراب …لازم تديها النار.
الرجل قال ليه انت مالك اشربها وإلّا ابلعها (كبسولات)؟..يمكن عندنا
(غاز) يمكن انبوبتنا ما قطعت.
في زول من جماعة الخير ادخل عشان يهدي النفوس.
عشان يروق المنقا شوية ..قال ليهم يا جماعة ألعنوا الشيطان – هسع
(الفحم) ذنبو شنو؟.
يعني انت همك بس في (الفحم).
الناس في شنو والروس في شنو؟.
واحد مشى السوق ..لقى ليه ولد شايل ليه ساعات بيبع فيها؟.
زولكم قال للولد ..يا ولد الساعة كم؟.
الولد قال ليه الساعة 75 الف جنيه.
صاحبكم قال ليه كمان (الوقت) بقيتو تبيعوه.
الوقت زمنا كان بالساعة والدقيقة والثانية ..هسع بقيتو الوقت بالجنيه.
…قاعدين ..في امان الله.
ولا عاوزين نفطر.
ولا بنفكر لينا في (باسطة).
واحد مننا قال نمشي للحلاق.
فكرة اتبلورت لينا فجأة كدا في الرؤوس.
فجأة كدا قررنا نمشي لينا صالون حلاقة – يمكن تجي (مطرة) الظروف ما معروفة.
رغم انو ما في علاقة بين المطر والحلاقة…لكن قلنا نأخدها من قاصرها
ونمشي الحلاق.
السما شايل.
مشينا الحلاق.
اول واحد قعد في الكرسي ..الحلاق عاين ليه سمح وقال ليه معليش ممكن
تطلع (الخاتم) من اصبعك ، عشان اعمل ليك القطعية.
صاحبكم غضب ليك في الحلاق ..وقال ليه علاقة الحلاقة باخراج الخاتم من اصبعي شنو؟.
انا عاوز اخطب.
انا داخل حلاقة وإلّا داخل بديل في مباراة…مالكم انتوا عاوزين تجنوني.
انت حلاق وإلّا حكم رابع.
الخاتم ذنبو شنو؟.
مرات بتكون في المطار.
قاعد في صالة المغادرة.
عاوز تسافر.
زيك وزي اي زول.
عاوز تغادر – دي فيها حاجة.
يقوم واحد من المغادرين ..بدون مناسبة كدا يقول ليك شفت الفرنسي داك.
تقول ليه ياتو فرنسي؟.
يقول ليك الفرنسي الواقف في الجوازات داك.
تقول ليه ايوا شفتو …مالو؟.
يقول ليك الفرنسي دا ما قريبي.
تقول ليه اول القال ليك قريبك منو؟…مالك انت يا زول؟…تعزل ليك
فرنسي من عشرين فرنسي ..عشان تقول لي الفرنسي دا ما قريبي.
زي كأنو باقى الفرنسيين ديك من اهلك.
الفرنسي ذنبو شنو؟.
العجور.
العجور مالو؟.
العجور لو اضفتو لي عصير البرتقال ..ما بعمل ليك اي اضافة.
لا العجور ولا الفجل.
العجور عرفناه.
الفجل ذنبو شنو؟.
لو مشيت عشان تجيب ليك كهربة.
الكهربة انتهت.
بتاع الكهربة ..بقول ليك عندك (3) شهور متأخرات موية.
انت بدون ما تشعر ح تقول ليه والموية ذنبها شنو؟.
في زول سألك من الموية.
الدخل الموية مع الكهربة شنو؟.
لو ما الحكومة دي عاوزة ليها مشاكل ساكت.
لمن تمشي ليك مناسبة ..الطبيعي والمنطقي ..تسأل من العريس.
في واحد مننا وقت يمشي ليه عرس ..ما بسأل من العريس.
عارفين زولكم بيسأل من شنو؟.
صاحبكم بيسأل من ام العروس.
فهمو للموضوع دا ناتج من انو ام العريس بتكون ماسكة اي حاجة.
تلقاها رابطة مفتاح المخزن في رقبتها.
ما في قزازة بارد واحدة بتطلع من غير ما تمر عبرها.
عشان كدا خدها من قاصرها.
غارزيتو في محسن سيد بعمل في نفس النظرية.
غارزيتو الشفت اتخلص ليك من برهان وتية ..وقبل ليك على محسن سيد.
برهان تية رسلوها ليك في البرد دا الى زنزبار عشان يتابع مباريات
(عزام) التنزاني.
برهان تية لو راقب ليكم الرابطة كوستي ما قصر معاكم.
كمان عاوزنو يراقب ليكم (عزام).
بعدين برهان تية لو بيعرف يراقب (عزام) كان بقى (مدير فني) ما كان بقى
المدرب العام.
المهم غارزيتو اتخلص من برهان تية ..وقبل ليك على محسن سيد.
مرة يقول ليك تقوم من اربعة صباحا تجهز الكور.
ومرة يقول ليه تمشي الملعب قبل ساعة من التمرين.
تقول لباني.
عليكم الله في مدرب بعمل البعمل فيه محسن سيد دا.
اخر تقليعات غارزيتو …انو قال محسن سيد ما يسافر معانا بورتسودان.
قالوا ليه : ليه يا كوتش؟.
قال ليهم عشان يمسك تدربيات ناس أحمد بابكر وايهاب زغبير.
تقول المريخ عاوز يقعد شهر في بورتسودان.
المريخ سافر امس مساء الى بورتسودان وح يرجع اخر هذا اليوم ..او في
الصباح الباكر من الغد.
يعني ما في اي داعي محسن سيد يقعد يحرس ليكم الخرطوم دي.
خلوه يشم هوا شوية.
مالكم حارموني من بورتسودان – الايامات دي بورتسودان فيها هوا يرد الروح.
كمان (الهوا) دي مستكترنو على محسن سيد.
لو في زول مفروض يقعد …عشان يتابع تمارين المبعدين من السفر ..فهو
مدرب الاحمال ابن غارزيتو.
ما معقول يسافر مدرب الاحمال ويقعد مساعد المدرب.
علما ان برهان تية اصلا مبعد من المريخ.
لكن محسن سيد شفت.
محسن سيد ما زي برهان تية.
محسن سيد عارف ليك حركات غارزيتو دي.
عشان كدا محسن سيد رفض عدم السفر الى بورتسودان.
وقال لازم يسافر بورتسودان.
البقعدو شنو كمان؟.
لكن صدقوني …عمر محسن سيد قصير في المريخ.
الجهاز الفني دي ح يتصفى على غارزيتو وابنو.
والله يستر.
الله يستر على عبدالصمد.
عبدالصمد القال شالكا الايطالي!!.
انت فاكرها (بيتزا) يا عبدالصمد.
…………
و
عبدالصمد منتشر في رئاسة كل بعثات المريخ.
اي بعثة رئيسها عبدالصمد.
حتى البعثة الى اتجهت الى بورتسودان.
داخلي وخارجي.
عبدالصمد ما يكون فاكر كمبالا سيتي دا فريق فرنسي.
واظن الموضوع واضح من (كمبالا) يا عبدالصمد.
عشان ما تقعد تلخبط لينا ساكت.
نحن ما كنا فاكرين موضوع بكري المدينة دي بجهجهكم كدا.
خلاكم ..ابطاليا من المانيا ما تفرزوها.
و….
السيدة (ل)..التلفون وقت يكون مقفول ..ختي في بالك يمكن الموضوع يكون من الشبكة.
و..
وقرّض على كدا.

انقر هنا لقراءة الخبر من مصدره.