سودارس :

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كورة سودانية نشر في كورة سودانية يوم 19 - 12 - 2014

محمد عبد الماجد
دق الدلجة
جمال سالم … المباراة القادمة يجينا بي (قفتو)
خلاص ..نحن فترنا من المجاملات.
نمشي الاستاد يقولوا لينا موقف المواصلات حولوه السكة الحديد.
نتكركر كلنا كدا.
نمشي السكة الحديد ..يقولوا لينا الموقف رجعوه لي (جاكسون).
نمشي جاكسون يقولوا لينا في (كركر).
نمشي (كركر) ..يقولوا لينا المريخ (اتعادل).
تفتكروا تعادل المريخ دا عندو علاقة بتحويل مواقف مواصلات.
انتوا ذاتكم القال ليكم حولوها منو؟.
انتوا ما عارفين تحويل المواقف دا بلخبط بلة جابر.
قالوا ليك بلة جابر يكون ماشي الكلاكلة يلقى نفسو راكب مواصلات الثورة بالنص.
بتلخبط.
لو ما بتلخبط بلة جابر دي وقت يعملوا فيه (ضربة جزاء).
في مدافع عاقل كدا في الدنيا دي ..يعمل ليه ضربة جزاء في الاسبوع الثالث.
انت يا بلة عاوز تمشي في (يونيو) الماشي علينا دا لي مريخ الفاشر.
مرة لقيت لي بص من بصات الوالي مكتوب فيه (ما قالوا عليك حنين).
طوالي شلت العبارة دي ونزلتها ليك في (تعادل) المريخ والاهلي الخرطوم امس.
طلعت نفس المقاس.
فترنا نحن من التصبيرات.
فترنا من المنطق بتاع الملوخية المفروكة ..ما تقوم منها سريع.
ما كعبة معاك.
اسكت اضرب.
فترنا من نتائج الفحص دي.
والغشغشة البنعمل ليكم فيها دي.
نخلي شغلتنا دي ..ونقعد نصبر في الناس.
الدنيا دي اصلها كدا.
والكورة مجنونة.
والعراضات.
وبكري المدينة يشيل ويشوت في (الكشافات).
هسع بكري المدينة دا براهو كدا ما بحرق القلب.
في زول يجيبوه من الهلال عشان يقعد يضيّع في الكور.
انتوا لو عاجبكم اضاعة الكور دا ..ما كان تخلو (عنكبة).
عاجبكم عنكبة يعني عشان تجيبو عليه بكري المدينة.
انتوا ناقصين اضاعة كور.
الكشافات.
الكشافات مالها؟.
الكشافات دي ذنبها شنو؟.
عشان عنكبة يقعد يضيّع.
وبكري المدينة يقعد يضيّع.
الحقني يا تراوري ..ألحقني.
شوفوا تراوري دا لو عندو مشكلة حجز ..شوفوا ليه طيارة خاصة.
قبل التعادل التالي.
او كلموا الاتحاد ..تمشوا تشاركوا ليكم في (سيكافا) برة وترجعو تاني.
بكري المدينة الكورة البضيعها بتهرد الفشفاش.
زولكم دا تقول ..شغال في (المعاشات)..قدر ما تمشي ليهم يقولوا ليك تعال بكرة.
عاوز اعرف بس السيد بكري المدينة ابو (3) مليارات دا ..عاوز يجيب ليه قون متين؟.
انت يا بكري المدينة قروشك دي سلموها ليك في (الكشافات)؟.
عندك علاقة قرابة مع (الكشافات).
في جزء من المبلغ دفعو ليك (كشافات).
زولكم يشيل ويطلع في الكورة من القون.
امس قالوا ليك بكري المدينة قدر ما وصل مرمي الاهلي ..بقبل شرق ويشوت
الكورة في (الكشافات).
انا غايتو حسب فهمي دا ..خايف بعد كورة امس ..ناس المريخ يمشوا هم للفيفا.
براهم يتجرجروا.
براهم يشوفوا ليهم محامي فرنسي.
ويدفعوا الرسوم ..ويمشوا لوزان.
انا خايف ..مزمل ابوالقاسم يقوم ينفعل كدا ويقول المسح الايميل بتاع
بكري المدينة منو؟.
خايف مزمل براهو كدا يقوم يتبرع من نفسو ويقول تسجيل بكري المدينة في
المريخ ما صحيح.
تستاهل يا اسامة عطا المنان.
عشان تصلحو للمريخ.
اها (اهليكم) ..جاء عملها فيكم.
واكرم الهادي سليم ..القلتوا ما بمسك ليه كورة ..امس طلع نجم المباراة.
ناس المريخ بعد البعمل فيه بكري المدينة دا مفروض يسبقوا الهلال في
شكوتهم للفيفا.
يقوموا براهم يشتكوا (بكري المدينة).
يقولوا بطيّر الكور.
يقولوا ما مركز.
يقولوا مشكلتو (الكشافات).
شوفوا ليه دكتور عيون ..عشان يقرب ليه (الكشافات).
بكري المدينة ..حلو الوحيد يتخيل المرمى (كشافات)..لو اتخيل الموضوع دا
..ممكن يجيب ليه قون.
غير كدا ما عندكم حل.
ولا عندكم طريقة.
ولا تعشموا.
قلنا ليكم زمان نحن.
قلنا ليكم بكري المدينة دا ..القون في المباراة بجيبو تاني يوم.
بعد ما الجريدة تمشي المطبعة.
والحكم يرجع دنقلا.
الظروف صعبة.
خلاص ما تجرسوا.
تعادل وبفوت ..(طبعا بنصبر فيهم).
بنغشغش فيهم.
تعادل والسلام.
اي فريق بتعادل.
يعني شنو؟.
اصلها (ازمة الغاز بتعمل) كدا.
التعادل دا يكون من (ازمة الغاز).
اصلو من البداية انا ازمة الغاز دي ما واقعة لي.
ولا داخلة رأسي.
قالوا ليك لمن تكون في ازمة غاز في انجلترا …(مانشيتسر يوناتيد) ذاتو
قاعد يتعادل.
يعني بقت على تعادلكم.
التعادل ما من غارزيتو.
ولا من جمال سالم.
التعادل من (ازمة الغاز).
خلاص ما تشيلوا هم.
كلموا اعلام المريخ – يكتب ليكم في الموضوع دا.
مالكم انتوا.
قولوا كدا.
ما في زول بيسألكم.
نحن الهلالاب ما بنقول ليكم حاجة.
المريخاب ديل يصدقوا في جمال الوالي (12) سنة ..يعني بقت على مباراة أمس.
قولوا ليهم اي حاجة ..بصدقوكم.
لو ما صدقوكم..اعملوا ليهم (طابق).
ان شاءالله تعملوا ليهم (برج حمام).
بعدين انتوا لو عاوزين ليكم منطق كدا …حكم الراية دا امس ما عجبني.
حكم الراية دي زي العندو (وجع ضرس)..عشان كدا برفع في رايتو من غير اي سبب.
جماعتنا ديل ..كل ما يتعادلوا ..نقعد نصبر فيهم.
نقعد نكضب ليهم ..عشان ما ينفقعوا فينا (بكا).
نحن (البكا) ذاتو فترنا منو.
الموسم كلو يعيطو.
نحن ذنبنا شنو؟.
قلنا ليكم محسن سيد دا..ما يزعل.
لو زعل محسن سيد ..غارزيتو براهو ما بقدر يتحمل ليه مسؤولية مباراة.
الزول دا كبر في السن.
سنو اتقدمت.
غارزيتو قالوا ليك امس للدقيقة (83) فاكر المريخ متقدم بهدفين دون رد.
وفاكر المريخ البلعب قدامو دا ..الهلال.
عشان كدا مطمئن للاخر.
انت يا غارزيتو فاكر عندك (بشه).
انت يا غارزيتو قايل عندك (نزار حامد).
انت يا غارزيتو قايل عندك (كاريكا).
الكلام دا في المريخ ما في.
ناس بلة جابر …وجمال سالم…ديل لو غالبين خمسة ..ما مضمونين.
كمان نحن ما بنعرف المريخ.
فريق كبير.
ومدرب كبير.
وغالبين الشوط الاول 2 / صفر.
البخليكم تتعادلوا شنو في الشوط التاني؟.
مالكم حارسين ليكم مخزن سكر.
عندكم مشكلة في (مروحة).
ناس الريح علي تقول في الشوط الثاني كان عندهم (سماية).
في فريق يجيبو فيه قون في الدقيقة 23 من الشوط التاني.
ويجيبوا القون التاني في الدقيقة 25 من الشوط التاني.
دي فريق كبير ما بعملها.
الناس ديل في الاستراحة بين الشوطين الظاهر عليهم مشوا تقلوا في (الحلبة).
الشغل دا شغل .. ناس تقلوا في (الحلبة).
واحتمال ..يكونوا لقوا ليهم (قراصة) تقيلة كدا ضربوها.
اصلو ناس الريح علي ديل ..الحاجات دي ما بعيدة عليهم.
الطريف ..والحاجة البتبسط الزول ..بلة جابر عمل ليه (ضربة جزاء).
غايتو يا بلة انت كل ما بتمشي كبير …ننحن بننبسط منك اكتر.
زول يلعب امام بايرن ميونخ.
ويلعب امام شالكه.
ويجي يعمل ليه ضربة جزاء امام الاهلي الخرطوم وفي الرد كاسل كمان.
فايدة بايرن موينخ شنو؟.
فايدة شالكه شنو؟.
معسكرين ليكم (45) يوم ..وكل مرة ناس قناة النيل الازرق يجيبو فيكم.
ما فاضل ليهم إلّا يجبوكم مع السر أحمد قدور في (اغاني واغاني)..وتجوا
بعد دا تتعادلوا.
انتوا عندكم مشكلة في (المرارة).
عندكم مشكلة في (الطوحال).
عندكم مشكلة في (البنكرياس).
عليك الله …(البنكرياس) دا ما تجيبوا لينا هنا.
كفاية علينا التعادل.
شبكتنا بنكرياسات ..لمن الباعوضة قددت جسمنا.
هسع عليكم الله في علاقة بين الباعوضة والبنكرياس.
اقول ليكم حاجة التعادل دا سببو باعوض الكلاكلة.
قالوا ليك الكلاكلة فيها باعوض ..الواطة من تمغرب ..بتلقى الباعوض فاتح
(روتانا سينما) وقاعد يحضر في الفيلم.
……….
و
عاطف لاعب الاهلي شندي السابق ومشجعه الكبير امس في شندي يكون مبسوط للاخر.
في شندي غلب 3 / صفر.
وفي الخرطوم اتعادل.
الاهلي يعمل ليكم شنو اكتر من كدا..يتقطع ليكم.
ماشه معاكم باسطة.
ما عاوزين نتفاصح شديد.
عشان نحن ذاتو الليلة عندنا مباراة صعبة.
خلونا نتجاوز مباراة اليوم ان شاءالله ..ح نقبل ليكم على تعادلكم دا.
امس طبعا قالوا ليك جمال سالم وامير كمال لخبطة شديد.
واحد يطلع من القون ..والتاني بطلع من شعورو.
جمال سالم دا ..قلنا ليكم لا حارس ولا حاجة ..ما يغشكم ساكت.
خلوه المباراة القادمة ..يجينا بي (قفتو).
في تلاتة مباريات..شباكتو استقبلت تلاتة اقوان.
دي اقوان ولّا طماطم.
زولكم دا واقف ليه في (ملجة).
يكون فاكرها قلبت (بطيخ).
كدا اتبنوه.
الله يستر من ملعب استاد الخرطوم.
وان شاءالله الهلال ينتصر اليوم.
….
السيدة (ل)..القرع لمن يفكها في نفسو ..بعمل فيها بطيخ.
و…
وقرّض على كدا.

انقر هنا لقراءة الخبر من مصدره.