سودارس : كدا اخلفوا الجرة

قالت إنّها خرجت من آلية تحديد أسعار الوقود..الطاقة تكشف تفاصيل 20 باخرة في محيط البحر الأحمر شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) شاهد بالفيديو.. الفنانة هدى عربي تخلع حذائها أثناء الحفل وتدخل في وصلة رقص مثيرة اختبار نسخة مدفوعة جديدة من "إنستغرام" "آبل" تستعد لإطلاق أول آيفون قابل للطي النفط ينخفض 1% بعد تقرير ترامب إنهاء حرب إيران "يغفر الله للجميع إلا باجيو!".. مأساة اللاعب الذي مات واقفا – فيديو عيد ميلاد إيمى سمير غانم.. خطوات ثابتة واختيارات مدروسة فى مسيرتها الفنية قرار لحكومة السودان بشأن معبر أدري قيادي بحزب المؤتمر الوطني يحسم جدل مثير صبري محمد علي (العيكورة) يكتب: *هذا ما قاله لي وزير التعليم العالي والبحث العلمي ظهر اليوم* عثمان ميرغني يكتب: فساد.. الفساد.. والي الخرطوم يوجه وزارة التخطيط العمراني بتطبيق القوانين وتسريع إجراءات معاملات الأراضي جهاز المخابرات العامة يدشن مبادرة العودة الطوعية للاجئين السودانيين من مصر إكتمال فتح الطرق والشوارع الداخلية بمنطقة وسط الخرطوم ارتفاع جديد في أسعار الوقود بالخرطوم شاهد بالفيديو.. رمى عليهم عبوة ناسفة وهرب.. جنود بالدعم السريع يضبطون مرتزق من جنوب السودان في وضع مخل مع سيدة داخل "راكوبة" بمدينة الفولة شاهد بالفيديو.. فنان "ربابة" سوداني يثير تفاعل الجمهور بعد ترديده أغنياته الشهيرة (صورة وصوت) في حفل حاشد بالسعودية الهلال يواجه أُماجوجو لتوسيع فارق الصدارة شاهد بالفيديو.. داخل حرم إحدى المدارس.. والي النيل الأبيض ينفعل على وزير التربية والتعليم ويحظى بإشادة الجمهور: (لن أذهب حتى ينتهي البناء) الأهلي يخسر من ساردية بدوري شندي (أماجوجو والنقطة 54) برشلونة يتلقى دفعة معنوية قبل مواجهة أتلتيكو مدريد شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي كريم عبد العزيز وفريق مطلوب عائليا يبحثون عن دولة أوروبية للتصوير الخارجى أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم مصر.. الدولار يقترب من 54 جنيها لأول مرة سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كدا اخلفوا الجرة

كورة سودانية نشر في كورة سودانية يوم 25 - 02 - 2015

محمد عبد الماجد
دق الدلجة
كدا اخلفوا الجرة
ناس المريخ ..كملوا الثروة الحيوانية بتاعة البلد ..كل ما تحصل ليهم
(نكسة) يجيبوا ليهم (خروف) يضبحوا في الاستاد.
متعودة دائما.
والخروف ما عندو اي ذنب.
بفتكروا (الدم) دا ممكن يفك نحس المريخ.
جماعتكم بعيد عننا ..كل مرة بطلعوا من دور ال (64).
يمشوا يعسكروا في (قطر)..ويلعبوا امام (بارين ميونخ) ويقولوا معسكر
المريخ هذه المرة كان معسكر نموذجي.
وهاك يا غزل.
وهاك يا تألق.
والمريخ استفاد من تجارب الاعوام السابقة.
يلعبوا ليكم امام (بارين ميونخ) ويرجعوا يتفاصحوا لينا.
يقوموا اول حاجة يعملوها بعد (الرجعة) يطلعوا من (التمهيدي) من دور ال (64).
متعودة دائما.
يمين الله (بارين ميونخ) راح ساكت.
تقول كانوا بلعبوا امام بايرن ميونخ في قوز رملة.
السنة الماضية طلعوا من دور ال (64)..والهلال فاز بالممتاز.
جماعتكم وقت يتعصروا بيشاركوا في (سيكافا).
متعودة دائما.
السنة الماضية المريخ من الورطة الدخل فيها شارك في سيكافا مرتين.
المرة الاولى نظم سيكافا وطار منها من دور التمانية.
متعودة دائما.
يا جماعة فريق بطير من سيكافا البنظمها ..تفتكروا بكون عندو قدرة على
التأهل في البطولة الافريقية على حساب عزام.
المريخ طار من دور التمانية ..قاموا بعد (6) شهور ..الاتحاد العام
لكورة القدم السوداني قرر ايقاف بطولة الدوري الممتاز.
عشان شنو؟.
عشان المريخ تاني قرر يشارك في سيكافا.
متعودة دائما.
شاركوا في سيكافا بعد (6) شهور من تنظيمها.
انتصروا على فريق (بنبر) الصومالي وجابوا الكأس ..ورجعوا فرحانين بالكضبة دي.
قالوا سيكافا بطولة.
قلنا ليهم لو بطولة بالجد ..ح نشوفوها في الممتاز ..شيلوا الممتاز.
عليكم امان الله ..الهلال العام الماضي تعاقب على جهازه الفني (8) مدربين.
شيء اجانب وشيء سودانيين..كل مدرب يمسكنا شهر ونص.
مع ذلك الهلال فاز بالممتاز.
متعودة دائما.
السنة دي المريخ مشى عسكر في القاهرة.
ومشى عسكر في قطر.
ولعبوا امام شالكا الالماني.
وجاوا راجعين ..لعب معاهم الهلال على درع الاستقلال ..الهلا فاز بالدرع.
رغم ان الهلال جدد فريقه كليا ..ابعد المعز محجوب وعمر بخيت ومهند
الطاهر وبكري المدينة.
جميعهم غادر الهلال.
ظهر في الهلال وليد علاءالدين واطهر الطاهر ومحمد عبدالرحمن…مع ذلك
الهلال فاز بالدرع.
لا لعبنا امام بارين ميونخ.
ولا لعبنا امام شالكا.
ولا شاركنا في سيكافا.
بدينا الموسم بي درع الاستقلال.
المريخ كان قد اضاف الى كشوفاته بكري المدينة ..وجابوا غارزيتو وابنو
العارفين اي حاجة في السودان.
مع ذلك المريخ يرجع الى الوراء.
المريخ اتهزم امام عزام 0 / 2.
متعودة دائما.
وجاء المريخ وخسر امام مريخ الفاشر 0 / 1 مع ذلك المريخ عشمان يتأهل
لدور ال (64).
بكري المدينة ..لمن نسيناه ..لو ما ضيّع ضربة جزاء امام مريخ الفاشر ما
في زول كان بتذكرو.
بكري المدينة ضيّع المريخ في الدوري الممتاز.
وغارزيتو ضيّع المريخ في البطولة الافريقية.
ح يجي المريخ بعد غارزيتو وبكري المدينة وشالكا ويطلع من دور ال (64).
يقوموا يطيروا تاني.
زي كل عام.
متعودة دائما.
عندنا زول في الحلة ..امتحن (13) مرة الشهادة السودانية ..في كل مرة
يمتحن فيها صاحبكم دا كان بيجيب (67).
متعودة دائما.
ما بزيد درجة.
تشوفو نازل من حافلة لي حافلة بي كتبو.
وطالع من معهد لي معهد.
بي كتبو.
قاعد يذاكر للساعة اتنين صباحا.
اجتهاد جد.
كورسات ودراسة للصباح …مع ذلك زولكم كل مرة بجيب (67) درجة.
ما بيزيد درجة.
حال الطالب دا ..زي حال المريخ.
يعسكر (40) يوم.
شيء القاهرة.. وشيء الدوحة.
ويلعب امام بايرن ميونخ.
ويلعب امام شالكا.
وينظم سيكافا.
متعودة دائما.
ويجيب مرات فريق الاهلي القاهري في الخرطوم عشان يلعب مباراة في تكريم
جمال الوالي.
وجمال الوالي يفوز بجائزة اكثر رئيس نادي عربي شعبية في الوطن العربي.
اصاحبكم بعد الكلام دا كلو بجوا ويطلعوا من دور ال (64).
من التمهيدي.
متعودة دائما.
المرة دي عملوها ظاهرة.
عملوها شنية شديد.
جماعتكم ديل ..تتخيلوا بعد (التمهيدي) البعملوا فيه دا ..المرة دي
اتغلبوا من مريخ الفاشر في استادهم.
الكلام دا حصل في الخرطوم هنا ..ما حصل في النقعة.
خلوني هسع نسأل ناس الاتحاد العام.
ونسأل اللجنة المنظمة.
نسأل الحكم والمراقب.
لو كان المريخ بيلعب في الفاشر في استاد (النقعة)..قام جمهور مريخ
الفاشر قال ما عاوزين (شرطة) في الملعب.
قامت الشرطة كتر خيرها طلعت من الملعب ..هل سوف يكمل المريخ العاصمي
المباراة؟ ..ام سيرفض يلعب المباراة من غير تأمين.
الاكيد ان المريخ العاصمي كان لن يلعب المباراة.
الشيء الغريبة ..ان حكم المباراة ..عمل اي حاجة للمريخ.
حسب ليهم ضربة جزاء من الدقيقة العاشرة من عمر المباراة.
متعودة دائما.
بكري المدينة تقول (موقف) قام ضيّع ضربة الجزاء.
متعودة دائما.
حسن كمال بدون ضربة جزاء.
وبدون جمهور.
وبدون شرطة.
وبدون (3) مليار جنيه ..جاب ليك هدف في المريخ.
ومن غير معسكر في قطر.
او مباراة مع شالكا.
من غير الحاجات دي كلها حسن كمال جاب قون في المريخ.
البمبان دور ليك.
الحاصل شنو؟.
قالوا هدف حسن كمال صعب.
هدف حسن كمال ضد التسامح واللعب النظيف.
ضد الاخلاق الحميدة.
طلعوا ليهم الشرطة.
وطردوا ليهم كرنقو..بعد دا ما عادلوا النتيجة.
متعودة دائما.
عليكم الله ..الجماعة ديل بعد الحاجات دي كلها اتغلبوا من مريخ الفاشر
..بتتوقعوا منهم يغلبوا ليكم (عزام).
ويصعدوا.
اقول ليكم حاجة ..اكسروا الحظ.
اخلفوا الجرة.
شيلوا جمال الوالي ورجعوا ود الياس.
انتوا جربتوا جمال الوالي دا 12 موسم.
في 12 موسم فزتوا بالممتاز ثلاثة مرات.
وطلعت كم مرة كدا من التمهيدي.
جمال الوالي في (سيكافا) ممكن ينجح.
ممكن يعمل اي حاجة.
ما عندو مشكلة.
قادر على تنظيم سيكافا تلات مرات في الاسبوع.
لكن يا جماعة لا البطولة الافريقية ..ولا الدوري الممتاز جمال الوالي
بقدر يعمل ليكم فيه حاجة.
كأس السودان ممكن.
لكن اصلو ما اكتر من كدا.
ولا تفكروا في شيء اكبر من دا.
عشان كدا ..يا جماعة كوّنوا لجانكم من الآن لي سيكافا.
كوّنوا البعثة.
وخلوا متوكل أحمد علي يكون رئيس البعثة ..عبدالصمد كفاه.
معقولة السنة كلها عبدالصمد رئيس البعثة.
متعودة دائما.
قلنا ليكم اكسروا الحظ.
اخلفوا الجرة.
بعدين عشان نكون واضحين معاكم ..كلموا جمهوركم ..وقولوا ليهم لو عزام
جاب الهدف الاول ما تغضبوا.
لو جاب الثاني ما تغضبوا.
لو جاب الثالث ما تغضبوا.
لو جاب الرابع ما تغضبوا.
الموضوع عادي..ما عاوزين لينا (بمبان) تاني.
الاتحاد العام هنا بفوت ليكم الحاجات.
متعودة دائما.
ومريخ الفاشر ..ما عندو قضية.
حركاتكم العملتوها امام مريخ الفاشر دي لو عملتوها امام (عزام) تاني
عشر سنوات ما بتلعبوا في البطولات الافريقية.
سيكافا ذاتها بحرموكم منها.
عشان تبقوا عارفين.
والمواضيع تبقى ليكم واضحة.
……………..
و
امس كانت الذكرى الثامنة لرحيل بابا الهلال الراحل الطيب عبدالله ،
زعيم امة الهلال.
الطيب عبدالله استطاع ان يخلق ارث (ادري) نفتخر به في كل عام.
مازالت سيرة الطيب عبدالله في الهلال هى السيرة الاعظم.
حتى الاهلي القاهري لا يقف في ذكرى الراحل صالح سليم ..اعظم رؤساء الاهلي.
لكن الهلال يقف عند الطيب عبدالله.
لأن الطيب عبدالله اعظم.
نسأل الله الرحمة والمغفرة للطيب عبدالله.
………
السيدة (ل)..ما في علاقة بين اغلاق كوبري المنشية وارتفاع سعر كيلو
الفراخ..ما في اي علاقة والله.
وقرّض على كدا.

انقر هنا لقراءة الخبر من مصدره.