سودارس : الكتابة عن نادي (داليان شيدي) الصيني

السودان الافتراضي ... كلنا بيادق .. وعبد الوهاب وردي إبراهيم شقلاوي يكتب: يرفعون المصاحف على أسنّة الرماح د.ابراهيم الصديق على يكتب:اللقاء: انتقالات جديدة.. لجنة المسابقات بارقو توقف 5 لاعبين من التضامن وتحسم مباراة الدوم والأمل المريخ (B) يواجه الإخلاص في أولي مبارياته بالدوري المحلي بمدينة بربر الهلال لم يحقق فوزًا على الأندية الجزائرية على أرضه منذ عام 1982…. شاهد بالفيديو.. لدى لقاء جمعهما بالجنود.. "مناوي" يلقب ياسر العطا بزعيم "البلابسة" والأخير يرد على اللقب بهتاف: (بل بس) شاهد بالصورة والفيديو.. ضابطة الدعم السريع "شيراز" تعبر عن إنبهارها بمقابلة المذيعة تسابيح خاطر بالفاشر وتخاطبها (منورة بلدنا) والأخيرة ترد عليها: (بلدنا نحنا ذاتنا معاكم) لماذا نزحوا إلى شمال السودان جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة شاهد بالصور.. المذيعة المغضوب عليها داخل مواقع التواصل السودانية "تسابيح خاطر" تصل الفاشر جمهور مواقع التواصل بالسودان يسخر من المذيعة تسابيح خاطر بعد زيارتها للفاشر ويلقبها بأنجلينا جولي المليشيا.. تعرف على أشهر التعليقات الساخرة أردوغان: لا يمكننا الاكتفاء بمتابعة ما يجري في السودان مناوي .. سلام على الفاشر وأهلها وعلى شهدائها الذين كتبوا بالدم معنى البطولة وزير الطاقة يتفقد المستودعات الاستراتيجية الجديدة بشركة النيل للبترول المالية توقع عقد خدمة إيصالي مع مصرف التنمية الصناعية أردوغان يفجرّها داوية بشأن السودان اللواء الركن"م" أسامة محمد أحمد عبد السلام يكتب: الإنسانية كلمة يخلو منها قاموس المليشيا وزير سوداني يكشف عن مؤشر خطير شاهد بالصورة والفيديو.. "البرهان" يظهر متأثراً ويحبس دموعه لحظة مواساته سيدة بأحد معسكرات النازحين بالشمالية والجمهور: (لقطة تجسّد هيبة القائد وحنوّ الأب، وصلابة الجندي ودمعة الوطن التي تأبى السقوط) بالصورة.. رجل الأعمال المصري نجيب ساويرس: (قلبي مكسور على أهل السودان والعند هو السبب وأتمنى السلام والإستقرار لأنه بلد قريب إلى قلبي) إحباط محاولة تهريب عدد 200 قطعة سلاح في مدينة عطبرة السعودية : ضبط أكثر من 21 ألف مخالف خلال أسبوع.. و26 متهماً في جرائم التستر والإيواء الترتيب الجديد لأفضل 10 هدافين للدوري السعودي «حافظ القرآن كله وعايشين ببركته».. كيف تحدث محمد رمضان عن والده قبل رحيله؟ محمد رمضان يودع والده لمثواه الأخير وسط أجواء من الحزن والانكسار وفي بدايات توافد المتظاهرين، هتف ثلاثة قحاتة ضد المظاهرة وتبنوا خطابات "لا للحرب" أول جائزة سلام من الفيفا.. من المرشح الأوفر حظا؟ مركزي السودان يصدر ورقة نقدية جديدة برشلونة ينجو من فخ كلوب بروج.. والسيتي يقسو على دورتموند "واتساب" يطلق تطبيقه المنتظر لساعات "أبل" بنك السودان .. فك حظر تصدير الذهب بقرار من رئيس الوزراء: السودان يؤسس ثلاث هيئات وطنية للتحول الرقمي والأمن السيبراني وحوكمة البيانات ما الحكم الشرعى فى زوجة قالت لزوجها: "من اليوم أنا حرام عليك"؟ غبَاء (الذكاء الاصطناعي) مخبأة في باطن الأرض..حادثة غريبة في الخرطوم رونالدو يفاجئ جمهوره: سأعتزل كرة القدم "قريبا" صفعة البرهان حرب الأكاذيب في الفاشر: حين فضح التحقيق أكاذيب الكيزان دائرة مرور ولاية الخرطوم تدشن برنامج الدفع الإلكتروني للمعاملات المرورية بمركز ترخيص شهداء معركة الكرامة عقد ملياري لرصف طرق داخلية بولاية سودانية السودان.. افتتاح غرفة النجدة بشرطة ولاية الخرطوم 5 مليارات دولار.. فساد في صادر الذهب حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!! الحُزن الذي يَشبه (أعِد) في الإملاء السجن 15 عام لمستنفر مع التمرد بالكلاكلة عملية دقيقة تقود السلطات في السودان للقبض على متّهمة خطيرة وزير الصحة يوجه بتفعيل غرفة طوارئ دارفور بصورة عاجلة الجنيه السوداني يتعثر مع تضرر صادرات الذهب بفعل حظر طيران الإمارات تركيا.. اكتشاف خبز عمره 1300 عام منقوش عليه صورة يسوع وهو يزرع الحبوب (مبروك النجاح لرونق كريمة الاعلامي الراحل دأود) المباحث الجنائية المركزية بولاية نهر النيل تنهي مغامرات شبكة إجرامية متخصصة في تزوير الأختام والمستندات الرسمية حسين خوجلي يكتب: التنقيب عن المدهشات في أزمنة الرتابة دراسة تربط مياه العبوات البلاستيكية بزيادة خطر السرطان والي البحر الأحمر ووزير الصحة يتفقدان مستشفى إيلا لعلاج أمراض القلب والقسطرة شكوك حول استخدام مواد كيميائية في هجوم بمسيّرات على مناطق مدنية بالفاشر السجائر الإلكترونية قد تزيد خطر الإصابة بالسكري

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

الكتابة عن نادي (داليان شيدي) الصيني

كورة سودانية نشر في كورة سودانية يوم 26 - 03 - 2015

دق الدلجة
محمد عبد الماجد
الكتابة عن نادي (داليان شيدي) الصيني
من باب ..الحاجات التانية.
الاب وقف ..وقال لي ولدو ..الاربعة (فرخات) ديل في خمسة بي كم يا ولد؟.
الولد بي كل طيبة قال لي ابوه ب (20) فرخة يا حاج.
جاوب ليه حسب جداول ضربنا دي.
الاب (مفتح) قال لي ولدو ..خلاص انا ح اشيل الاربعة فرخات ديل ..وانت
تعال لاحقني بي ال (16) فرخة الباقيات.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
يمكن الهلال اخليه ..اطلع الكرسي برة البيت واقعد اكتب عن نادي (داليان
شيدي) الصيني.
ما عاوزين نكتب عن الهلال.
الهلال الاسبوع دا في الراحة.
الهلال ذاتو منسحب ..خلينا ليكم (الدوري الممتاز) ان شاءالله تحشوه (حمام).
على كيفي.
قالوا ليك فريق (داليان شيدي) عندو رابطة في السودان ما حصلت.
الحمد لله (الصينيين) ديل ما بتشلخوا.
(الصينيين) ديل لو كانوا بتشلخوا كانوا كملوا (الشلوخ).
ناس كتيرة خالص ..اسيا بنت حاج حمد ..ما كانت بتلقى ليها (شلخ).
لكن بس الله شافنا.
نأخد راحتنا مع (داليان شيدي).
ونكتب.
لا ظلمونا ولا ظلمنا زول.
العدس – عدس.
والقرع ..قرع.
نغشكم يعني.
نعمل ليكم (الكوارع) دي (كبدة).
نرتاح في عمرنا دا ..وقت نكتب بالصيني ..لا ينط لينا (سلك) ولا يظهر
لينا (هيثم كابو).
ولا معتصم جعفر.
تقرير بكري المدينة قالوا ليك بالصيني (كلمة ما بتتفهمها فيه).
مفروض الاتحاد العام يلزم حكامه يكتبوا تقارير المباراة بالصيني عشان
لو حصل اتسربت ووصلت الجرايد ما تعمل مشكلة لي ناس مجدي شمس الدين واسامة
عطا المنان وعباس الفاتح التكسابي.
عباس الفاتح التكسابي دا منو كمان؟.
دا زول (صيني) – خلاص عاوزين تتخبروا وتعرفوا اي حاجة.
لكن.
لكن شنو؟.
يعني بقت على تقرير بكري المدينة.
البلد كلها تهاجم في بكري المدينة.
بكري المدنية دا ضرب ليه (حكم) وإلّا ضرب ليه (بنك)؟.
الناس البيضربوا ليهم (بنوك) ما بعملوا ليهم كدا.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
الكتابة بالصيني مريحة ..على الاقل ما فيها (حروف جر) ولا (حروف نصب)
زي حروفنا دي ..نقعد ننظر ونتكلم زي ما عاوزين – لا يظهر لينا سيحة ولا
اسامة عبدالكريم الشافعي.
اسامة عبدالكريم الشافعي دا منو؟.
دا زول (صيني) – شفتوا انا عشان اسئلتكم الكتيرة دي ..قررت من الليلة
اكتب عن (داليان شيدي).
قررت اكتب بالصيني ..(ما في زول يسألني).
ما في زول يقول لي حاجة.
الفول بالصيني (شية جمر).
والملوخية بالصيني …(بامية مفروكة).
والقرع بالصيني ..(فاصوليا).
اوعى يغشوكم.
بعدين البلد كلها بقت (صينيين) والله البطلع ليه (جريدة صينية) في
البلد دي ..تمشي مشى.
مشي صاح.
يجيب ليها (سلك) الصيني.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
اي حاجة في البلد دي بقت (صينية)..والمثل الصيني بقول (اخوك لو بقى عسل
ما تلحسو كلو).
يا زول المثل دا مثل سوداني …الصينيين ديل ما عندهم (لحس) ولا بعرفوا
الحاجات دي.
انت من زمن المثل دا مثل سوداني – قلنا ليكم اي حاجة اتغيرت في البلد دي.
المثل دا مثل (صيني)..والدليل على ذلك (العسل) الصيني دا.
اي علبة عسل تهبشها يقولوا ليك (صنع في الصين).
لو اعتبرنا ما في (لحس) صيني …العسل الفي المثل دا عليكم الله ما صيني.
خلوه (العسل)…عباس ود التروسماب …عندو (12) اخو ..فيهم (11) صيني.
ابوه اتزوج ليه صينية ..رزق منها بي (11) صيني.
لمن تمشي ليهم في البيت ويكون المنتخب الصيني لاعب ليه مباراة في
تصفيات اسيا ..بتلقى البيت كلو بيرطن.
الصيني من الما صيني ما بتعرفو.
إلا بالبطارية.
تفتح الموبايل وتعرف الحاصل شنو؟.
ناس خالد ود التكينابي ..يوم داك كان عندهم زواج اخوهم الكبير ..جابوا
ليهم (فنان صيني) للحفلة …الحفلة كلها كانت بتبشر في (جالون البنزين)
مفتكرنو (العريس).
(الصينيين) طبعا اهم حاجة عندهم الجاز والجازولين والبنزين.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
وناس الامين ود اليسع ..الاسبوع الفات جابوا ليهم (خروف) ضبحوها كرامة.
الخروف طلع (صيني).
عرفتوه كيف؟.
صوتو عالي برضو زي (موبايلاتهم).
ابدا والله الخروف صوتو عادي بس (مرارة) الخروف ..طعمها طلع جاز –
جاز…طوالي عرفنا ليك الخروف دا من خرفان (غوانجو).
كمان نحن لو ما بنعرف الخروف من صوتو – ما بنعرف مرارتو.
لكن يا ربي ناس (داليان شيدي) ديل ..عندهم (فيصل سيحة) برضو.
الجمعة بتاعة الصين قالوا التلاتاء.
والتلاتاء حقتهم بتقع (ناصية) – ما بتقع في نص الاسبوع زي (تلاتتنا) الشفقانة دي.
الاسبوع تقول بيبدأ عندنا بالتلاتاء – التلاتاء حالا بتجي.
التلاتاء بقت تمر في الاسبوع تلات مرات.
في الصين تلقاهم كل تلاتاء بطلع ليهم (سيحة) الصيني حقهم ويقول ليهم
الهدف جاء من تسلل واضح.
والتسلل عند الصينيين عيب ..ممكن يكتلو فيه عديل كدا.
والله يا سيحة (تسللاتك) دي تعملها في (الصين) يشيلوك انت ورضا مصطفى
الشيخ والتاج ود المختير.
التاج ود المختير دا منو كمان؟.
دا زول صيني ما تشتغلوا بيه كتير.
(الصينيين) ديل عندهم (جمال الوالي) زي جمال الوالي دا.
بكون عندهم.
لو عندهم جمال الوالي – اكيد بكون عندهم صديق علي صالح ومصطفى توفيق
..اصلو ديل محل ما يكون جمال الوالي بكونو.
في الصين بلحقو.
جمال الوالي (الصيني) تلقاه كل مرة بيجيب ليهم (موبايل) صيني ..ويقول
ليهم دا اخطر موبايل في العالم.
والموبايل يطلع (وارغو).
وناس مزمل ابوالقاسم ..يشيلوا ويفرحوا ليك.
ويكون جمال الوالي حقهم ..بقول ليهم ..بعمل ليكم (مقصورة طايرة).
لكن الصينيين ديل …حاجاتهم كلها (طايرة)..مقصورة (طايرة) ما بتخلعهم
..ولا بتعمل ليهم حاجة.
غايتو نحن هنا على كيفنا ..نهاجم ليك (داليان شيدي) زي ما عاوزين ..ولا
في زول بقدر يقول لينا حاجة.
نقول الحكم ظلمنا بالصيني.
ونقول (عطشنا) بالصيني.
في زول بقدر يقول شيء…كلو – كلو بالصيني.
يا ربي عندهم (مجلس صحافة ومطبوعات) بالصيني برضو.
اكيد عندهم (مامون ابوشيبة) شو بانغيغ …واكيد شغال ليهم ابوشيبة شو
بانغيغ..في (التحكيم).
يكون ماسك ليهم في ضربة جزاء من سنة 1996م.
ما تستغربوا كدا.
ضربة جزاء بالصيني.
ما تخافوا انتوا ما بتجيكم عوجة.
ضربة جزاء بالصيني (جدعة تماس) – يقولوا ليكم الكلام الف مرة.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
بعدين احب اطمنكم …الصينيين ما عندهم (هجمة مرتدة).
ولا بعرفوها.
ولا عندهم (قرع).
القرع دا عندنا نحن بس.
هو في قرع عليكم الله ..غير (قرعكم) دا.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
……………………….
و
امس الجوهرة الرياضية انتظرت (الكوكي) للساعة اربعة ونص.
الكوكي طلع من المطار ..والجوهرة ما طلعت.
الليلة فعلا يوم تاريخي من ايام الهلال كما يقول بابكر مختار.
الكاريدينال عمل.
وما قصر.
كمل (خبطاتك) بالتسجيلات في مايو.
تاني ما بتجيك اي عوجة.
المريخ بقى الكم؟.
الناس ديل مالهم كلو مرة متراجعين لي ورا.
متراجعين للخلف.
كل اسبوع ..نازلين لي تحت.
و
(ونحن عايشين والحمدلله (النفس) بينزل ويطلع إلى الآن..ولا تنقصنا شيء
سوى رؤياكم الغالية).
السيدة (ل) …المساحة المظللة بيناتنا ..بيجي يوم ونملاها كلام.
وقرّض على كدا.

انقر هنا لقراءة الخبر من مصدره.