في السلك .. بابكر سلك.. وأد الفرحه 1/1000000000 ليه وأد الفرحه فينا يا والينا !!!! *موضوع الاستقالات اتضح انو فشنك ساي *لان المنطق يقول ان الضباط الاربعه لو بقوا اعداء للمريخ *لن يترجلوا في هذه المرحله *فالمعركة حامية الوطيس *والترجل في هذا التوقيت خيانه عظمي *و…..زوطنيه *وتخابر مع جهات اجنبيه *ولان الضباط الاربعهليسوا بهذه الصفات *كنا نستبعد امر الاستقاله *ولكن بداخلنا سؤال *من الذي اثار هذا الموضع في هذه المرحله ؟؟؟ *وماهي مصلحته في ذلك ؟؟؟؟ *بالتاكيد من اثاره *اما ينتمي للجهات الاجنبيه *او يتخابر مع جهات اجنبيه *المهم *امامنا معركة مصيريه *واصر اصرارا شديدا *سنتخطي الترجي في عقر داره *ومن عقر داره سنعلن تأهلنا *لنغني *الليله جينا وكيه للمابينا *غنيناها قبل كده *في سيكافا *كنا في مجموعة مدني *والمابينا كان في مجموعة الخرطوم *تأهلنا بشق الانفس تاني للمجموعه *وقادنا تأهلنا ذلك لمواجهة المابينا *وجينا *طيرناهو زي الماحاصل شئ *ولان جماهير المريخ خلاقه *ولانها مبدعه *كانت تغني منذ يوم التأهل من مجموعة مدني *الليله جينا وكيه للمابينا *والآن نرددها *الليله جينا وكيه للمابينا *ايها الناس *المابينا البطولات الجويه مابياهو *المهم *نعطي الترجي حقه من الاهتمام والاحترام *لنعطيه بطاقة لعب الدور المكرر في باب سويقه *ايها الناس *اخطاء صاحبت مشروع 2870 *المشروع يقوم علي الاشتراك سنتين *فجأه اصبح تبرع لا اشتراك *قلت اخطاء صاحبت المشروع *ولم اقل فشل المشروع *الجهود تجري علي قدم وساق لتصحيح الخطأ *وضم شفوت الخارج ضروره *ناس قطر والامارات والسعوديه *عمان واليمن (يا حليل اليمن ) وليبيا *ليبيا واليمن ما ضياع زمن *برضو برغم الظروف شفوتهم حاضرين *ناس امريكا (كديس ورفاقه ) وكندا (ناس سلطان ) وانجلترا (ناس اكرم زكي و خالد سلك ) *وناس فرنسا يا ابا سفيان *هولندا وبلجيكا والمانيا والسويد (ناس شوقي بدري ) والنرويج *استراليا (الكنغر حقها مريخابي ) *وكل دول العالم *لازم يشملهم المشروع *لانهم ينتظرون ضربة البدايه *يا ادرووووووووووووووووووب *مادايرين نقول الروووووووووووب *ايها الناس *اكتب قبل مباراة المابينا واهلي الخرطوم *واهلي الخرطوم ليس سانغا *لان فريق في مستوي سانغا لو لعب معانا الممتاز *اكيد بهبط قبل السنتر ليق *بهبط مباشرة *وبالمناسبه *فرق كتيره بعد شافت سانغا *فكرت تتطلب من الاتحاد العام ترشيحها للعب ببطولة الابطال *الاشاوس الثورة وسط والثوار رابطة المهديه والهدف العرضه *شايفين سانغا ده ما اخير منهم في شئ *ايها الناس *ان تنصروا الله ينصركم *اها *نجي لي شمارات والي الخرتوم *والينا *ليه يعني يا والينا *انتوا عارفين الامه دي حزينه *ولما تجي الحزينه تفرح تقفلوا عليها المطرح يا والينا !!!! *ليه تتعمدوا تقتلوا الافراح فينا *ليه توأدوا الفرحه في جوانا يا والينا !!!!! *تقبروها قبل ترتسم بسمه في شفاه اطفالنا وفينا *معقوله يا والينا *وزير تربية حكومة ولايتك عملها فينا *معروف انو الاسر تنتظر النتيجه عشان تفرح وتحتفل وتدعينا *سعادتو قافل النتيجه في درجوا ومشي تركيا ولا قال لينا *واصدر قرار غريب يا والينا *منع المدارس والمعلمين من حضور مؤتور النتيجه الليهو سنه رجينا *ده يوم الحصاد يا والينا *القبائل بتحتفل بيوم الحصاد رقيص وغنا وبضبحوا السمينه *المعلمين يا والينا *حاز سنه بالنسبه ليهم هو دعم معنوي يجعلهم يختالوا فينا *يجعلهم يتميزوا علينا *يجي وزير تربيتك في راسنا يقطعها لينا ؟؟؟ *الحكومات بتحتفل باليوم ده يا والينا *بالناجحين والمعلمين والمتفوقين فينا *ميه سته وتلتين الف ممتحنينا *اذا كل زول عشره انفار راجين نتيجتوا يا والينا *يبقوا تلطاشر مليون وستمائة الف يا والينا *دحين السوطوا كم يا والينا ؟؟؟؟؟؟ *نناشدكم يا والينا *بالتخل (السريع ) واعادة البسمه لينا *نتوقع حضوركم مؤتمر النتيجه وتكريمكم للمتفوقينا *والغاء قرار وزير تربيتكم الوأد الفرحه فينا *ماديا قنعنا *ادعمونا معنويا يا والينا سلك كهربا ننساك كيف وزمان التعليم الخاص كان لاولاد الاغنياء الاغبياء اسي بقي استثمار الفقراء في اولادهم ليوم باكر والي لقاء سلك
