في السلك بابكر سلك اركب الحنطور واتظنطر *امس قضينا سهرة رمضانيه ممتعه مع اولاد غرزه *جرب غرزه ناس كتااااار *والشكل ياهو الشكل *لان كل من ارتدي شعار المريخ *نجم وممتع *ولان غرزه بلعب بي طريقة لعب *مهام وواجبات *لذا لايؤثر الغياب علي الشكل *المهم *اكدنا صدارتنا وجدارتنا *وركبنا الحنور وغنينا *اركب الحنطور واتظنطر *فنحن لسنا بظناطير *لاننا مسجلين بلوح الشرف الافريقي *مشينا المطار *بشارع افريقيا *لاننا جبنا من كاسات افريقيا *والزول السمي شارع المطار بشارع افريقيا *مريخابي *لانو قراها صاح *وعرفها من بدري *شارع المطار هو الشارع الذي تأتي به كاسات افريقيا *عشان كده غيرنا مافي زول جا بيهو اطلاقا *اطلاقا اكررها *اطلاقا اعتز بها *اطلاقا لانطلقها علي عواهنها *ولا نكتبها علي صفحات الصحف دون تنزيلهاالي ار الواقع مانديلا *المهم *المريخ مابخوف *بل برفع الهمم *وشامي لي ريحة مطار *انا متاكد انها ريحة مطار *وناس محمد عبدالماجد مابقدروا يغالطوني *لانهم مابعرفوا ريحة المطار *ريحة المطار شميتوها متين يا حماده ؟؟؟ *ايها الناس *غياب علولو عن مباراة الاتحاد الجزائري ما بتخوف *غرزه شاطر *والبدائل كتيره *ضفر وسيلا وغيرهما *المهمنركب الحنطور ونتظنطر *برغم انو مجموعتنا مافيها زناطير *الزناطير كلها الاتحاد الافريقي ختاها في مجموعه واحده *ختاها مع مازيمبي *ومازيمبي ما زنطور *مازيمبي بي جوياتو *مسجل معانا في لوح الشرف الافريقي *في شرف اشرف من كده ؟؟؟؟ *المهم *الجماعه ما اسستغربت فيهم لما تكردنو *وسموا استاد الهلال بقلعة الكاردينال *فهم قبل ذلك تخندقوا *برغم ان الخندقاوي (الرجل الرائع) ما كان عضو مجلس *ومن فرط الفوضي والخلعه *عمل لقاء في قناة مصريه *استضافوهوا علي اساس انو نائب رئيس الهلال *وماشفنا انتقاد للحته دي من الكتاب الزناطير *لانهم وقتها كانوا مخندقين *وقبل الخندقه تبربروا *وساندوا البرير في قفل ابواب نادي الهلال في وجه الاهله الشرفاء *ناس صديقي الاستاذ ماجد اسماعيل ورفاقه *يبقي الكردنه بعد البربره والخندقه ماغريبه *محمد علي زروق الذي قام استاد الهلال علي اكتافو *ما قدر يتجرأ ويسميهو قلعة زروق *لانه يعتبر نفسه خادما للكيان لا سيدا عليه *فبني استاد الهلال بالطوب الاحمر ومنزله بالجالوص *لانه من الاهله الشرفاء *ايها الناس *خلوهم يتكردنوا ويتظنطروا *فالولاء عندما يكون للاشخاص اكبر من الولاء للكيان *الزنطره بتجي *والحتانه قااااااااعده *ايها الناس *شفنا كورة سموحه والتطواني *وكورة مازيمبي(التايواني ) والزناطير *صدقوني المجموعه دي زول بصعد منها مافي *الاربعه مابصعدوا *ومن ناحية وطنيه *نتمني لابو الهل ان يصلح حالو *ويقلل من المواسير في الموسم الجديد *وذلك بان يفرق صديقي عماد الطيب *بين البضاعه الماشه المغلق *والبضاعه الجايه للهلال *ولكن مين الزنطورة الجابت مية ماسوره ؟؟؟؟؟ *اذا قام الهلال بالكلام ده *ممكن نتوقعوا في شارع المطار *لكن المطار الجديد بعد افتتاحه بعد خرف وطول عمر *ممكن نشوفكم في شارع المطار الجديد يا محمد عبدالماجد *لكن بتطولوا وتاخدوا مده *ايها الناس *انا ضد الرأي الذي يقول بان امل عطبره ليس الا تابع لابي الهل *فأمل عطبره فريق كبير وصاحب شخصيه *وهو امل عطبره الوحيد *وعطبره مدينه عريقه ومحترمه *لن تقبل بفراق الممتاز *لانها لوفارقتو ببقي فراق الطريفي لي جملو *لذا اتوقع ان يؤدي امل عطبره مباراة كبيره *يكسب فيها النقاط ولو لعب الطريفي وجملو مع الهلال *سهرة ممتعه نتوقعها اليوم *بس ان شاء الله شارة النيلين ما تحرمنا من الطاهر حماد *هذا اللاعب الذي يعتبر من اخطر الهداين بالممتاز *وكما قالت عنه فطومه اختي *لاعب يحمل في جعبته الكثير *الليله حايورينا جزء من الكتير يا فطومه يا اختي *ايها الناس *ان تنصروا الله ينصركم *اها *نجي لي شمارات والي الخرتوم *كان شفت يا والينا *مقابلتك في خيمة الصحفيين لينا *عجبتنا يا والينا *بس خوفتنا لما قلت لينا *ميزانية الولايه كانت معتمده علي بيع الاراضي يا والينا *والاراضي كملت علينا *هل ده معناهو توقع مصادر ايرادات جديد مننا يا والينا ؟؟؟ *كان اعتمادكم علي الايرادات من جيب المواطن يا اخينا *خموا وصروا لانو جيوبنا اتقددت علينا *ومشكلة المواصلات هينه وما مشكلة لينا *حلوها بي باصات المريخ الكتيره دي يا والينا سلك كهربا ننساك كيف وكنا مستنيين تخفيض في رسوم تجديد الحكر وتغيير الملكيه يا والينا والي لقاء سلك