خاص -: عسجد الهلال تعالو نتكلم بي منطق شويه هي الشغله حسابات ولا فهم تاني المجموعات عباره عن اربعه فرق لكل مجموعه يعني الفريق بلعب مع ال 3 فرق الفي مجموعتو دي بالحساب 3 مباريات ذهاب و 3 اياب يعني 6 مباريات طيب يعني لو حسبناها بالانتصار فيهم كلهم بي 18 نقطه انا شايفه انو حتي لو اي فريق منهم اتهزم مباراه واحده برضو بكون عندو فرصه للتأهل عندكم مثلآ التطواني المذعلكم دا زاتو خسر من سموحه ورجع بقوه انتصر علي الهلال وعندو تعادلين سموحه زاتو انهزم من الهلال ومازيمبي وانتصر علي التطواني وبرضو عندو امل انو يتأهل مازيمبي فقط في مجموعتنا دي ماخسر ولا مباراه تعادل مع الهلال والتطواني وانتصر علي سموحه طيب دي نتائج مجموعتنا دي ليه الهلال لما خسر الناس استاءت كدا دي اخر الدنيا يعني ولو جينا نفكر بي ايجابيه بركه الخسرنا عشان يراجعو حساباتهم كويس ويشوفو الخلال كان وين وليه الناس طوالي انتقدت الكوكي من اول خساره ليهو في المجموعات ليه الناس من ابسط حاجه ينسو ايجابيات الكوكي في مبارياتو السابقه نحنا كجمهور لي سيد البلد مفروض نكون اكبر من كدا والقادم احلي ان شاء الله اما بالنسبه للمريخاب الشمتانين فينا ديل نسيتو انكم خسرتو من الاتحاد وخسرتو برضو 3 نقاط يعني الحاله ون وبطلو كلام فارغ لحدي مانشوفكم ح تعملو شنو مع سطيف علي طريقه اخرى بنشكر كل المريخاب الساندون وهم ديل الصفوه الماخمج نبض اخير هلال العز والجساره مستحيل نتخلى عنك لي سبب زي الخساره أرسلت من هواوي موبايل