في السلك بابكر سلك البلد كلها تكورك …باااااااااع *ايام مباركات نعيشها *عيد الاضحيه قرب *او قل عيد الضحيه كما يحلو لنا *الضحيه السنه دي خروف مغربي كبير *اتضبح زي الماحصل شئ *والشوارع اتملت خراف *الحمري سيدهم *والبلدي والوتيش والقرج *الابرق ماهين والكباشي معروف من زمان *لكن في الاخر كلهن خرفان *الحمري خروف والقرج خروف *زحمة خراف بالشوارع *الشوارع كلها تكورك *بااااااااااااااااااااااااااع *حتي في مصر *الماعندهم ثروه حيوانيه ديل *شوارعهم كلها تكورك *باااااااااااااااااااااع *يظهر السيسي بعد افتتاح توسعت قنال السويس *جاب ليهم خرفان من آخر الدنيا *من فاس الماوراها ناس *مصر كلها تبعبع *باع يا بيه *باع ياهانم *باع يا هووووووو *ماتكورك كيفن عاد والموسم موسم ضحيه ؟ *باع كبيره وكتيره *امس بنحضر في كورة الهلال وسموحه *بين الشوطين مشيت ادي خروفنا مويه *لقيتو بكورك *باع باع باع *قلت ليهو بتبعبع مالك ؟ *هاك المويه *ختيت ليهو المويه ما شربها *وقعد يكورك باع باع باع *الخروف مصر يقول باع *يكتر في الباع *في مصري اشتري حمل صغير *مابعرف يقول باع *بقول بييييييييييييع …بييييييييييييييييييع *لسه صغير ماعارف حاجه *لمن يكبر بعرف الخروف الكبير بقول باع متين وليه *اسي صغير وماعارف شئ *المهم *باع نغمة الزمن الجميل *زمن الضحيه *ايها الناس *الطبخه كانت جيده *الطبخه الاتطبخت للغداء *الغداء بتاع ناس سموحه *طبخه جيده جدا *والدليل في الصور شفنا الناس بعد اكلوها *سماااااان وشبعانييييييييين *لو ما كانت طبخه مسبكه ما كان اكلو كتير كده *رئيس سموحه ده لمن زارتو التحت فاتحه *شبع شديد *شبعان الفرعون *بحبو الاكل حبا جما المصريين ديل *الواحد فيهم لو اكلتو فول بقول ليك تأمر يا بيه *بعد الغداء قاعدين التحليه ماقادرين يمشوا عليها *شبعوا اولاد الايه *ماقابلني مصري مابحب الاكل *بلهطوا صاح *ما بعرفوا ليك يمه ارحميني *الواحد معدتو تقول حاويه *الحاويات في سوبا ماقدر ده *بملوها ليك فل *والغريبه لو لقوا الاكل السمح *والسلطه السموحه *طوالي بقولوا ليك تأمر يا بيه *انت بس اولي وانا استتك *الهي وانت جاهي آدر يا كريم يا رب *ايها الناس *الحمري اجود انواع الخراف *لكن المغربي لو ضحيت بيهو تكون ضبحت اكبر خروف في العالم الاسلامي ومصر *باع نغمة الزمن الجميل *المهم *سموحه قنع من الاساسيين *امس شايف تشكيلتو ضمت واحد من الفريق الاول *واتنين من الصف التاني *وتمنيه من الصف التالت *زول بلعب بي تمنيه من الصف التالت *ماساي *اكيد فوق راي * اكيد عندو راي كبير *احتمال يكون رأيهم وكت اصلهم ما متأهلين *اخير ينجضوا ناس الصف التالت للموسم القادم *يكون رئيس النادي بتاعهم بوصف انو رياضي قديم *قال للكوتش اياك تلعبلي الاساسيين *لعبلي الولاد الزغيرين *خليهم ياخدوا خبره *فاهمني ؟؟؟ *المدرب عاين ليهو في بطنو *لقي الزراره التحت فاتحه *قال ليهو فاهمك يا ريس *وهوا في حاجه مستخبيه !!!! *وقام عاين للزراره الفاتحه تاني *وقال ليهو *اهتمامك بالزريرين واضح يا ريس *أأصد بالزغيرين *عشان كده الولد بتاع الرديف لما جاب القون في شباك مكسيم *مدربو خت يدينو في راسو *صغير وجاهل يا كوتش *ماعارف كلام الكبار *المهم *الاسكندريه ميدان الرملي غير باع ما بتسمع شئ *خرفانهم تبعبع ساااااااي *الغريبه بين الشوطين الخرفان في ميدان الرملي بالاسكندريه سعرها ارتفع ارتفاع جنوني فجأه كده *يا ربي ليه ؟؟؟ *روشا عارف ليه ؟؟؟ *فطومه الكمونيه بتاعت الخروف المغربي مامحتاجه بهارات كتيره *علي كده والنار طوالي *جاااااهزه من قبل كم يوم كده *ومامحتاجه نار شديده *باقي المصريين اكتشفوا غاز طبيعي بكميات كبيره *براحه بنجض الكمونيه المغربيه بتاعت خروف الضحيه *واتخرفي *المهم *غرزه تمني مازيمبي *ومازيمبي اقوانو كملت *امس غالب خمسه *يعني كورتنا معاهو بنطيروا *من بدري قلنا ليكم *حانقابل الاتحاد في النهائي *من بدري عارفين اننا ماشين الكنغو وبعدها الجزائر تاني ان شاء الله *وهكذا كانت خارطت الطريق التي رسمها صديقي عراقي *وقال لي بالحرف الواحد *رأيك شنو نمشي مع المريخ الكنغو ونرجع ونمشي الجزائر تاني *قلت ليهو ربك يهون يا عراقي يا اخوي *الكلام ده كتبتو في عمود قبال شهر واكتر *وعراقي عند وعده *المهم *حبايبي الحلوين مقابلين اتحاد الجزائر *ده لابنفع معاهو حظ *ولا بتنفع معاهو نفاثات في العقد *ولا بتنفع معاهو لولوه *ولا بحبو يتغدوا *شبعانيييييييييييييييين *و البلايلي خطير *عبدالخير *ياعبد الخير *اجهز يا اخوي *اللفه جات *عبد الخير ماعرفتوا ؟؟؟ *عبدالخير سيد الحصان الما حصان *سيد الحمار الما حمار *حاجه كده ابوها حصان وامها حمار *عرفتها يا عبد الخير ؟؟؟؟ *اتفرغ بعد ده للممتاز يا عبد الخير *مد رجلينك قدر لحافك *وصلت ياعبد الخير *وصلت المحطه *ايها الناس *الهلال ماشي الجزائر *لكن ماعارفين *ماشي للاتحاد ولا للوفاق ؟؟؟؟ *باقي عندو مشية للجزائر ليها سنين زايغ منها *وناس الوفاق لو جددوا امر القبض *سجمنا *المهم *لينا احترام كبير في الجزائر *بالذات بكري المدينه *لما تمشوا يا باجا الجزائر *ماتخجلوا *قولوا ليهم نحنا من طرف بكري المدينه *البخجلكم شنو *قبل كده قلتوها في تونس *قولوها ما بنقول ليكم شئ *وغديني وتفنن *ايها الناس *المصري ممكن ياكل اتنين كيلو كباب بدون عيش براهو *يعني توديهو قندهار مية وتسعين الف بلهطها ليك واقف *اكالين خلاص ما شاء الله *لاقاكم مصري عزموهوا اكل قال شكرا ما داير ؟؟؟ *جوهم مساعد علي الاكل *بالذات جو الاسكندريه *بخلي الزول ياكل بجنون *ما زينا *نحنا في البلد دي ساندوتش ابو اربعين الف داك *الواحد ما بكملو *شهيتنا مقفوله *القافل شهيتنا شنو يا والينا ؟؟؟ *ايها الناس *ان تنصروا الله ينصركم *اها *نجي لي شمارات والي الخرتوم *كان دايرنا نخدمك يا والينا *اعزمنا وغدينا *لما يبقي الملح والملاح بينا *نتغدي معاك وفي المغرب نغسل ايدينا *فهمتني يا والينا ؟؟؟ سلك كهربا ننساك كيف والكلب ضحك لمن لحق بغلة عبدالخير بلل الدنيا كلها وزي ماقال هاشم عبد المنعم لاخلي لستك لاعمود لا جزمه واقعه ولا ردا والي لقاء سلك
