سودارس : أنشط يا نشيط (طين) مازيمبي في الكرعين ولا ببقى نعلين !!

كواليس صادمة... كيف تعطلت صفقة تسليح الجيش السوداني في اللحظات الأخيرة؟ بالصورة.. الصحفي السوداني الشهير حسين خوجلي يستعيد بصره وسط سعادة أصدقائه ومتابعيه: (عودة البصر لصاحب البصيرة والوان وحمدا لله على السلامة أبو ملاذ) الباشا طبيق : السيطرة على الكرمك تعيد تشكيل الخريطة العسكرية في السودان تعديل وزاري مرتقب في السودان يشمل ست حقائب وزارية 11 دقيقة إضافية من النوم ليلا تساعد فى الوقاية من النوبات القلبية 13 حزمة لغوية جديدة لترجمة محادثات "واتساب" سناب شات" يحوّل الصور إلى فيديو بالذكاء الاصطناعي هل يكون محمد صلاح الصفقة الكبرى القادمة بالدوري الأمريكي بعد جريزمان؟ جلسة مع محمد صبحى في الزمالك.. اعرف السبب استمرار محاولات الأهلي لإنهاء أزمة الشرط الجزائي مع توروب يارا السكري تكشف لليوم السابع تفاصيل دورها فى فيلم صقر وكناريا شاهد بالصورة.. فاتنة الإعلام السوداني تخطف الأضواء بأحدث إطلالة لها والجمهور يطيل الغزل في جمالها: (يا دووب كدة عيدنا) باسم سمرة: الناس بقت تناديلى ب«زكى».. ونجاح عين سحرية توفيق من ربنا ذكرى رحيل أحمد حلاوة.. ممثل جمع بين الهندسة والدكتوراه فى فلسفة الفنون نصائح لوقاية مرضى حساسية الصدر من التقلبات الجوية والرياح مشروبات تساعد على حرق الدهون بعد كحك العيد اكتشاف مرض وراثي جديد يسبب الشيخوخة المبكرة والقصور الإدراكى شاهد بالصور. الفنانة مروة الدولية تفاجئ الجميع وتعتزل الغناء وعازفها الشهير ينشر مراسلات واتساب بينهما أكدت فيها تمسكها بالقرار بالصور.. مدارس أبو ذر الكودة تلزم أسرة طالب بدفع غرامة قدرها 100 ألف جنيه بسبب كسره مفتاح مروحة بالفصل ومتابعون يتصدون للدفاع عن المؤسسة شاهد بالصورة والفيديو.. في تقليعة جديدة.. شباب سودانيون يلطخون صديقهم العريس ووزيره ب"ظهر الصابون" و"البودرة" الهلال يواجه ضغط المباريات في رواندا ((نار فلوران ولاجنة ريجيكامب؟؟)) جبريل يلتقي المبعوث الشخصي للأمين العام للأمم المتحدة إلى السودان مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية كيف تفاعل النجوم مع خبر رحيل صلاح عن ليفربول؟ ضبط 2800 قندول بنقو بالجزيرة في عملية نوعية لمكافحة التهريب تعطيل الدراسة في الخرطوم المريخ يكثف درجات إعداده ويتدرب بالصالة النخبة بالخرطوم.. كيف؟ "تمبور" يكشف عن توجيهات صادرة جديدة ترامب يصدر أوامره ويكشف تطورات مثيرة مع إيران طهران ترد على تهديدات ترمب هل مخالفة ترامب خلل في الكون؟! هل تستطيع أمريكا احتلال جزيرة خارك الإيرانية؟ الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان بادي يصدر مرسوم تنظيم أعمال التعدين التقليدي وضبط آليات التعدين بالنيل الأزرق رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة شركة كهرباء السودان تحديث حول سير أعمال الصيانة الطارئة للشبكة القومية توقّعات بارتفاع غير مسبوق في أسعار النفط ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد أغلى علبة كعك في مصر تشعل مواقع التواصل قيم الهلال المتوارثة يجب أن تبقى أبد الدهر بنك السودان المركزي يصدر توجيهًا للمصارف إبراهيم شقلاوي يكتب: الزراعة ما بعد اقتصاد الحرب في زمن الضجيج.. القرآن بوصلة المعنى والسكينة د.مزمل أبو القاسم يكتب: دموع الباز.. وزاهر! (2) السودان.. الدفاع المدني يستعين ب"التوك توك" طفح جلدي في رقبة الرئيس ترمب يثير تساؤلات حول صحته ملتقي التحصين للعام 2025 ينعقد بحضور التحالف العالمي للقاحات والشركاء صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

أنشط يا نشيط (طين) مازيمبي في الكرعين ولا ببقى نعلين !!

كورة سودانية نشر في كورة سودانية يوم 13 - 09 - 2015

بالعربى الكسيح
محمد الطيب الأمين
أنشط يا نشيط (طين) مازيمبي في الكرعين ولا ببقى نعلين !!

* في تلاته في الدنيا دى ما بتنساهم ..
* تلاته ما بتنسو .. زول نساك وانت في زنقه وزول ما نساك وانت في زنقه والزول الزنقه زاتو ..
* التلاته ديل ما بتنسو رسمى ..
* قدر ما تحاول تنساهم او تتناساهم ما بتقدر ..
* وخاصة الزول البيزنقك ده بالذات ما بتنسى ..
* المريخ هسه في تلاته ما بقدر ينساهم ..
* التلاته ديل هم الاتحاد الجزائري والهلال ومازيمبي ..
* الاتحاد ما نسى المريخ لما المريخ وقع في (كماشه جزائريه) ..
* لما المريخ (إتزنق) مع الكماشه الجزائريه قام فريق الاتحاد عمل احلى واجب مع المريخ ودخلو معاهو المربع الذهبى (صحبه راكب) ..
* عشان كده المريخ ما بقدر ينسى الاتحاد ..
* وانا والله عندي احساس إنو المريخ ده ما كان عايز يتأهل للمربع الذهبي لكن الاتحاد الجزائري دخلو رجاله كده ..
* عندي احساس كده ..
* واى زول طبعا حر في (محاسيسو) ..
* قلنا في تلاته المريخ ما بنساهم وذكرنا منهم الاتحاد نجى للتانى ..
* الهلال بالنسبة للمريخ معروف تاريخيا سيد البلد دى ..
* ناس كتاااااار سمعو بالمريخ بعد ما بقو كبار ..
* انا شخصيا المريخ ده سمعت بيهو بعد بقيت كبير ..
* في حاجتين اتنين في حياتي انا عرفتهم بعد بقيت كبير ..
* الحاجتين هم .. بيضه الديك والمريخ ..
* لما كنت صغير ما كنت عارف إنو الديك ببيض ..
* والله صحى ..
* ولا كنت بعرف المريخ ..
* لكن بعد ما كبرنا وكبرت احزانا عرفت الحاجات دى ..
* المهم ..
* الاتحاد الجزائري (ما نسى) المريخ في زنقه والهلال (نسى) المريخ في زنقه .. اما مازيمبي هو الزول البيزنق زاتو ..
* ناس مازيمبي ديل ناس الكتمه زاتها ..
* ديل بكتموها فيك جوه وبره ..
* كتمه من امها ..
* ديل ما بقدر عليهم إلا الهلال ..
* في نهار رمضان وفي استادهم جبنا نقطه وفي استادنا ضربناهم ..
* نحمد الله خدمة يمين وعرق جبين ..
* اقول ليك في نهار رمضان ..
* يعنى نهار رمضان ده لا فيهو (منشط) ولا فيهو (حكم) ..
* امبارح والله المريخاب حالتم تحنن ..
* لما الهلال كان متأخر من سموحه ومازيمبي متقدم على التطوان بهدف المريخاب كانو بتمنو المباراة تنتهى كده عشان يقابلو مازيمبي ..
* طبعا الجماعة ديل عندهم وهم مفتكرين مازيمبي زي عزام ..
* والله صحى ..
* إتمنو يقابلو مازيمبي والهلال يطير ..
* بعد شويتين لما مازيمبي جاب الهدف التالت والهلال إتعادل إتمنو الهلال يغلب عشان يقابلو الهلال لانو احسو بخطورة مازيمبي ..
* وبعد نهاية المباراة لما عرفو مازيمبي غلب خمسه حالتم بقت زي حالة الزول القاعد مع نسابتو ..
* المريخ شكلو بقى زي شكل الزول الداير يعطس وما قادر ..
* لا دايرين الهلال ولا دارين مازيمبي ..
* دى يحلوها كيف دى ؟؟
* نجيب ليكم العلمه ولا كيف ؟؟
* الكلام دخل الحوش يا وصيفاب ..
* مازيمبي ده ما لعب عيال والله ..
* ناس دارفور بيقولو : (ألمى حار ولا لعب قعونج) ..
* ومازيمبي ده (ألمى حار) ..
* وجود المريخ في المربع الذهبي هو (كلمة شاذة) ..
* المريخ جسم غريب في المربع ..
* ما حصلت ليهو قبل كده الحاجة دى ..
* اول مرة في تاريخو ..
* ودى طبعا المرة السابعة في تاريخ الهلال ..
* يعنى المربع الذهبي حاليا فيهو (تلاته) كبار وواحد حنطور تأهل (صحبه راكب) ساكت ..
* ومازيمبي ده صعب عليكم ..
* اهلنا بيقول : (ابو القدح بعرفى محل عضت اخيو) ..
* يعنى ابو القدح بيعرف المحل اليعضى فيهو اخو ..
* ومازيمبي والمريخ بتشابهو في اى حاجة ما عدا الكوره ..
* نفس حركاتكم البتعملو فيها مازيمبي بعملها ..
* وده مربط الفرس ..
* طبعا يا جماعة في فرق معانا في الابطال دى إتاهلت بفضل المنشطات ..
* والله صحى ..
* والمنشطات زاتا انواع ..
* زي حبوب التسمين ..
* في سوق التجميل النسائي هنالك حبوب معروفه بتسمن ..
* والحبوب دى لقت رواج كبير جدا في السودان لانو البعض من بناتنا عندهن هوس ب(السمنه) ..
* والحبوب دى انواع ..
* مثلا : في حبوب للتسمين (الموضعى) ودى بتسمن حته معينة في الجسم واسمها حبوب (رُفعت الجلسه) ..
* وفي حبوب تانية بتسمن الجسم كلو ودى اسمها (النجمه) واخواتها ..
* اخواتها كتر منها .. (الجيران إتخلعو وافتحو الباب وشفتك وإتخلعت) وغيرها من الاسماء ..
* البت تجى من القريه ضعيييييفه وفي اجاز السمستر ترجع البلد سمييينة زي (فراخ) اليومين ديل ..
* الفرخه اليومين ديل بتكبر قبل يومها ..
* تلقى الفرخه عمرها عمر (سيسيو) لكن حجمها حجم (بطه) وده لكو من الحبوب ..
* وهسه في فرق معانا في الابطال دى ما عندها اى حاجة لكن ماشه بالحبوب ..
* المهم ..
* المنشطات برضو بنفس الفهم ده ..
* ممكن تعمل منشط (موضعى) للفريق ..
* يعنى مثلا لو خط دفاعك كعب تدى المدافعين منشط ولو الوسط تعبان ولعيبته كبار في السن تديهم منشط موضعى هذا بالاضافة للمنشط الفرنسي وهو شامل وكامل حتى للعيبة الاحتياطى ..
* وانا ما بفسر وانت ما تقصر ..
* اها مازيمبي ده بيبلع المنشط الزي حبوب النجمة ..
* شامل وكامل ..
* مدربهم زاتو نشط ..
* الناس ديل وحات الله إلا تغلبهم قضاء وقدر ..
* عشان ما تغشو جمهوركم ساكت ..
* وبما إنكم لاول مرة تصلو المرحلة دى انا بقول ليكم : هنا ما في (صحبه راكب) ..
* وللضمأن كده عشان جمال الوالى الشهير ب(عزو) يعرف بنقول ليهو : مازيمبي عندو طيارة حقتو ورئيس النادى برضو شغال في الحكومة والقروش العندو النار ما بتأكلها ..
* الكلام دخل الحوش ..
* لا صحبه راكب ولا حنطور ده شغل تقيل ..
* امسكى لي واقطع ليك ..
* والله إلا تغنو : (ما كنت عارف وياريتنى ما عرفته) ..
* نار يا حبيبي نار ..
* انا والله مبسوط من رئيس مازيمبي جدا جدا ..
* وإحنا واولاد حلتنا مفكرين بعد دور الاربعة نطلع أغنية نسميها (كاتمبى مبسوط منى) ..
* والله صحى ..
* الحمدلله إحنا قابلنا مازيمبي ووريناهو كتاب والباقى عليكم ..
* كسرنا ليكم عين مازيمبي ولما تمشو الكنغو قولو ليهم إحنا (ضل للهلال) ..
* والله الخوف مازيمبي يدى (تطوان العرضة جنوب) سبعه ..
* انتو قايلين التطوان في المغرب بس ؟؟
* والله بلدنا دى فيها تطوان يحيرك ..
* التطوان الفى البلد دى في المغرب ما في ..
* بختك يا مازيمبي جايك تطوان زي تطوان المغرب ..
* وعلى فكرة ..
* الهلال ما عاجبنا ولا بنغش رقبتنا ..
* وموضع الهلال ده برجع ليهو في عمود منفصل للحديث بشفافيه عن سلبيات لا حصر لها ..
* لكن الليلة .. (كلنا مازيمبي) ..
* مازيمبي ده بنستلمو من المطار وبنرجع لحدى المطار ..
* والداير وطنيه يشترى طحنية بيلقى الوطنية مكتوبه في جردل الطحنية ..
* عدم الوطنية بدأ من عندكم والبادئ اظلم ..
* دخلتو الابطال بفضل الهلال بدلا ما تحترمو الهلال بقيتو تمشو تستقبلو في خصومنا وتوصو علينا الاجانب ..
* عشان كده بنقول ليكم إحنا السمح عندنا والشين عندنا ..
* والدايرنو إحنا معاكم ..
* (كلنا مازيمبي) والبيقول ما عندنا وطنية يأكل طحنية ..
* والبيقول الاعلام الهلالى كعب يمشى يقرأ اعلام المريخ ..
* سكتنا ليكم كتير لكن بعد كده البادئ اظلم ..
* غايتو عشان تطلعو من مازيمبي ده عندكم حل واحد ..
* تفاوضو كديابا وساماتا ودانيال وديارا وسلمون اسانتى وشيبانا تراورى ورينفورد كالابا ..
* ديل لعيبه مازيمبي شيلو ارقام تلفوناتهم وفاوضهم قولوا ليهم بنسجلكم في المريخ الذى رئيس ناديه (عارف عزو ومستريح) ..
* فاوضهم كديابا سجلو ليهو الاستاد بأسمو وساماتا سجلو ليهو النادى بأسمو كالابا ادوهو جزء من شارع العرضه ..
* غير كده ما بتقدرو على مازيمبي ..
* والله مازيمبي ده إلا (الايبولا) تضرب تشكيلتو الاساسيه حتى تغلبو إنتو ..
* قلت لي ضفر مالو ؟؟
* غايتو جنس غايتو ؟؟
* عندي شريحه كل يوم قاعد (انشطها) الشريحه دى بقت خارج الخدمة ..
* قالو كترت التنشيط بخرب الشريحه ..
* شريحة ب(الغاء) ..
* اللهم لا شماته خلتني بس عشانو وهو زاتو الليلة فاته ..
*و ..و..
* وتعدى مواسم وتروح والذكرى بتفضل …(سبعه من الوحدات الاردني) ..

انقر هنا لقراءة الخبر من مصدره.