سودارس : كتمتو نفسو الهوا وينو ؟؟

الدب.. حميدتي لعبة الوداعة والمكر ⛔ قبل أن تحضر الفيديو أريد منك تقرأ هذا الكلام وتفكر فيه إلي اين نسير منشآت المريخ..! كيف واجه القطاع المصرفي في السودان تحديات الحرب خلال 2025 صلوحة: إذا استشهد معاوية فإن السودان سينجب كل يوم ألف معاوية إبراهيم شقلاوي يكتب: وحدة السدود تعيد الدولة إلى سؤال التنمية المؤجَّل كامل إدريس في نيويورك ... عندما يتفوق الشكل ع المحتوى مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته إجتماع بسفارة السودان بالمغرب لدعم المنتخب الوطني في بطولة الأمم الإفريقية بولس : توافق سعودي أمريكي للعمل علي إنهاء الحرب في السودان البرهان وأردوغان يجريان مباحثات مشتركة شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل بعثه الأهلي شندي تغادر إلى مدينة دنقلا تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

كتمتو نفسو الهوا وينو ؟؟

كورة سودانية نشر في كورة سودانية يوم 19 - 09 - 2015

بالعربى الكسيح
محمد الطيب الأمين
كتمتو نفسو الهوا وينو ؟؟

* التشبه بالرجال فلاح ..
* واظن ان التشبه ب(الهلال) شطاره ..
* ولذلك إحنا في الهلال نسعد دوما بأن يكون المريخ (كربون من الهلال) ..
* نسعد ان يكون (حنطور) تابع للهلال ..
* بالمناسبه كونو تكون (حنطور) دى حاجة ما كعبه ..
* والله صحى ..
* اى (حنطور) في الدنيا دى يكتسب قيمته من (الحصان الذى يجره) ..
* والببقى حنطور للهلال عليه ان يفرح ..
* أنا والله احسد المريخ لانه حنطور الهلال ..
* اللقيتوها دى يا مريخاب في فرق كتيره بتفتش ليها وما لاقياها ..
* كونو تبقو حناطير مع الظروف الصعبه دى حاجه كويسه والله ..
* بختكم ..
* صهيب الثعلب وضعنا في إمتحان صعب جدا ..
* امتحان (الغزل وعدم الغزل) ..
* خايفين نتغزل في الثعلب يقوم (الغزل يفسده) ، وخايفين نكتم إعجاب (اقلامنا) يقوم (الحبر يشرق القلم) ..
* وكل الذى نستطيع ان نقوله إختصارا هو : (الثلعب ولاده الهنا) ..
* عيونا بارده وما شاء الله وتبارك الله ..
* ناس المريخ خايفين من العيد ..
* وأول مره في حياتي اشوف لي زول بيخاف من عيد الاضحى ..
* والله صحى ..
* الزول بيخاف من العيد في تلاته حالات بس .. الحاله الاولى لو عندك (مصران) والحاله التانيه (لو عندك عزيز مسافر تانى يوم في العيد) والحاله التالته لو بقيت انت (الخروف) ..
* دى الحالات التلاته البتخوف الناس من عيد الاضحى ..
* والحاجة البنعرفها إحنا واولاد حلتنا إنو المريخ ما عندو مصران ولا عندو زول عزيز مسافر تانى يوم ..
* يعنى يا حبيبي المريخ (ضحيه ضحيه) ..
* والسنة دى بالذات غايتو يا متنا من الضحك يا كمان الضحك كتلنا ..
* غايتو جنس غايتو ؟؟
* اجتماع (كتله انديه الممتاز) المقرر غدا هو (اسهل اجتماع) على وجه الاطلاق ..
* وسهوله الاجتماع تكمن في (الاجنده) ..
* والاجنده واااااضحه ..
* (فريق حكومى ماشى بالحكام خسر مباراتين جا جارى على المكاتب داير يشيل نقاط المباراتين الخسرهم وقامت اللجنه حققت له هذه الرغبه) ..
* دى اجندة الاجتماع ..
* واضحه جدا ..
* يبقى القرار برضو لابد ان يكون واضحا ..
* إذا لم تتراجع اللجنه من قرارها تنسحب الانديه من الدورى عشان نشوف مجدى واسامه بيعملو شنو ..
* كل الانديه ستنسحب ما عدا (حنطور العرضه جنوب) ومريخ كوستى ومريخ الفاشر ..
* وبعد انسحاب الانديه ممكن (معتصم جعفر وعزو مستريح) يفكرو في بطوله للشطرنج ..
* او أنا عندى ليك مقترح لبطوله ..
* اعملو بطوله جديده سموها بطوله (القانون تحت اقدامنا) ..
* والبطوله دى تمنح حق (الرعايه) لوكالة (تاكس) ..
* وتمنح حق (البث) لقناة (الشروق) ..
* والانديه المشاركه في البطوله تكون هى : (حنطور العرضه ومريخ الفاشر ومريخ كوستى ومريخ الثغر ومريخ الدلنج ومريخ نيالا ومريخ الابيض وجزيرة الفيل ومريخ الحصاحيصا) ..
* ده مقترحي للبطولة القادمة ..
* واى زول طبعا حر في (مقترحاتو) ..
* ما في زول بقدر يقول لي : ليه اقترحت كده ؟؟
* ان شاء الله اقترح إنو يكون في (تواطؤ حلال) قبل مباراة (الخال) مازيمبي ..
* خال ب(الياء) ..
* في كل عام (تُسجل) الاجهزة الفينه بالهلال (انطباعات سيئه) عن لاعبين يثبتون مع الايام انهم (كبار وكبار جدا) ..
* ومثلما ظلم الهلال (ديفيد سيمبو) واكتشفه متأخرا ، ها هو بالامس يخرج كانوتيه المظلوم ويقدم نفسه مع خواتيم الموسم بشكل مدهش جدا ..
* قدم كانوتيه مستوى اكثر من رائع في مباراة صعبه امام فريق متمكن وهو البعيد كل البعد عن المشاركات ..
* المستوى الذى لعب به كانوتيه لم يشعرنا بأنه (صديق كنبه) واظن ان الفتى كان واثقا من نفسه فظهر بذلك المظهر الرائع ..
* وقطعا المقام ليس مقام مقارنه ما بينه واتير توماس ومالك ..
* لا نقارن بينهم فكلهم نحن في اشد الحوجه لهم فقط نقول امنحو هذا اللاعب فرصه كافيه وجربوهو في محور الارتكاز ..
* العقليه الكبيره لكانوتيه ستجعل منه محور ارتكاز كااارب ومكرب ويقطع المويه والنور ويكتم الانفاس ..
* بمناسبه الانفاس .. قررنا ان نطلق شعار : (كتمتو نفسو الهوا وينو) لمباراة مازيمبي والمريخ ..
* وأنا قدمت مازيمبي على المريخ لانو مازيمبي ما حنطور ..
* المباراة تاتى تحت شعار (كتمتو نفسو الهوا وينو) ..
* وإذا اراد المريخ ان يهزم مازيمبي (لا قدر الله) عليه ان يلعب بمشاطيب الهلال ..
* خلو تشكيلتكم تكون : (المعز ، عمر بخيت ، الباشا ، علاء الدين بصمه ، عبده جابر ، بكرى المدينه) ..
* وممكن تلعبو معاهم (ولدنا) امير كمال و(ولدنا) كوفى ..
* لو لعبتو بالتشكيله دى ممكن تغلبو لانو مازيمبي بيحس إنكم هلال هلال كده ..
* وياريت لو كان تراورى موجود ..
* هل تصدق إنو تراورى (رجاله كده) خلى المريخ وسافر بعد ما لهف الدولارات وحاليا قاعد (يتشرشح) في (دبي وابو ظبي والدوحه) بقروش عزو ما في زول قادر يسألو ؟؟
* والله صحى ..
* إنتو وكت بتعرف (تشتكو) المفروض تشتكو تراورى ده ..
* ياخى في تلاته لاعبين عملو في المريخ ده عمايل لما يعملها (نجار حلتنا في خشب جارتنا) ..
* اللاعب الاول هو الحضرى .. الحضرى ده وصل المريخ درجة لحدى ما صحيفة الاهرام المصريه كتبت بالخط العريض : (الحضرى اكبر من كوكب المريخ) ..
* حسب كلام الصحيفه دى إنو الحضرى اكبر من المريخ ..
* اللاعب التانى هو هيثم مصطفى ..
* طبعا يا جماعة معروف النادى بيشطب اللاعب من الكشوفات ..
* لكن هيثم مصطفى شطب المريخ من حياتو ..
* والله صحى ..
* شطبهم من حياتو وخلى المريخ وقعد في البيت وزول قدر يسألو ما في ..
* واللاعب التالت هو تراورى الذى يتجول مع (محبوبته) الان في الامارات بقروش المريخ ..
* غايتو جنس غايتو ؟؟
* المهم ..
* حضور مازيمبي للخرطوم قبل اسبوع من موعد المباراة هو يشبه حضور (سيد البيت) من يوم (23) لاستلام (حق الإيجار) علما بأن الايجار يدفع كل اول اشهر ..
* سيد البيت لما يشوف الشهر قرب بتلقاهو (يتقاطع ليك في الحله) عشان يذكرك بأن الشهر على الابواب ..
* وانت لما تشوف سيد البيت قبل اسبوع من موعد دفع الايجار ريقك بنشف ..
* بتكره البيت وسيد البيت لمجرد انك شفتو قبل اسبوع ..
* ومازيمبي الثقيل جاي قبل اسبوع ولا حوله ولا قوة إلا بالله ..
* اسبوع كامل (طيارتهم الخاصه) بتكون واقفه في مطار الخرطوم ومنتظره ..
* والله المفروض طيارة مازيمبي الخاصه دى يستغلوها فترة الاسبوع ده وتشتغل سفريات داخليه ..
* استغل فترة العيد يا كاتومبي وشغل الطياره سفريات داخليه (نيالا بورتسودان كسلا الجنينه) ..
* والله غايتو السنة دى يا متنا من الضحك يا كمان الضحك كتلنا ..
* ما في داعى مازيمبي يجى قبل اسبوع ..
* ى ثقاله وعدم احترام ..
* ولكن طالما قررو يجو اليوم فنحن سنتعامل معهم باخلاق السودان الفاضله ..
* من هسه انا عازم كدبايا فطور اول يوم في العيد ..
* وعازم كالابا غداء اول يوم ..
* السودان يا جماعة بلد كرم واخلاق ..
* ونجوم مازيمبي مساكين العيد بلقاهم بره بلدهم عشان كده لابد من اظهار الاخلاق السودانيه سيما وان هذه ايام مباركه جدا ..
* اللاعبين المسلمين في مازيمبي عادة قاعدين يضبحو الخروف تالت يوم في العيد ..
* وتالت يوم لو ما لقو خروف بضبحو حنطور ..
* إتعود على كده ..
* ولذلك المريخ لو محظوظ تجى مطره تالت يوم في العيد عشان المباراة تتأجل لانو تالت يوم بيصادف يوم الضبيحه عند مازيمبي ..
* وكلامنا ده ما ترمو واطه لانو إحنا قبل تلاته اسابيع هزمنا مازيمبي وقبل شهرين إتعادلنا معاهو في الكنغو ..
* يعنى إنتو البيحلكم من مازيمبي ده حاجتين اتنين بس .. تجى مطره او المطره تجى ..
* غير الحاجتين ديل ما عندكم حل ..
* ولو المطره جات تانى يوم من المطره الجو بيكون حلو وحلاوة الجو بتساعد على رقيص كدبايا وبتساعد على ضحكنا إحنا ..
* والله صحى ..
* و..و..
* والكنت قايلو فات زمان …(طيارتو جايه الليله) ..

انقر هنا لقراءة الخبر من مصدره.