سودارس : دقشك وقال معليش سواق عجلة العيش !!

وزير الخارجية والتعاون الدولي يلتقي رئيس الوزراء الهندي تفاصيل بشأن محاولة تزوير في جامعة الخرطوم التعادل الإيجابي يحسم مباراة الأهلي المصري والشباب التنزاني حسين خوجلي يكتب:كنتُ خائفًا أن يفعلها حميدتي، لكنه لم يخذلني!! شاهد بالصور والفيديو.. رئيس مجلس السيادة "البرهان" يكسر "البروتوكول" ويشرب "كوب" من "العرديب" أهداه له مواطن خلال موكب حاشد بالخرطوم شاهد بالصورة والفيديو.. فتاة سودانية تقتحم المسرح وتدخل في وصلة رقص مثيرة وهستيرية مع الفنانة هدى عربي على أنغام "لولا" شاهد بالصورة والفيديو.. نائب رئيس نادي الهلال يثير الجدل برقصات مثيرة مع محترف الفريق داخل أرضية الملعب احتفالاً بالفوز على صن داونز وساخرون: (هذا المنصب جلس عليه عظماء) السفير السوداني بالقاهرة: أعداد المرحّلين أقل مما يُشاع الإعيسر يدعو المواطنين للعودة إلى ديارهم معززين مكرمين صحفية مصرية تنتقد سفير السودان بالقاهرة بسبب تجاهله دعوة الإعلام المصري: (القصة الخاصة بأوضاع السودانيين في مصر لا تخص السودانيين وحدهم سعاده السفير) بالصور.. أيقونة الثورة السودانية آلاء صلاح تضرب في كل الإتجاهات: أنا ضد قحت وصمود وتأسيس (تجار الشعارات، اللاهثين وراء بريق السلطة والمشترين بالثمن البخس) سعر الدولار اليوم السبت 31-1-2026.. تغيرات محدودة الهلال يهزم صن داونز وينفرد بالصدارة ويضع قدما في دور الثمانية رغم نزيف باحثي الذكاء الاصطناعي.. "أبل" تحضر نسختين جديدتين ل"سيري" خلال أحياء ذكرى الاستقلال، سفير السودان بلندن يتناول جهود القوات المسلحة في إعادة الأمان لعدد من الولايات داليا البحيري تقر بشد وجهها.. وتسأل "تفتكروا هصغر كم سنة؟" جهاز ثوري يراقب الإجهاد والتوتر المزمن بدقة من القمة إلى الهبوط.. هل سقط اتحاد جدة في بئر ريال مدريد المظلم؟ إنستغرام تطور خيار مغادرة "الأصدقاء المقربين" (المريخ …. يتعافى) استقرار سعر الذهب في مصر اليوم السبت 31 يناير 2026 *كش ملك .. هلال اماهور هلال الفرحة والسرور لم تزدهم الحرب إلّا غالباً المقال الأخير ... السودان شجرة "البامبو" مصر.. القبض على أصحاب تريند "صلي على النبي" الذهب يهوي من قمته التاريخية بنفيكا البرتغالي وريال مدريد الإسباني.. نتيجة قرعة الملحق لدوري أبطال أوروبا نشر صور نادرة للعروس مع والدها الراحل.. شقيق الفنان محمود عبد العزيز يهنئ "حنين" بزواجها من المطرب مأمون سوار الدهب بتدوينة مؤثرة (يا محمود اليوم ده كان حقك تكون واقف تدمع وتضحك في نفس اللحظة) تحويلات المغتربين الأفارقة.. شريان اقتصادي لحاضر الدولة ومستقبلها ارتفاع اسعار الذرة والسمسم بسوق القضارف المالية تعلن ضوابط وترتيبات إنفاذ موازنة العام 2026م وزير الطاقة يعلن التوجه نحو توطين الطاقة النظيفة وتعزيز الشراكات الدولية خلال أسبوع الطاقة الهندي 2026 مصطفى شعبان يعود إلى الدراما الشعبية بعد الصعيدية فى مسلسل درش مركز عمليات الطوارئ بالجزيرة يؤكد استقرار الأوضاع الصحية اكتشاف علمي قد يُغني عن الرياضة.. بروتين يحمي العظام حتى دون حركة ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل البروفيسور ايهاب السر محمدالياس يكتب: مكافحة القوارض .. النظر خارج الصندوق شرطة مكافحة المخدرات بتندلتي تضبط شخصاً بحوزته 250 قندول حشيش إحباط محاولة تهريب ذخيرة في السودان تلفزيون السودان يستأنف البث المباشر من مقرّه الرئيسي الشرطة في الخرطوم تداهم منزل أحد قادة الميليشيا المُبدع الذي جَعلَ الرؤيَة بالأُذن مُمكِنة الشرطة في الخرطوم تداهم منزل أحد قادة الميليشيا شرطة الأزهري غرب تضع يدها على مقتنيات منهوبة وزير الصحة: التبغ عدو الحاضر والمستقبل و فاتورته الصحية تفوق عائداته الضريبية رشوة ب 12 ملياراً..إحباط محاولة كبرى في السودان هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم «تحشير بالحبر».. وادعاء بالتلاعب في سند صرف ب 2.2 مليون درهم مستقبل اللغات في عالم متغير.. هل ستبقى العربية؟! السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

دقشك وقال معليش سواق عجلة العيش !!

كورة سودانية نشر في كورة سودانية يوم 12 - 10 - 2015

بالعربى الكسيح
محمد الطيب الأمين
دقشك وقال معليش سواق عجلة العيش !!

* في الدنيا دى مرات الحزن ب(يلد) الحزن ..
* عملية إنجاب عديل ..
* حزن يجر حزن ..
* الأحزان (تتناسل وتتكاثر) فتنجب أحزان صغيره وكبيره ..
* وفي أحزان بتكون (توأم) ..
* حُزنين اتنين بيجوك في وقت واحد ..
* تكون قاعد في (بيت بكا) يجيك خبر (بكا تانى) ..
* والله صحى ..
* من بيت العزاء ده تمشى لبيت العزاء داك طوالى ..
* والقصه دى الآن تنبطق في المريخ تماما ..
* ناس المريخ لسه (فارشين في بكا ساماتا) قام جمال الوالى الشهير ب(عزو) جاب ليهم خبر إستقالتو ..
* حاليا البكا في المريخ هو (بكا تربيع) ..
* يبكو من ساماتا ويبكو من عزو ..
* وأنا بصراحه ما عارف الحار شنو ؟
* حار طيران الكنغو ولا حار فراق عزو ؟؟
* بس المتأكد منو مليون في الميه هو : (حار فراق عزو بعد ما يوالف) ..
* غايتو جنس غايتو ؟؟
* حال المريخ هذه الايام بيذكرني ب(إعلان شركه زين) ..
* الاعلان الظريف البيقول : (المكوجى في الحى تشتش قميصي علي .. حساس بحبو الناس إنسان وقلبك حى) ..
* دقشك وقال معليش سواق عجلة العيش ..
* جمهور المريخ بعد جمال الوالى ح يبقى زي الزول البدقشُو سواق عجلة العيش وبيقول ليهو معليش ..
* كل ما اسمع الاعلان ده طوالى بتذكر الحنطور ..
* واى زول طبعا حر في (تذكاراتو) ..
* جمال الوالى (13) سنة من الحكم والمحصله (3) بطولات في الدورى الممتاز و(14) إستقاله و(10) وصافه ..
* وطابقين طبعا ..
* الطابقين أهم شي ..
* و(14) لاعب من الهلال بالاضافه ل(مدربين اتنين) ريكاردو وغارزيتو ..
* والحضرى برضو ..
* ولو نسيت لن أنسى (البوسنى نجاد) ..
* وسبعه البرد بتاعت شلبيايه ..
* وتشتش قميصي علي ..
* وبايرن ميونخ ..
* ووارغو ..
* والعارف عزو مستريح ..
* والله صحى ..
* صبر جمال الوالى على المريخ والمريخ نفسه صبر على جمال الوالى ..
* صبرو على بعض شديد ..
* وافضل إنجاز لهذا الصبر الطويل كان هو بلوغ المربع الذهبي لاول مره في التاريخ هذا العام ..
* (13) سنة قضاها جمال في المريخ بينما في هذه السنوات ال(13) مر على الهلال كل من الفريق المدهش وصلاح ادريس وشيخ العرب والبرير والحاج عطا المنان والكاردينال ..
* في المريخ لعب جمال الوالى دور (السر قدور) في (اغانى واغانى) ..
* فظل المريخ هو مريخ بلا طعم وبلا هويه يلهث ويجرى وراء (العطاله الاجنبيه) من المحترفين فضلا عن تسجيل (نفايات الهلال) ..
* وعلى فكره (نفايات الهلال) تعبير كتبه مزمل ابو القاسم قبل فترة ..
* مزمل قال : لن نقبل بدفن نفايات الهلال في ارض المريخ .. وكان هذا قبل تسجيل هيثم وعلاء ..
* يعنى كلمة (نفايات) دى ما جبتها انا ، جابها استاذ مزمل عشان ما ينط لي واحد ويقول لي الكلمه دى شينه ..
* شينه ولا سمحه انا ما قلتها ..
* فترة الوالى كانت حافله ب(نفايات الهلال) وكان اخرهم عمر ومعز ..
* لو نسيت زول قولو لي ..
* أكرم الهادى ، ريتشارد ، البلدوزر ، طمبل ، الباشا ، عبده جابر ، كلتشى ، المعز محجوب ، تراوري ، علاء يوسف ، بكرى المدينه ، مجاهد القدال ، هيثم مصطفى وعمر بخيت ..
* ديل (14) لاعب من الهلال جمال الوالى سجلهم في المريخ في (13) سنة ..
* ولسه في الطريق (اتير توماس) و(على النور) و(خليفه) و(التاج ابراهيم) ..
* وتشتش قميصي علي ..
* جمال الوالى وخلال هذه السنوات ال(13) إستطاع ان (ينعش) الظروف الاقتصاديه لكثير من العطاله الاجنبيه و(كبار السن من العرب) ..
* باسكال عمل (فيلا) بقروش المريخ ، ووارغو اشترى (ربع نيجيريا) بقروش المريخ ، وعبد الكريم النفطى اشترى (حله كامله) في تونس ، والحضرى قرب يدخل شريك في (قناة السويس) بقروش المريخ ، والأخ تراورى الآن مع (حبيبتو) بتشرشح بقروش المريخ في (دبي) ..
* والله صحى ..
* يبقى المحترفين الاجانب في افريقيا سيفتقدون جمال الوالى اكثر من جمهور المريخ ..
* خبر إستقاله الوالى نزل على المحترفين الافارقه مثل الصاقعه ..
* خبر أليم شديد ..
* ولا ننسى ان المريخ ربما هو النادى الوحيد الذى يستقبل حكم في (صاله كبار الزوار) بمطار الخرطوم في عهد الوالى الغالى ..
* يبقى يا مولانا .. جمال الوالى إستقال ..
* والاستقاله دى (كابوس) عند الحناطير ..
* جمهور الحنطور عايز (كلمات تطمين) في هذه الايام ..
* وواجب الهلالاب ان يقومو بتطمين كل المريخاب ..
* بنطمنكم وبنقول ليكم : إستقاله الوالى (كاميرا خفيه) ، وحتى لو بقت ما كاميرا خفيه فنحن اخوان ..
* يعنى ما في لاعب في المريخ ح ينوم جيعان ..
* والكهربا في استادكم ان شاء الله ما ح تقطع ..
* ومويه النجيله برضو علينا ..
* و(بنزين البص) حقكم علينا ..
* بمناسبه البص ..
* عدد المحترفين الجابهم جمال الوالى في (13) سنة اكتر (باصات الوالى) الجابها عبد الرحمن الخضر ..
* ودقشك وقال معليش سواق عجلة العيش ..
* المهم ..
* ان شاء الله ما بتجيكم عوجه ..
* لو كهربتكم (كملت) بنجدع ليك سلك من استادنا ..
* صحيح إحنا ناس مساكين وكرهبتنا كهربت (زريبة عيش) ما زي كهربتكم بتاعت (سد مروى) لكن برضو ما بنقصر ..
* والله العظيم يا حناطير بعد جمال الوالى ده الفراخ تانى إلا تشوفو (لافى في المكنه) ..
* الباسطه دى إلا تشوفها في المسلسلات المصريه ..
* لكن ما مشكله إحنا قاعدين ما بتجيبك عوجه ..
* وفي النهايه ان شاء الله جمال الوالى بيرجع ..
* لكن عشان جمال الوالى يرجع في شروط لازم تتنفذ قبل رجعتو ..
* اول شرط لازم تعملو (42) مسيره تطالب بعودته ..
* (42) مسيره بواقع مسيرتين في اليوم ..
* مسيره صباح ومسيره عصر ..
* ولازم مسيره العصر تكون اكبر من مسيره الصباح ..
* وتشيلو لافتات من القماش الابيض ..
* وفي كل مسيره لازم يكون معاكم لاعب من اللاعبين الحاليين وواحد من قدامى اللاعبين بالاضافه لقطب من الاقطاب وصحفى ..
* ولو جمال ما رجع الكارينال ان شاء الله يسجل لينا ويسجل ليكم ..
* الكاردينال يجيب لينا ساماتا ونديكم كيبى يجيب لينا لاعب وستهام ونديكم جوليام ، يسجل لينا ولاء الدين ونديكم اتير توماس ..
* اصلو ما بنقصر معاكم ..
* في النهايه الناس بالناس ..
* نتعامل معاكم زي (الناس المرطبين) لما يجيبو (اثاث وعفش جديد) بتخلصو من القديم ..
* إنتو القديم بتاعنا متعودين عليهو ..
* عشان كده لما نجيب (ساماتا) ب(850) ألف دولار بنبيع ليكم كيبى (32) ألف دولار ..
* وده سعر أخوان ..
* ده ما سعر سوق .. سعر اخوان ..
* والله صحى ..
* لو ده ما عجبكم عندكم حل تانى ..
* استادكم ده اعملو (كافتريا) ..
* الموقع بتاع استادكم العملتو الحكومه ده موقع ممتاز ..
* لو بقى كافتريا بينجح ..
* والله صحى ..
* قريييب من الاحفاد ..
* اعملو كافتريا وامشو ألعبو في دار الرياضه ..
* اصلا كده كده سنتين تلاته وبتنزلو الاولى ان شاء الله ..
* ما في مريخ بدون جمال الوالى ودى حقيقه إنتو عارفنها لكن بتعملو فيها ما عارفين ..
* جمال الوالى ادخل كتير من الحاجات الغلط في الوسط الرياضى ..
* حاجات كتيره غلط دخلت مع الوالى ..
* وسنتحدث عنها ..
* الوالى طلب العفو من الوسط الرياضى ولكن هذا لا يمنع الحديث عن سلبياته الكبيره والكتيره ..
* سنتحدث عن هذه السلبيات وعن اثر استقاله الوالى على الاتحاد العام ..
* واعتقد ان حزن قاده الاتحاد على رحيل الوالى هو حزن كبير جدا ربما يوازي حزن جمهور المريخ ..
* المهم ..
* نرجع ونقول ..
* لو ناس المريخ قررو يبيعو (البص حقهم) يجب ان يكون الكاردينال على علم بذلك ..
* اى حاجة دايرين تبيعوها لازم تدو الكاردينال خبر ..
* الايام الجايه دى ح تتعبو شديد لو ما عينو ليكم رئيس سريع ..
* شيلو صلاح ادريس ما كعب معاك والله ..
* طبعا صلاح ادريس كان بتمنى جمال الوالى يستمر عشان الكاردينال ما يتفسح براهو ..
* صلاح بيكون عايز الوالى يشيل الثعلب وولاء الدين ووليد الشعله ..
* لكن راحت عليكم ..
* الثعلب مشفر لحدى (2019) ..
* والمريخ ده تانى (كديس ما بشيلو من الهلال خليك من ثعلب) ..
* والله صحى ..
* و..و..
* وعصير القصب البيشوفني مشيت بيت ….(الوالى) ما كضب ..

انقر هنا لقراءة الخبر من مصدره.