في ال18 عمر الطيب الامين قلوكما (الميدان فيهو كم) ….!! # في ناس في الدنيا دي مضحكين جدا …. # في زول بتلقاهو سمع نكتة دشليون مره لكن بضحك لو سمعها تاني …. # لو قلت ليهو النكتة دي في اليوم 300 مره بضحك ……. # عنصر الضحكة بكون جواه انتهى لكن ثقالة منو بضحك # هسي وزيركم دا سمع النكتة وبضحك ….. # قال الوزير قلوكما في بيانه ظلت وزارة الشباب والرياضة الاتحادية تتابع تداعيات الأحداث الاخيرة عقب إعلان لجنة الإستئنافات بالاتحاد السوداني لكرة القدم قراراتها بخصوص إعادة مباراتي المريخ والامل في الدوري الممتاز واعتبار المريخ فائزاً في مباراته امام الهلال كادقلي وكذلك التصريحات التي تناولتها وسائل الاعلام بإنسحاب بعض الاندية من منافسة الدوري الممتاز، وبعد اللقاء الذي جمعنا بحضور وكيل الوزارة الدكتور نجم الدين المرضي، ومدير عام الرياضة بالانابة مع قادة الاتحاد السوداني للاطلاع على حيثيات اصدار تلك القرارات وموقف الاتحاد ولوائحه المنظمة منها " . وتابع : " عليه فإن وزارة الشباب والرياضة الاتحادية تؤكد حرصها التام علي حماية القرارات الفنية للإتحادات الرياضية وإلتزامها الكامل بكل ما تصدره من قرارت على كافة المستويات " . واضاف " إلتزاماً منها بمبدأ إستقلالية وديمقراطية الحركة الرياضية فإنها تناشد كافة الاطراف الإمتثال لحكم القانون والنأي بالنشاط الرياضي عن ساحات الخلاف الاداري وصون مكتسبات الحركة الرياضية المتمثل في دعم قيادة الدولة ورعايتها للرياضة ." وأشار الوزير في بيانه الي انه سيقوم بتنوير رئاسة الجمهورية لنوضح من خلاله ملابسات ما حدث والآثار التي تترتب على مستقبل كرة القدم في السودان إذا ما اضطرت الدولة للتدخل لإلغاء قرارات الاتحاد السوداني لكرة القدم وبالتالي عزل السودان عن محيطه الدولي والافريقي على مستوي المنتخبات والاندية وربما هدم منظومة كرة القدم السودانية التي نسعي جاهدين لتعزيز النجاحات التي حققتها على مستوي الأندية والمنتخبات . # عليك الله يا سعادة الوزير اطلع منها …..! # دا شهر ما عندك ليهو رقبة …. # بعدين يا السيد الوزير انت الميدان فيهو كم ما عارفو …. # وين قلوكما من البحصل دا من زمان ….. # بعدين هسي ما بتخجل تقول نحمي القرارات …… # في ذمتكم ما بتخجل …. # واقول ليك حاجة نجاحات شنو البتتعزز …. # وين النجاحات يا قلوكما …. # نحنا لا بنعرف المحافل الاقليمية ولا المتحف القومي ولا خط هيثرووو منسحبين مسحبين ….. # نهاية الممتاز في نظرنا بكره … # بكره ختام الموسم بالنسبة لينا ….. # بنعتبر الهلال حامل اللقب والاهلي شندي في المركز الثاني ….. والخرطوم في المركز الثالث .. # عشان ما تنظر ساي يا قلوكما # والله في دنقلا الا تلعبوا مع موظفين الوزارة ….. # انتو بالاحمر وهم بالازرق # اعتبرو دا الهلال ….. # قرضوا على كدا …. # خلي قلوكما دا يكون ليهو فريق … # يلم ناس سمير. البوزعو في النقاط زي المرارة ديل ….! # الدوري دا بالنسبة لينا منتهي # بعد كدا بنفتح ملف التسجيلات والمعسكر الاعدادي # نحنا بنعمل في الكشف الطبي للمحترفين حاليا … # دوري فيهو سمير والمريخ دا ما بشرفنا نشارك فيهو ….. # بلوا واشربوا مويتو ….. # وو. وو # بكره تسليم الكاس ….. وكالعادة قادة الاتحاد ما بحضرو التتويج …… # ما بقدرو يجوا لانو النهائي هلال امل … # بي حليفتي لو في عدالة وتحكيم نزيه هلال امل او هلال اهلي شندي دا الوضع الطبيعي لختام الموسم ….. # قلت لي شنو يا قلوكما بما يحقق التطور المنشود # هو لو في عدالة وقانون ناس سمير ديل بعملوا كدا… # لابد لي ان اشيد بالكاردينال ومولانا جمال حسن سعيد مهما كلف الامر يبقى الاصالح هو مطلب جماهيري .. # يلا بلا لمة ….. # وو .. الفينا مشهودة ….. وعارفنا الُاسِتْنَافَاتْ الُحُارَةِ بٌّنَخوَضُُها ….. # قبل الطبع : قلوكما … المطرة صابة وين