سودارس : يا اسامة ومجدي انتوا (التحلل) دا ما درسوكم ليه؟

مباحث قسم الصناعات تنهي نشاط شبكة النصب والاحتيال عبر إستخدام تطبيق بنكك المزيف بولس : توافق سعودي أمريكي للعمل علي إنهاء الحرب في السودان إجتماع بسفارة السودان بالمغرب لدعم المنتخب الوطني في بطولة الأمم الإفريقية عقار: لا تفاوض ولا هدنة مع مغتصب والسلام العادل سيتحقق عبر رؤية شعب السودان وحكومته البرهان وأردوغان يجريان مباحثات مشتركة شاهد بالصورة.. الطالب "ساتي" يعتذر ويُقبل رأس معلمه ويكسب تعاطف الآلاف شاهد بالفيديو.. الفنانة ميادة قمر الدين تعبر عن إعجابها بعريس رقص في حفل أحيته على طريقة "العرضة": (العريس الفرفوش سمح.. العرضة سمحة وعواليق نخليها والرجفة نخليها) شاهد بالفيديو.. أسرة الطالب الذي رقص أمام معلمه تقدم إعتذار رسمي للشعب السوداني: (مراهق ولم نقصر في واجبنا تجاهه وما قام به ساتي غير مرضي) بالصورة.. مدير أعمال الفنانة إيمان الشريف يرد على أخبار خلافه مع المطربة وإنفصاله عنها وحدة السدود تعيد الدولة إلى سؤال التنمية المؤجَّل بعثه الأهلي شندي تغادر إلى مدينة دنقلا تراجع أسعار الذهب عقب موجة ارتفاع قياسية عثمان ميرغني يكتب: لماذا أثارت المبادرة السودانية الجدل؟ الخارجية ترحب بالبيان الصحفي لجامعة الدول العربية ألمانيا تدعو لتحرك عاجل: السودان يعيش أسوأ أزمة إنسانية الفوارق الفنية وراء الخسارة بثلاثية جزائرية نادي القوز ابوحمد يعلن الانسحاب ويُشكّل لجنة قانونية لاسترداد الحقوق ياسر محجوب الحسين يكتب: الإعلام الأميركي وحماية الدعم السريع محرز يسجل أسرع هدف في كأس أفريقيا شاهد بالصور.. أسطورة ريال مدريد يتابع مباراة المنتخبين السوداني والجزائري.. تعرف على الأسباب!! وزير الداخلية التركي يكشف تفاصيل اختفاء طائرة رئيس أركان الجيش الليبي سر عن حياته كشفه لامين يامال.. لماذا يستيقظ ليلاً؟ "سر صحي" في حبات التمر لا يظهر سريعا.. تعرف عليه والي الخرطوم: عودة المؤسسات الاتحادية خطوة مهمة تعكس تحسن الأوضاع الأمنية والخدمية بالعاصمة فيديو يثير الجدل في السودان إسحق أحمد فضل الله يكتب: كسلا 2 ولاية الجزيرة تبحث تمليك الجمعيات التعاونية الزراعية طلمبات ري تعمل بنظام الطاقة الشمسية شرطة ولاية نهر النيل تضبط كمية من المخدرات في عمليتين نوعيتين الكابلي ووردي.. نفس الزول!! حسين خوجلي يكتب: الكاميرا الجارحة احذر من الاستحمام بالماء البارد.. فقد يرفع ضغط الدم لديك فجأة في افتتاح منافسات كأس الأمم الإفريقية.. المغرب يدشّن مشواره بهدفي جزر القمر استقالة مدير بنك شهير في السودان بعد أيام من تعيينه كيف تكيف مستهلكو القهوة بالعالم مع موجة الغلاء؟ 4 فواكه مجففة تقوي المناعة في الشتاء اكتشاف هجوم احتيالي يخترق حسابك على "واتسآب" دون أن تشعر رحيل الفنانة المصرية سمية الألفي عن 72 عاما قبور مرعبة وخطيرة! شاهد بالصورة.. "كنت بضاريهم من الناس خائفة عليهم من العين".. وزيرة القراية السودانية وحسناء الإعلام "تغريد الخواض" تفاجئ متابعيها ببناتها والجمهور: (أول مرة نعرف إنك كنتي متزوجة) حملة مشتركة ببحري الكبرى تسفر عن توقيف (216) أجنبي وتسليمهم لإدارة مراقبة الأجانب عزمي عبد الرازق يكتب: عودة لنظام (ACD).. محاولة اختراق السودان مستمرة! انخفاض أسعار السلع الغذائية بسوق أبو حمامة للبيع المخفض ضبط أخطر تجار الحشيش وبحوزته كمية كبيرة من البنقو البرهان يصل الرياض ترامب يعلن: الجيش الأمريكي سيبدأ بشن غارات على الأراضي الفنزويلية قوات الجمارك بكسلا تحبط تهريب (10) آلاف حبة كبتاجون مسيّرتان انتحاريتان للميليشيا في الخرطوم والقبض على المتّهمين إسحق أحمد فضل الله يكتب: (حديث نفس...) مياه الخرطوم تكشف تفاصيل بشأن محطة سوبا وتنويه للمواطنين محافظ بنك السودان المركزي تزور ولاية الجزيرة وتؤكد دعم البنك لجهود التعافي الاقتصادي الصحة الاتحادية تُشدد الرقابة بمطار بورتسودان لمواجهة خطر ماربورغ القادم من إثيوبيا مقترح برلماني بريطاني: توفير مسار آمن لدخول السودانيين إلى بريطانيا بسهولة الشتاء واكتئاب حواء الموسمي عثمان ميرغني يكتب: تصريحات ترامب المفاجئة .. "كرتي والكلاب".. ومأساة شعب! ما الحكم الشرعى فى زوجة قالت لزوجها: "من اليوم أنا حرام عليك"؟ حسين خوجلي: (إن أردت أن تنظر لرجل من أهل النار فأنظر لعبد الرحيم دقلو) حسين خوجلي يكتب: عبد الرجيم دقلو.. إن أردت أن تنظر لرجل من أهل النار!!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

يا اسامة ومجدي انتوا (التحلل) دا ما درسوكم ليه؟

كورة سودانية نشر في كورة سودانية يوم 01 - 11 - 2015

دق الدلجة
محمد عبد الماجد
يا اسامة ومجدي انتوا (التحلل) دا ما درسوكم ليه؟
اعتقد ..والكلام دا ما عاوز ليه (كرتونة بسكويت) ولا (ملوة بلح).
ولا زول يقعد مطرف في (منصة) ويقعد ينظر في الناس – يقول ليهم كلام لا
في السماء ولا في الواطة.
طبعا الكلام بتاع الناس ديل في (المنصات) بتلقاهو (كبير) وفخيم ..ومفرح.
لمن تجي في الواقع تلقاهو يبقى لحين السداد.
الكلام دا ما عاوز ليه مؤتمر صحفي.
فضائحكم بقت بالصفائح يا ناس المريخ.
بالشولات.
وعلى الهواء مباشرة.
العالم كلو بيسمع فيها.
اذاعة وتلفزيون.
القضارف دي نحن بنعرفها ب (السمسم).
بنعرفها ب (العيش).
بنعرفها ب (السمنة).
بنعرفها ب (الفول السوداني).
بنعرفها ب (المطر).
انتوا يا ناس المريخ تخلوا الحاجات دي كلها وتجيبوا ليكم منها (تقرير مزور).
قضارف الخير – ما فيها حاجات زي دي.
ناس (دغريين) والاعور بقولوا ليه اعور في المؤتمر الصحفي.
ولا بدسوها.
عائشة الفلاتية دي من الخمسينات بتغني في (يا سمسم القضارف) عمرها –
ولا في كوبليه واحد حصل جابت ليها سيرة (تقرير مزور).
الكلام دا انتوا بتيجبوه من وين؟.
كمان بقيتوا تزوروا في (التقارير).
البصمة قلنا دا امر داخلي ..جاجة بيناتكم…الموضوع كمان يصل
للقضارف…يبقى الحكاية كبرت شديد.
مات صحفي تنزاني ..قلنا بتحصل.
زورتوا في (البصمة) قلنا ما مشكلة.
قلتوا السيستم رفض الياسو – قلنا سيستمنا دا اصلو عندو حركات.
طلعتوا الشرطة من الملعب …قلنا الشرطة في خدمة المريخ.
برضو حل.
لكن تصل بيكم الحكاية انكم تزوروا في مستند رسمي ..وتنزلوا بيه الهلال
والامل من الممتاز للدرجة الاولى …لا دي ما بنسكت عليها.
انت ناس الهلال ديل بعد كدا منتظرين شنو؟.
منتظرين ينزلوا الدرجة الاولى.
يا جماعة افتحوا بلاغات.
وحرروا شكاوي ..داخلية وللفيفا.
الموضوع دا اصلو ما بتسكت عليه.
لو سكتنا على الموضوع دا احسن نشوف لينا بلد.
الاتحاد العام ذاتو منتظر شنو؟.
الجهة التى صدر منها التقرير طلعت في مؤتمر صحفي واثبتت ان التقرير مزور.
وان التقرير هذا صادر من جهة اخرى.
وان التوقيع الذي على التقرير لحكم اخر ما عندو علاقة بالمباراة التى
حدثت فيها الازمة.
تاني يعملوا ليكم شنو؟.
تاني يقولوا ليكم شنو؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
ارجع ليكم لي حكاية (اعتقد) دي.
فاكرني يعني ح اخليها ليكم.
اعتقد ان الورطة التى فيها الاتحاد العام الآن ما بطلعوا منها إلّا اذا
طلعوا وقالوا نحن (بنتحلل) من قراراتنا السابقة.
يتحللوا من كل القرارات.
يعني قرارات لجنة الاستئنافات – الاتحاد العام إلّا (يتحلل) منها.
بعدين انتوا البيزعلكم شنو؟.
البلد كلها قاعدة (تتحلل).
يعني بقت على مجدي واسامة ومعتصم جعفر.
اطلعوا (اتحللوا) احسن ليكم من القُعاد ساكت.
الموضوع دا لو وصل المحكمة خطر عليكم.
الموضوع دا فيه سجن عديل كدا – تزوير في اوراق رسمية.
في ناس لغفوا ليهم (40) مليار جنيه – وطلعوا اتحللوا ، ولا في زول سألهم.
ولا في زول قال ليهم حاجة.
مكتب مدير الجمارك السابق متهم باختلاس (85) مليار جنيه.
ممكن ال (85) مليار جنيه دي يرجعو منها (13) جنيه ويتحللوا على كدا.
بتحصل؟.
ولا في زول بقول شيء.
عادي.
موضوع (التحلل) دا ما فيه شيء.
ما تضايقوا.
اصلو ما عندكم حل غير (تتحللوا).
هيا الى (التحلل).
يا ضباط الاتحاد العام اتحللوا بي مساعد الرئيس.
الموضوع جاب ليه تقرير مزور كمان.
بقيتوا تزوروا في تقارير الحكم.
موضوع ادونا (ضربة جزاء) واطردوا لينا لاعب ..بقى ما بجيب شيء.
الموضوع دا تعب ساكت.
بعدين ناس بكري المدينة ديل وقت يحسبوا ليهم ضربة الجزاء ويطردوا ليهم
اللاعب ويطلعوا ليهم الشرطة من الملعب برضو بتغلبو ..وفي ملعبهم كمان زي
ما حصل في مباراة المريخ ومريخ الفاشر.
عشان كدا ناس المريخ ديل احسن يمنحوهم نقاط المباراة عديل كدا في المكتب.
يتعبوا ليه؟.
ناس سمير فضل بجيبوا ليهم (النقاط) لي عندهم.
لغاية البيت.
كورنر ما يرفعوها.
يحولوا ليهم نقاط المباراة ..والمراوح مدورة والمكيفات شغالة.
والموية الباردة.
يتعبوا ليه؟.
ما في حاجة بتستاهل.
ووقت يتعصروا شديد كدا وناس الامل يضايقوهم يجيبوا ليهم تقرير مزور.
احسن تتحللوا.
ما فيها حاجة.
اتحللوا – الموضوع دا لو مشى لي قدام بتظهر فيه اسماء كبيرة.
بجيب ليه حاجات (قُلاد) كدا.
احسن ليكم تتحللوا من بدري.
الموضوع دا يتخيل لي لو مشي لي قدام ممكن تظهر فيه (اراضي).
وعمارات.
وممكن يجيب ليه (مليارات).
وسيارات.
واسماء كبيرة.
احسن ليكم وقوفوه لغاية التقرير المزور دا.
الموضوع دي لو مشى لي قدام بتتعبو.
يقولوا ليكم الكلام الف مرة.
لمن (السطور) تفتر من كلماتنا.
حيلها يتهد.
والموية تقطع.
والكهربة تمشي وتجي ..زي (الباك) الذي اذا اتقدم ما برجع..واذا رجع ما
بتقدم كمان.
الموضوع دا بجيب ليه حاجات ما كويسة.
ادفنوها قبلكم هنا.
بجيب ليه (مطرة).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
اتذكر زمان من الحاجات الما عندها علاقة بالموضوع دا.
بتذكر كدا.
على كيفي ..اتذكر زي ما عاوز.
اتذكر زمان عندنا زول اختلف مع زوجتو.
اضاربو عديل كدا.
الزوج حالتو بقت صعبة ..بقى زول موت.
النخرة حقتو ساعة ونص بنفتش فيها.
اخر شيء ..لقيناها في (عضم الشيطان).
العيون ..الاتنين اتجمعن في حتة واحدة.
الخشم بقى متر ونص.
السنون نزلت كلها في الواطة – و24 ضلعة اتفقدت في هذه المعركة.
الزول قلنا ما نقصر معاهو.
شلناهو وجري على الحوادث.
الدكتور قال لينا الحاصل شنو؟.
قلنا ليه في الحقيقة ..والله نحن ..ومن هذا المنطلق.
الدكتور قال لينا الحاصل شنو؟..اتكلموا.
ونحن ما عاوزين نقول ليه الزول دا انضرب من زوجتو.
شايفنها شينة ..رغم ان الموضوع دا في الهند بحصل عادي.
اخر حاجة قلنا نظرّف الحكاية – قلنا ليه الزول دا دخل فيه (قندران).
الدكتور عاين للزول دا ..ورجع قال لينا الظاهر القندران دخل فيه بي
(ترلتو)…الزول دا حالتو صعبة شديد…لو عاش بفقد الذاكرة.
قلنا ليه يا دكتور ..عليك الله ما توصل لينا المواضيع للحد دا ..شوف
لينا اي طريقة.
ما تبقى لينا زي دكاترة المسلسلات التركية يعلقوا في الناس ساكت.
الزول دا انت قايلو كبير..الزول دا ود متين ..ما بقى لي فقدان الذاكرة.
الدكتور كعب …النوع الما بطمنك داك – قال لينا يعني انا اعمل ليه
شنو؟..القندران الدخل فيه دا (قطر) عديل كدا.
نحن اتهجمنا – قلنا ليه والله صدقت يا دكتور …القندران الدخل فيه (قطر).
ونحن طالعين كدا – قلنا للدكتور ممكن تكتب لينا تقرير بالحادث دا.
الدكتور قال لينا حادث شنو؟…اكتبو ليكم بي القندران وإلّا بالقطر؟.
قلنا ليه يا دكتور اكتبو بي اي حاجة ..بس طلع لينا (الولية) برة من الموضوع.
طبعا نحن خايفين من الجرجرة.
وخايفين من كلام الناس.
كلام الناس كعب.
والليلة يا ناس المريخ – الناس بياكلو لحمكم.
هسع عندكم وش تلعبوا بيه في دنقلا.
عندكم دم.
ناس الكورة انسحبوا.
وناس المكاتب والتقارير المزورة بلعبوا في الكورة.
والله هانت الزلابية.
اتحاد لقيمات بحق وحقيقة.
………..
و
سكوت الهلال بعد هذه الفضائح ..براهو فضيحة.
اتحاد القضارف برأ نفسو ..تاني يعمل ليكم شنو؟.
الموضوع كدا استوى على الاخر.
تسجيلات الهلال اليوم ..احتفالات كبيرة.
الليلة ما في عضو من الاتحاد بيجي مكاتب الاتحاد.
الليلة يوم الهلال.
والاحتفالات ان شاءالله ح تتواصل.
الصبح قرب.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
…………..
السيدة (ل) – جدول تلاتة ما عندو كرامة ما كنا بنحفظو مع ذلك بيجينا في
الامتحانات.
وقرّط على كدا.

حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.