في السلك بابكر سلك حضرنا ولم نجدكم *السنه الفاتت في المازين *حضرنا ولم نجدكم *امس قلناها بالصوت العالي *في دنقلا *حضرنا ولم نجدكم *مشيتو وين ياروشا ؟؟؟ *طوااالي زايغين ؟؟؟؟ *حضرنا ولم نجدكم *ماقلناها برانا *قالتها معانا *جماهير الهلال بدنقلا *علي قلتها حضرت *قالت يمكن يكون الزول وعي من خطورة البعمل فيهو ده *وكعادتها *شجعت جماهير الهلال ضد المريخ *والله تتابعونا تشجعوا الدنيا دي كلها *المهم *حضرنا ولم نجدكم *مشيتوا وين يا روشا ؟؟؟ *اعوه تكونوا مشيتوا الاولي *مطرحكم يا حبيب *بيتكم ومطرحكم *ماعندكم فرق من اندية الاولي في جميع انحاء السودان *لانكم جميعا تشتركون في الصفر الدولي *الصفر الدولي هو الماركة والعلامه المميزه لفرق الدرجه الاولي *المهم *مشينا دنقلا *قابلكم فريق شال كاسين في كورة واحده ؟؟؟؟؟ *اول فريق يشيل كاسين في كورة واحده في العالم *سجل سجل يا تاريخ *وسجل يا تاريخ *افتتاح استاد دنقلا المريخ شال كاسو *زي افتتاح جامعة جوبا *بتتذكروا جوبا يا روشا ؟؟؟ *جوبا مالك عليا !!!! *جوبا الفيها جبل الرجاف *الرجاف منو يا ربي ؟؟؟؟ *المهم *روشا قدم الوصيه لجماهير دنقلا عشان تقاطع المباراه *الجماهير جات لان تسعين في الميه من الدناقله مريخاب *وحتي العشره في الميه جوا يا روشا *معقوله زول يكون ساكن دنقلا كوفي ده يجيهو لي البلد *يقعد في بيتو وما يجيهو ؟؟؟؟ *عليك الله يا روشا لو قالوا ليك كوفي في بري في اسبارك سيتي *الله يسألك لو عندك ملاريا ومورود *مابتجي تشوف كوفي وتتبرك !!!! *تقول لي جماهير دنقلا ما تجي *انتوا الماجيتوا *آي آي مادايرين *شعاركم واضح *وسببكم اوضح *سبعطاشر دنقلاوي هلالاب *كلهم جوا *كوفي ده ما بتفوت *نغمتنا القادمه يا روشا *الفات فات في ديلو سبعه لفات *بذكركم ليها *اصبروا شويه * المهم *ناس روشا حضرنا ولم نجدهم *لكن دنقلا حضرت عن بكرة ابيها *دنقلا والمناطق المجاوره *عرب حضروا ونوبه *وبعانخي يا روشا *ايها الناس *حضور جماهير الهلال بدنقلا للاستاد *بزيها وشعاراتها ودفوفها *ماهو الا تعبير واضح برفض القرار الذي اتخذه كردنه ورفاقه *دليل علي رفض الجماهير الواعيه من الاهله للانسحاب *تعبير حضاري لجماهير حضاريه *وماغريب علي اهل الحضارات التصرف الحضاري *التحيه لجموع اهلة دنقلا الراقيه الواعيه الفاهمه الرافضه للبلطجه والخرخره والخروج علي القانون *واهلة دنقلا قدموا استفتاء علي القرار الغير مسئول لرئيس الهلال *وقالوا كلمتهم *ديل اهله جناح الطيب عبدالله والحكيم وعبدالمجيد منصور والارباب *اهله جناح الوعي واحترام النفس والقانون *ما اهلة لقيمات ساكت وشاي مغربيه واستشارة الاحياء منهم والاموات *مبروك لاهل دنقلا استادهم وعقبال ممثل لهم بالممتاز *بالذات والممتاز حايخلوا من الخرخره وبالتالي ستختفي مبررات يخطئ ولا يظلم *ومبروك للمريخ كأس السودان *كده اربعه و عشرين كاس سودان *مقابل سبعه للجماعه *البلد بلدنا نحنا ديل *ايها الناس *مواسير كردنه اجبرتو علي الانسحاب *كان داير يدخل القمه فائزا بالكاس باي فرض *وطبعا عارف انو حايطلع مغلوب *والغلب ده بشفع ليهو عنو الكاس *وكت لقي الحكاية لا كاس لا غلب *قال اشتت يا عمك *افحط عشان ما يشتتوني *ومبروك للمريخ الكاس التاني *كأس الشهيد الزميل الاستاذ مولانا فتحي خليل *ايها الناس *ان تنصرو الله ينصركم *اها *نجي لي شمارات والي الخرتوم *كان شفت يا والينا *احترام القانون هو الهامينا *لاكبير علي القانون يا والينا *والكبير هو البحترم القانون زي اي فرد فينا *كده ببقي احترم نفسو يا والينا *واحترامو واجب علينا *اما البزوغوا يا والينا *فلا كبير فيهم علينا سلك كهربا ننساك كيف والكلب قال الجماعه زاغوا من وفاق سطيف لمن دنقلا !!!!! والي لقاء سلك