في السلك بابكر سلك عفارم عليك يا طارق * مدرب المراحل السنيه الأجنبى المتخصص صاحب الخبرات الكبيرة وصل * خطوه فاهمه وشجاعه خطاها طارق المعتصم من أجل عملية التأهيل العلمى السليم فى المريخ * وطارق إلتزم براتب المدرب * يبقى على الشفوت دعم باقى متطلبات المراحل السنيه * إذا كانت المراحل السنيه تؤهل لاعباً فى السنه للفريق الكبير * فإن ذلك يعتبر مكسباً بحسابات الربح والخساره والسعى خلف درة التسجيلات وقنبلتها وإستيراد اللاعبين من بره * شكراً طارق المعتصم على هذا الفهم الراقى * شكراً مقدماً للشفوت البدقوا صدورهم لشيل الشيله مع طارق * أنه غرسٌ ثماره ستدهش الناس * وبالتوفيق * أها * المبالغ السمعنا إنو كردنه قدمها لى ناس ميسى * حقيقه ولا زى ابوقنفت سوق ليبيا؟ * أبوالقنفت ما شبهك يا ميسى لكن القسمه * أيها الناس * نحتاج لأجنبى يصنع الفارق بالتأكيد حايكون فى خانة واحده من الأجانب القاعدين * شخصياً أستبعد كوفى طبعاً * وصديقى أحمد عباس سيستبعد أوكراه * الفضل منوووووو؟ * المهم * العضويه نشطت فى هذه الأيام * نتمناها واعيه وعاقله وليست محشودة وتابعه * والوقت مناسب لعودة جميع قيادات وأقطاب الزعيم * نريد مريخاً نختلف فيه ولا نختلف عليه * نختلف فيه لا عليه دى زى بصق على وجه الحكم مافى وجه الحكم موش؟!. * نتفق حوله وتتعارض أفكارنا فيه بأدب وإحترام وإعتراف بالآخر * نريد حكومه قوية رشيدة قوميه * ونحلم بمعارضه واعيه وداعمه وبناءة * ومن يعشق المقاعد أكثر من الكيان أكيد خسران * أيها الناس * إلتفافنا حول المريخ هذا الموسم كان أقوى أسباب الظهور الأفريقى المميز * يبقى نستفيد من الدرس * المهم * يأخذ مجراهو عشان يستقيم أمر الرياضه عندنا * القرارات القوية والتاريخية تفيد الشعوب وتسجل صاحب القرار على صفحات التاريخ موقفاً بأحرف من نور * وأد القانون يزيدنا عبطاً وتعبطاً وتخبطاً وسوءاً * وزى ما قالت فطومه أختى * الفيفا * والفيفا برضك درب قانون * طيب وكت عارفين كده جايين بى خور ابوعنجه من الأول لييييييييه؟ * قانونيه..لا لوساطة ولا جوديه * وإن كانت قرارات لجنة الإستئنافات نهائية وباته * يبقى الجوديه لى شنو؟ * أيها الناس * أستغرب عندما يتحدث الناس عن أزمه * لاتوجد أزمه * كل القصه واحد أزمها على نفسو * حر * فالقننا نحن فوق شنو؟ * كاوبوى لى روحو * نحنا مالنا؟ * المهم * المنتخب بدأ الإعداد * تعالوا نتناسى ألوان الطيف ونتلمه كلنا تحت علم السودان * تعالوا نقدم ما يمكن تقديمه للمنتخب * تعالوا نساهم فى الوقفة الكبرى خلف المنتخب * تعالوا نحس بوجع الوطن * نتنايى آلامنا وموت أحلامنا * ونقدم للوطن * أيها الناس * شكراً دنقلا الراقيه * أرض الحضارات * شكراً جماهير دنقلا الواعيه * نشكرهم جميعاً على اللوحه الجميلة التى قدموها فى نهائى كأس السودان * ونشكر جماهير الهلال بدنقلا * والتى عبرت بوعى عن هلاليتها ووقفتها مع كيانها مع رفضها لقرار الإنسحاب * فلو كانو يؤيدون قرار الإنسحاب لقاطعوا النهائى بحسب دعوة روشا * كانوا ملح النهائى * كانوا الملوحه التى تميز أهل الشمال دوماً * شكراً أهلة دنقلا الفاهمين * المهم * مجلسنا ليس بالساهل الذى يدرك القيمة المعنويه لأى تصرف مهما كانت تكلفته المالية * وكلامى ده إنذكروهوا كويس * أيهاا لناس * أختلف مع الذين يرون عدم التجديد لغرزه هو الأفضل * غرزه شاطر * وإن كان لديك جواد أصيل غير مروض * أفضل لك ترويضه بدل أن تفقده * ولايروض الجواد إلا الفارس الشديد * ولانظن ان مجلسنا يعدم الفرسان الأشداء * العين الحمراء بتخلى الخواجه ياكل الكسره والخواجيه تعوس * دحين خمر عجينك يا ونسى * الزول قرقريبتو جاااااااهزه * أيها الناس * من لايشكر الناس يبقى زول ساى * ونحنا ما ناس ساى * دايرين نقول لجمال شكراً من خلال أضخم مهرجان عرفه الشرق الأوسط وإسرائيل ذاتها * الرجل يستحق اربعطاشر سنه شكر تعادل الأربعطاشر سنه شغل القدمها لينا * فاهمنى؟ * المهم * نلتقى اليوم بأهلى مدنى على أرض المناقل * المباراة ضمن مبارايات الدورى الممتاز * الممتاز شديد * ما درجه أولى ساكت * وعلى أولادنا إمتاع شعب الجزيره كلو * أهلى العرب جايين يستمتعوا * جايين يشوفوا بطل الممتاز والسودان وكأس إفتتاح إستاد دنقلا * جايين يشوفوا الفريق المرشح للأميرة الأفريقية وطار منها ساكت بس * جايين يشوفوا بكرى هداف البطولة الأفريقية * جايين من كل حدب وصوب * لازميرجعو مستمتعين * ونرجع بالتلاتة نقاط إن شاء الله * حداثه ما ساهل * لازم يعرف الطفى النور منو * أيها الناس * إن تنصروا الله ينصركم * أها * نجى لى شمارات والى الخرتوم * أكان شفت يا والينا * السقط بدا يجينا * وبالطريقه دى يا والينا * السقط حايودينا * يا تغدونا يا والينا * يا تغطونا وتحنو علينا سلك كهربا ** ننساك كيف والكلب السنه دى إلا يتمسح بالفازلين؟!! والي لقاء سلك