أوف سايد حسن محجوب اللييييلا.. يا حليل قريشاتك يا كردنة * الكاردينال قال الهزيمة تزيدنا صلابة. * والخروج دافع لنا للتجويد. * يا عيني ولد ده. * ماتسمع كلام جوز اللوز ده ح يلحقوك الزينين. * الراجل في حالة اشمناخ مخيخي. * ومن حقو يهطرق هو الكلام بقروش ومعذور يا أخوانا، زول يلومو مافي! * الجماعة لهفوا قريشاتو وأعادوا ذكريات فيارو فيرو والجماعة طارو. * مليار وراء مليار بلعوها جب، والنتيجة با حية عيني الخروج من قولة تيت. * حارة حارة.. واب زرد مواصل المشوار وكمان نمور دار جعل. * اللعب في الاقاليم لذيذ مش يا خالد عزالدين. * الراجل المسكين لبس الكسكتة وشايل العصاية يجي ابيكو في رمشة عين يوديه الخور. * ناس المعارضة قالوا الكاردينال الكشافات الصينية هي السبب. * وعمنا سعد العمدة قرب يقول(مو نافع)! * شفتوا ناس زرقان ديل ناكرين للجميل كيف يا كردنة. * أنا والله مني ومنك تاني شارع العرضة ما أجي ماشي بيه. * ناس تتعب وتدفع وناس ابيكو يجيبو قون في نفسهم. * انا افتكر دي أوضاع مأساوية خالص والاستقالة محمداك. * قدمها الليلة قبل بكرة. * حليل قريشاتك يا كردنة.. راحت شمار في مرقة! * اتنكروا ليك! طبعاً وهتفوا ضدك في الاستاد واعتقلوا اللاعبين أربع ساعات. * انت ما جعلي دقيقة تاني ما تقعد على دبي عدل. * تستاهل، دلعتهم بنيت الجوهرة الزرقاء وكملت السيخ والهنود كمان وبرضو يقطعوا فيك ويشتموك. * ماقصرت دفعت الكتير وفي النهاية يجوا يرجموك بالطريقة دي. * غيرت المدربين من كل الجنسيات وجبت المحترفين، وسجلت المحليين، لا خليت شاشا ولا خاشا وابيكو الحريف وفي النهاية طيران من ال32 حارة. * حاره في الحلق غصة وفي الرمش دمعة والفي القلب في القلب. * ده كلام ده يا كاردينال * يا راعي الجوهرة الزرقاء أوعك تسكت على الكلام ده! * شيل التيم كلو وغير الجلد ليك العضم ولي الرشيد وفطومة اللحم. * والفايض أديهو النيل كوشة الجيل كمان! * كلو إلا الحقارة، في جعلي برضى الحقارة؟ * لا تخلي ليهم كاريكا ولا بشة ابوشلاشيف ناشفة ولا ابيكو البجيب الاقوان في نفسو ده. * كمان جابت ليها هتافات ؟؟؟ * شوفو جنس التنكر ده يا ناس؟ * نحن حبيبنا جيمي لا هسة نبكي ونجعر علي فراقو، وربطنا خيمتنا قدام بابو! * كان ما رجع تب ما بنخليهو! * معقولة زول بنى لينا النادي والإستاد وجاب لينا المحترفين والمدربين الأجانب نتنكر ليه كده..؟ * يا كاردينال أوعك تسكت ليهم.. أديهم بالحتة الفيها الحديدة قبل ما ترحل. * يا ادم جيب 800 مليون وزعها يمكن يشيلوا الممتاز. * ده كلو منك يا يا انت يا بتاع الصور. * كنتو مقحطين.. علي الحديدة! وجااااكم الكاردينال. * اللعيبة كانوا جعانين يبكوا والهالة كانت سابة تحنن الكافر! * جاء الكارينال وجاب الجوهرة الزرقاء، وجاءت التونسية. * ده كلام ده يا فطومة ؟ * يا كاردينال أوعك تسكت علي الحقارة تاني ولا يوم في الهلال. * انت مكانك رئاسة برشلونة وألا ريال مدريد وألا بارين ميونخ وألا آرسنال. * يا ادم جيب 800 مليون. * النصيحة ليك يا الله يا كاردينال الطيران حار. * خاصة من دوري ال 32. * يا ادم جيب 800 مليون. * يا كاردينال حكاية تحرم اللاعبين من المرتبات والحقوق لا بتفشك لا بتفشنا. * أديهم بالتقيل! * معقولة بس هلال زرقان يطير من قول تنيت. * مش غلبوا اتنين صفر ؟ تاني في كلام؟ * الدولار ده شفتوهو وين قبل ما يجيكم الكاردينال. * زعلان وعايز اطق على زعل الكاردينال. * مافي زول يقول حسن محجوب خبيث وداير يحرش الكاردينال. * عشان يخلي ابو الهل الطار في عز النهار وساب في انكسار دوري الكبار * النصيحة ليك يا الله الطيران من الادوار الأولى حاااااااااااااااااااار. * والمزعلني اكتر انو الزبون غالب اتنين وبرضو طاااااااااااااار.