سودارس : سادومبا لو رجع مع شيبوب (هلال مريخ) دي إلّا تلعبوها في القرن القادم

البرهان يتفقد مستشفى الرباط ويوجّه بتطوير الخدمات الطبية الشرطية (أماجوجو والنقطة 54) الأهلي يخسر من ساردية بدوري شندي مجلس الهلال يترقب قرار الانضباط ويعلن الاستعداد للتصعيد.. والكاف في مأزق كبير حاكم إقليم دارفور يجتمع مع المديرة العامة بالإنابة لمكتب تنسيق الشؤون الإنسانية بجنيف (OCHA) شراكة استراتيجية بين "الشباب والرياضة" و"الصناعة" لتمكين المبتكرين ودعم الإنتاج الشبابي من إيطاليا إلى بولندا.. سرقة 413 ألف قطعة شوكولاتة.. ما القصة؟ ترامب: إيران منحتنا 20 ناقلة نفط والشحن يبدأ غدًا بوتين: روسيا مستعدة لاستضافة الألعاب الأولمبية في المستقبل شاهد بالفيديو.. طبيب بمستشفى نيالا يشكو من انتهاكات أفراد الدعم السريع ويحكي قصة نجاته من القتل بعدما رفع أحدهم السلاح في وجهه شاهد بالصورة والفيديو.. الراقصة الحسناء "هاجر" تشعل حفل طمبور بفاصل من الرقص الاستعراضي والجمهور يتفاعل معها بطريقة هستيرية الهلال السوداني يفجر أزمة منشطات ضد نهضة بركان في دوري أبطال إفريقيا أزمة منشطات تشعل دوري أبطال إفريقيا.. الهلال السوداني يشكو نهضة بركان المغربي ل"الكاف" برشلونة يتلقى دفعة معنوية قبل مواجهة أتلتيكو مدريد كريم عبد العزيز وفريق مطلوب عائليا يبحثون عن دولة أوروبية للتصوير الخارجى أيهما أكثر فائدة القهوة أم عصير البرتقال صباحًا.. والكميات المناسبة آلام الدورة ليست دائمًا طبيعية.. إشارات تكشف بطانة الرحم المهاجرة مبكرًا فصيلة الدم تكشف احتمالية الإصابة بالسكري مجهولين ينبشون قبر رجل دين بولاية الجزيرة وينقلون جثمانه إلى جهة غير معلومة السيسي للرئيس ترامب: لا أحد يمكنه وقف الحرب في المنطقة إلا أنت "فيفا" يتّخذ موقفًا حازمًا بشأن مشاركة إيران في كأس العالم شاهد بالصورة والفيديو.. بعد إيمي سمير غانم.. "كورال" مصري يغني أغنية الفنانة السودانية توتة عذاب "الترند" وشاعر الأغنية يعبر عن إعجابه شاهد بالفيديو.. حمزة عوض الله يهاجم الشاعرة داليا الياس بسبب تبادل السلام بالأحضان مع المطرب شريف الفحيل ويصف المدافعين عنها بأصحاب الفكر الديوثي قوى سياسية في السودان تعلن عن مقاطعة مؤتمر في برلين عثمان ميرغني يكتب: حلفا .. والشمالية.. شاهد بالفيديو.. في ظهور مثير.. رجل يمسك بيد الفنانة هدى عربي كأنه عريسها ويدخل بها لقاعة الفرح والشائعات تلاحق السلطانة هل هو زوجها؟ دار الأوبرا تحتفى بذكرى رحيل عبد الحليم حافظ بحفلين اليوم وغداً مصر.. الدولار يقترب من 54 جنيها لأول مرة نتفليكس تزيل الستار عن أول صورة لشخصية جو كينيدى الأب فى مسلسلها الجديد سارة بركة: أحمد العوضى مجتهد بشكل كبير وبيحب شغله جدا اختيار غير متوقع لمستقبل "الملك المصري" وجبة سمك تُنهي حياة 3 سودانيين بالقاهرة وتتسبب في إصابة 4 آخرين بحالة تسمم غذائى حاد بسبب ضعف الراتب.. وزير الثروة الحيوانية بالسودان يبحث عن عمل إضافي رئيس الوزراء يصدر قرارًا بشأن الرسوم الجديدة في المعابر محمد عبد الباسط يكتب: لهذا تحركت باكستان الآن للوساطة بين أمريكا وإيران السكوت على هذا الأمر لا يرضي الله ولا رسوله!! ارتفاع أسعار الذهب في السودان الخليج الضحية الكبرى: إيران وجهت 83% من هجماتها إليه… و17% فقط إلى إسرائيل مهلة أخيرة للمخالفين: خيارات متعددة لمعالجة أوضاع التأشيرات المنتهية في السعودية ضبط 2800 قندول بنقو بالجزيرة في عملية نوعية لمكافحة التهريب ترامب يصدر أوامره ويكشف تطورات مثيرة مع إيران الأمن يداهم مخزن يبيع الوقود المهرب لعصابات التنقيب عن الذهب تراجع معدّل التضخّم في السودان رئيس الأهلي مدني وابنه يتعرضان لحادث مروع المباحث تنهي مغامرات شبكة إجرامية متخصصة في الإحتيال علي أصحاب المحلات التجارية عن طريق اشعارات تطبيق بنكك المزيفة ضبط 238 كجم من "الآيس" وأسلحة بجانب نحاس بولاية البحر الاحمر ضبط 238 كجم من "الآيس" وأسلحة بجانب نحاس بولاية البحر الاحمر الشيخ بن زومة.. إلى جنة الخلد قيم الهلال المتوارثة يجب أن تبقى أبد الدهر في زمن الضجيج.. القرآن بوصلة المعنى والسكينة السودان.. الدفاع المدني يستعين ب"التوك توك" د.مزمل أبو القاسم يكتب: دموع الباز.. وزاهر! (2) طفح جلدي في رقبة الرئيس ترمب يثير تساؤلات حول صحته صوت لا يغيب.. محمد رفعت ورحلة الآذان الخالد في رمضان أجهزة الأمن السودانية تنهي مغامرات لص الصيدليات في عطبرة شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم شاهد بالفيديو.. الوطن يتعافى ويعود.. تزاحم مئات المصلين في صلاة التراويح بمسجد السيدة سنهوري بالخرطوم السودان.. فكّ طلاسم"تبيدي للمجوهرات" في الخرطوم والتحقيقيات تفجّر مفاجأة

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

سادومبا لو رجع مع شيبوب (هلال مريخ) دي إلّا تلعبوها في القرن القادم

كورة سودانية نشر في كورة سودانية يوم 10 - 05 - 2016

دق الدلجة
محمد عبد الماجد
سادومبا لو رجع مع شيبوب (هلال مريخ) دي إلّا تلعبوها في القرن القادم
زمان نحن كنا بنشخبط في (بيوت الطين) بالكلام دا…ما كان في حاجة
اسمها (دفع مقدم).
هسع بقت الدفع المقدم.
والقطع المبرمج.
تقول نحن (هنود).
ولا كان في (صريج) زي الصريج البعملوا فيه ناس امير كمال.
امير كمال من (التقلة) تقول شايل ليه في رأسو (انبوبة غاز).
في واحد قال لي ناس الهلال بفاوضوا في علي جعفر – قلت ليه إلّا يكون
عاوزين يفتحوا ليه (محل اتصالات) في شارع العرضة.
علي جعفر نعمل بيه شنو؟.
يكونوا بفاوضوا فيه للمريخ ..عشان يعيد قيده.
كنا بنكتب زي الكلام دا بدري – بي فرحة عريضة.
بندوّن في كراساتنا الخاصة.
ونقول :
شفتك تسوي (القهوة) من غير اي (بُن)…
شفتك (صباح) والليل يجبد في الهِدم…
شفتك تدسي (الفرحة) من وجهك صِرم…
والقمرة وصلت للكمال في غرة الشهر الحِرن…
والنيل مربط في (الجزر) شافك بفيض (شوق) دار يِجن…
وانا بين ثبات زولا عنيدا – لا عاز يقول …لا عاز يِحن…
…….
قالوا ليك زول بفتش ليه في شاحن جلاكسي.
واحد (لميّض) في الحلة ، قال ليه (الشاحن) تعمل بيه شنو مع الكهارب القاطعة دي؟.
شواحن الموبايل في السوق – الايامات دي (دقت الدلجة).
وقعت الواطة!!.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
قلنا وكررنا لمن فترنا ان اللجنة المنظمة (تقول فارشه ليها جرجير)
برمجت مباراة هلال كادوقلي مع المريخ يوم 10 يونيو.
يعني رابع يوم في رمضان.
والله لو فارشين (جرجير) ما بتعملوا عمائلكم دي.
وقلنا لمن فترنا ان اللجنة المنظمة (تقول ماسكه باصات خط الكلاكلة)
برمجت مباراة القمة يوم 20 يونيو.
دون ان تضع اللجنة المنظمة اي احتمال لتأهل المريخ لمرحلة المجموعات
حيث يلعب المريخ اذا تأهل يوم 17 او 18 او 19 يونيو.
عشان هلال مريخ تطير ..وما تتعرف ح تلعب متين؟.
يخلوها كدا (مجهولة).
الاتحاد العام مع المريخ وضع هذه (البرمجة) تهربا من مواجهات المريخ
الصعبة في الممتاز فهو بعد ان رحّل مباريات المريخ من الدورة الاولى
لتلعب في الدورة الثانية بعد فترة التسجيلات جعل مباريات المريخ المؤجلة
في تواريخ لا يمكن ان تقوم فيها تلك المباريات.
مستحيلة عديل كدا.
وغير ممكنة.
انتوا يا مجدي شمس الدين زمان ما كنتوا بتحضروا حصة الجغرافيا؟.
مقاطعين (الجغرافيا).
عندكم مشكلة في الاتجاهات.
رأسكم بيلف.
في واحد عندنا زمان في الحلة كان اسمو (التميتر ود عمر).
التميتر ود عمر دا رأسو كان بيلف.
في الحلة كان في (كشك باسطة) – بنرسلو يومي المغرب ونقول ليه جاب لينا
(باسطة) يا التميتر ود عمر.
التيميتر ود عمر كان بقول لينا يا جماعة انا رأسي بيلف ..ما بعرف كشك الباسطة دا.
كشك الباسطة دائما بكون في حتة (غميصة) كدا.
بنقول ليه انت يومي بتمشي الكشك بتاع الباسطة دا …مفروض تكون حفظت الموقع.
يوم رسلناه زي كل يوم لي (باسطة).
التميتر ود عمر جانا بعد ساعة نص شايل ليه (لقيمات).
قلنا ليه وينها (الباسطة)؟.
التيميتر ود عمر قال لينا والله رأسي لفه من الكشك ما عرفتو…جبت ليكم
(اللقيمات) دي.
قلنا ليه قول رأسك لفه من (الكشك) ..رأسك لفه برضو من (الباسطة).
علاقة (اللقيمات) بي (الباسطة) شنو؟…عشان تجيب لينا بدل (الباسطة) لقيمات.
انت قايلنا شغالين في الاتحاد العام.
لقيماتك دي شوف اسامة عطا المنان يأكلها ليك.
ومرقنا على كدا.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
يا مجدي واسامة ومعتصم انتوا كانوا بيطرودكم زمان من حصة الرياضيات.
البتعملوا فيه دا سواق (قندران) جديد في الشغلة في شارع (دقداق) ما بعملو.
مالكم انتوا؟.
الحاصل عليكم شنو؟.
واقعة فيكم حيطة.
عندكم مشكلة مع (ثلعبونا).
عندكم رأي في (ابوعاقلة).
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
هذه التأجيلات وتلك (الهروبات) – والجري العديل كدا ..ناس المريخ عملوه
من ثلعبونا وابوعاقلة وولاءالدين.
واضحة دي.
وما عاوزة ليها استاذ رياضيات.
طيب لمن يجيكم (سادومبا) ح تعملوا شنو؟.
ح تصرفوا كيف؟.
ح تمشوا منو وين؟.
ما في (زقاق) بمرقكم منو؟.
ما في شارع ما بلحقكم فيه.
سادومبا دا سبق دخل ليك اكرم الهادي سليم (120) كورس في السباحة واكل النجيلة.
اكرم الهادي سليم لغاية الآن ما فاهم حاجة.
ما عارف اي شيء.
اكرم الهادي سليم هسع وقت تجيب ليه سيرة (سادومبا) بطلع في رأس البيت.
تصرف غريب.
يعني لو رجع ليكم سادومبا بي سرعتو دي مع شيبوب ..هلال مريخ إلّا
تنقلوها لتلعب في القرن القادم.
جمال سالم بمسك الكورة وبفكها.
الزول دا ما قاعد يمسك الكورة من دفعة واحدة.
ناس علي جعفر.
وامير كمال ما بثبتوا ليكم.
ولا بيلعبوا.
كلهم بهاجروا مريخ الفاشر.
القريب منهم بيمشي مريخ كوستي.
هلال مريخ يوم 20 يونيو في وجود سادومبا وشيبوب ومهند الريدة العاوز
يلعبها ليكم منو؟.
انتوا جنيتوا.
ناس اسامة ونسى ما بقعدوا ليها.
ناس علي جعفر لو عندهم قلب قدر دا ما كان رجعوهم ب (النفرة).
هلال الدورة الثانية ان شاءالله ح يكون خطير.
خبرة وشباب.
موهبة وقوة.
بيجمع كل المحاسن.
فيه كل عناصر الفريق الذي لا يقهر.
بلاتشي شغال زي الكتاب ما بقول.
ما قاعد يتلفت.
دا جبتوه لينا من وين الزول الصعب دا؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
سادومبا لو جينا للجد ..سوف يحدث اضافة كبيرة للهلال.
الهلال يحتاج الى لاعب في خبرات سادومبا – خاصة ان الهلال فيه الآن
مجموعة كبيرة من اللاعبين صغّار السن.
الهلال قبل سرعة سادومبا وقبل اهدافه يحتاج الى خبرته.
ناس ثلعوبنا وولاءالدين ومحمد عبدالرحمن ومهند الريدة ..بحتاجوا الى ان
يكون معهم لاعب في قيمة وخبرة سادومبا.
سادومبا لاعب منضبط وملتزم واخلاقه عالية – يعني ممكن ناس مهند الريدة
ديل يتعلموا منه ويستفيدوا.
سادومبا الى جانب مدثر كاريكا ..ح يجعل المنافسة قوية في مقدمة الهلال.
القصة ما قصة عاطفة.
ولا هي قصة حنين الى ايام سادومبا.
القصة قصة ان يتعلم شباب الهلال من هذه الخبرات ومن ذلك اللاعب الذي
يحمل الحب الكبير للهلال والانضباط والالتزام.
كلتشي اكبر سنا من سادومبا.
ووزنه زايد.
وجاء للسودان قبله.
وبيلعب في الاهلي شندي.
مع ذلك حقق كل هذه النجاحات.
كيف يكون حال سادومبا الاكثر التزاما وانضباطا وحبا للهلال؟.
اي محترف يأتي للهلال في هذه الفترة سوف يكون محتاج لفترة طويلة لا تقل
عن الموسم حتى يصل الى النجاح المطلوب.
سادومبا لن يكون محتاج لهذه المدة.
سوف يدخل (الفورمة) طوالى.
علاقته ممتازة مع لاعبي الهلال ومع جماهير الهلال.
لن ينقصه شيء للتألق والعودة الى سيرته الاولى.
نجاح سادومبا يمكن لنا ان نراهن عليه اذا تم التعاقد معه.
في الهلال في كثير من المواسم كان يتواجد سبعة محترفين ..ما قاعدين نستفيد منهم.
يعني بقت على (سادومبا).
جربوه في ال (6) شهور القادمة ..واحكموا عليه.
امنحوه الفرصة ولن تندموا.
مقدمة الهلال الشابة تحتاج الى خبرة في وزن وقيمة سادومبا.
جيبوه ..وتعالوا شوف الاتحاد العام تاني لو برمج ليكم مباراة الهلال والمريخ.
إلّا تلعبوها في القرن القادم.
شيبوب وسادومبا.
ومهند الريدة ومعتز ابوروف.
وثلعبونا.
وكشافات من المانيا.
وطابق ثالث.
انتوا جنيتوا؟؟؟.
العاوز يقيف ليكم منو مع الكلام دا؟.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء
سوى رؤياكم الغالية).
……………
و
اي طيارة بتجي عندنا فيها محترف.
ناس المريخ اتعقدوا.
لغاية الآن بفاوضوا في ابراهيم جعفر مطلق السراح.
ونحن عندنا حسين الجريف.
ومعتز ابوروف.
ومهند الريدة.
وبغداد حماد.
حاجة تفرح كدا.
………
السيدة (ل) – اشتريت لي كهربة بي (100) جنيه نزلتها في الموبايل.

وقرّط على كدا
.

انقر هنا لقراءة الخبر من مصدره.