"الجيش السوداني يصد هجومًا لمتمردي الحركة الشعبية في الدشول ويستولي على أسلحة ودبابات"    التهديد بإغلاق مضيق هرمز يضع الاقتصاد العالمي على "حافة الهاوية"    تدهور غير مسبوق في قيمة الجنيه السوداني    ايران تطاطىء الرأس بصورة مهينة وتتلقى الضربات من اسرائيل بلا رد    غوغل تطلب من ملياري مستخدم تغيير كلمة مرور جيميل الآن    يبدو كالوحش.. أرنولد يبهر الجميع في ريال مدريد    كيم كارداشيان تنتقد "قسوة" إدارة الهجرة الأمريكية    "دم على نهد".. مسلسل جريء يواجه شبح المنع قبل عرضه    خطأ شائع أثناء الاستحمام قد يهدد حياتك    خدعة بسيطة للنوم السريع… والسر في القدم    وجوه جديدة..تسريبات عن التشكيل الوزاري الجديد في الحكومة السودانية    السلطات السودانية تضع النهاية لمسلسل منزل الكمير    (برقو ومن غيرك يابرقو)    المباحث الجنائية المركزية ولاية الجزيرة تنفذ حملة أمنية كبري بالسوق العمومي وتضبط معتادي إجرام    بيان هام من السفارة السودانية في تركيا للسودانيين    "بناء الدولة وفق الأسس العلمية".. كامل إدريس يدعو أساتذة الجامعات للاسهام في نهضة البلاد وتنميتها    مباحث شرطة الولاية الشمالية تتمكن من إماطة اللثام عن جريمة قتل غامضة وتوقف المتورطين    بلاغ بوجود قنبلة..طائرة سعودية تغيّر مسارها..ما التفاصيل؟    مونديال الأندية.. فرصة مبابي الأخيرة في سباق الكرة الذهبية    أردوغان: الهجوم الإسرائيلي على إيران له أهداف خبيثة    المملكة تستعرض إستراتيجية الأمن الغذائي لدول مجلس التعاون الخليجي    الصادق الرزيقي يكتب: الدعم السريع وشهية الحروب التي فُتحت في الإقليم    أنباء عن اغتيال ناظر في السودان    خسائر ضخمة ل"غانا"..تقرير خطير يكشف المثير    الترجي يسقط أمام فلامنغو في مونديال الأندية    فيكم من يحفظ (السر)؟    الحلقة رقم (3) من سلسلة إتصالاتي مع اللواء الركن متمرد مهدي الأمين كبة    افتتاح المرحلة النهائية للدوري التأهيلي للممتاز عصر اليوم باستاد الدامر.    في السودان :كيف تتم حماية بلادنا من اختراق المخابرات الإسرائيلية للوسط الصحفي    من الجزيرة إلى كرب التوم..هل دخل الجنجويد مدينة أو قرية واستمرت فيها الحياة طبيعية؟    التقى بروفيسور مبارك محمد علي مجذوب.. كامل ادريس يثمن دور الخبراء الوطنيين في مختلف المجالات واسهاماتهم في القضايا الوطنية    الحرب الايرانية – الاسرائيلية: بعيدا عن التكتيات العسكرية    نقل أسلحة إسرائيلية ومسيرات أوكرانية الى افريقيا بمساعدة دولة عربية    والي الخرطوم يصدر عدداً من الموجهات التنظيمية والادارية لمحاربة السكن العشوائي    أدوية يجب تجنب تناولها مع القهوة    شاهد بالصور والفيديو.. الفنان حسين الصادق ينزع "الطاقية" من رأس زميله "ود راوة" ويرتديها أثناء تقديم الأخير وصلة غنائية في حفل حاشد بالسعودية وساخرون: (إنصاف مدني النسخة الرجالية)    إدارة مكافحة المخدرات بولاية البحر الأحمر تفكك شبكة إجرامية تهرب مخدر القات    (يمكن نتلاقى ويمكن لا)    سمير العركي يكتب: رسالة خبيثة من إسرائيل إلى تركيا    عناوين الصحف الرياضية السودانية الصادرة اليوم الأثنين 16 يونيو 2025    شاهد بالفيديو.. كشف عن معاناته وطلب المساعدة.. شاب سوداني بالقاهرة يعيش في الشارع بعد أن قامت زوجته بطرده من المنزل وحظر رقم هاتفه بسبب عدم مقدرته على دفع إيجار الشقة    رباعية نظيفة .. باريس يهين أتلتيكو مدريد في مونديال الأندية    بالصورة.."أتمنى لها حياة سعيدة".. الفنان مأمون سوار الدهب يفاجئ الجميع ويعلن إنفصاله رسمياً عن زوجته الحسناء ويكشف الحقائق كاملة: (زي ما كل الناس عارفه الطلاق ما بقع على"الحامل")    المدير العام للشركة السودانية للموارد المعدنية يؤكد أهمية مضاعفة الإنتاج    المباحث الجنائية المركزية بولايةنهر النيل تنجح في فك طلاسم بلاغ قتيل حي الطراوة    السودان..خطوة جديدة بشأن السفر    3 آلاف و820 شخصا"..حريق في مبنى بدبي والسلطات توضّح    بالصور.. زوجة الميرغني تقضي إجازتها الصيفية مع ابنتها وسط الحيوانات    معلومات جديدة عن الناجي الوحيد من طائرة الهند المنكوبة.. مكان مقعده ينقذه من الموت    بعد حالات تسمّم مخيفة..إغلاق مطعم مصري شهير وتوقيف مالكه    إنهاء معاناة حي شهير في أمدرمان    وزارة الصحة وبالتعاون مع صحة الخرطوم تعلن تنفيذ حملة الاستجابة لوباء الكوليرا    اكتشاف مثير في صحراء بالسودان    رؤيا الحكيم غير ملزمة للجيش والشعب السوداني    شاهد بالفيديو.. داعية سوداني شهير يثير ضجة إسفيرية غير مسبوقة: (رأيت الرسول صلى الله عليه وسلم في المنام وأوصاني بدعوة الجيش والدعم السريع للتفاوض)    أثار محمد هاشم الحكيم عاصفة لم يكن بحاجة إلي آثارها الإرتدادية علي مصداقيته الكلامية والوجدانية    ما هي محظورات الحج للنساء؟    قُلْ: ليتني شمعةٌ في الظلامْ؟!    







شكرا على الإبلاغ!
سيتم حجب هذه الصورة تلقائيا عندما يتم الإبلاغ عنها من طرف عدة أشخاص.



الفستق واللبلب و(الخربطة) ممنوعة في شندي
كورة سودانية نشر في كورة سودانية يوم 14 - 06 - 2016


دق الدلجة
محمد عبد الماجد
الفستق واللبلب و(الخربطة) ممنوعة في شندي
بعرف العيد قرب لمن امشي للترزي – ويقول لي ما بستلم منك (قماش) الجلابية.
من يقول لي كدا..بعرف العيد جا.
○ من كراسي :
اكثر شخصية متفردة دراميا شفتها حتى الان فى مسلسلات رمضان هى يونس ولد فضة فى مسلسل عبد الرحيم كمال .. شخصية رمادية بامتياز .. متعددة الجوانب .. خبيث أو (جطيم) كما نقول فى الصعيد ولكنه خفيف الظل .. مغامر ورومانسى ومتعالم . . صعيدى مودرن وبسيط عند اللزوم .. علاقته بأخيه الكفيف وبالفتاة التى يحبها رقيقة ولطيفة.
الناقد المصري محمود عبدالشكور
بكرة المريخ سوف يلعب في مدينة شندي امام الاهلي شندي.
امام (النمور).
والنمور وقت تكون صائمة ..ما بتتفاهم ..البتلقاه قدامو كلو بتبلعو.
كلو بتعمل ليه (جب).
ولا بجاملوا في الحتة دي.
ممكن يفتحوا ليك الصالون الكبير.
يشغلوا ليك المراوح والمكيفات ..بي كهربتها القاطعة.
بتشتغل ليهم.
ممكن يضبحوا ليكم عديل كدا.
زريبتهم قدامهم.
وسكينهم في الضراع.
بعد ما يضبحوا ويعلقوا (الخروف) – حتين يقولوا ليك نحن عاوزين (نضبح) ليك.
صينياتهم بتتطاقش في الفطور.
الحلو مر بيصلك قبل ريحتو.
والعصيدة عندهم لو ما عندك (حزام اسود) ما بتقدر تقطعها.
ولا بتقدر تدخل فيها ايدك.
الكرم في بيوتهم ما بتلحقوا فيه – لكن وقت الجماعة يطلعوا برة ويبقوا في (الميدان) ما بتفاهموا.
القدامهم كلو بيبلعوه.
ما بعرفوك.
الخصم عندهم زي (الاسكريم).
ما بقيفو فيه.
ولا بعاينو ليه.
ولا بخلوا فيه شيء.
ديل بيبلعوا (جب).
شعارهم كدا.
كلمتهم واحدة.
وضربتهم قاضية.
وعيونهم شرارة حمراء.
ضربتهم ما بتنوها.
وكلمتهم ما بعيدوها.
وشافعهم وقت الحارة بساوي ليه (790) انجليزي و (367) فرنسي و (456) صيني و (1789) هندي.
ناس صعبين …تاريخهم بقول كدا ..وسيرتهم بتشهد ليهم.
ما عاوزين ليهم شهادة من زول.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
جمال سالم رجع …ما رجع …كلهم في شندي (صفايات).
في شندي ما في فرق بين جمال سالم ومحمد كمال – الاتنين بصرفوا (حقهم) من (الشوط الاول).
من اول خمس دقائق ..الصورة بتتضح.
وعشان ناس شندي يكون عارفين …وهم ما في حاجة بتفوتهم (عارفين اي شيء).
حافظنها.
ومنقطنها نقيط.
بنقطوا ليك (الوا)و.
وما بكتبوا ليهم (همزة) في نص السطر.
بكتبوها عديل كدا.
ناس واضحين.
ما عندهم (لخبطة) او (خربيط) زي ما بيحدث في الدراما (السورية).
ما عندهم (طعمية) في (الفطور) – ولا بياكلوا ليهم (رز بي لبن) في (السحور).
ناس واضحين.
في السخانة دي ..ما بسألوا من الساعة كم؟…وما بمشوا للموية إلّا بعد (التروايح).
ثابتين.
ويقينهم قوي.
وقلبهم (حجر).
ما بحضروا (اغاني واغاني) – مسخرة زي دي ما عندهم ..ولا بيشتغلوا بالمسلسلات المصرية ..ولمن الكهربة تقطع ..ما في واحد فيهم بقول الكهربة قطعت.
بكتموها في قلبهم.
ما بشتغلوا بيها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
اخر مباراة كان لعبها المريخ في شندي كانت امام الاهلي في الموسم الماضي ، حيث خسرها المريخ 0 / 1.
مباراة الجرسة.
ونحن ما عاوزين.
وألحقنا يا اسامة …ألحقنا.
وروحي طلعت مني.
تلك المباراة كانت سبب في ازمة الموسم الماضي – الذي دخل (البرلمان) ووصل لغاية رئاسة الجمهورية ، وتدخل وزير الشباب والرياضة ووزير العدل نفسه لحل الازمة.
اتنسف الدوري.
انسحب الهلال والامل والميرغني – وقالوا ولا بيلعبوا في كلام فاضي زي دا.
ولا بجاملوا.
ناس الهلال حقانيين كمان.
شغل (العيال) ما بنفع معاهم.
والحايل المايل انبقى في بروج ايفل ما قاعد يعجبهم.
ناس صريحين.
تذكرون ان سبب الازمة كان الاعتداء بالبونية واللفظ من بكري المدينة على حكم مباراة فريقه امام الاهلي في شندي.
بكري المدينة في شندي عاوز يضرب ليه (حكم).
اسماعيل باشا بي جيشو ما قدر يعمل عمليتك دي يا بكري.
عاوز تعملها انت.
العجيبة ان بكري المدينة ..كان بيلعب في الاهلي شندي ..يعني شندي ما غريبة عليه.
عارف اي حاجة.
هسع يا بكري لو مشيت شندي ..تمشي بي ادبك.
المسخرة.
واللف والدوران في شندي ما بنفع.
في شندي (الفستق) دا ممنوع.
الفستق فيه شيء.
اللبلب ..ممنوع.
الخربطة ممنوعة رسمي.
الدنيا رمضان.
تمشوا تلعبوا كورتكم وتجوا راجعين.
تاخدوا اتنين.
تاخدوا تلاتة.
تتغلبوا اربعة.
ما عاوزين نسمع اي (تعليق).
ما عاوزين اي تدخل من اسامة عطا المنان.
ضربات جزاء مافي.
حالات طرد مافي.
محاولة استفزاز الخصم ..عشان المباراة ما تتم ..ما في.
ناس الاهلي شندي ..لازم ينتبهوا لذلك.
كورة عديل ..لو المريخ لعب (6) شهور قدام الاهلي ما بغلبوا.
ولا بطلع منو بي نقطة.
يمكن تكون في محاولات على افساد المباراة.
على انهاء المباراة.
اسمعوا الكلام دا.
وخلوا اعصابكم باردة يا ناس شندي.
جمهور ..ولاعبين.
انتوا قادرين بي واحد زايد واحد تغلبوا المريخ.
شجعوا فريقكم ..وامنحوه الحماس والقوة.
ما تشتتوا جهود اولادكم.
ما تخلوهم يلعبوا تحت ضغط.
خلوا الفريق الاخر هو الذي يلعب تحت ضغط.
ممكن تغلبوا واحد.
وممكن تغلبوا اربعة.
فقط ..اتمسكوا بي روحكم القتالية من غير خروج من روح القانون.
نحن نثق ونجزم ان المريخ سوف يخسر ان شاءالله غدا في شندي.
خلوكم جاهزين.
اعملوا لذلك.
وعيشوا فرحتكم.
ليلة رمضانية جميلة.
المريخ جايكم (جاهز).
جاكم ب (26) عضو.
هنئيا ليكم بهذا الخصم (الضخم).
المنافس (الكبير).
العاشر من رمضان سوف يكون يوم مشهود ان شاءالله في شندي.
ما تلعبوا للتعادل.
التعادل (خسارة) ليكم.
الانتصار بي هدف وحيد صفحة الهلال عشقي الأبدي..كعب معاكم.
الناس ديل اتلملموا ليهم يومين.
لا عندهم حارس.
ولا قلب دفاع.
الناس ديل جابهم (الوزير).
وانتوا يا ناس شندي جنكم وجن البجيبهم الوزير.
ختوهم في وضعهم الطبيعي.
ما ينتفخوا ليكم في الجرايد ساكت.
ما تسمعوا الكلام الفضفاض داك.
تلاتة نقاط ..جاتكم (هدية) في العشرة الاوائل من شهر رمضان المبارك.
والهدية ما برفضوها.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
……………..
و
الهلال قادر باذن الله وتوفيقه على تقديم مباراة رائعة وجميلة امام الخرطوم الوطني.
جمهور الهلال بكرة على موعد مع (الفرحة) ان شاءالله.
فرحتكم بكرة مرتين قلنا ليكم.
في الجوهرة الزرقاء وفي شندي.
عشان كدا بكرة القوة كلها تكون في الجوهرة.
عاوزين نعمل بروفة ل (26) عضو.
ديل كمان يومهم براهو.
عندهم يوم.
الحكاية ح تبدأ في شندي.
وتكتمل في الجوهرة الزرقاء.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
………..
السيدة (ل) – الموية الباردة الايامات دي بقت زي (الرصيد) البيجيك بالغلط.
وقرّط على كدا.





حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.