في السلك بابكر سلك هل تدري يانعسان *شرف السيد الرئيس نفرة الشفوت * كعادته حضر هاشا باشا متواضعا * قوبل بالهتاف والتأييد والتصفيق * القي كلمه قصيرة في حجمها كبيره في مضمونها * واثلج صدورنا عندما جدد بيعة الاستثمار * والحرص علي بقاء الكيان قويا مستقرا في الاحوال * الجماهير عاهدته علي التفاني والاخلاص * ورفعت شعارها ماينوم وماننوم المهم * اذا عدنا لمباراة القمه حانكتشف حقائق لابد وان ينكرها الاخوه الاهله الشرفاء * الهلال في افضل حالات الاعداد والاستعداد * الموسم كلو بستعد * من معسكر تونس وانت ماشي * المعسكر القالوا غلبوا فيهو اتحاد ليبيا اربعه اتنين * في الفيس جاتنا اهداف الاتحاد الليبي * لكن ماشفنا اهداف الهلال * ولا هدف ماشفناهو *اهداف الاتحاد التاني منهن اخونا اتير طار ووقع واتشقلب حتي القون جا * المهم بعد ماغلبوا اتحاد ليبيا زي ماقالوا * من اهلي ليبيا طاروا * قبل اهلي ليبيا مدرب وكوتة محترفين * بعد اهلي ليبيا تلاته مدربين وابعاد اجانب قبل فتح باب التنقلات * وجابوا العشري * وفضل يجري * وقبل كل ذلك كانت خسارة قورماهيا في بداية الموسم بثغرنا الحبيب * السنه كلها اعداد وتغيير مدربين وتسجيلات بالكوم * هكذا قابلونا * ونحنا من المعسكر الاعدادي مافي اعداد * لاسباب لاتخص الهلال * في اسوأ حالاتنا * اصابات وادعاء للاصابات * غيابات وفشل تمارين * زوغانات * هكذا حضرنا للمباراه * ايها الناس * بمراجعة شريط المباراه نجد اننا برغم كل ماحدث وبالحسابات كنا الافضل * تلطاشر ركنيه مقابل واحدة ولا اتنين ماعارف * هدف منقوض وضربة جزاء مصهين عنها واخري ايضا *ولو لا اخطاء التحكيم التي لايقصد ان يظلمنا بها * النتيجه العادله اربعه لينا * ولو بكري بعد هدف ضفر مرر الكوره * كانت المباراه انتهت حداشر الا تلت * وهل تدري يانعسان انهم عملوا معاك بلنت السواد والرماد! * لكن ده حال تحكيمنا * طواااالي يخطئ ويظلم لكنه لايظلم * هي جنس ضلمه * المهم * كلو شئ ملحوق * اذا اهتمينا بي فريقنا * اذا اولادنا خلوا الخيلاء بتاعتهم دي * ندري انهم الاعلي كعبا فنيا * لكن فنيات براها لاتخدم قضيه * كلو شئ بتلحق لو التحكيم فتح عينو معانا شويه * لو اتفكفكوا من قصة يخطئ ولا يظلم دي * لانك لو كنت مامؤهل مهما كانت نيتك سليمه * فانك بذلك تظلم الناس لو ختيت صفاره في قدومك ده * ايها الناس * ليه الاخطاء دي طوااالي علي كل الاتجاهات ولصالح اتجاه واحد!! * حتي ظننا انها اخطاء ما بالخطأ * غايتو لو غاب اب شنب يامحمد عبد الماجد بياكلكم اب ضنب * المهم * رمضان يا حليلو يا هاشم الزبير * ولسه ماشفنا حاجه * اين لياليك الثقافيه يا رجل *راجيك شغل كتير * بالذات بعد تصريح الريس بالاصلاحات بالنادي تغييرا للبيئه * ايها الناس * سمعنا انو طبيا الرجل ممكن يصاب بسرطان الثدي * ماصدقنا * لكن بعد قام الرجل بصرف علاوة الرضاعه صدقنا * الطب اتطور يا اخوانا * اللهم وادحر السرطان ده وريح عبادك يا ارحم الراحمين * خلاااااااااااااااس وخلااااااااص *ايها الناس * ان تنصروا الله ينصركم * اها * نجي لي شمارات والي الخرتوم *نحنا في الاواخر بنتهجد يا والينا * ولما نتذكر انها الاواخر والعيد بعدها جايينا * وبعدو المدارس بتفتح لينا * بنطيل في السجود يا والينا * لاعترفين نطلب العيد يجينا * ولاعارفين نطلب رمضان يستمر لينا * ولاعارفين نتهجد زي الناس يا والينا سلك كهربا ننساك كيف والكلب قال للجريو ماما لي شنو... تعال انا برضعك والي لقاء سلك
حمل تطبيق كورة سودانية لتصفح اسهل لزوارنا من السودان على متجر 1موبايل http://www.1mobile.com/net.koorasudan.app-2451076.html لزوارنا من جميع انحاء العالم من متجر قوقل https://play.google.com/store/apps/details?id=net.koorasudan.app لزوارنا من الصين الشعبية http://www.androidappstore.mobi/EN/displayproduct/112531/playstore