سودارس : ذكروني ايام الكورة بيلعبوها في (حوش العمدة) وبتمها (شيخ الخفر)…

الحكومة تؤكد عودتها الكاملة إلى الخرطوم.. ولقاء حاشد للإعيسر مع الجالية السودانية بالكويت يعكس التفافاً وطنياً واسعاً رئيس الوزراء يتوجه إلى ألمانيا مترأساً وفد السودان المشارك في أعمال الدورة 62 لمؤتمر ميونيخ للأمن مدينة على القمر خلال 10 سنوات.. هل يتراجع حلم المريخ؟ مسلسلات رمضان.. هل تقع أيتن عامر فى حب ياسر جلال فى مسلسل كلهم بيحبوا مودى الفنانة شيماء سيف: من ساعة ما حجيت ونفسي اتنقب واختفي علاجك من أحلامك.. دراسة تتوصل لإمكانية استخدام أحلام الشخص فى العلاج النفسى 7 أطعمة للإفطار لا ترفع مستوى السكر في الدم الموسياب يبدع ويقسو على الأمل بثلاثية نظيفة الرابطة والتوفيقية يتعادلان في مباراة الأحداث المثيرة الهلال ينفرد بصدارة الدوري الرواندي وزير التعليم العالي السوداني: العودة إلى الدراسة خطوة استراتيجية ضياء الدين بلال يكتب: قوش وآخرون... جرد حساب! رويترز تنشر تقريراً استقصائياً حول إنشاء معسكرات لمليشيا الدعم السريع باثيوبيا عاطف حسن يكتب: بنك الخرطوم.. اعتذارك ماااااا بفيدك .. !! شاهد بالصور.. زواج شاب سوداني من فتاة "صينية" مسلمة ومطربة الحفل تكتب: (جمعتهما لغة الحب والدين الاسلامي الحنيف لمدة 14 عام) بالصورة.. أمر قبض في مواجهة الشيخ محمد مصطفى عبد القادر.. ما هي الأسباب!! شاهد.. مقطع فيديو نادر للحرس الشخصي لقائد الدعم السريع وزوج الحسناء أمول المنير يظهر فيه وهو يتجول بحذر قبل ساعات من اغتياله شاهد بالفيديو.. جمهور ولاعبو أم مغد الكاملين يحملون مدرب الفريق على الأعناق احتفالاً بالتأهل لدوري النخبة: (جندي معانا ما همانا) ارتفاع وارد الذرة واستقرار أسعار السمسم في بورصة محاصيل القضارف اللواء الركن (م) أسامة محمد أحمد عبد السلام يكتب: البغلة في إبريق (شيخ اللمين) الدولار يواصل التراجع أمام الجنيه فى منتصف تعاملات اليوم آبل تستعد لأكبر تغيير فى تصميم آيفون منذ سنوات مع iPhone 18 Pro دعوى ضد ميتا ويوتيوب بشأن إدمان الأطفال للتطبيقات أسباب ارتعاش العين وطرق العلاج درة تكشف عن دورها فى مسلسل "على كلاى".. شخصية مركبة ومعقدة مسؤول سوداني يغادر إلى تركيا السودان.. وزير الشباب والرياضة يصدر قرارًا وزير المعادن: السودان ينتقل من تعدين الذهب إلى عصر المعادن الاستراتيجية والطاقة النظيفة دوري أبطال أفريقيا يشتعل.. 3 أندية تتأهل رسميًا وصراع مفتوح على 5 بطاقات ارتفاع في وارد المحاصيل الزراعية بسوق القضارف بإطلالة نارية وقرد صغير.. رامز جلال يلمح لمقالبه في رمضان عثمان ميرغني يكتب: كبري الحلفايا... شاهد بالصور.. كان في طريقه للتوقيع لفريق الخرطوم.. لاعب سوداني يتعرض لإصابة نتيجة انفجار "دانة" تسببت في بتر يده ورجله والنادي يكرمه بعقد مدى الحياة مدير عام قوات الجمارك: لن نتهاون في حماية الوطن من سموم المخدرات والسلاح مجموعة الهلال السوداني.. صنداونز يقتنص التعادل ويبقي آمال التأهل في دوري الأبطال الأهلي يبلغ ربع نهائي أبطال أفريقيا.. والجيش الملكي يهزم يانج أفريكانز أفراد من الشرطة يلقون القبض على السائق الخاص بالقائد الميداني لمليشيا الدعم السريع "جلحة" داخل "ركشة" بحي بري هلال كوستي يدشن برامجه الثقافية بليلة ثقافية كبرى وتكريم رموز النادي والمجتمع شاهد بالفيديو.. سرقة محل مجوهرات بشارع الوادي بأم درمان وقيمة المسروقات تقدر ب(ترليون) جنيه محاولة أوكرانية جديدة لإفشال مفاوضات السلام بعيداً عن ارض المعركة رفض الزوج شراء سجائر لها فقتلته.. جريمة زوجة مصرية تثير الجدل لجنة أمن ولاية الخرطوم تؤكد المضي قدما في تنفيذ موجهات رئيس مجلس السيادة لبسط الأمن وفرض القانون ضبط اسلحة ومخدرات بكسلا حريق كبير في سوق شرق تشاد رسالة أخيرة في بريد الرئيس البرهان قبل تمرد الحركات المسلحة الدارفورية ترامب يحذر إيران: الوقت ينفد والهجوم القادم سيكون أشد مباحث الخرطوم تعلن توجيه ضربة موجعة لمافيا السيارات..إليكم التفاصيل تلفزيون السودان يستأنف البث المباشر من مقرّه الرئيسي وزير الصحة: التبغ عدو الحاضر والمستقبل و فاتورته الصحية تفوق عائداته الضريبية هل قتل السحر الأسود الإسرائيلي عبد الناصر؟.. كتاب جديد يكشف خفايا خطيرة في مصر سباق اختراق الضاحية باكورة بطولات الاتحاد العربي لألعاب القوى شركة اتصالات في السودان تعلن عن توقف خدمات "مَا حَرَّمَ إِسْرَائِيلُ عَلَى نَفْسِهِ"! أحمد الشاكر: انا أعجز عن شكر جميع الإخوة الأشقاء في المملكة العربية السعودية ترامب للإيرانيين: واصلوا الاحتجاج.. المساعدة في الطريق إليكم السودان..حصيلة صادمة بمرض شهير في ولايتين إسحق أحمد فضل الله يكتب: (حديث نفس...) "كرتي والكلاب".. ومأساة شعب!

شكرا على الإبلاغ!

سيتم حجب هذه الصورة تلقائيا عندما يتم الإبلاغ عنها من طرف عدة أشخاص.

ذكروني ايام الكورة بيلعبوها في (حوش العمدة) وبتمها (شيخ الخفر)…

كورة سودانية نشر في كورة سودانية يوم 30 - 07 - 2016

دق الدلجة
محمد عبدالماجد
ذكروني ايام الكورة بيلعبوها في (حوش العمدة) وبتمها (شيخ الخفر)…
○ من رأسي :
سيحة شكلو كدا ما بنتظر ليكم يوم (الجمعة) يمكن يظهر ليكم يوم (الاتنين).
سيحة ما بيصبر ليكم لي يوم الجمعة.
يلا يا سيحة ورينا شطارتك شابكنا السنة كلها ضربة الجزاء (حالة تقديرية) للحكم …ما تسحب كلامك دا وتشيل لينا (تقديرية) من قاموس الفيفا.
○ من كراسي :
(لست صوفياً، إلا إذا كان تعلُّقِي بالأشياء واستغراقي فيها، حتى أنسى نفسي أحياناً؛ تصوفاً).
محمد المهدي المجذوب في حوار صحفي
اعتقد فريق الاهلي مدني ان (الضرب والعك والشلاليت) يمكن ان تحقق نتيجة امام الهلال.
ديل لسه بتعاملوا مع المطر (افور) شوية.
حرّشوهم ..وما حفظوهم (جدول تلاتة) كويس – عشان كدا عاوزين يكحلوها قاموا عموها.
دخل لاعبو الاهلي مدني وجهازهم الفني ومجلس ادارتهم للمباراة بعقلية سنة 1909م.
شماريخ وضربات جزاء واعتداء على (مكسيم) وفليق ..وشلاليت وخبط.
عقلية سنة 1909م.
ايام الكورة بيلعبوها في (حوش العمدة).
ووقت (التقسيمة) تكون ناقصه بتموها بي اقرب (شيخ خفر).
يدخل المباراة بي (بندقيته).
زمن الكورة وقت يطفشوها اللاعبون بيقعدوا في الواطة ترتاح شوية الى ان يجيبوا الكورة تاني.
كورة شيخ الخفر.. يضرب ويرفس ويكاتل ووقت الحكم يحسب عليهم (مخالفة) يقوم (العمدة) يشيل (الكورة) ويطلع.
الكورة حقتو.
الاطفال وقت يكونوا بيلعبوا ليهم مع (طفل) في حوش بيته ..الحوش حوشهم ..والكورة كورتهم ..بقوموا يحاولوا اصلو ما يزعلوه.
اي حاجة يقولها ..يقولوا ليه كلامك صاح.
واي مخالفة تحتسب ضد صاحب الكورة والحوش ..بقوم (سيد الكورة) يشيل الكورة ويقول ما عاوز.
لو حسبوا عليه (ضربة جزاء) يقول عاوز كورتو.
لو طردوا منو لاعب يقول عاوز كورتو.
لو حسبوا ضده ضربة ركنية يقول عاوز كورتو.
لو حسبوا عليه (جدعة تماس) ساكت ..يقوم يشيل كورتو ويطلع.
ويعمل فيها زعلان.
شغل بتاع (عنقالة) بس.
ناس الاهلي مدني معقولة هم في مدني حاضرة الجزيرة – لغاية الآن بيلعبوا الكورة بهذه العقلية.
الجزيرة بلد الفن والثقافة والرياضة كورتها بقت (اضرب واخبط).
مدني ارض (المحنة) بقت بالقسوة دي.
دي عقلية سنة 1909م ذاتها.
كورة همباتة.
ضرب.
ودم للركب.
وما عاوزين.
ما عاوزين لكن بتحلكم.
نحن قدركم…
نحن ندكم..
شوفوا القدركم منو؟.
من سنة 1997 الاهلي ما غلب الهلال ..الجده عليكم شنو؟.
كورتكم دي ألعبوها مع مريخ كوستي.
مع نيل شندي.
ممكن.
عاوزين تلعبوها مع (الهلال).
مع سيد البلد.
حكاية (سيد الاتيام) دي طبقوها بعيد مننا.
طبقوها مع مريخ الفاشر.
مع الاهلي الخرطوم.
مع الهلال ما بتنفع ولا بتجيب ليها حاجة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
فريق سنة في الممتاز وسنة تحت.
سنة بيلعب فوق.
وسنة في الدرجة التانية.
عاوزين تغلبوا الهلال بالطريقة دي …(تلخبطوا الكورة) وتسوطوها.
ألعبوا كورتكم بس ..فوزوا عديل ..ما في زول بقول حاجة.
لكن بالطريقة دي (الغزالة) واو ما بتغلبوها.
مساكين ..مفتكرين (الارهاب) ممكن يجيب حاجة مع الهلال.
الشلاليت ..والكورة الفي السماء.
والخبط والاحتجاج…والانسحاب.
جماعتكم من (المساء) حولوها (عصر) عشان يأخدوا رأحتهم في (الخبط).
العنقالة ما عارفين (الشفوت) ديل ..بشيلوا نقاطهم من (الملعب).
لا قاعدين يجروا.
ولا قاعدين يحققوا ليهم انتصار في (مكتب).
ما قاعد نجيب لينا (نقطة) بي لجنة استئنافات.
بنجيب نقاطنا من عصر بدري.
لا سمير فضل.
ولا اسامة عطا المنان.
تلعبوها مساء.
تلعبوها صباح.
تلعبوها عصر.
بنطبق نقاطنا ونجي راجعين.
ناسنا ديل (شفوت) وعارفين اي حاجة ..وما برهبوهم ب (الكع) و (اللبع) والضرب تحت الركب.
بنقعد نلعب كدا ..قدر الكورة ما تعاند وتكاجر ..ما بنقيف.
ولا بنقوم جاريين.
ولا بنقول ما عاوزين.
ناس الاهلي مدني ..بيلعبوا كورة..كورة بتاعة (حواشات البصل) …الكراع تلقاها في خشمك.
والبونية في نخرتك.
وصرتك في جبهتك.
مساكين.
مفتكرين – النتائج تحقق بهذه الطريقة.
فاكرينها بجيبوها (العنقالة) كدا.
قلع.
وحمرة عين.
لا في قوانين.
ولا في حكم.
ولا في فيفا.
انتوا وين؟.
الناس ديل يكونوا قالوا ليهم البلد دي ما فيها اتحاد كورة.
ويكونوا قالوا ليهم (الوزير) تدخل.
والحكاية فكت.
وبقت فوضى ساكت.
يكونوا سمعوا ب (الفساد) دا ..قالوا نقلع نقاطنا قلع.
فاكرنها (مهدية).
قايلنها سايبه.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
معقولة في ناس شغالة لي وقتنا دا بي قوانين الكورة زمن (الكورنر) كان ما بيحسبوه.
زمن المهاجم بيدخل المباراة بي شوال بصل.
زمن (الحارس) بقول ما بيلعب يقوم رئيس النادي بي جلالة قدرو يقول ما عاوز.
اول مرة اشوف لي رئيس نادي كلمتو عند حارس المرمي.
رئيس نادي ضعيف ..بحركو (حارس مرمى).
نحن حارس المرمي في المدرسة ما كان عندو كلمة.
انتوا يا ناس اهلي مدني رئيس ناديكم كلمتو عند حارس المرمى.
اول مرة اشوف لي رئيس نادي (مشجع) ساكت.
بنزل من المقصورة وبيسحب الاولاد وهو العاقل فيهم.
انت الكبير.
انت العاقل.
زولكم طلع (اهوج) من نادر عطا وعوض ابكر الطردوهم من الملعب.
ليكم انتوا يا ناس الاهلي مدني وللناس التانين.
وللاندية الفاكرة (الضرب) بجيب حاجة.
نقول ليهم ونقول للاهلي مدني شوفوا المحصلة شنو؟.
7 كروت صفراء او 8 ..او عشرة (ما تحسب).
وكرتين حمر..(اتنين حالة طرد).
اخرتها كدا.
تقول لاعبين في (حلبة مصارعة).
وضربتين جزاء.
وانسحاب من المباراة.
واعتبار الهلال فائزا 2 / صفر.
وعقوبة.
وشيلة حال.
وفضيحة.
وجرية من الملعب.
جروا بي رئيسهم.
لو لعبتوا كورتكم ..كان يمكن تغلبوا الهلال زي ما هلال الابيض غلب الهلال في استاده.
ما قلنا اي حاجة.
باركنا للهلال الابيض ..وقلنا الفريق كان بيستحق الانتصار.
الاهلي مدني امس فقد نصف فريقه ..اضافة لفقده لنقاط المباراة.
عملتوا شنو يعني؟.
كسبتو شنو من (الفلوجة) العاوزين تعملوها لينا في مدني.
احداث هذه المباراة يمكن تنزلكم من الدوري.
تمشوا (الليغ) عديل كدا.
اللعنة ح تصيبكم.
تلحقوا جزيرة الفيل والنيل الحصاحيصا والاتحاد مدني.
المباريات القادمة سوف يفقد فيها الاهلي مدني نادر عطا وعوض ابكر ..(عملتوا شنو يعني؟).
ويمكن تفقدوا (حارس المرمي).
ورئيس النادي (شخصيا).
رئيس تقول في فيلم هندي.
تقول في ملجة.
الاهلي مدني سوف يفقد تلات ارباع لاعبي الفريق بسبب العقوبات التى سوف تفرض عليهم والكروت الملونة التى نالوها في المباراة.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
مدرب الهلال بلاتشي عشان زول واعي وبعرف يتعامل مع المباراة عندما شعر بانفعال (اطهر الطاهر) سحبو من الملعب.
اخرجوا قبل انتهاء الشوط الاول خوفا عليه من الطرد.
في الوقت الذي كان فيه مجلس ادارة نادي الاهلي برئيسه والجهاز الفني بيشحنوا في اللاعبين وبحرشوا فيهم بالموبايلات والمكالمات الخارجية.
ديل سحبوهم من الملعب.
يعني عاجبكم (الجري) دا.
ال (90) دقيقة تشلتوا في لاعبي الهلال ..كان تصبروا وتكملوا شلاليتكم 5 دقائق اضافية.
المباراة دي لو كانت في (الملاكمة) كنا قلنا ليكم (مبروك).
لو كانت في (المصارعة الحرة) كنا قلنا ليكم (مبروك).
والله لو كانت في (الجري) كنا قلنا ليكم حقتتوا (جرية) عالمية.
لكن المباراة كانت في كورة القدم.
لا كورة يد.
ولا طايرة.
ولا سلة.
………….
و
الحمدلله ان الهلال عاد بالنقاط الثلاثة.
مع كل هذا التحريش والقتال والضرب – في النهاية الهلال عاد بالنقاط الثلاثة.
اقلبوا الصفحة دي.
وافتحوا الصفحة التانية.
قطار الهلال ما بقيف.
تبقى المهمة القادمة في شندي.
ما ح نقول مهمة صعبة ولا حاجة.
مباراة اكتر من عادية.
بنقول الهلال قادر ان شاءالله يفوز في شندي ويعود بالنقاط الثلاثة زي ما عاد بيها من نيالا ومدني.
الدور على (شندي).
يلا شوفوا عاوزين ياتو اسلوب.
اسلوب مريخ نيالا (كورة بس).
وإلّا اسلوب الاهلي مدني (شلاليت بس).
وفي الحالتين ..وبي الطريقتين الهلال انتصر.
ولا بنقيف تاني.
و
(ونحن عايشين والحمدلله (النفس) بينزل ويطلع إلى الآن..ولا ينقصنا شيء سوى رؤياكم الغالية).
……….
السيدة (ل) – اول مرة اشوف لي (عيون) زي حواشة القمح.

حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore

انقر هنا لقراءة الخبر من مصدره.